​​ Монгол Улсад орчин цагийн дипломат алба үүсэж хөгжсөний 110 жилийн ойг тохиолдуулан Монгол Улсын Ерөнхийлөгч У.Хүрэлсүх Дипломат цол хүртээх тухай зарлиг гаргалаа. Гадаад харилцааны салбарт олон жил үр бүтээл, идэвх санаачилгатай ажиллаж гадаад бодлогын зорилтуудыг хэрэгжүүлэхэд оруулсан хувь нэмрийг нь өндрөөр үнэлж, нэр бүхий дипломатуудад Монгол Улсын Ерөнхийлөгч дипломат цол хүртээж, цолны тэмдэг, Алтан гэрэгэ-ийг гардуулав. ОНЦ БӨГӨӨД БҮРЭН ЭРХТ ЭЛЧИН САЙД ЦОЛЫГ: Элчин сайд асанРавдангийн Болд, Засгийн газрын Хэрэг эрхлэх газрын ахлах референтНямсамбуугийн Буяндэлгэр, Монголын Элчин сайд нарын клуб-ийн ерөнхийлөгчДоржпаламын Гэрэл, Шинжлэх ухааны академийн Олон улсын харилцааны хүрээлэнгийн зөвлөхЖанчивдоржийн Ломбо, Ахмад дипломатчГотовдоржийн Луузаннарт тус тус хүртээлээ. Монгол Улсын Ерөнхийлөгч У.Хүрэлсүх хэлсэн үгэндээ монгол төрийн алтан аргамж болсон дипломат алба нь үндэсний аюулгүй байдал, язгуур ашиг сонирхлыг олон улсын эрхзүйн хүрээнд улс төр-дипломатын аргаар хангадаг амин чухал салбар гэдгийг онцоллоо. Мөн төр түмний итгэл найдвар, төрийн эрхэм дээд цолыг дагаж ирсэн үүрэг хариуцлагаа улам өндөрт өргөж, өөрсдийн хуримтлуулсан арвин их мэдлэг туршлагаа залуу хойч үедээ зааж сургахын зэрэгцээ улс эх орондоо улам их зүйл хийж бүтээхийг хүсэв.

​​ Монгол Улсад орчин цагийн дипломат алба үүсэн байгуулагдсаны 110 жилийн ой энэ онд тохиож байна. Зуун арван жилийн тэртээх өвлийн эхэн сарын тэсгим хүйтэн өдрүүдэд үе, үеийн эх орончдын үнэлж барамгүй их хичээл зүтгэлийн үр дүнд Үндэсний эрх чөлөөний хувьсгалын амжилт баталгаажиж, монголчууд тусгаар тогтнолоо сэргээн мандуулсан билээ. Богд хаант Засгийн газар байгуулагдсан даруйдаа орчин цагийн анхны 5 яамыг байгуулсны нэг нь Гадаад Хэргийг Бүгд Эрхлэн Шийтгэгч Яам байв. Тус яамны анхны сайдаар Үндэсний эрх чөлөөний хувьсгалын гарамгай удирдагчдын нэг Эрдэнэ дайчин хошой чин ван М.Ханддоржийг тохоон томилсноор монголын орчин цагийн дипломат албаны 110 жилийн түүхэн замнал эхэлдэг. Энэхүү бартаатай, төвөгтэй он жилүүдэд монголын үе, үеийн дипломатууд бахархам амжилтыг олонтоо гаргаж, тусгаар тогтнолоо баталгаажуулах түүхэн үүрэг гүйцэтгэж ирсэн. Дэлхийн хоёр удаагийн дайн, түүний дараах хүйтэн дайн, хүйтэн дайны үеийн цөмийн зэвсгийн өрсөлдөөн, өрсөлдөөнийг дагасан их гүрнүүдийн дарамт шахалт зэрэг хүнд хэцүү сорилт бэрхшээлээр дүүрэн ХХ зуунд улсынхаа тусгаар тогтнолыг хөрш орнууд төдийгүй дэлхий дахинд хүлээн зөвшөөрүүлж чадсан нь үүний тод жишээ юм. Түүнчлэн Гуравдагч хөрш орнуудтай найрсаг харилцааг хөгжүүлэхийн сацуу олон улсын хамтын нийгэмлэгт эзлэх байр сууриа бэхжүүлэх замаар 1990-ээд оны шилжилтийн үеийн их хямралыг амжилттай даван туулахад манай дипломатууд үнэтэй хувь нэмэр оруулсан билээ. Эдүгээ манай улс бие даасан, нээлттэй, олон тулгуурт гадаад бодлоготой, дэлхийн бараг бүх улстай дипломат харилцаатай, тэдгээрийн ихэнхтэй нь худалдаа, эдийн засаг, соёлын харилцаа тогтоосон, олон улсын нэр хүнд бүхий 70 гаруй байгууллагын гишүүн, ардчилсан улс болжээ. Туулж ирсэн 110 жил маань дардан байгаагүйтэй адил туулж буй эдүгээ цагт ч мөн адил сорилт бэрхшээлээр дүүрэн байна. Дэлхий дахиныг хамарсан Ковид-19 цар тахлын өмнө хүн төрөлхтөн хүчин мөхөстөж байгаа энэ цаг үед бид бүхий л чадал, ур ухаан, нөөц бололцоогоо дайчилж, хамтран ажиллах шаардлагатай байна. Энэхүү цаг мөчид бид гадаад бодлогынхоо үндсэн зарчмууддаа тулгуурлан дэлхийн бүх улстай найрсаг харилцаа, хамтын ажиллагааг хөгжүүлж, олон талт болон бүс нутгийн хамтын ажиллагаанд идэвхтэй оролцох замаар улс орныхоо нийгэм, эдийн засгийн хөгжилд хувь нэмэр оруулж, тусгаар тогтнол, аюулгүй байдлаа улам бүр бататган бэхжүүлэхийг зорьж ажиллах явдал юу юунаас чухлаар тавигдаж байна. Бидний өвөг дээдэс олон зууны тэртээгээс гадаад бодлого, дипломат ажиллагаанд онцгой ач холбогдол өгч, Монголын Эзэнт Гүрний үед гадаад улстай харилцах асуудлыг төрийн алтан аргамж хэмээн нэрийдэж ирсэн байдаг. Энэхүү төрийн дипломат албаныхаа баялаг түүх, өв уламжлалыг ямагт санаж, алтан аргамжааныхаа цаглашгүй өвийг хойч үедээ хүргэж, хадгалж явах нь Та бидний ариун нандин үүрэг болохыг онцлон тэмдэглэж байна. Ингээд Монгол Улсад орчин цагийн дипломат алба байгуулагдсаны 110 жилийн ойн баярын мэндийг хүргэж, нийт ард түмэндээ хөгжил цэцэглэлтийг хүсэн ерөөе! ГАДААД ХАРИЛЦААНЫ САЙД Б.БАТЦЭЦЭГ

