БШУЯ-ны тендерийн булхайнаас хамгийн том нь багш нарыг зөөврийн компьютерээр хангах 40 сая долларын төсөл юм. Өнгөрсөн 2-р сараас урд хөршийн хөнгөлөлттэй зээлийн хүрээнд боловсролын салбарт тодорхой төсөл хэрэгжүүлэхээр Засгийн газрын шийдвэр гарсан. Сонгууль тулсаныг ч хэлэх үү МАН-ынхан амлалтаа биелүүлэхээр шийдэж тухайн үеийн БСШУЯам ч Шинэ зууны боловсрол гэдэг төсөл зохион Монголын бүх багш нарт зөөврийн компьютер авч өгөхөөр бөөн юм болсон. Боловсролын салбартаа л томд орох энэ төслийн нийт өртөг нь 40 сая доллар болсон. Ийм их мөнгийг ном журмын дагуу зарцуулах ёстой байсан ч эрх мэдэлтнүүдийн урт гар хөлөөс болоод бүтэлгүйджээ. БСШУЯ-ны экс төрийн нарийн Д.Далайжаргалын ахалсан Үнэлгээний хороо нь 40 саяын тендерийг дөрөвхөн сарын дотор шалгаруулах нэрээр холион бантан болгосон аж. Нэгэнт урд хөршийн зээлээр санхүүжүүлэгдэх төсөл тул Хятадын компаниуд шалгарах нь тодорхой байсан. Ингээд эх орондоо төдийгүй Азид томд орох ZTE болон Haier хоёр тунаж үлдсэн ч Үнэлгээний хороо эхний компанид нь хайр зарлаад явчихжээ. Сонирхолтой нь ZTE нь компьютер үйлдвэрлэгдэггүй ч яагаад ч юм технологийн давуу талтай хэмээгдэн зөөврийн компьютер нийүүлэх тендерт ялсан аж. Ямар ч давуу талгүй хэмээн гологдсон Haier шүүхэд хандсанаар төсөл гацаж БСШУЯамныхан учиргүй сандралдаж янз бүрийн арга хэрэглэсэн ч багш нарын гар дээр юу ч тавьж өгсөнгүй. Энэ бүх явдлаас болж сонгуулийн өмнө МАН-ын бас нэгэн том амлалт нурж яам толгойлж байсан Ё.Отгонбаяр сайд намаа балласан хэрэгт унасан. Өдгөө АН засаг барьж хууль хүчнийхэн ч МАН-ын нөхдийн бужигнуулсан тендерийг араас шургуу хөөцөлдөж эхэлсэн. Хэдхэн хоногийн өмнө дээр өгүүлсэн 40 сая долларын шүүх хурал болж асуудал хариуцсан Үнэлгээний хорооныхон шүүхийн хонгилд уйлж унжин инээдтэй бас ичигвэртэй явдал өрнөжээ. Сангийн яам болон Үнэлгээний хорооны төлөөлөгчид хятад компанийхандаа загнуулан нус нулимс болохыг олон хүн харж. Цаагуураа экс сайд Ё.Отгонбаярыг эргүүлэнэ татуулна хэмээн сүрдүүлсэн тухай ч яриа гарсан. Учир нь шүүх хуралд тендерийн шалгаруулалтыг хариуцаж зохион байгуулсан жинхэнэ эзэд нь ирэх ёстой байсан ч зугтаад алга болжээ. БСШУ-ны сайд асан Ё.Отгонбаяр гишүүн болсон бол төрийн нарийн Д.Далайжаргал нь аль хэдийн огцорсон гээд ирээгүй тул Үнэлгээний хороонд орсон Сангийн яам, БШУЯамны төлөөлөгчид л арга буюу шүүхийн өмнө очсон аж. Шүүх хурлаар хэд хэдэн ноцтой асуудал хөндөгджээ. Юуны өмнө БСШУЯ ZTE-тэй гэрээ байгуулаад зөөврийн компюьтер авсан бол улсад 8 тэрбум төгрөгийн хохирол учрах байсан нь тогтоогдсон гэнэ. Учир нь Haier болон бусад оролцогч компаниуд хямд унийн санал өгсөөр байтал хамгийн өндөр үнэ хэлсэн компанийг шалгаруулсан нь нэгэнт ил болжээ. Эрүүгийн хуулиар 8 тэрбум нь үлэмж их хохирол гэж зүйлчлэгддэгийг мэдсэн Үнэлгээний хорооныхон үхтлээ айсан гэнэ. Бас нэг ноцтой асуудал яригдсан нь экс сайд Ё.