Энэ сарын 10-нд PARKVIEW хотхоны 752 дугаар байрны 270 тоотод СБД-ийн Эрүүгийн хэргийн анхан шатны шүүгч З.Болдбаатар, Улсын дээд шүүхийн Тамгын газрын хүний нөөцин хэлтсийн дарга Д.Отгонбаатар, Монгол Улсын Үндэсний аюулгүй байдлын зөвлөлийн ажилтан Б.Баасанцогт, АТГ- ын ажилтан П.Чулуунбаатар, СБД, ЧД, БЗД-ийн шүүхийн Эрүүгийн хэргийн анхан шатны шүүгч Х.Идэр нар бүсгүйчүүдтэй орж архидан согтуурсан бичлэг олон нийтэд ил тод болсон билээ. Бичлэг цацагдсны дараа ЦЕГ-аас дээрх шүүгчдээс мэдүүлэг тайлбар авч, өмнө нь биеэ үнэлсэн хэрэгт холбогдож байсан хоёр ч бүсгүйн данс руу мөнгө шилжүүлсэн нь тодорхой болсон байна. Тиймээс тэдэнд Эрүүгийн хуулийн 12.6.1-д заасны дагуу хууль бусаар биеэ үнэлэлт зохион байгуулсан эрүүгийн хэрэг үүсгүүлэх саналыг прокурорт хүргүүлжээ. Өөрөөр хэлбэл шүүгч нар архидсан, биеэ үнэлэгчид цуглуулан завхайрсан гэдгийг эхний мөрдөн байцаалтаар тогтоогоод байгаа юм. Шүүгчдийг Монгол Улсын Ерөнхийлөгч томилдог. Ерөнхийлөгчийн зарлигаар томилогдсон шүүгч нар бусдын гэм буруутай эсэхийг тогтоож, Монгол Улсын нэрийн өмнөөс ялын тогтоол уншдаг. Товчоор хэлэхэд Монгол Улсын нэрийн өмнөөс ярих эрхтэй цорын ганц хүмүүс бол шүүгчид. Гэтэл архичин, завхай, хууль дүрэм баримталдаггүй шударга бус, ёс суртахуунгүй олон шүүгч томилж, Монгол Улс, Монгол төрийн нэр нүүрийг сэвтээн доромжилсон Х.Баттулга гэдэг хүн чимээгүй суусаар байгаад олон иргэд бухимдаж эхэллээ.

Иргэний нийгмийн байгууллагууд болон ард түмний төлөөлөл Монгол улсын Ерөнхийлөгч Х.Баттулгад шаардлага хүргүүлэхээр жагсаж байна. Тодруулбал өнгөрсөн амралтын өдөр буюу бүх нийтийн бэлэн байдлын зэрэгт шилжсэн хатуу хөл хорионы үед Эрүүгийн хэргийн анхан шатны шүүгч З.Болдбаатар, Булган аймгийн шүүгч Д.Отгонбаатар, МУ-ын үндэсний аюулгүй байдлын зөвлөлийн ажилтан Б.Баасанцогт, АТГ-ын ажилтан П.Чулуунбаатар, СБД, ЧД, БЗД-ийн шүүхийн Эргүүгийн хэргийн анхан шатны өмгөөлөгч Х.Идэр нар PARKVIEW хотхоны 752-р байрны дугаар тоотод цуглаж биеэ үнэлэгчид байж болзошгүй охидын хамт архидан согтуурсан бичлэг нь нийгмийн сүлжээнд цацагдаж олны анхаарлыг татсан. Тэдний биеэ үнэлэлт зохион байгуулсан байж болзошгүй бичлэг болон хэрэг нь прокурорын газар шалгагдаж байгаа юм. Шүүгчдийн уг ёс зүйгүй үйлдэлд хэн ч тайлбар өгөөгүй, хэн ч хариуцлага ярихгүй байгаа учир тайлбар шаардан ийнхүү жагсаж байгаа аж. Мөн АТГ-ын ажилчид, ЕТГ-тай ойр ажилладаг хүмүүс уулзсан нь хэрэг шийдвэрлэдэг ямар нэг хонгил байна уу үгүй юу гэсэн хардлагыг төрүүлж байгаа гэдгийг жагсагчид хэлж байна. Тиймээс Ерөнхийлөгчийн тамгын газрын дарга Ө.Шижирээр дамжуулж Ерөнхийлөгч Х.Баттулгад шаардлага хүргүүлжээ.

