Ялагдаж үзээгүй МАН-ынхан язганаж байна

Үнэлэх
(0 үнэлгээ)

Нэрээ хөсөр хаяад гишүүдээ хоёр хувааж ялагдал хүлээсэн МАН-ынхан ёстой л язганаж байна. Их хурлаа ч хаасангүй хаяж нэг үзэв.

Дараа нь хамтарсан засагт орно гэж горьдоод хаагаагүй хурлаа нээж нэг үзэв. Тэгээд ч нэмэр болсонгүй өнөөх зугтаж одсон АН-ынхан Шудрага ёс эвсэлтэй нэгдэж засаг байгуулна гэдгээ зарлалаа. Гэтэл дэвшээд гишүүн болсон 4 хүнийг нь эрүү үүсгэсэнээ нөгөө хэд  нь зарлаад эхлэв.
 Одоо ялагдаж үзээгүй МАН-ынхан хэрхэн хурал хаяж бойкотлох тухайгаа яриад сууж байгаа сурагтай. 1996-2000 онд болсон явдал давтагдана, тэднийг хагалж засгийг нь унагаах ажлаа эхлэнэ гэж төлөвлөж байгаа хэмээн ордноор “бор шувуу” нисэж  байна. Ардчилсан нам “одоо бид насанд хүрсэн тэр цаг үе түүх болсон” гэж хэлж байна. Гэвч АН олон фракцтай олон толгойтой нам билээ. Гэхдээ 1996 оны үед МАХН-ын бүлгийн дарга Н.Энхбаяр байсныг санах хэрэгтэй. Өнөөдөр МАН-д түүн шиг хүчтэй лидер алга байна. Дараагийн намын даргаар яригдаж байгаа Ө.Энхтүвшин, М.Энхболд харын аль нь ч Н.Энхбаяр шиг хүчтэй лидер биш билээ.
 Өчигдөр хуралдсан үндсэн хуулийн цэцийн дүгнэлтээс харахад Н.Энхбаяр аягүй бол тун удахгүй Их хурлын гишүүн болох янзтай. Үнэхээр ч Н.Энхбаярын мэдлэг боловсролд эргэлзэж байна гэсэн сонгуулийн хорооны дүгнэлт супер онигоо юм. Тийм болохоор тэрбээр төдөлгүй их хуралд ороод ирэх нь тодорхой болж байгаа юм. Одоо АН, МАХН МҮАН-ы эвсэл хамтарч засаг баривал маш тогтвортой засаг болж мэднэ. МАН хичнээн үймүүлээд ч бүр л нэр хүндээ алдана гэсэн үг.
 Өчигдөрийн хамтрах тухай мэдэгдэл гарсаны дараа хүмүүсийн сэтгэгдэл бараг зуун хувь зөв гэсэн мессэжээр дүүрэн байгааг харахад энэ бол ард түмний хүсэл байсан нь харагдаж байгаа юм. Хэрвээ энэ 4 жилд МАН хичнээн эсэргүүцнэ төдий чинээ нэр хүндээ барж ирэх сонгуульд бүр мөсөн арчигдах нигуур харагдаж байна. АН ШУДРАГА ЁС эвсэлийн засгийн газар хэр зэрэг ажиллахаас бүх зүйл хамаарах цаг ирлээ.
 Шудрага ёс эвсэл таван толгойг 100 хувь ард түмэндээ өгнө гэж амлаж гарч ирсэн. Хүн бүхэн жилдээ 200 доллараас багагүй хувь шууд хүртэнэ гэж тэд амалсан. Ардчилсан нам ч ялгаагүй хувьцаа өгнө гэж гарч ирсэн одоо тэд хэрхэн ажиллахыг л харах үлдлээ. Хэрэв тэд амалсанаа биелүүлж эвтэй найртай ажиллаж чадвал үнэхээр ч Монгол орон хөгжих ёстой юм. Монголчууд Ардчилсан намд 35 хувь Шудрага ёс эвсэлд 22 хувь итгэсэн одоо зөвхөн харах л үлдлээ дээ.
 

Нийтэлсэн: 2012-07-10 12:58:51
Нийтэд түгээх

Нийт сэтгэгдэл: 2

  • Зочин

    ÌÀÍ-ûí íºõºä ìèíü áàãàáàíäèéã òèòýì ìýãçýìèéã ºäºð øºíºã¿é óíøààä áàé. òàãâýë äàðààãèéí ñîíãóóëüä òîëãîéòîé äàðãàòàé áîëîõ ìàãàäëàëòàé áàéíà.

    Зочин 2012-07-10 19:47:24     203.91.117.4          (0)       (0)
  • Зочин

    Энэ одоо тарах хэрэгтэй дээ.Улс орноо бодоод АН-д үлгэр үзүүлж тарах хэрэгтэй дээ.Эх орноосоо урвагчид бугшсан энэ 2 нам тарах нь өлзийтэй.

    Зочин 2012-07-11 18:03:21     122.201.18.141          (0)       (0)

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.