Бүх цэргийн наадамд Т.Дүгэрдорж түрүүллээ

Үнэлэх
(0 үнэлгээ)

 "Бүх цэргийн наадам"-ын бөхийн барилдаанд 256 бөх уран мэх уралдуулан, хүчийг үзэн барилдсанаас Завхан аймгийн Отгон сумын харьяат, цэргийн харцага Т.Дүгэрдорж 8 даван түрүүлж, цэргийн арслан цол хүртлээ.


Монголын үндэсний бөхийн холбоо /МҮБХ/, “Алдар” спорт хороо хамтран жил бүр зохион байгуулдаг Цэргийн наадмын дэвжээнд Өвөрхангай аймгийн Зүүнбаян-Улаан сумын харьяат, аралтай, бяртай арслан Б.Цэдэнсодном дайчин барилдаж үзүүрлэн "Жавхлант" чимэг нэмсэн байна.


Их шөвөгт шалгарсан Завхан аймгийн Баянтэс сумын харьяат, уран барилдаант арслан Ш.Пүрэвгарьд "Хичээнгүй" чимэг нэмж, Архангай аймгийн Хайрхан сумын харьяат, аймгийн нэмэх начин "Өндөр" хэмээх О.Мөнх-Эрдэнэ цэргийн харцага цол хүртлээ.


Их шөвгийн дөрвөн бөх Алдар спорт хорооны бөхчүүд байв. Дунд шөвгийн наймд шалгарсан Булган аймгийн харьяат, хурц арслан Ө.Сүхбат, аймгийн арслан Х.Цогтгэрэл нар "Нэмэх" чимэг нэмж, Увс аймгийн харьяат сумын заан Э.Мөнх-Эрдэнэ /Н.Батсуурь аваргын удмын бөх/, сумын заан Т.Батсүрэн нар цэргийн начин цолны эзэд болжээ.

Нийтэлсэн: 2019-06-10 10:13:41
Нийтэд түгээх

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Ойролцоо мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.