Нэг хот-нэг стандарт болзолт уралдаанд түрүүлсэн хэсгийн ахлагч нарт шагнал гардууллаа

Үнэлэх
(0 үнэлгээ)

 

Нийслэлийн Засаг даргын А/1343 дугаар захирамжаар “Нэг хот-Нэг стандарт” болзолт уралдааныг зарласан. Тус уралдаанд хариуцлагатай, идэвхтэй оролцсон хороо, хэсгийн ахлагч нар өнөөдөр шагналаа гардан авлаа.Нийслэлийн Засаг даргын Хүний хөгжил, нийгмийн бодлогын асуудал хариуцсан орлогч Ш.Анхмаа Баянгол дүүргийн 7 дугаар хороо, 22 дугаар хорооны хэсгийн ахлагчийн баг болон Чингэлтэй дүүргийн 7, 12 дугаар хороод, 14, 15 дугаар хэсгийн ахлагч нарын багт гурван сая хүртэлх төгрөгийн мөнгөн урамшуулал олголоо.

Түүнчлэн шагнал авсан хороодод Нийслэлийн Засаг даргын Тамгын газраас 3000 орчим нэг удаагийн амны хаалтыг өгсөн. Энэ үеэр Азийн Хөгжлийн Банкнаас Орон нутгийн хөгжлийн сангийн санхүүжилтээр хийгдэх ажлын саналд идэвхтэй оролцсон дүүрэг тус бүрээс нэг хороонд нэг сая төгрөгийн дэмжлэг үзүүлэв.

“Нэг хот-Нэг стандарт” болзолт уралдааны зорилго нь дүүрэг, хороодын албан хаагч, хэсгийн ахлагч нарын олон улсын болон үндэсний стандарт, норм, дүрмийн талаарх мэдлэг, ойлголтыг бэхжүүлэх замаар хотын стандарт, норм, дүрэм хэм хэмжээ мөрдүүлэхэд дүүрэг, хороодын Засаг  дарга, хэсгийн ахлагч нарын оролцоог нэмэгдүүлэх, идэвх санаачилгыг өрнүүлэх, нийслэлийн нутаг дэвсгэрт үйл ажиллагаа явуулж буй аж ахуйн нэгж, хуулийн этгээдийн үйл ажиллагаанд стандарт, холбогдох хууль тогтоомж, норм,  дүрэм, хэм хэмжээг мөрдүүлэх, стандарт, хяналтын тогтолцоог сайжруулах, ажлын шинэ санал санаачилгыг дэмжих замаар иргэдийн эрүүл аюулгүй орчинд ажиллаж амьдрах нөхцөлийг бүрдүүлэхэд оршиж байв.

Мөн тус уралдааны хүрээнд албан хаагчдын мэдлэг ойлголтыг нэмэгдүүлэх, чадваржуулах зорилгоор хороо бүрийн төлөөлөл болох 350 хэсгийн ахлагч, 171 хорооны зохион байгуулагч, 171 хорооны Засаг дарга, дүүргүүдийн 105 удирдах албан тушаалтан, нутгийн захиргааны байгууллагуудын 60 удирдах албан тушаалтанд 52 удаагийн сургалтыг ажлын байран дээр нь зохион байгуулж, 232 төрлийн зөрчлийн хэрхэн таних, илрүүлэх талаар цахим гарын авлага боловсруулж хороодын албан хаагч, хэсгийн ахлагч нарт хүргэж ажилласан билээ.

Түүнчлэн Монгол Улсын Засгийн газраас Шинэ коронавирусын халдвараас урьдчилан сэргийлэх, бэлэн байдлыг хангах зорилгоор өндөржүүлсэн бэлэн байдлын зэрэгт хэсэгчлэн шилжүүлсэнтэй холбогдуулан тус уралдаанд өөрчлөлт орж, хороод, хэсгийн ахлагч нар зөрчил илрүүлэх, мэдээлэх, стандарт, норм, дүрэм, хэм хэмжээг мөрдүүлэх, арилгах, хяналтын тогтолцоог сайжруулах чиглэлээр ажилласан юм. Тухайлбал: Түүхий нүүрс, угаарын хий болон шинэ төрлийн коронавирусийн халдвараас урьдчилан сэргийлэхээр тандалт, хяналт хийсэн юм.

Нийслэлийн ЗДТГ-ын Хэвлэл мэдээлэлтэй харилцах хэлтэс 

Нийтэлсэн: 2020-05-30 10:12:42
Нийтэд түгээх

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Ойролцоо мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.