НДЕГ-т хадгалагдаж байсан 13 сая цаасан баримт бичгийг цахимд шилжүүлжээ

Үнэлэх
(0 үнэлгээ)

 ​

Нийгмийн даатгалын баримт материалуудыг цахим сүлжээнд оруулах ажил явагдаж байна. Ингэснээр 1995 онд Нийгмийн даатгалын тухай хууль батлагдсанаас хойш НДЕГ-т цугларсан 13 сая цаасан баримт бичгийг цахимжуулан ашиглаж эхэлжээ. Цахимд шилжсэнээр тэтгэвэр тогтоолгоход 1995 оноос хойш хөдөлмөр эрхэлсэн баримтыг тухайн үед ажиллаж байсан аймаг, сум, баг хороогоор явахгүй өөрийн оршин суугаа Нийгмийн даатгалын хэлтэст хандан цахимаар лавлагаа авах боломж бүрдсэн байна.  Одоо 1995 оноос өмнөх баримтуудыг цахимд шилжүүлэх бөгөөд энэ чиглэлээр Архивын ерөнхий газартай хамтарч, аймаг, сум, орон нутагт хадгалагдаж буй цаасан архивыг цахимжуулснаар улсын хэмжээний цогц цахим архив үүснэ хэмээн ХНХ-ын сайд А.Ариунзаяа мэдээллээ. 

Мөн сайн дурын даатгалын гэрээг гар утасны апликэйшн, НДЕГ-ын цахим хуудсаар нэвтрэн байгуулах боломжийг бүрдүүлсэн. Ингэснээр иргэн Нийгмийн даатгалын хэлтэст очихгүйгээр сайн дурын даатгалыг гэрээ байгуулах, хугацааг сунгах, төлбөрөө төлөх боломж бүрдсэн бөгөөд Монголдоо төдийгүй гадаадад байгаа иргэд Нийгмийн даатгалд сайн дураар хамрагдах боломж бүрдэж буй юм. Гадаадад байгаа иргэд Монголд байгаа аль нэг банкны дансаар дамжуулан төлбөрөө шилжүүлнэ. 

Нийтэлсэн: 2020-10-13 08:44:40
Нийтэд түгээх

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Ойролцоо мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.