Амралтын өдөр редакцийн томилолтоор өмнийн говийг зорьж, Эрдэнэс-тавантолгой ХК-ийн уурхайтай танилцлаа.Тус компани Цанхийн уурхайгаасаа Гашуунсухайтын авто зам хүртэл 8,2 км хүнд даацын, хатуу хучилттай авто зам барьж ашиглалтанд оруулснаа энэ өдөр \2019.06.30\ нээлтийг хийсэн юм. Аймаг орон нутаг, захиалагч, гүйцэтгэгч компанийн удирдлагууд нээлтийн ёслолд оролцлоо. Уурхайгаар орсных, ажилчидтай уулзаж, ажлын орчин нөхцөл, цалин хангамж, компанийн удирдлагуудын талаарх сэтгэгдэл, компанитай холбоотой сонин хэвлэл, сошиал орчинд цацагддаг зарим мэдээллийн талаар уурхайчдын санаа бодлыг битүүхэн сонирхож,тандаж явлаа. Эрдэнэс-тавантолгой ХК-ийн уурхайчид ажилдаа дуртай, компанидаа хайртай хүмүүс байдагньанзаарагдсан. Компанийнхаа талаар муу үг амнаасаа унагах хүн таарсангүй. Амралтын өрөөниймассажны сандал дээр сууж байсан, өөрийгөө Жаргалсайхан гэж танилцуулсан ажилтан болон биллиард тоглож зогссон 5 залуу уурхайчинтай хэдэн минут хөөрөлдөхөд, 14 хоног ажиллаад, 14 хоног амардаг, ийм нөхцөлтэй компани Монголд байхгүй, цалин хөлс дажгүй, Б.Ганхуяг захирал цалин болон шөнийн цагийн нэмэгдэл, ХАБ-ын нэмэгдэл гээд сайн нэмэгдүүлсэн, аргагүй энэ компанид анхнаас нь ажилласан, уурхайг эхлүүлсэн, уурхайчдынхаа дундаас гарсан удирдагч болохоор ажилчдынхаа нөхцөл байдлыг маш сайн мэддэг гэхчлэн компаниа, захирлаа магтаж байна. Уурхайчдындундаас гарсан удирдагч Миний хувьд анх удаа нүүрсний, тэр тусмаа Төрийн өмчит Эрдэнэс-тавантолгой ХК-ийн уурхай явахдаа урьдчилаад сайн мэдээлэл авах гээд гүүгл ахаас асууж үзтэл голдуу л компанийнүйл ажиллагаа, 1072 хувьцааны ногдол ашиг, IPO гаргах явцтай холбоотой эерэг мэдээллүүд гарч ирж байсан. Сөрөг гэж хэлж болох ганц хоёр мэдээллийг сонирхож үзвэл 1072 хувьцааны ногдол ашигтай холбоотой эдийн засагч Наранбаатарын ярилцлага, мөн компанийн дэд захирлуудын томилгоо, IPO хийх багийнхны мэдлэг чадвар сул байна гэсэн агуулгатай байлаа. Хувьцааныхаа 30 хүртэл хувийг олон улсын хөрөнгийн биржээр дамжуулан арилжиж, том төслүүддээ хөрөнгө босгох үүрэг чиглэлийг УИХ-аас тус компанид өгсөн. УУХҮ-ийн сайд Д.Сумьяабазарын хариуцаж авсан гол ажлын нэг энэ. Гэвч энэ ажлыг хариуцсан баг нь ажилдаа тэнцэж байгаа юу? гэсэн эргэлзсэн нийтлэл олоод харчихсан нь уурхайд очсон хойно ч сэтгэлээс гарахгүй байлаа. Тиймээс энэ тухай асууж тодруулчих санаатай уурхайчидтай ярилцаж үзтэл гүйцэтгэх захирал, уурхайн захирлаасаа бусдыг нь сайн мэддэггүй нь илт. Ашгүй энэ үеэр бидэнтэй хамт томилолтоор явсан Хэвлэл мэдээллийн хэлтсийн дарга М.