Монгол Улсын гурав дахь Ерөнхийлөгч, МАХН-ын дарга Н.Энхбаярыг хилс хэрэгт буруутган хорих анги руу хүргэснээс хойш хэвлэл мэдээллийн хуудаснаа түүнийг тойрсон үнэн худал нь үл мэдэгдэм мэдээлэл цацагдах болсон. Түүгээр ч зогсохгүй зарим нэгэн вэб сайтуудаар гэргий О.Цолмонг нь төрийн ордонд орж эрх баригчдаас нөхрөө суллахыг гуйж нулимсаа барж байгаа мэдээлэл хүртэл цацагдах болов. Бодит үнэнийг хүргэхийн тулд Н.Энхбаярын гэргий О.Цолмонтой утсаар холбогдлоо. -Сайн байна уу. Таныг эрх баригчдаас нөхрийгөө суллахыг гуйсан гэх мэдээлэл мэдээллийн сайтуудаар гарчээ. Ингэхдээ бүр төрийн ордонд нулимс унагаж аргаа барсан гэх юм? -Хэн тэгж байгаа юм. Хүнийг хүн гэж үздэггүй, санасандаа хүрэхийн тулд юу ч хийхээс буцахгүй, араатнаас ялгарахаа байсан тэр хүмүүст нулимсаа үзүүлэх нь битгий хэл барааг ч хараагүй удаж байна. Ийм зүйл бичсэн хүн захиалгаар хүний зовлонгоор худал гүтгэлэг гаргасан бол ичих хэрэгтэй. Би эх хүнээс төрсөн эмэгтэй хүн, нинжин сэтгэлтэй ээж хүн. Бас хүний хань ижил. Харин энэ мэт гүтгэлэг, захиалгаар бичдэг хүмүүс яахаараа ийм харласан дотортой болдог байна вэ. Манай хүний монгол төр, ард түмнийхээ төлөө хийсэн үйл хэргийг монголын ард түмэн мэднэ. Ямар зорилготиой хэлмэгдүүлж байгааг нь ч харсан. Ийм болохоор захиалгаар худал гүтгэлэг бичиж байгаа хүмүүс өөрсдөөсөө хүн чанараа үнэрлэж үзээсэй. -Энхбаяр даргын биеийн байдал ямархуу байгаа вэ? -Ямар байх нь тодорхой. Мэдээж сайн байна гэж юу байхав. -Тодруулга өгсөн танд баярлалаа

МАХН-ын дарга Н.Энхбаяр өчигдрөөс эхлэн өлсгөлөн зарлаж эхэлжээ. Тэрээр хэрвээ намайг дахин шоронд хорих аваас өлсгөлөн зарлана. Муу явахаар сайн үх гэсэн зарчмаар амьдарна хэмээн шүүх хурлын өмнө мэдэгдэж байсан нь ийнхүү баттай боллоо. Хорих ангийн эмч нар Н.Энхбаярын гэдэс дотрыг цэвэрлээгүй байгаа учраас өлгөлөн зарлаж байгааг нь хүлээн зөвшөөрөхгүй хэмээн мэдэгдэж байгаа ч Н.Энхбаяр өлсөөд нэг хоноод байгаа юм байна. Тэрээр эсийн хордлоготой, бие нь тун тааруу байгаа тул энэ байдлаараа 2-3 хоновол шууд үхэлд хүрэх юм байна. Энэхүү өлсгөлөнтэй холбогдуулан хорих ангийнхан Н.Энхбаяртай ар гэрийнхнийг нь болон намынхныг нь уулзуулахгүй байгаа аж.

УИХ дахь Ардчилсан намын бүлгийн ээлжит хуралдаан Төрийн ордны А танхимд болж байгаа бөгөөд УИХ-ын гишүүн Д.Арвин оролцож байна. Бүлгээр УИХ дахь Ардчилсан намын бүлгийн 2012 оны ажлын тайлан, Шүүх байгуулах тухай хуулийн /Шинэчилсэн найруулга/ болон Шүүгчийн орон тоо батлах тухай Улсын Их Хурлын тогтоолын төслүүд /хэлэлцэх эсэх/, Монгол Улсын шүүхийн тухай хуульд нэмэлт, өөрчлөлт оруулах тухай, Шүүхийн захиргааны тухай хуульд нэмэлт, өөрчлөлт оруулах тухай, Шүүгчийн эрх зүйн байдлын тухай хуульд нэмэлт, өөрчлөлт оруулах тухай, Хуульчийн эрх зүйн байдлын тухай хуульд нэмэлт, өөрчлөлт оруулах тухай, Эвлэрүүлэн зуучлалын тухай хуульд өөрчлөлт оруулах тухай, Шүүхийн тухай багц хуулийг дагаж мөрдөх журмын тухай хуулийн төслүүд /Монгол Улсын Ерөнхийлөгчөөс өргөн мэдүүлсэн, хэлэлцэх эсэхийг шийдвэрлэх юм. Мөн Зарим хуулийн төслийг хууль санаачлагчид нь буцаах тухай асуудал, бусад гэсэн асуудлыг энэ өдрийн хуралдаанаар хэлэлцэхээр төлөвлөжээ.

