Налайх дүүрэгт боом гарчээ

Үнэлэх
(0 үнэлгээ)

Нийслэлийн Налайх дүүргийн V хорооны нутаг, “Бүс нуурын хойд энгэр” гэдэг газар зусч байгаа Төв аймгийн Эрдэнэ сумын III багийн малчин Даваахүүгийн үнээ одорхой бус шалтгаанаар хорогдсон байна. Улмаар тус  хорооны “Бөх-Мо” хувийн мал эмнэлгийн эмч нар үзлэг хийж,  дээж аван Улсын мал эмнэлэг ариун цэврийн төв лабораторид хүргүүлжээ. Шинжилгээний урьдчилсан хариу гарч хүн, мал, амьтны халдварт боом өвчний халдварын улмаас хорогдсон  болохыг тогтоосон бөгөөд эцсийн хариу энэ сарын 25-нд гарах аж.

Үүнтэй холбогдуулан Улсын Онцгой комиссын дарга, Монгол Улсын Шадар сайд М.Энхболд өнөөдөр Улсын Онцгой комиссыг зарлан хуралдуулж, цагийн байдлыг хэлэлцэн, авах арга хэмжээний талаар үүрэг өглөө.

Шинжилгээний хариу эцэслэн гараагүй хэдий ч хязгаарлалтын дэглэм тогтоож, ариутгал, халдваргүйжүүлэлт хийх ажлыг эрчимжүүлэх, өвчний голомтод эргүүл, хяналт шалгалтын хэсэг гаргах, ариутгалын цэгийг Тэрэлж, зүүн аймгууд руу явах замд өнөөдрөөс ажиллуулж эхлэхээр шийдвэрлэжээ.

Мөн гурван айлын 15 хүн, 1000 гаруй малыг дахин үзлэгт хамруулж, гартаа шарх авсан хоёр иргэнд үзлэг, шинжилгээ хийн, иргэдэд урьдчилан сэргийлэх мэдээ, мэдээлэл хүргэх болжээ. Цаашид шүлхий болон боом өвчний вакциныг цаг хугацаанд нь хийж дуусгах, халдварын голомтод байгаа айлын малыг нядлуулахгүй, сүү, цагаан идээг худалдан борлуулахгүй байхад хяналт тавих болсон байна. Дээрх гурван хот айлын малд гоц халдварт өвчнөөс сэргийлэх вакциныг долоо хоногийн өмнө хийсэн байжээ.

 

Нийтэлсэн: 2012-06-23 16:23:43
Нийтэд түгээх

Нийт сэтгэгдэл: 1

  • Зочин

    оНцгой байдлын хэлтсийн дарга хариуцлагагүй байсан учраас

    ДАВАА 2012-06-29 14:37:30     124.158.107.6          (0)       (0)

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.