​ ​ Амгалан дулааны станцад гэмтэл гарсны улмаас өчигдөр буюу нэгдүгээр сарын 27-ны оройноос Баянзүрх дүүргийн зарим орон сууцнууд хэрэглээний халуун ус, халаалтгүй болсон байна. Тодруулбал, тус станцад тог тасарснаас сүлжээний насос зогссон аж. Улмаар хэвийн ажиллаж байсан зуухнууд дээрх ус уур болон хувирч хотын дулааны сүлжээний даралт эрс өссөнөөс хоёр газар дулааны сүлжээнд гэмтэл илэрсэн байна. Өөрөөр хэлбэл, дулааны сүлжээний даралт маш богино хугацаанд ажлын даралтнаасхоёр дахин өссөн учир зарим газар нь гэмтэл гарсан хэмээн албаны зүгээс тайлбар хийсэн. Уг гэмтлийг засварлахаар Улаанбаатар дулааны сүлжээ ХК-ийн хоёр бригад ажиллаж эхэлжээ. Нийслэлийн хэвлэлийн албанаас өгсөн мэдээллээр 03:50 цагт гагнуур дуусаж, Кино үйлдвэрийн салаанд задарсан 200мм-ийн ган хоолойн гэмтлийг олж гагнаж дууссанаар тэр хавийн салааг залгаж эхэлсэн байна. Ингэхдээ сүлжээний даралт, температурыг аажуухан нэмэгдүүлж ажлын даралтад хүргэх аж. Ийнхүү ойролцоогоор таван цагийн дараагаас хэвийн ажиллаж эхэлнэ гэж үзжээ. Амгалан ДС-ын гарах халууны хэмийг 07:00 цаг гэхэд 100 хэмд хүргэх даалгаврыг албаны зүгээс өгсөн байна. Дулааны станцын зуухыг дүүргээд галлаж эхэлсэн бөгөөд өнөөдөртөө хоёр зуух нэмж галлана гэдэг мэдээлэл өглөө.

​​ Малчид, иргэд, тээвэрчдэд зориулсан мэдээ: Өнөөдөр баруун болон төвийн аймгуудын нутгийн зарим газраар цас орж, явган шуурга шуурч, ихэнх нутгаар жавартай хүйтэн байна. 2022 оны 01 сарын28-ны08 цагаас 20 цагхүртэлх цаг агаарын урьдчилсан мэдээ: Нутгийн баруун хагаст үүлшинэ. Бусад нутгаар солигдмол үүлтэй. Баруун аймгуудын нутгийн зүүн хэсэг, төвийн аймгуудын нутгийн баруун өмнөд хэсгээр цас орж, явган шуурга шуурна. Бусад нутгаар цас орохгүй. Салхи ихэнх нутгаар баруун өмнөөс секундэд 5-10 метр. Увс нуур болон Дархадын хотгор, Идэр, Тэс голын хөндийгөөр 26-31 градус, Алтай, Хангай, Хөвсгөл, Хэнтэйн уулархаг нутгаар 16-21 градус, говийн бүс нутгийн баруун өмнөд хэсгээр 5-10 градус, бусад нутгаар 11-16 градус хүйтэн байна. УЛААНБААТАР ХОТ ОРЧМООР:Багавтар үүлтэй. Цас орохгүй. Салхи зүүн өмнөөс секундэд 5-10 метр. 11-13 градус хүйтэн байна гэж ЦУОШГ-аас мэдээлэв.

