Сибирийн түймрийн утааны улмаас тоосонцор эрс нэмэгджээ

Үнэлэх
(0 үнэлгээ)

 Сибирийн түймрийн утааны улмаас тоосонцор эрс нэмэгджээ

Сибирийн түймрийн утаа агаарын чанарт хэрхэн нөлөөлсөн тухай ЦУОШГ-аас мэдээлэв.

Оросын холбооны улсад гарсан ой хээрийн түймрийн утааны улмаас манай орны төвийн болон зүүн аймгуудын нутгаар утаан хөшиг энэ сарын 4-нд тогтсон. Мөн агаарын чанар муудах нөхцөл үүссэн байна. Улаанбаатар хотод байрлах агаарын чанарын хяналтын харуулуудын дүнгээс харахад агаар дахь тоосонцрын дундаж агууламж энэ сарын 4-нд 15 цагаас эхлэн эрс нэмэгдэж PM10 тоосонцрын нэг цагийн дундаж агууламж 168мкг/м3, PM2.5 тоосонцрын нэг цагийн дундаж агууламж 103мкг/м3 хүрсэн байна.

Агаарын чанарын харуулуудын хэмжилтээр PM2.5 тоосонцрын хоногийн дундаж агууламж 4-ний өдөр 38-69 мкг/м3 байсан нь өмнөх өдрөөс 4-10 дахин их байв. Хайлааст, I хороолол, Таван буудал, Баруун дөрвөн зам орчимд агаарын чанарын стандартад заасан хүлцэх агууламжаас 1-1.4 дахин давсан үзүүлэлттэй байна.

 

 

 
 
 
Нийтэлсэн: 2021-08-06 10:42:43
Нийтэд түгээх

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Ойролцоо мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.