Өвчтөн 61 настай А.Д нь зүүн бөөрний хорт хавдартай гэж оношлогджээ. Архангай аймгийн Нэгдсэн эмнэлгийн мэс заслын тасагт энэ сарын 17-д ЕМА дор дурангаар өвчтөний зүүн бөөрийг авах мэс заслыг амжилттай хийлээ. Тус мэс заслыг орон нутагт анх удаа хийж байгаа бөгөөд өвчтөн урьдчилан сэргийлэх багцын үзлэгээр анх оношлогдон ийнхүү мэс засалд орсон байна.

Эрүүл мэндийн сайдын 2019 оны 7 дугаар сарын 03-ны өдрийн 317 дугаар тушаалаар Баяр наадмын үеийн эмнэлгийн тусламж үйлчилгээний бэлэн байдлыг хангаж ажиллах, хариуцлагатай жижүүрийг 7 дугаар сарын 09-өөс 16-ны өдрүүдэд томилон ажиллуулсан. Эрүүл мэндийн яамнаас баяр наадмын үеэр эрүүл мэндийн байгууллагууд ажиллах хуваарийг хэвлэлийн бага хурал хийж иргэдэд мэдээлэл өгсөн. Мөн 7 дугаар сарын 05-ны өдөр харьяа лавлагаа төвүүдийн удирдлагуудтай шуурхай хурал, 7 дугаар сарын 06-ны өдөр аймаг нийслэлийн Эрүүл мэндийн газар, нэгдсэн эмнэлгүүдийн удирдлагуудтай цахим хурал зохион байгуулж, мэргэжлийн удирдлагаар хангасан. Эрүүл мэндийн байгууллагууд мэдээг нэгдсэн хүснэгтийн дагуу өссөн дүнгээр[email protected]цахим, 323002 утсаар авч нэгтгэж, тулгамдсан асуудлыг шуурхай шийдвэрлэсэн. Баяр наадмын өдрүүдэд нийт 1179 эх амаржсан. Эхийн амь нас эрүүл мэндэд ноцой хүндрэл учирсан 4 тохиолдол бүртгэгдлээ. 642 хүү, 553 охин мэндэлсэн. Эмнэлгийн хүлээн авах яаралтай тусламжийг нийт 19149 насанд хүрэгч, 9754 хүүхдэд үзүүлж, 11022 иргэнд зөвлөгөө өгч буцаасан. Түргэн тусламжийн үйлчилгээг 9434 тохиолдолд үзүүллээ. Баяр наадмын өдрүүдэд Ховд, Дорноговь, Дорнод аймгуудад автоын осол гарч зам тээврийн осол болон золгүй тохиолдлоор хүний амь нас эрсэдсэн тохиолдлууд бүртгэгдлээ. Баяр наадмын өдрүүдэд Олон улсын Торгоны зам авторалли тэмцээн болж нийт 550 тамирчин, 1600 туслах ажилтан 7 дугаар сарын 09-13-ны өдрүүдэд монгол улсад уралдаан тэмцээн зохион байгуулсан. Энэхүү олон улсын уралдааны үеэр эмнэлгийн тусламж үйлчилгээг шуурхай үзүүлж ажилласан бөгөөд ЭМЯ-ны Төрийн нарийн бичгийн дарга Б.Бямбадоржоор ахлуулсан ажлын хэсэг газар дээр нь ажиллаж, гэмтсэн тамирчдад эмнэлгийн тусламжийг шуурхай үзүүлэх ажлыг зохион байгуулж, гэтсэн тамирчдад орон нутгийн эрүүл мэндийн байгууллагууд болон ГССҮТ-ийн эмч, мэргэжилтнүүд эмнэлгийн яаралтай тусламжийг шуурхай үзүүлсэн. Эрүүл мэндийн байгууллагуудын ачаалал ихтэй ажилласан ч өндөржүүлсэн бэлэн байдалд ажиллаж, эм эмнэлгийн хэрэгслийн тасалдалгүй, эмнэлгийн тусламж үйлчилгээнд ноцтой хүндрэл гомдол гараагүй ажилласан.

Баяр наамдын өдрүүдэдбуюу энэ сарын 11,12- ны өдрүүдэд улсын хэмжээнд 606 эх амаржиж, 313 хүү, 293 охин мэндэлжээ. Эрүүл мэндийн байгууллагад 13118 иргэн хандсанаас эмнэлэгт хэвтэх шаардлагатай 3172 иргэнийг хэвтүүлж тусламж үзүүлж байна. Яаралтай Түргэн тусламжийн дуудлагаар 4572 иргэнд хүрч үйлчилжээ.

Монгол Улсын Засгийн Газрын 2017 оны 11 дүгээр тогтоолоор батлагдсан Халдварт өвчнөөс сэргийлэх, хянах үндэсний хөтөлбөр, 2017 оны 112 дугаар тогтоолоор батлагдсан Элэг бүтэн Монгол үндэсний хөтөлбөрийг хэрэгжүүлэх хүрээнд хүн амыг хепатит В вирусын халдвараас сэргийлэх зорилгоор нийслэлийн есөн дүүргийн Эрүүл мэндийн төвүүдэд хепатит В вирусын эсрэг вакцинаар сайн дурын дархлаажуулалтыг долдугаар сарын 8-ны өдрөөс зохион байгуулж эхэллээ. САЙН ДУРЫН ДАРХЛААЖУУЛАЛТАНДАА ХАМРАГДАНА УУ. НИЙСЛЭЛИЙН ЭРҮҮЛ МЭНДИЙН ГАЗАР