Х.Тэмүүжин өвчтэй хоригдлуудыг үхэг гээд хаялаа

Үнэлэх
(0 үнэлгээ)

Хууль зүй дотоод хэргийн шинэхэн сайд Х.Тэмүүжин энэ суудалдаа хүрэхийн тулд эх хүний нулимсаар, эцэг хүний сэтгэлээр тоглож байжээ гэдэг нь тодорхой боллоо. Түүнийг долдугаар сарын 1-ний хэргийн буруутныг олох гэж хэрэндээ хичээж байна хэмээн олон түмэн харсан. Тийм дээ ч Хууль зүйн сайд болоход тохиромжтой гэж үзсэн биз. Гэвч начир дээрээ түүний энэ үйлдэл нь 2012 оны сонгуулийн бэлтгэл ажил нь байжээ. Хүний эрх чөлөөг бараг л шинээр тунхаглах шахсан тэрээр өнөөдөр жинхнээсээ хүний эрхийг зөрчив.

Энэ долоо хоногийн эхээр УИХ-ын гишүүдээр ахлуулсан Хүний эрхийн дэд хорооныхон сүр дуулиантайгаар Шүүхийн шийдвэрийн хария, дамжин өнгөрүүлэх хорих 401 дүгээр ангид “морилцгоосон”. Гол зорилго нь  улаан хивсэн дээгүүр алхаж, өрөө тасалгаатай танилцан, халуун хүйтнийг хэмжих байсан юм шиг. Аргагүй биз дээ. Тэнд хүний эрх бүрэн утгаараа зөрчигдөж байгаа нь “барилгын коммисынхонд” ямар хамаа байхав. Харин хууль зүйн сайдад хамаатай байсан ч тэр тоосонгүй. Тэрээр Монгол Улсын гурав дахь Ерөнхийлөгч, МАХН-ын дарга Н.Энхбаяртай дэд хорооныхон очихоос гурав хоногийн өмнө албан ёсоор уулзалт хийсэн. Ингэхдээ Н.Энхбаяр байтугай түүнээс ч дор, биеийн байдал хурц хэлбэрт орсон хүмүүжигчдийг 401 дүгээр ангийнхан хааш нь ч гаргадаггүй, бүр эмчилгээ ч хийлгүй хорьж, өдөр хоногоор үхэж байгааг нь зүгээр л хараад явсан байна.

Ингэж хүний эрхийг феодлын аргаар зөрчиж байгаа нь Н.Энхбаярыг тэдэнтэй барьцчих вий гэж айсных гэнэ. Бүр тодруулбал өвчин нь хурц хэлбэрт шилжсэн 7-8 хоригдлыг эмчилгээнд гаргачихвал Н.Энхбаяр ч эмчлүүлнэ гэчихнэ гэсэндээ бусдаар нь “туг дахих нь ээ”.

“Би яах вэ. Эдгээр хүмүүстэй барьцахгүй. Энэ хүмүүсийг эмчлэхгүй бол үхэж мэднэ” гэж Н.Энхбаяр сайд Х.Тэмүүжинтэй уулзахдаа хэлсэн ч “Би судалж байгаа” гэсэн хариулт өгчээ. Х.Тэмүүжин эрүүл мэндийн сайд уу, Хууль зүйн сайд уу. Тэрээр тэдгээр өвчтэй хоригдлуудын юуг нь судлаад байгаа нь тодорхой. Эрхэм сайдтаан таныг судалсаар суутал 401 дүгээр хорих анги хүмүүжигчдийнхээ амьд явах эрхийг нь хязгаарлан долдугаар 1-ээс ч олон хүн амиа алдах нь байна. Энэ чинь хүний эрхийг дээдэлсэн ардчилсан засгийн жинхэнэ царай юу. Эсвэл ариун явдал юм уу. 

Нийтэлсэн: 2013-01-10 13:37:48
Нийтэд түгээх

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.