Засгийн газрын ээлжит бус хуралдаан 2021 оны 02 дугаар сарын 21-ний өдөр болж Коронавируст халдвар /Ковид-19/-ын тархалтын түвшин тогтоож, төрийн байгууллага, иргэн, хуулийн этгээдийн үйл ажиллагааг зохицуулах түр журам-ыг баталлаа. Тархалтын түвшинг дөрвөн өнгөөр ангилж, тус бүрт нь төрийн байгууллага, иргэн, хуулийн этгээдийн үйл ажиллагааг нарийвчлан зохицуулжээ. -Ногоон түвшин/Сүүлийн 28 хоногт шинээр халдвар бүртгэгдээгүй. Төрийн байгууллага, иргэн, хуулийн этгээдийн үйл ажиллагааг хязгаарлахгүй, эрүүл мэндийн урьдчилан сэргийлэх арга хэмжээ хэрэгжүүлнэ/ -Шар түвшин/зөөвөрлөгдсөн, алаг цоог тархалттай. Сүүлийн14 хоногт бүртгэгдсэн болон зөөвөрлөгдсөн тохиолдол нь цаг хугацаа, байршил, тархвар судлалын хувьд хоорондоо холбоогүй байх. Өндөржүүлсэн бэлэн байдлын зэрэгт бүрэн эсвэл хэсэгчилсэн байдлаар шилжүүлж, төрийн байгууллага, иргэн, хуулийн этгээдийн үйл ажиллагаанд тодорхой хүрээнд хорио цээр, хязгаарлалтын дэглэм тогтооно/ -Улбар шар түвшин/Халдвар голомтот тархалттай. Сүүлийн 14 хоногт бүртгэгдсэн тохиолдол болон голомт нь цаг хугацаа, байршил, тархвар судлалын хувьд хоорондоо холбоотой, тодорхой хүн амын хүрээнд хязгаарлагдсан. Өндөржүүлсэн бэлэн байдлын зэрэгт бүрэн эсвэл хэсэгчилсэн байдлаар шилжүүлж, төрийн байгууллага, иргэн, хуулийн этгээдийн үйл ажиллагаанд тодорхой хүрээнд хорио цээр, хязгаарлалтын дэглэм тогтооно/ -Улаан түвшин/Халдвар хүн амын дунд өргөн тархалттай. Сүүлийн 14 хоногт бүртгэгдсэн тохиолдол нийт хүн амын дунд тархсан. - Шинээр батлагдсан тохиолдлын 25-аас дээш хувьд халдварын эх уурхай тодорхойгүй буюу тархвар зүйн холбоогүй - 10 мянган хүн тутамд өвчлөлийн түвшин 5.1-ээс их. PCR шинжилгээний эерэг илэрсэн хувь 2.1-ээс их - 10 мянган хүн амд эмнэлэгт хэвтэлтийн түвшин 5-аас их - 10 мянган хүн амд нас баралтын түвшин 0.1-ээс их.Улаан түвшиндбүх нийтийн бэлэн байдлын зэрэгт бүрэн эсвэл хэсэгчилсэн байдлаар шилжүүлж, төрийн байгууллага, иргэн, хуулийн этгээдийн үйл ажиллагааг хязгаарлан, хорио цээр, хязгаарлалтын дэглэмийг тусгайлсан журмаар зохицуулна/ 2021 оны 02 дугаар сарын 23-ны өдрөөс Шар түвшинд шилжих юм. Ингэснээр цахим тоглоомын газар, хүүхдийн тоглоомын төв, диско баар, өргөтгөсөн болон үзэсгэлэн худалдаа, аялал зугаалга/гэр бүлээс бусад/ уралдаан, тэмцээн зохион байгуулахаас бусад бүх үйл ажиллагаа нээгдэж, хэвийн горимоор ажиллах боломжтой болж байна. Эдгээр хязгаарласан үйл ажиллагаануудыг эрүүл мэндийн байгууллагын эрсдэлийн үнэлгээнд үндэслэн нээх эсэхийг тухай бүрт шийдвэрлэнэ.

АстраЗэнэка вакцины 150 мянган хүн тунг Энэтхэг улсаас хүлээн авлаа гэж Шадар сайдын хэвлэлийн албанаас мэдээллээ. Оксфордын АстраЗэнэка вакцины эхний татан авалтын нислэг Чингис хаан ОУ-ын нисэх буудалд газардлаа. Дархлаажуулалт маргааш эхлэх бөгөөд эрүүл мэнд, онцгой байдал, цагдаагийн байгууллагын алба хаагчдыг эхлээд дархлаажуулах юм.Ерөнхий сайд Л.Оюун-Эрдэнэ коронавирусийн эсрэг вакцины анхны тунг хийлгэнэ гэж мэдэгдсэн билээ. БНЭУ-аас Монгол Улсад суугаа Элчин сайд М.П.СингхAstraZeneca вакциныг манай улсад буцалтгүй тусламжаар өгч буйг хэллээ. Вакцин хүлээн авах үйл ажиллагаанд Эрүүл мэндийн сайд С.Энхболд болон бусад төлөөлөл оролцсон бөгөөд дээжийг Шадар сайдад хүлээлгэн өглөө.