Амарбаяр орж ирж таарсан юм. Өрөөнд байгаа уурхайчдын ажил төрлийг асууж, зарим ахмадуудтай тоглоом шоглоом хийгээд, цаад өрөөндбиллиард тоглож буй залуусыг за өмнөхтэмцээнд хэн нь аварга болсон, аваргатай нь бооцоотой тоглоноо гээдмань хүн их хөгжилтэй явна. Биллиард тоглох залуусыг харж зогсонгоо М.Амарбаяр даргаас IPO гаргах ажлынх нь талаар, хэн хариуцдаг, ямар хүмүүс байдаг талаар ерөнхий мэдээлэл авлаа. Мэдээж Б.Ганхуяг захирал ерөнхийд нь хариуцаж байгаа. Тэрээр 2007 оноос хойш тавантолгойг төсөл байхаас нь хариуцаж, компанийг цаасан дээр босголцсон таванхүний нэг. Мэргэжилтнээс нь эхлээд, хэлтсийн дарга, дэд захирал, үйлдвэрлэл хариуцсан тэргүүн дэд захирал хүртэл бүх шат дамжлагаар нь явсан СЕО гэдгийг хэвлэлийн дарга нь тодотгож байна. Гэхдээ IPO-г яг гардан хариуцдаг нь Стратеги, хөгжлийн газар хариуцсан дэд захирал Т.Цогтбаяр. Интэрнэтээс олж үзсэн сөрөг мэдээллээ хэлвэл М.Амарбаяр дарга инээснээ Цогтоо захирал чинь үнэт цаас, хөрөнгийн зах зээлийн талаар Монголдоо асс-уудын нэг шүү дээ, чи салбарынхнаас нь асуугаад үзээрэй гэж байна. Тэгснээ, Т.Цогтбаяр захирлын удирдлаганд 4 хэлтэс үйл ажиллагаа явуулдаг, тэр хэлтсийн дарга нар, гол мэргэжилтнүүдийнх нь товч намтрыг би өөрт чинь өгье, тэгээд зарим хүмүүсийн шүүмжлээд байгаа шиг мэдлэг чадваргүй, англи хэл ч үгүй хүмүүс ажиллаад байна уу, үгүй юугэдгийг нягталж үзнэ биз. Гүйцэтгэх захирал Б.Ганхуяг, дэд захирал Т.Цогтбаяр хоёр англиар чөлөөтэй ярьдаг хүмүүс, бусад дэд захирлуудч муулж бичээд байгаа шиг хэл ус, мэргэжлийн туршлагаараа гологдох хүмүүс биш, уг нь тэд сургаар бичиж байхаар манай хэлтэст хандвал нууцаас бусад бүх л мэдээллийг өгдөг юм гэсэн тайлбарыг өгсөн юм. Ингээд түүний өгсөн мэдээлэл, интэрнэт орчинд хайлтаар гарч ирсэн мэдээллүүдийг харьцуулж, IPO хийх багийн талаар нь товч мэдээлэл бэлтгэснээ сонирхуулья. Стратеги хөгжлийн газар хариуцсан дэд захирал Т.Цогтбаяр:Хан-уул дээд сургуулийг Бизнесийн удирдлага, Хэрэглээний математчикч мэргэжлээр төгссөн. Тайванийн Үндэсний Ченг Кунгийн их сургуульд Үнэт цаасыг нийтэд санал болгох тухай зохицуулалтын харьцуулсан судалгаа сэдвээр мастерийн зэрэг хамгаалж, нягтлан бодох бүртгэл, банк санхүү, үнэт цаасны зах зээл, санхүүгийн мэргэжлийн үйл ажиллагааны чиглэлээр Япон, Тайвань, Швед, Хонгконг, Солонгос зэрэг улсуудад семинар, сургалтад хамрагдаж мэргэжил дээшлүүлжээ. Компанийн тухай хууль, Үнэт цаасны кзах зээлийн тухай хууль, хөрөнгө оруулалтын сангийн тухай хууль зэрэг энэ чиглэлийн хууь тогтоолын төсөл боловсруулах ажлын хэсэг, дэд ажлын хэсгүүдэд орж ажилласан, М.