“ДЦС-IV” ТӨХК-ИЙН ТУРБОГЕНЕРАТОР №1-4-ИЙГ ШИНЭЧЛЭХ ТӨСӨЛ АМЖИЛТТАЙ ХЭРЭГЖИЖ БАЙНА

Үнэлэх
(0 үнэлгээ)

 Монгол Улсын Засгийн газрын 2018 оны 01 дүгээр сарын 3-ны өдрийн 01 тоот тогтоол, Монгол Улсын үндэсний аюулгүй байдлын зөвлөлийн 2018 оны 06 дугаар сарын 14-ний 32/20 тоот зөвлөмжийн дагуу “ДЦС-IV”ТӨХК-ийн турбогенератор №1-4-ийг шинэчлэх шийдвэр гарсан. Төслийг хоёр үе шаттайгаар хэрэгжүүлнэ. Эхний үе шатанд буюу 2019 онд турбогенератор №1, 4-ийг шинэчлэхээр, 2020 онд№2,3-ийг шинэчилж, ашиглалтад өгөх юм. “ДЦС-IV”ТӨХК-ийн турбогенератор №1-4-ийг шинэчлэх төслийн үр дүнд станцын суурилагдсан хүчин чадал, цахилгаанаар 89 МВт, дулаанаар 72 Гкал/цаг-аар нэмэгдэнэ.

Турбогенератор №4-ийн шинэчлэлтийн ажил амжилттай дуусч, өнөөдөр ажиллагаанд залгагдаж байна. Турбогенератор №4 ашиглалтад орсноор:

  • Турбины ажиллах нөөц 220 мян.цаг, турбиныг явуулах тоо 600 болж шинэчлэгдэнэ;
  • Тоноглолын нэгж хүчин чадал 20-23 МВт-аар нэмэгдэнэ;
  • Турбины дулаанжуулалтын ачаалал 13-35 Гкал/цаг-аар нэмэгдэнэ;
  • Турбины ашигт үйлийн коффициент /АҮК/ 3%-аар нэмэгдэнэ;
  • Хүчин чадал хязгаарлаж ажиллах шаардлагагагүй болно;

Турбогенератор №4-ийн эргэлт өгөх, туршилт эхлүүлэх ёслолын ажиллагаанд Монгол Улсын Шадар сайд Ө.Энхтүвшин, ОХУ-ын шадар сайд А.В.Гордеев, Эрчим хүчний сайд Ц.Даваасүрэн, нарын албаны хүмүүс оролцов. Эрчим хүчний сайд Ц.Даваасүрэн “Монгол Улсын эрчим хүчний хэрэглээ жил бүр 60-80МВт-аар өсч байна. Шинээр ажиллах турбогенератор энэ хэрэглээний 50 хувийг хангана. Ирэх 2020 онд дөрвөн турбогенератороо бүрэн ашиглалтад оруулвал 90МВт-аар нэмэгдэх юм” гэлээ. 

Төслийн хүрээнд ОХУ-аас 30 мэргэжилтэн, Украйн Улсын 73 угсрагч, дотоодын 4 компанийн 35 нийт 140 гаруй хүн уг төсөлд ажиллаж байна.

Нийтэлсэн: 2019-09-05 09:54:15
Нийтэд түгээх

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Ойролцоо мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.