Монгол Улс үндэсний эрх чөлөө, тусгаар тогтнолоо сэргээн мандуулсны 110 жилийн ойг тохиолдуулан Их эзэн Чингис хааны хөшөөнд хүндэтгэл үзүүлж байна

​ Монгол Улсын Их Хурлын гишүүн, Монгол Улсын Ерөнхий сайд Л.Оюун-Эрдэнэ өнөөдөр (2021.12.27)Шинэ сэргэлтийн бодлогo батлах тухай Монгол Улсын Их Хурлын тогтоолын төслийг Улсын Их Хурлын дарга Г.Занданшатарт өргөн барилаа.​ Тэрбээр, Монгол Ардын нам 30 дахь Их хурлаараа эдийн засгийн Шинэ сэргэлтийн бодлогыг тодорхойлж, зургаан зорилт дэвшүүлсэн. Энэ бол Монгол Улсын Их Хурлаар батлагдсан Алсын хараа-2050 Монгол Улсын урт хугацааны хөгжлийнурт хугацааны хөгжлийн бодлогыг үр дүнтэй хэрэгжүүлэх, төрийн бүтээмжийг сайжруулахзорилготой. Үүнд,эрчим хүч, боомт, ногоон хөгжил, аж үйлдвэржилтийн сэргэлт, мөн хот хөдөөгийн хөгжлийн тэнцвэрийг хангах зэрэг асуудлууд багтсан хэмээн танилцуулав. ИймдШинэ сэргэлтийн бодлогo-ынүйл ажиллагааны хөтөлбөрийгхэрэгжүүлэх хүрээнд Монгол Улсын Их Хурлын чуулганы нэгдсэн хуралдаанаар нэн яаралтайгоримоор хэлэлцүүлэн баталж өгөхийгМонгол Улсын Их Хурлын даргаас хүсэв. Шинэ сэргэлтийн бодлого нь Монгол Улсын эдийн засгийн харaат бус, бие даасан байдлыг бэхжүүлэх, Коронавируст халдвар /КОВИД-19/-т цар тахлын эдийн засагт үзүүлэх сөрөг нөлөөллийг бууруулах, хөгжлийг хязгаарлагч хүчин зүйлсийг цаг алдалгүй шийдвэрлэж, Алсын хараа2050 урт хугацааны хөгжлийн бодлогыг үр дүнтэй хэрэгжүүлэх суурь нөхцөлийг бүрдүүлэх, эдийн засаг, дэд бүтэц болон төрийн бүтээмжийг сайжруулахад чиглэсэн 10 хүртэлх жилийн хугацаанд хэрэгжих дунд хугацааны зорилтот хөтөлбөр юм. Шинэ сэргэлтийн бодлого-ыг хэрэгжүүлснээр урт хугацаанд эдийн засгийн өсөлт дунджаар 6 хувьд хадгалагдаж, нэг хүнд ногдох үндэсний орлого 2дахин нэмэгдэж, ажиллах хүчний оролцооны түвшин 65 хувьд хүрнэ. Боомтын хүчин чадлыг 3 дахин нэмэгдүүлж, эрчим хүчний эх үүсвэрийг 2 дахин өсгөнө. Алсын хараа-2050 Монгол Улсын урт хугацааны хөгжлийн бодлогод дэвшүүлсэн эхний үе шатны зорилго, зорилт хангагдах суурь нөхцөл бүрдэнэ. Шинэ сэргэлтийн бодлого-ын хүрээнд төр-хувийн хэвшил, хөрөнгө оруулагчдын идэвхтэй түншлэлд тулгуурлан Монгол Улсын хөгжлийг хязгаарлаж буй зургаан багц асуудлыг шийдвэрлэх болнохэмээн Улсын Их Хурлын Хэвлэл мэдээлэл, олон нийттэй харилцах хэлтсээс мэдээлэв.