Амарбаяр даргын хэлснээр үнэхээр хөрөнгийн зах зээл, үнэт цаасны чиглэлээр Монголдоо тэргүүлэх мэргэжилтнүүдийн нэг бололтой. Тэрээр Үнэт цаасны хороо болон хувийн хэвшлийн байгууллагуудад мэргэжилтнээс гүйцэтгэх удирдлага хүртэл мэргэжлээрээ ажилласан туршлагатай, Үнэт цаасны арилжаа эрхлэгчдийн холбооны Удирдах зөвлөлийн дарга, аудитын хорооны дарга гишүүн, Үнэт цаасны мэргэжлийн сургагч багш гээд салбартаа бол цол гуншин, намтар түүх нь баялаг нэгэн байна. Үнэт цаасны бүртгэлийн хэлтсийн дарга Н.Мандуул:Брэндайзын Их сургуульд МВА, Америкийн Их сургуульд ВМ хамгаалж, Дэлхийн банкны засаглалыг дэмжих төсөлд дотоодын зөвлөх, Сангийн яаманд мэргэжилтэн, газрын дарга, Монголын хөрөнгийн бирж Төлөөлөн удирдах зөвлөлийн дарга зэрэг ажил алба хашиж байсан байна. Төслийн удирдлагын хэлтсийн дарга Э.Батбаяр:СЭЗДС, АНУ-ын Деврайн Их сургуульд Магистр, мөн Харвардын их сургуулийн Удирдлагын сургуулийг төгсөөд Сангийн яаманд мэргэжилтэн, Хөрөнгийн биржийн дэд захирал зэрэг албыг хашиж байсан Э.Батбаяр хэмээх залуу ажиллаж байна. Тэрээр Сангийн яаманд ажиллаж байхдаа НӨАТ-ын буцаан олголтыг санаачилж, хуулийг нь гардан хийлцсэн юм байна. Маркетинг борлуулатын хэлтсийн дарга С.Амгалан:АНУ-ын Торонтогийн Их сургуулийг эдийн засагч мэргэжлээр төгсөж, Торонтогийн хөрөнгө оруулалтын санд 10 гаруй жил ажиллаж, 2015 оноос Эрдэнэс Тавантолгой ХК болон Эрдэнэс-Монгол ХХК-д газрын захирлаар тус тус ажиллаж байсан туршлагатай санхүүч, хөрөнгө оруулалтын мэргэжилтэн. Бизнес төлөвлөлт, инновацийн хэлтсийн дарга С.Ашидмөнх:ШУТИС, Япон улсын АOTS сургуулийг тус тус дүүргэж, Монголросцветмет ХХК-д санхүүч, ерөнхий эдийн засагч, Төлөвлөлт, эдийн засаг, судалгааны хэлтсийн дарга, 2009-2012 онд ACI Монголын санхүүгийн зах зээлийн холбооны Удирдах зөвлөлийн гишүүн, Эрдэнэс-Оюу толгой ХК-д Санхүү хариуцсан дэд захирлаар ажиллаж байсан. Үнэт цаасны бүртгэлийн хэлтсийн ахлах шинжээч Ш.Амаржаргал:Ленинградын их сургууль, АНУ-ын Колорадогийн Уул уурхайн их сургуулийг Эрдэс баялгийн эдийн засагч, Английн Абердиний их сургуулийг эрх зүй, хуулийн ухааны бакалавраар тус тус төгсөөд Уулын баяжуулах Эрдэнэт үйлдвэрт лабораторийн мастераас ерөнхий диспетчер хүртэл дэвшиж, АНУ-ын Peabody Energy компанид Үйл ажиллагаа, бизнес хөгжил хариуцсан менежерээр 2015 он хүртэл ажиллаж байсан туршлагатай. Үнэт цаасны бүртгэлийн хэлтсийн ахлах мэргэжилтэн Тулга:Монголын санхүүгийн зохицуулах хороонд ажиллаж байсан туршлагатай мэргэжилтэнгэх мэтчилэн IPO хийх ажлыг хариуцаж буй багтдэлхийн топ их сургуулиудыг төгсөж, АНУ, Канад, ХБНГУ, ОХУ, Австрали,Хонгконг зэрэг орнуудын банк, санхүүгийн байгууллага, томоохон компаниудад ажиллаж байсан ажлын өндөр туршлагатай мэргэжилтэн, залуус ажиллаж байгаа юм байна.

