Аймгийн арслан П.Бүрэнтөгс түрүүлж Улсын арслан боллоо

Үнэлэх
(2 үнэлгээ)

Их Монгол Улс байгуулагдсаны 806 жилийн ой, Ардын хувьсгалын 91 жилийн ойн баяр наадмын хүчит бөхийн барилдааны түрүү бөхөөр  Увс аймгийн Давст сумын харьяат аймгийн арслан П.Бүрэнтөгс  Архангай аймгийн Булган сумын  харьяат Улсын заан Д.Рагчаагаар ес давж түрүүлэн 25 насандаа улсын арслан цолны эзэн боллоо.  Өнгөрсөн жилүүдэд аймгийн цолноос шууд улсын арслан цолыг авч эрэмгий барилдсан хүчтэнүүд бараг үгүй аж. Тиймээс бөхийн хорхойтнуудын хувьд улсын арслан цолны болзол хангасан П.Бүрэнтөгсийг олон жил Увсын нэрийг дуурсгасан хүчтэн төрлөө хэмээн бэлэгшээж буй юм.  Улсын баяр наадамд Увс аймгийн бөхчүүд ийнхүү гурав дахиа түрүүллээ.    Увс аймгийн Давст сумын харьяат, “Алдар спорт” хорооны бөх тэрбээр наймын даваанд Сэлэнгэ аймгийн харьяат улсын арслан Г.Мөнхбаярыг өвдөг шороодуулж гарьд цолны болзол хангасан бол есийн даваанд улсын заан Д.Рагчаагаар арслан цолонд хүрлээ. Төв цэнгэлдэх хүрээлэнгийн зүлэг ногоон дэвжээнээ наадамчин олны уухай хадан, Монгол Улсын Ерөнхийлөгчийн зарлигаар аймгийн арслангаас улсын арслан цолонд шууд хүрлээ. Харин наймын даваа хүртэл босоо байсан улсын заан Д.Рагчаа нь гарьд цолны болзол хангаж, Монгол Улсын Ерөнхийлөгчийн зарлигаар цолоо авлаа. Тэрбээр наймын даваанд улсын арслан Х.Мөнхбаатарыг давж, П.Бүрэнтөгсөд өвдөг шороодсоноор ийнхүү улсын их баяр наадамд үзүүрлэлээ. Өнөө жилийн улсын их баяр наадамд 500 гаруй хүчтэнүүд хүч бяр, уран мэхийг уралдуулан барилдаж, хэний ч тааварт орж ирээгүй шинэ цолтнууд төрлөө.

Нийтэлсэн: 2012-07-12 20:26:54
Нийтэд түгээх

Нийт сэтгэгдэл: 1

  • Зочин

    bayar hurgii

    Зочин 2012-07-13 09:41:35     140.128.28.178          (0)       (0)

АНХААРУУЛГА

Уншигчдын бичсэн сэтгэгдэлд word.mn хариуцлага хүлээхгүй болно. word.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг word.mn сайтад зочлон өөрийн санал бодлоо чөлөөтэй илэрхийлж байгаад баярлалаа.

Сэтгэгдэл бичих

Дээш очих

Шар мэдээ

Ойролцоо мэдээ

Зохиогчийн эрх хуулиар хамгаалагдсан. Мэдээлэл хуулбарлах хориотой.