УЛСЫН ХОЁРДУГААР ТӨВ ЭМНЭЛГИЙН ДЭРГЭД 100 ХҮҮХДИЙН ЦЭЦЭРЛЭГ НЭЭЛТЭЭ ХИЙЛЭЭ

Үнэлэх
(0 үнэлгээ)

 

Улсын II төв эмнэлгийн дэргэд 2-5 насны 4 бүлэг,  100 хүүхэд хүлээн авах хүчин чадалтай  цэцэрлэг нээлтээ хийлээ.

Тодруулбал тус эмнэлэг хуучин захиргааны байраа “Дэмжих уран харш” болон “АЙВИКО” компаниудын дэмжлэгтэйгээр засвар үйлчилгээ хийж, тохижуулжээ. Ийнхүү Баянзүрх дүүрэгт стандартын шаардлага хангасан шинэ цэцэрлэг нэгээр нэмэгдэж байна.

Тус цэцэрлэгийг нийслэлийн 50 дугаар цэцэрлэгийн удирдлага, хамт олон мэргэжил арга зүйгээр ханган ажиллах бөгөөд II эмнэлгийн ажилтан, албан хаагчдын хүүхдүүдэд зориулан үйл ажиллагаа явуулна.

Засаг даргын орлогч Г.Жаргалсайхан: “Дүүргийн хувьд сургуулийн өмнөх насны хамрагдалт 80 орчим хувьтай байдаг. Бидэнд цаашдаа сургуулийн болон цэцэрлэгийн хүртээмжийг нэмэгдүүлэх ажил бий. Үүнд тулгамдаж буй нэг асуудал бол сургууль, цэцэрлэгийн газрын асуудал байдаг. Өнөөдөр II эмнэлэг хуучин захиргааныхаа байрыг тохижуулж,  албан хаагчдынхаа нийгмийн асуудлыг шийдвэрлэх ажлыг санаачлан хэрэгжүүлж байгаа нь тун сайшаалтай ажил болж байна хэмээсэн юм.

Энэ жил Улсын Хоёрдугаар төв эмнэлэг байгуулагдсаны 90 жилийн ой тохиож байгаа бөгөөд тус эмнэлэгт 750 гаруй эмч, ажилчид ажилладаг байна.

Нийтэлсэн: 2021-10-01 10:43:33
Нийтэд түгээх

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Ойролцоо мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.