Коронавируст халдвараас сэргийлэх зөвлөмж

Үнэлэх
(0 үнэлгээ)

 Гараа савандаж сайтар угаах нь коронавируст халдвар болон олон төрлийн халдварт өвчнөөс сэргийлнэ. Бохир гараа ам, хамар, нүдэндээ хүргэх, бусадтай гар барих, биед нь хүрэх зэрэг нь халдварт өртөх эрсдэлийг үүсгэдэг. Гарын ариун цэврийг сахиснаар олон төрлийн халдварт өвчнөөс сэргийлнэ. Тиймээс гараа сайтар савандаж угаах эсвэл спиртэн суурьтай гар халдваргүйжүүлэгч хэрэглэхийг Эрүүл мэндийн яамнаас зөвлөж байна.

  • Бохир гараа ам, хамар, нүдэндээ хүргэхгүй, нухахгүй байх
  • Халуун, бүлээн шингэн ихээр уух
  • Өглөө, оройд сод, давс, сармис, царвангийн уусмалын аль нэгээр хамар, хоолойг зайлах
  • Түүхий ус уухгүй байх
  • Олон хүн цугларсан газраар явахгүй байх
  • Ханиаж, найтааж байгаа хүнээс хол байх
  • Амны хаалт хэрэглэх
  • Бусадтай гар барих, үнсэхээс зайлсхийх
  • Нус цэрээ ил задгай хаяхгүй байх
  • Гадуур явахдаа бээлий өмсөх
  • Бухимдахгүй тайван байх

Гараа хэзээ угаах вэ?

• Гаднаас орж ирээд • Хоол хийхийн өмнө • Хоол идэхийн өмнө • Хүүхдээ хооллох, хөхүүлэхийн өмнө • Хүүхдээ хуурайлсны дараа • Бие зассаны дараа • Амьтанд хүрсний дараа • Нусаа нийсний дараа • Амны хаалт зүүхийн өмнө, тайлсны дараа • Бохирдох бүрт

Гараа хэрхэн угаах вэ?

• Гараа усаар норгож, савандах • Сайтар үрж хөөсрүүлээд гарын алга, ар тал, хурууны салаа, хумсны завсар зэргийг сайтар үрэх • Усаар сайтар зайлах • Цэвэр алчуур, эсвэл хатаагчаар хатаах • Өрх гэрийн гишүүд тус тусдаа гар нүүрийн алчууртай байх

 
Нийтэлсэн: 2020-05-25 10:10:18
Нийтэд түгээх

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Ойролцоо мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.