Монгол Улсын Ерөнхийлөгч Х.Баттулга өчигдөр БНСУ-ын Орон нутгийн хөгжлийн агентлагийн дэд дарга Хван Кюсук, Корей их сургуулийн профессор Им Хюбэг, Chung Ang их сургуулийн профессор Чой Ёонгшил нарыг хүлээн авч уулзлаа. БНСУ-ын Орон нутгийн хөгжлийн агентлаг нь Монголын залуу бизнес эрхлэгчдийн зөвлөл, Хөдөө аж ахуйн их сургуультай хамтран Хөдөө аж ахуйн салбарт ухаалаг технологи нэвтрүүлэх сэдэвт уулзалт семинарыг өнөөдөр Гадаад харилцааны яаманд зохион байгуулсан юм. Ноён Хван Кюсук уулзалтын эхэнд дээрх уулзалт, семинарын үр дүн, хамтын ажиллагааны талаар мэдээлэл өгч, Монголынхѳдѳѳ аж ахуйн салбарт шинэ санаа, тѳсөл нэвтрүүлэх боломж, бололцоо байгаа хэмээн онцоллоо. Төслийн дийлэнх нь технологи ашиглан хөдөө аж ахуй, мал аж ахуйн үр ашгийг нэмэгдүүлэхэд чиглэсэн бөгөөд БНСУ-ын хөдөө аж ахуйн мэргэжилтнүүд энэ талаар зөвлөх үйлчилгээ үзүүлэх, хамтран ажиллах бүрэн боломжтой гэсэн юм. Монгол Улсын Ерөнхийлөгч Х.Баттулга мөн хөдөө, аж ахуй, мал аж ахуйн салбарын үр өгөөжийг нэмэгдүүлэхийн тулд орчин үеийн технологи ашиглахыг дэмжиж буйгаа илэрхийлээд, эдгээр салбарт олон улсын мэргэжилтнүүдийн мэдлэг, туршлага хэрэгтэй хэмээн үзэж буйгаа илэрхийллээ. Улмаар орчин үеийн, залуу малчдыг бий болгохын тулд тууштай хамтран ажиллах бүтцийг маш тодорхой болгож, ажил хэргээ амжилттай биелүүлэхийг хүсэн ерөөв.

Гадаад харилцааны сайд Д.Цогтбаатар 6 дугаар сарын 28-ны өдөр Бүгд Найрамдах Беларусь Улсын Аж үйлдвэрийн сайд бөгөөд Худалдаа, эдийн засаг, шинжлэх ухаан, техникийн хамтын ажиллагааны Монгол, Беларусийн Засгийн газар хоорондын комиссын Беларусийн хэсгийн дарга П.В.Утюпин тэргүүтэй төлөөлөгчдийг хүлээн авч уулзав. Сайд Д.Цогтбаатар хоёр орны Худалдаа, эдийн засаг, шинжлэх ухаан, техникийн хамтын ажиллагааны ЗГХК-ын 5 дугаар хуралдаан амжилттай болсонд баяр хүргээд хоёр талын хоорондын хамтын ажиллагааг хүнс, хөдөө аж ахуйн салбарт сүүний кластер болон бусад хүнсний бүтээгдэхүүн боловсруулах хамтарсан үйлдвэр байгуулж, хөрш орнуудын зах зээл нийлүүлэх, Беларусиас машин техник худалдан авахын зэрэгцээ монголын бараа, бүтээгдэхүүнийг тус улсын зах зээлд гаргах, Евразийн эдийн засгийн холбооны хүрээнд хамтран ажиллах зэрэг хоёр талын худалдаа, эдийн засгийн хамтын ажиллагааг нэмэгдүүлэх өргөн боломж байгааг дурдав. Аж үйлдвэрийн сайд П.П.Утюпин хоёр орны Засгийн газрын хооронд гарын үсэг зурсан Экспортын зээлийн Ерөнхий хэлэлцээрийг монголын тал соёрхон батлагмагц энэхүү хэлэлцээрийн хүрээнд онцгой байдал, хөдөө аж ахуй, зам тээврийн болон бусад салбарт яригдаж буй төслүүдийг даруй хэрэгжүүлж эхлэхийн чухлыг тэмдэглээд хоёр талын дээд, өндөр хэмжээний харилцан айлчлалыг үргэлжлүүлэх сонирхолтой байгаагаа илэрхийлэв. 