Америкт кибер халдлага гурав дахин нэмэгдсэн

Үнэлэх
(0 үнэлгээ)

Сүүлийн гурван жилийн хугацаанд Америкийн компаниудын компьютерын системд кибер халдлага үйлдэх нь гурав дахин нэмэгдсэн гэж Мичиган хотын судалгааны "Понемон" /Ponemon/ компани болон компьютерын техник үйлдвэрлэгч томоохон компани болох "Хьюлетт-Паккард" /Hewlett-Packard/-ын хамтран бэлтгэсэн илтгэлд дурджээ.

    "Америкийн компаниудын эсрэг үйлдэж буй кибер халдлагын тоо сүүлийн гурван жилийн хугацаанд гурав дахин нэмэгдэж, үүнээс учирсан санхүүгийн хохирлын хэмжээ 40 орчим хувиар өссөн" гэж даваа гарагт нийтлэгдсэн илтгэлд дурдсан байна.

    Судлаачдын мэдээлж байгаагаар, халдлагыг ихэвчлэн вирустай программыг мэдээллийн системд "халдварлуулах", DDoS-ийг ашиглан мэдээллийн системд нэвтрэх, DDoS халдлага, хувь хүний мэдээллийг хулгайлах, компаниудын ажилтнуудын эсрэг чиглэгдсэн ажиллагаа явуулах гэх зэргээр үйлддэг ажээ. Энэ онд "амжилттай" үйлдсэн халдлага дунджаар 100 орчим бүртгэгдсэн бол өнгөрсөн онд 70 орчим, харин хоёр жилийн өмнө 50 халдлага бүртгэгдэж байв. Кибер халдлагад өртсөн компаниудын ажилтнуудын дунд санал асуулга явуулахад, энэ онд хакерын халдлага бүрээс учирсан дундаж хохирлын хэмжээ 8,9 сая доллар байсан нь 2011 оныхоос 6 хувиар, 2010 оныхоос 38 хувиар өссөн үзүүлэлт гэнэ.

    Илтгэлд дурдсанаар, Америкийн пүүс компаниудад халдлагад өртсөн мэдээллийн системээ сэргээхэд дунджаар 24 өдөр зарцуулах шаардлагатай байдаг. Зарим үед үүнд 50 хүртэл хоног зарцуулах тохиолдол гарч байжээ.


Д.Жаргал

Нийтэлсэн: 2012-10-10 11:25:16
Нийтэд түгээх

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.