​ Нийслэлийн Засаг даргын Тамгын газар Глобал Сивик Шэйринг төрийн бус байгууллагатай хамтран ажиллах санамж бичиг байгууллаа. Санамж бичгийн зорилго нь эрчимжсэн мал аж ахуйн салбарын тогтвортой хөгжлийг дэмжих, БНСУ-ын Олон улсын хамтын ажиллагааны байгууллага /KOICA/-ын санхүүжилтээр хэрэгжүүлж буй Хүртээмжтэй мал аж ахуй төслийг амжилттай хэрэгжүүлэхэд оршиж байгаа юм. Мөн хүнсний чанар, аюулгүй байдал, хангамж, хүртээмжийг сайжруулах, эрчимжсэн мал аж ахуйн салбарын тогтвортой хөгжлийг дэмжих, биотехнологийн дэвшилтэт технологийг үйлдвэрлэлд нэвтрүүлэх, таниулан сурталчлах, сургалт судалгааны ажлуудыг хамтран зохион байгуулах, энэ чиглэлийн байгууллагуудын уялдаа холбоо, үйл ажиллагааг өргөжүүлэхэд хамтран ажиллах юм. Глобал Сивик Шэйринг төрийн бус байгууллагын Монгол Улс дахь төлөөлөгчийн газрын захирал Н.Батдорж Бид 2017 оноос хойш хамтын ажиллагаагаа улам өргөжүүлэхийн төлөө ажиллаж байна. Энэ удаад фермерүүдэд зориулсан сургалтын төвийн барилгыг яаралтай барьж байгуулна. Мөн сүүний үйлдвэрлэлийн системийн шинэчлэлийг гуравдугаар сард багтаан хийж, дөрөвдүгээр сараас үйл ажиллагааг жигдрүүлэхээр ажиллаж байгаа гэсэн юм. НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС

Бар жилийн сар шинийг хамтдаа тэмдэглэе Хятад Монголын цагаан сарын соёлын солилцооны цуврал арга хэмжээ албан ёсоор эхэлж, өчигдөр хоёр улсын хамтарсан цахим хэвлэлийн бага хурал боллоо. Энэ удаагийн арга хэмжээ нэгдүгээр сарын 25-ны өдрөөс эхэлж, хоёрдугаар сарын эцэс хүртэл үргэлжлэх болно. Үүнд цагаан сарын сэдэвт концерт, өвлийн олимпыг угтах цуврал соёлын арга хэмжээ, содон уран сайхны нэвтрүүлгүүд, нэг болон олон ангит уран сайхны кино, цагаан сарын сэдэвт богино видео, халуун сэтгэлийн солилцооны арга хэмжээ гэсэн зургаан төрлийн 33 бүтээлийг манай цахим сайтууд болон зарим телевизээр үзэгчдэд толилуулахаар болсон байна. Үүнд: Нэг. Цагаан сарын сэдэвт концерт Бээжингийн үндэстний хөгжмийн чуулгын найрал хөгжим Цагаан сарыг тэмдэглэе, Эртний хэв намбаатай хөгжмийн чуулган-ыг орчуулан хүргэнэ. Хайр бялхсан Хятад.Загас лууны жүжиг-2022 оны өвлийн олимпоор цагаан сарыг угтан хамтаар ирээдүйг зорьё телевизийн концертыг орчуулан хүргэнэ. 3. 2022 оны Өвөр монголын радио телевизийн цагаан сарын концерт, Мандсан төрийн магтаал монгол хэлээрх цагаан сарын концерт, Найрамдлын хадаг Өвөр монголын радиогийн уран сайхны концерт. Хоёр. Өвлийн олимпыг угтсан мөс цасны соёлын арга хэмжээ Умардын мөс цасны аялал жуулчлалыг гадаадад түгээн дэлгэрүүлэх улирал цуврал видеог орчуулан хүргэнэ. Том оврын мөсөн дээрх бүжгийн дэвжээн Хөлөнбуйрын хайр-ыг орчуулан хүргэнэ. уг нэвтрүүлэг нь мөсөн дээрх бүжиг, онц ур чадвар, илбэ болон өндөр огторгүйд тоглохыг уялдуулсан нэгэн цор ганц соёлын үзүүлбэр болно Мөс цасны зүүдэн хот-Рашаан сурталчилгааны бичлэгийг орчуулан хүргэнэ, Хятадын Өвөр монголын Рашааны мөс цасны элбэг баян баялаг болон үзэсгэлэнт өвлийн үзэмжийг