Ц.Мөнх-Оргил 7-р сарын 1-ны “өрөө” Ч.Амарболдод төлөв үү ...?

Үнэлэх
(1 үнэлгээ)

Гадаадад суух нэгэн консулыг томилох томилгоо ингэж олны анхаарлыг татаж байсан удаагүй. ГХ-ийн сайд Ц.Мөнх-Оргилын хийхээр төлөвлөж байгаа гэх томилгоо нь олон нийтийн тэр тусмаа аймшигт  7-р сарын 1-ны хохирогчдын ар гэрийхний уур хилэнг хөдөлгөжээ. Энэ тухайд “Хохирогчдын эрх ашгийг хамгаалах шударга төв”-ийн тэргүүн Х.Оюунцэцэг, долоодугаар сарын 1-ний хохирогчдын холбооны тэргүүн Ц.Энхбаяр нарын Монгол Улсаас Их Британи, Умард Ирландын Нэгдсэн Вант Улсад суугаа Элчин сайд С.Баяр, Шведийн Вант Улсад суугаа Элчин сайд М.Энхсайхан нарыг эргүүлэн татах асуудлаар мэдээлэл хийлээ. Энэ үеэр элчин сайд нараас дутахгүй нэгэн хүн яригдсан нь таван хүний амь насыг хөнөөсөн хэргээр ял эдэлсэн Ч.Амарболд байлаа.

“Хохирогчдын эрх ашгийг хамгаалах шударга төв”-ийн тэргүүн Х.Оюунцэцэг “Гадаад хэргийн сайд Ц.Мөнх-Оргил Ерөнхий сайд асан С.Баярыг Лондонд элчин сайдаар, Тагнуулын ерөнхий газрын дарга асан Р.Болдыг Туркт элчин сайдаар явуулсан. Харин одоо БНХАУ-ын Эрээн хотод консулаар өнөө маргаашгүй томилж явуулах гэж байгаа баттай мэдээлэл авлаа. Түүнийг томилох зөвшөөрөл хүссэн албан бичиг надад байна. Энэ асуудлыг Ерөнхийлөгч анхааралдаа авч Үндсэн хуулиар олгосон эрхийнхээ хүрээнд Ч.Амарболдын томилгоог -зогсоох ёстой” гэдгийг мэдэгдсэн. 7-р сарын 1-ны хэргээр томчуудаас ганцхан хүн ял эдэлсэн нь Ч.Амарболд юм. Үүний цаана тухайн үед Хууль зүйн сайд байсан Ц.Мөнх-Оргил сугарч үлдсэн. Өдгөө хэрэг даасан хүндээ консулын албан тушаалаар “өрөө” төлж байна гэх хардлагыг үүсгэжээ. Ц.Мөнх-Оргилын энэ томилгоо МАН дотор ч хэл ам үүсгэжээ. Уг нь ДБҮААГ-ын дарга, хятад хэлтэй хэмээн “мисс” Ё.Нямжавыг тавихаар яригдаж байсан.

 

Word.mn

Нийтэлсэн: 2017-07-27 12:38:40
Нийтэд түгээх

Нийт сэтгэгдэл: 3

  • Зочин

    МАН үүгээрээ аруурчин хулгайч луйварчин нарын нам гэдгээ тод харуулаж байна

    иргэн иргэд 2017-09-17 01:14:16     103.10.23.114          (1)       (0)
  • Зочин

    25 ямааны хэргээ санаж байгаа юу Амарболдоо

    Зочин 2017-10-30 22:58:18     150.129.141.40          (0)       (0)
  • Зочин

    Алуурчин ялтан Амарболд

    Зочин 2017-12-08 02:09:29     150.129.140.141          (0)       (0)

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Ойролцоо мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.