УИХ-ын гишүүн, Хууль зүйн сайд Х.Тэмүүжинд өнгөрсөн 10 дугаар сарын 10-нд заналхийлсэн утгатай захидал ирсэнийг тэрбээр интернэтэд цацаж байсан билээ. Захидал буцах хаяггүй боловч Төрийн ордны ард байрлах шуудангийн 46 дугаар салбараар дамжуулж, УИХ-ын гишүүн Х.Тэмүүжинд гарт нь. УБ хот БЗД Жамцаас хэмээн хаяглаж, ирүүлсэн байв. Уг захидалд Тэмүүжин новш оо. Чамайг юу хийж, хэнтэй уулзаж, хогийн амьтдаар өөрийнгөө тойруулан буруу мэдээлэл авч далдганаж байгааг алган дээрээ тавьсан юм шиг харж байгаа шүү. Тэд чамайг хамгаалж чадахгүй. Тэдний тэнэгтэж, яахаа мэдэхгүй мангартаж байх хооронд бид урьтана. Чиний амьдралыг там болгоно, ах дуу, гэр бүлийн хүмүсийг чинь толгой дараалан. Энэ бол айлган сүрдүүлэлт биш. Эр хүний хувьд, ганц олдох амьдралаа чамаар тоглуулсныхаа хувьд авч буй өшөө авалт. Чи их өндрөөс унах болно, тэнэг үйлдэл болгоны чинь шанг хүртээнэ. Бид андгайлсан, ээлж ээлжээр, хамгийн шилдэг аргаар гүйцэтгэнэ. Цагийн зүү явж байгаа шүү далдганасан новш минь. Бид олуулаа, чи ядуу, найз нөхөдгүй. Бидэнд мэдээлэл байна аа. Машинаар явж байгаад л аваар, хоол идээд л хордлого, яг хажууд чинь цаг хараад л алхаж байгаа... гэх зэргээр бичсэн байсан юм. Тэрхүү заналхийлсэн захидлыг компьютерээр шивж, УИХ-ын гишүүн Х.Тэмүүжинд гарт нь гэдэг үгийг харин дугтуйн дээр гараар дармалдан бичсэн байж. Тэгвэл Х.Тэмүүжин энэхүү заналхийлсэн захидлынхаа эзнийг олжээ. Тухайд үед түүнийг цагдаагийн байгууллагад ажиллаж байгаад бүтцийн өөрчлөлтөөр халагдсан эрхэмүүдийн нэг гэж байсан ч жинхэнэ эзэн нь ШШГЕГ-ын дарга асан М.Ганхүүгийн эхнэр гэнэ гэсэн шум өчигдрөөс нисч эхлэлээ. Тэгэхдээ бүр М.Ганхүүгийн эхнэрийг уг асуудлаар баривчлан, хорьсон гэв. Сайд нэгэн удаа ярилцлагандаа энэ захидлын эзнийг олсон тухайгаа ярьсан байна. Түүнийхээр бол тэрхүү захидлын эзэн нь эмэгтэй хүн. Тэр дундаа Төрийн ордонд ажилладаг бүсгүй юм байна. Хүүхдүүд нь цагдаад, нөхөр нь ШШГЕГ-т ажиллаж байгаад халаа сэлгээнд өртсөн нь ингэхэд хүргэсэн гэж ярьсан нь магадгүй М.Ганхүүгийн эхнэр гэсэн хардлагыг олон нийтэд дэвшүүлсэн байж болох. Хэрэв энэ бүхэн үнэ бол цаашид юу болохыг харж л сууя.

Дөнгөж сая МАХН-ын дарга Н.Энхбаярыг Клиникийн нэгдсэн хоёрдугаар эмнэлгээс Зайсангийн хүүхдийн хорих анги руу авч явлаа. МАХН-ын дарга Н.Энхбаяр нь Монгол Улсын Ерөнхийлөгчийн албан тушаалыг хашиж байхдаа албан тушаалын байдлыг урвуулан ашиглаж, эрх бүхий албан тушаалтан нартай бүлэглэн Өргөө зочид буудал болон Улаанбаатар таймс сонин НӨҮГ-уудыг хууль бусаар хувьчилж, өөрийн үүсгэн байгуулсан Эскон ХХК-ийн охин компани болгон завшиж, онц их хэмжээний хохирол учруулсан хэмээн үзэж улсын дээд шүүхээс хоёр жил зургаан сар хорих ялыг оноосон юм. Хяналтын шатны шүүх хуралдааны үеэр өмгөөлөгч Б.Оюунбилэг Улсын дээд шүүх ялаа аль хэдийн оноочихсон байгааг бид мэднэ шүү. Тэр ч битгий хэл Н.Энхбаяр даргыг хүүхдийн хорих ангид хорих гээд өрөөг нь бэлдэж байгааг ч би дуулсан шүү. АТГ-ын дарга асан Ч.Сангарагчаагийн хоригдож байсан өрөөг бэлдчихээд шүүх хурлаа хийж байгаа чинь үнэхээр гутамшигтай байна хэмээн хэлж байсан юм. WORD.MN С.Санчир