танилцуулна. Гурав. Уран сайхны нэвтрүүлгүүд Мөрөөдлийн Бээжин хотын төрхийг харуулсан баримтат киног орчуулан хүргэнэ. Хэбэй мужийн онцлогтой уран сайхны тоглолт Хатанголын хойд талын Янь Жао улсын соёл-ыг орчуулан хүргэнэ. Романтик тал нутаг бүжгийг орчуулан хүргэнэ. Цагаан сарын онцгой нэвтрүүлэг Он жилийн дуулал-ыг орчуулан хүргэнэ. Том оврын нутгийн дуурь Ээж нуур-ыг орчуулан хүргэнэ. Дээрх концерт, содон сонин нэврүүлүүдийг цахим сайтуудаар дамжуулан үзэгчдэд хүргэх юм бна. Дөрөв. Кино Энэ жил Төрийн хүүхэд болон хүүхэлдэйн уран сайхны кино Мөрөөдөлтэй хүү-г Монгол улсын 3 телевизээр анх удаа орчуулан хүргэнэ. Улаанбаатарын телевиз, ТВ2 телевизээр Төрийн хүүхэд 40 ангит уран сайхны киног хүргэнэ. Улаанбаатарын телевизээр хүүхэлдэйн олон ангит кино Мөрөөдлийн хүү-г анх удаа нэвтрүүлнэ. .ТВ2, ТВ6, STAR телевизээр Бээжингийн амраг хосын үлгэр, Зам туршийн гайхамшиг кино, олон ангит уран сайхны кино Гэр хотлоорын хоол, Санаа нэгтэй айл өөд, Хөгшин нөхөр, Лүдингийн адал явдал, Өд тэнгэрт ниссэн нь, Нэг зарц хоёр эзэн, Тэр жил бид гал залуу байсан, Хоёул гэрлэе зэргийг нэвтрүүлнэ. Тав. Цагаан сарын сэдэвт богино видео Цагаан сарын үнэр амт, Цагаан сарын амтат хоолоо хамт харуулъя зэрэг цуврал богино видео, Хятадын цагаан сарын уламжлалт соёлын зан заншлийн дундаас цаасан хайчилбар, хос уянга, цонхны цэцгийн агуулга болон бэлгэ тэмдэг зэргийг танилцуулна. Мөн Хятадын цагаан сар богино видео үзүүлнэ. Зургаа. Халуун сэтгэлийн солилцооны арга хэмжээ Цахим цагаан сарын золголт-ын арга хэмжээ. Цагаан сарын хугацаанд ӨМӨЗО-ны ардын засгийн газрын хэвлэл мэдээллийн алба, соёл аялал жуучлалын танхим, Өвөр монголын өдрийн сонин, Өвөр монголын радио телевиз, Өвөр монголын урлагийн театр зэрэг байгууллага, вичатаар дамжуулж цагаан сарын баяр хүргэх, цахимаар холбогдох, цагаан сарын золголт хийх видео бэлтгэх зэрэг аргаар, Монгол улсын найрамдалт хамтын ажиллагаатай байгууллагуудын хүмүүст халуун сэтгэлийн мэндчилгээ блон цагаан сарын сайн сайхны ерөөл дэвшүүлэх болно.

Замын-Үүд-Эрээн авто замын боомтоор тээвэрлэлт эхэлснээс хойш 2022 оны нэгдүгээр сарын 24-ний байдлаар нийт 592 тээврийн хэрэгслээр 767 чингэлэгт 12.825 тонн ачаа татаж авлаа. Өнгөрсөн долоо хоногт м.куб ачааны үнэ 1800-2000 юань байсан бол энэ долоо хоногт 1600-1800 юань болж буурсан. Өнгөрсөн пүрэв гарагт Замын-Үүд дэх бүс нутгийн логистикийн төвд гаалийн бүрдүүлэлт хийхээр буулгасан чингэлэг ачааны хураамжийг цуцалсан. Ингэснээр ачаа, барааны үнэ буурах нөхцөл бүрдлээ. Тээврийн үнэ тарифын хувьд улсын хилийн шугамаас бүс нутгийн логистикийн төв хүртэлх 14.8 км зайд хийгдэх тээвэрлэлтэд Засгийн газрын зүгээс тодорхой зохицуулалт хийж байгаа бол гаалийн хяналт, шалгалт хийгдсэн чингэлгийг Замын-Үүд сумаас автомашинаар дунджаар 3-3.5 сая төгрөгөөр тээвэрлэж байгаа. Харин төмөр замаар 40 футын нэг чингэлгийг 2.5 сая орчим төгрөгөөр тээвэрлэж байнагэжЗТХЯ-наас мэдээллээ.