А.Шварцнеггерийг эхнэр нь уучилсан уу

Үнэлэх
(0 үнэлгээ)

Арнольд Шварцнеггер сонин хэвлэл, телевизээр дамжуулан эхнэрээсээ уучлал гуйсан олон ч ярилцлага өгсний эцэст салах өргөдлөө шүүхэд өгөөд байсан эхнэр нь түүнийг сая нэг уучилсан бололтой. Сүүлийн өдрүүдэд Мария Шривер хуримын бөгжөө байнга зүүх болсныг паппарацуудын зураг гэрчилж байна.
А.Шварцнеггер өнгөрсөн долоо хоногт CNN-ийн Пирс Морганы ток шоунд оролцохдоо эхнэр Мария нь түүний амьдралын цорын ганц үнэн хайр байсан хэмээн ярьсан юм. Өөрийн амьдралын түүх, нэн ялангуяа Калифорнийн амбан захирагчаас буусны дараа нууц хүүхэд нь илэрч, улмаар гэр бүлээсээ салахад хүрсэн шуугиантай явдлынхаа талаар өгүүлсэн “Total recall” хэмээх номоо сурталчлан завгүй байгаагийнхаа хажуугаар А.Шварцнеггер телевизийн “60 минут” ток шоунд ч бас оролцож, “Эхнэрээ хуурч, гэрийн үйлчлэгчтэйгээ орооцолдсон нь түүний амьдралдаа хийсэн хамгийн тэнэг зүйл байсан” хэмээн ярьжээ.  Ийнхүү гэм буруугаа ухаарч, бас үнэн хайраа илчилсэн удаа дараагийн ярилцлагад нь хатагтай Шриверийн сэтгэл уярсан бололтой. А.Шварцнеггерийн хуримынхаа үеэр бэлэглэсэн цэнхэр алмаазан шигтгээтэй бөгжийг зүүж явах болжээ.
Хамтдаа дөрвөн хүүхдийн эцэг эх болсон тэд А.Шварцнеггерийн гэрийнхээ үйлчлэгчтэй холбогдсон явдлаас хоёр тийш болж, 2011 оны долдугаар сард гэр бүлээ цуцлуулахаар шүүхэд өргөдлөө өгсөн юм. Гэвч өнгөрсөн жил гаруйн хугацаанд А.Шварцнеггер хэвлэлээр дамжуулан хүүхдүүдийнхээ ээжтэй эргээд эвлэрэх байх гэсэн горьдлого тээж яваагаа мэдэгдсээр байсан билээ.

Нийтэлсэн: 2012-10-09 14:46:56
Нийтэд түгээх

Нийт сэтгэгдэл: 2

  • Зочин

    kk teneg yumdaa

    Зочин 2012-10-16 23:44:29     122.201.18.154          (0)       (0)
  • Зочин

    see you

    alertek 2012-10-16 23:45:22     122.201.18.179          (0)       (0)

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.