2013 онд байгуулагдсан Худалдаа, эдийн засаг, шинжлэх ухаан, техникийн хамтын ажиллагааны Монгол, Беларусийн Засгийн газар хоорондын комиссын 5 дугаар хуралдаан 6 дугаар сарын 27-28-ны өдрүүдэд Улаанбаатар хотноо болж, ЗГХК-ын өмнөх хуралдааны протоколын хэрэгжилтийг дүгнэн өнгөрсөн 4 дүгээр сард хоёр орны Засгийн газрын хооронд байгуулсан Экспортын зээлийн ерөнхий хэлэлцээрийн хүрээнд ОБЕГ-ын техникийн хангамж, чадварыг сайжруулах, Улаанбаатар хотын нийтийн зориулалттай цахилгаан шат шинэчлэх, засвар үйлчилгээний төв байгуулах, хөдөө аж ахуйн салбарт хэрэгцээтэй техник, тоног төхөөрөмж нийлүүлэх, Монголд сүүний кластер байгуулах зэрэг төслүүдийг хэрэгжүүлэх, зам тээвэр, уул уурхай, барилга, хот байгуулалт, боловсрол, шинжлэх ухааны салбарт хамтын ажиллагааг хөгжүүлэх талаар хэлэлцсэн болно.

Монгол Улсын Их Хурлын дарга Г.Занданшатар манай улсад айлчилж буй АНУ-ын Ерөнхийлөгчийн Үндэсний аюулгүй байдлын асуудал эрхэлсэн зөвлөх, Элчин сайд Жон Болтоныг хүлээн авч уулзлаа. УИХ-ын дарга Г.Занданшатар уулзалтын эхэнд ноён Жон Болтонд хандан, уулзаж ярилцах боломж олдсонд талархал илэрхийлж, Монгол оронд тавтай морилохыг хүсээд, Монгол Улс АНУ-тай найрсаг, харилцан итгэлцсэн түншлэлийн харилцаа хөгжүүлж байна. АНУ бол манай улсын 3 дахь хөрш бөгөөд ардчиллыг эрхэмлэгч, чөлөөт зах зээлийг хөгжүүлэгч, энхийг эрхэмлэгч улсын хувьд манай оронд өрнөсөн ардчилсан шинэтгэлийг эхнээс нь тууштай дэмжсээр ирсэнд талархлаа илэрхийлье. Манай хоёр улсын энхийг сахиулагчид Афганистан, Ирак зэрэг улсад мөр зэрэгцэн ажиллаж байгаагаар бид бахархдаг. Хоёр орны хамтын ажиллагааг цаашид гүнзгийрүүлэн хөгжүүлэхэд ноён Элчин сайд Та өөрийн хувь нэмрээ оруулж, дэмжиж тусална гэдэгт итгэж байна гэлээ. ТэрбээрМонгол Улсын Засгийн газар, АНУ-ын хооронд Мянганы сорилтын компакт гэрээнд гарын үсэг зурсан, энэхүү гэрээгээр олгож буй тусламжийн хөрөнгөөр Улаанбаатар хотын усан хангамжийг сайжруулахаар төлөвлөсөн гэдгийг тэмдэглэв. Ноён Элчин сайд Жон Болтон хүлээн авч уулзаж байгаад нь УИХ-ын дарга Г.Занданшатарт талархал илэрхийлээд, хоёр орны харилцаа улс төр, эдийн засаг, батлан хамгаалахын зэрэг олон салбарт амжилттай өргөжин хөгжиж байгаа бөгөөд цаашид ч илүү өргөн цар хүрээнд үргэлжилнэ гэдэгт итгэлтэй байна гэв. Тэрбээр худалдаа, хөрөнгө оруулалтыг нэмэгдүүлэх нь харилцааг бэхжүүлэхэд чухал үр нөлөөтэй гэдгийг онцлоод, эдийн засгийн өндөр чадавхитай хоёр том хөрштэй хиллэн оршдог, хөгжил дэвшлийн сайхан ирээдүйтэй танай оронтой энэ чиглэлээр хамтран ажиллах өргөн боломж бий хэмээн тэмдэглэлээ. УИХ-ын дарга Г.