“Миний аав, ээжийн ажил- миний бахархал” гар зургийн уралдаан зарлагдлаа

Үнэлэх
(0 үнэлгээ)

 

 

Монголын Залуучуудын Холбооны салбар холбоо болох “ДЦС-4” ТӨХК-ийн Залуучуудын холбооноос жил бүрийн 5-р сарын 15-ны “Дэлхийн гэр бүлийн өдөрлөг”-ийг уламжлал болгон зохион байгуулдаг билээ. Энэ жил COVID-19 цар тахалтай холбогдуулан станцын ажилчдын хүүхдүүдийг гэрээсээ Аав, Ээжийнхээ ажлын онцлог харуулсан “МИНИЙ ААВ, ЭЭЖИЙН АЖИЛ-МИНИЙ БАХАРХАЛ” сэдэвт гар зургийн уралдаан зохион байгуулахаар болсон байна. Энэхүү гар зургийн уралдаанаар аав ээжийнхээ ажлын байрны онцлог, хүүхдийн бүтээлч сэтгэлгээг хөгжүүлэх, ажилчдын гэр бүлийнхэнд станцыг таниулахад зорилготой юм байна. Уралдаан 4-6, 7-9, 10-12 гэсэн гурван насны ангилалаар явагдах бөгөөд энэ сарын 11-15-ны өдрүүдэд бүтээлээ хүлээн авах юм.

 Уралдаанд бүтээлээ ирүүлэхдээ:

-          Сонгосон сэдвийн агуулгад нийцсэн байх

-          Гар зургийг А4 хэмжээтэй цаасан дээр бүх төрлийн будаг харандааг ашиглан зурна

-          Зөвхөн өөрийн уран сэтгэмжээр зурна

-          Уралдаанд оролцож байгаа хүүхэд эцэг эхийн овог нэр, ажилладаг харьяалал бүх танилцуулгыг дэлгэрэнгүй ирүүлэх юм байна.

Уралдаанд оролцож байгаа бүх бүтээлийг Монголын Залуучуудын Холбооны пэйж хуудсаар дамжуулан олон нийтэд хүргэх аж.

Дэлгэрэнгүй мэдээллийг

90078877, 99042532 утсаар авах юм байна.

Нийтэлсэн: 2020-05-07 17:40:35
Нийтэд түгээх

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Ойролцоо мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.