Занданшатар далайд гарцгүй манай орны хувьд экспортын бүтээгдэхүүний хэмжээ, нэр төрлийг нэмэгдүүлэхэд ихээхэн анхаарч байгаа бөгөөд тарифын болон тарифын бус зарим нэг саад бэрхшээл бий. Манай улс эрдэс баялгийн нөөц, хэмжээгээрээ дэлхийд дээгүүрт ордог. Тиймээс хөрөнгө оруулалт болоод техник, технологийн хамтын ажиллагаанд бид ихээхэн анхаарал андуулж байна. АНУ энэ чиглэлээр бидэнтэй хамтран ажиллана гэдэгт итгэж байна гэв. Уулзалтын үеэр уул уурхайн бүтээгдэхүүнийг экспортлох тээвэрлэлтийн нөхцөл, түүнийг сайжруулах, урсгал чиглэлийг нэмэгдүүлэх асуудлыг хөндөж ярилцав. УИХ-ын дарга Г.Занданшатар бид бүтээгдэхүүнээ экспортод гаргах дэд бүтцийн байгууламжийг сайжруулах төлөвлөгөө хэрэгжүүлж байгаа. Хөршүүдтэйгээ тээврийн тарифыг хөнгөвчлөх талаар зарим тохиролцоонд хүрсэн. Төмөр замын шинэ бүтээн байгуулалт өрнөж байна. Бид зөвхөн уул уурхайн бүтээгдэхүүнд түшиглэх биш эдийн засгаа солонгоруулж, экспортын төрөл зүйлийг нэмэгдүүлэхийг зорьж байна. Ийм боломжтой салбарын нэг бол хөдөө аж ахуй юм хэмээн онцоллоо. Ноён Элчин сайд Жон Болтон бэрхшээл төвөгтэй асуудлуудаа шийдэж, боломжоо ашиглах нь чухал. Манай хоёр улсын хувьд худалдаа, хөрөнгө оруулалтыг нэмэгдүүлж, бизнесийн салбарын хамтын ажиллагааг өргөжүүлэх замаар хамтын ажиллагааны боломжуудыг үр дүнд хүргэх сайхан ирээдүй бий. Хууль тогтоох байгууллагуудын хамтын ажиллагаа, уулзалт, яриа хэлэлцээг өргөжүүлэх талаар АНУ-д буцаж очоод санаа тавих болно. Түүнчлэн МҮХАҮТ-тай хамтарч Америкийн бизнесмэнүүдийг, тухайлбал хөдөө аж ахуйн салбарын бизнес эрхлэгчдийг Монголд урих бодолтой байна гэв. Уулзалтын төгсгөлд УИХ-ын дарга Г.Занданшатар Бид БНАСАУ-тай найрсаг харилцаатай байдаг. Тиймээс АНУ-БНАСАУ-ын дараагийн дээд хэмжээний уулзалтыг Монгол Улсад зохион байгуулах боломжтой гээд энэ талаар санаа тавихыг Элчин сайд Жон Болтоноос хүссэнийг анхааран судалж үзэхээ мэдэгдэв. Уулзалтад УИХ-ын гишүүн, УИХ дахь Монгол-Америкийн парламентын бүлгийн дарга А.Ундраа, Монгол Улсаас АНУ-д суугаа Онц бөгөөд Бүрэн эрхт Элчин сайд Ё.Отгонбаяр, АНУ-аас Монгол Улсад суугаа Онц бөгөөд Бүрэн эрхт Элчин сайд Майкл Клечески нарын зэрэг албаны хүмүүс байлцав. УИХ-ын Хэвлэл мэдээлэл, олон нийттэй харилцах хэлтэс 2019.07.01

Хөгжлийн бэрхшээлтэй хүнийг хамт олонд түшиглэн хөгжүүлэх Ази, Номхон далайн бүсийн 4 дүгээр конгресс манай улсад болж байна. Монгол Улсын Ерөнхий сайдын ивээл дор болж буй энэхүү арга хэмжээнд Ази, номхон далайн 43 орны 600 гаруй төлөөлөгч оролцож, өөрийн орны сайн туршлагаа ярьж, хэлэлцүүлж байна. Монгол Улсын Ерөнхий сайд У.Хүрэлсүх нээлтийн арга хэмжээнд оролцож үг хэлэхдээ, Ази, Номхон далайн бүсийн орнуудын хөгжлийн бэрхшээлтэй иргэдийг нэгтгэж, тэдний тулгамдсан асуудлууд болон хамтын ажиллагааны талаар нээлттэй хэлэлцүүлэг хийж, мэдлэг, туршлагаа солилцох боломж олгодог энэхүү конгрессийг эх орондоо зохион байгуулж байгаад Засгийн газрын тэргүүний хувьд баяртай байгаагаа илэрхийллээ. Ерөнхий сайд У.Хүрэлсүх, -Манай улсад хөгжлийн бэрхшээлтэй иргэдийн асуудлаар Та бүгдтэй хуваалцах ололт амжилт, туршлага сургамж арвин бий. Бас та бүгдтэй зөвлөлдөх, та бүгдээс суралцах асуудлууд ч цөөнгүй байгаа. Та бүгдийн туршлага, зөвлөмж, шийдлийг бид хүлээн авч бодлого, үйл ажиллагаандаа нэвтрүүлэхэд бэлэн байна. Ийм ч зорилгоор Хөгжлийн бэрхшээлтэй хүнийг хамт олонд түшиглэн хөгжүүлэх Ази, Номхон далайн бүсийн 4 дүгээр конгрессыг Ерөнхий сайд миний бие өөрийн ивээл дор зохион байгуулж байна. Монгол Улсад хөгжлийн бэрхшээлтэй 105,7 мянган иргэн амьдарч байна. Бид энэ хүмүүстээ анхаарал халамж тавьж, хүн бүртхүрч ажиллах үүрэгтэй. Хөгжлийн бэрхшээлтэй хүний эрхийг хангах, салбар дундын үйл ажиллагааг улсын хэмжээнд уялдуулан зохицуулах, хэрэгжилтийг нэгдсэн удирдлагаар хангах үндэсний зөвлөлийг Ерөнхий сайдын дэргэд байгуулан ажиллуулж байна. Мөн хууль тогтоомжийн хэрэгжилтийг салбар бүрт ханган ажиллах, үндэсний зөвлөлд дэмжлэг үзүүлэх чиг үүрэг бүхиий дэд болон салбар зөвлөл бүх яам, аймаг, нийслэлийн Засаг даргын дэргэд ажиллаж байна. Үүний үр дүнд хөгжлийн бэрхшээлтэй хүний асуудал зөвхөн Хөдөлмөр, нийгмийн хамгааллын яамны хариуцах асуудал гэсэн хандлага өөрчлөгдөж, салбар дундын асуудал, бүхий л салбарт хамааралтай гэдгийг ойлгож, олон ажлыг санаачлан хийдэг боллоо. Манай Засгийн газар хөгжлийн бэрхшээлтэй иргэдийнхээ эрх ашгийг хамгаалж, тэднийг боловсрол, эрүүл мэнд, хөдөлмөр эрхлэлт зэрэг төрийн бүх үйлчилгээнд хамруулахыг зорьж байна. Иймд салбар дундын зохицуулалтыг хангахын тулд 2018 онд Хөгжлийн бэрхшээлтэй хүний хөгжлийн ерөнхий газар болох Засгийн газрын хэрэгжүүлэгч агентлагийганх удаа байгуулан ажиллаж байна. Засгийн газраас хөгжлийн бэрхшээлтэй хүний нийгмийн хамгааллын асуудалд ихээхэн анхаарч ажилласны үр дүнд хөгжлийн бэрхшээлтэй иргэдэд 15 нэр төрлийн тэтгэвэр, тэтгэмж, тусламж, хөнгөлөлтийг нийгмийн даатгалын болон нийгмийн халамжийн сангаас үзүүлж байна. Эдгээр арга хэмжээнд жилд зарцуулж байгаа хөрөнгийн хэмжээ нь дотоодын нийт бүтээгдэхүүний 0,7хувийг эзэлж байгаа юм. Ийнхүү Монгол Улсын Засгийн газар хөгжлийн бэрхшээлтэй иргэдийн амьдралын баталгааг хангах, орлогыг нэмэгдүүлэх чиглэлээр нийгмийн халамжийн арга хэмжээнд хөгжлийн бэрхшээлтэй иргэн бүрийг хамруулж байгаа төдийгүй тэтгэвэр, тэтгэмжийн хэмжээг байнга нэмэгдүүлэхэд анхаарч байна. Өнгөрсөн онд нийгмийн халамжийн сангаас олгодог тэтгэврийг, энэ 6 дугаар сард байнгын асаргаа шаардлагатай хөгжлийн бэрхшээлтэй хүүхдүүдээ асардаг эцэг эхчүүдэд олгодог тэтгэмжийг тус тус нэмэгдүүлж, амьжиргааны доод түвшинд хүргээд байна. Түүнчлэн хөгжлийн бэрхшээлтэй хүүхдийн сэргээн засах хөгжлийн төвийг 2019 ондашиглалтад оруулж, 6 аймагт хөгжлийн бэрхшээлтэй иргэдийн хөгжлийн төв, Улаанбаатар хотод Хөгжлийн бэрхшээлтэй иргэдийн хөдөлмөр эрхлэлтийг дэмжих төв, Хөгжлийн бэрхшээлтэй иргэдийн спорт цогцолборын барилгын ажлыг эхлүүлээд байна. Монгол Улсын Засгийн газар хөгжлийн бэрхшээлтэй иргэд рүү чиглэсэн олон ажил хийж байгаа хэдий ч тэднийг ажил, орлоготой байлгах, сурч, боловсрох нөхцөлөөр бүрэн хангах, нийгмийн хамгааллын тусламж, үйлчилгээний хүртээмж, хэмжээг нэмэгдүүлэх, хөгжлийн бэрхшээлтэй иргэдэд хандах олон түмний хандлагыг эергээр өөрчилж нийгмийн болон орчны саад бэрхшээл, ялгаварлан гадуурхалтыг арилгах чиглэлээр хийх ажил, шийдвэрлэх олонасуудалд онцгой анхаарч хэрэгжүүлэн ажиллах ёстой. Дэд бүтэц, мэдээллийн хүртээмжийг сайжруулснаар хөгжлийн бэрхшээлтэй иргэд нийгмийн амьдралд оролцох, ажиллаж хөдөлмөрлөх, бие даан амьдрах боломжтой болно. Иймд уг хүртээмжийг сайжруулах чиглэлээр эрх зүйн орчныг бүрдүүлэх, тогтолцоог бэхжүүлэх чиглэлээр бүс нутгийн улс орнууд, олон улсын байгууллагуудтай бид хамтран ажиллах сонирхолтой байна. Мөн хөгжлийн бэрхшээлтэй иргэн эх орныхоо хөгжилд гар бие оролцох нөхцөл боломжийг хангах чиглэлээр Та бүгд бидэнтэй туршлагаа хуваалцан хамтран ажиллахыг хүсэж байна. Энэ удаагийн Конгресс Нэгдсэн үндэстний байгууллагын Хөгжлийн бэрхшээлтэй хүмүүсийн эрхийн тухай конвенц, Тогтвортой хөгжлийн зорилтуудыг хэрэгжүүлэх үүднээс Хөгжлийн бэрхшээлтэй хүн бүрт ээлтэй нийгмийг бий болгохын төлөө Ази, Номхон далайн бүсийн улс орнууд бие биенийхээ мэдлэг, туршлагыг судлаж, биднийхамтын ажиллагаа шинэ түвшинд гарсан тодорхой үр дүн, ач холбогдол бүхий үйл ажиллагаа болно гэдэгт итгэлтэй байна. Цаашид энэ чиглэлээр бүс нутгийн хамтын ажиллагааг дэмжиж, өргөжүүлэхэд Монгол Улсын Засгийн газар бүх талаар хамтран ажиллах эрмэлзэл төгс байгааг дахин нотолж байна гээд конгрессын үйл ажиллагаанд амжилт хүслээ гэжЗасгийн газрын Хэвлэл мэдээлэл, олон нийттэй харилцах хэлтсээс мэдээллээ.