Отгонбаярын Haier компаниас авсан тоног төхөөрөмж гэнэ. Тухайлбал Тусгаар тогтнолын ордны тохижилтонд нэрээр авсан иж бүрэн төхөөрөмж, Кембрижын туршилтын төсөл нэвтрүүлж байсан сургуулиудад өгсөн компьютерийн иж бүрэн лаборатори гээд нэлээд их зүйл салгачихсан аж. Хувьдаа авсан ч зүйл байгаа бололтой. Мөн экс төрийн нарийн бичгийн дарга Д.Далайжаргалын ZTE компанийхантай нийлчихээд Haier-ын төлөөлөгчийг шүүхэд гаргасан өргөдлөө тат хэмээн дарамталж байсан баримт ч гарч иржээ. Ё.Отгонбаяр гишүүн сайд байхдаа Бээжинд дэх Haier-ын төв байранд очин 40 сая долларын асуудлаар тохирьё, танайх өргөдлөөсөө татгалзчих хэмээн ярьсан бичлэгийг үзүүлсэн нь шүүх хурлын жинэхэн сенсааци болсон гэнэ. Ингээд шүүхийн шийдвэр гарч Үнэлгээний хорооны шалгаруулалтыг хүчингүйд тооцон тендерийн журам зөрчсөн хэмээн ZTE компанийг тендерт оролцох компаний жагсаалтаас хасаад хаячихаж. WORD.MN Б.Алимаа

Би Өмнөговийн иргэн. Өмнөговио өөрсдөө хөгжүүлцгээе уриатай Өмнөговийн АН-хан сонгуулийнхаа компанит ажлыг өнөөдөр морин цагт албан ёсоор нээлээ. Монгол орны тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, эрх зүйт төр, хууль ёс, хүний эрх, эрх чөлөө, шударга ёс, хөгжлийг эрхэмлэж, түүний бүтээлч чадавхид тулгуурлан нийгмийн дэвшлийг хангах нь Ардчилсан намын эрхэм зорилго билээ. Тиймээс Өмнөговь аймгийн Засаг дарга, Өмнөговь аймгийн Ардчилсан намын дарга ноён Б.Бадраа Ардчилсан үзэл бодолтой хүмүүс, нийгмээ хэрхэн өөрчилж болдогийг харуулж чадсан, төрөлх нутгийнхаа эрчимтэй хөгжлийн суурийг тавьж чадсан, хөгжлийн түүчээ болсон хүмүүс энэ удаагийн сонгуульд нэр дэвшиж байгаад баяртай байгаагаа илэрхийлээд нийт Өмнөговьчуудыг өмнө хийсэн бүтээсэнтэй, цаашид хийгдэх ажлын алсыг харсан хүмүүсийг сонгохыг уриаллаа. Мөн энэ нээлтийн үеэр Орон нутгийн сонгуульд нэр дэвшигчид батламжаа гардан авсан юм.

Орон нутгийн сонгуулийн өмнөхөн МАН-ын генсэк Г.Занданшатар хандив цуглуулан хөрөнгө босгохоор элдэв арга хэмжээ зохиосон ч олигтой үр дүнд хүрсэнгүй гэнэ. Хамгийн сүүлийн арга хэмжээгээ намынхаа байранд хийн аль хөрөнгөлөг чадалтай гэсэн хүмүүсээ урьсан ч бас л талаар болжээ. УИХ-ын сонгуулийн өмнө иймэрхүү уулзалтыг Чингис, Сөүл гээд л тансаг сайхан газарт хийж мөнгө уул овоо шиг цуглардаг байжээ. Намаа сонгуульд ялна хэмээн итгэсэн хүмүүс доод тал нь 10-20 саяыг хандивласан. Тэгвэл нам нь сонгуульд ялагдахын хэрээр гишүүдийнх нь итгэл үнэмшил болон элэг зүрх нь эргэдэг бололтой. Саяны уулзалтаар хүмүүс сайндаа л 1.5 сая орчим төгрөг амлажээ. Зарим нь бүр 500 мянгыг ч өгсөн гэнэ. Хандивлах мөнгө нь багасахын хэрээр гишүүдийн итгэл сэтгэл нь унаж байгааг намын удирдлагууд нь зүрх шимшрэн харсан гэнэ. Генсэкын мөнгө босгох арга хэмжээ сүүлдээ караоке дууны тэмцээн болдгийн даваан дээр өнгөрсөн сонгуулиар Баянхонгорт хамт нэр дэвшин бас унасан нутгийн эгч Билэгт компаний захирал Д.Билэгт хатагтай 5 сая төгрөг бэлнээр хандивлан нэр хүндийг нь аварчээ. WORD.MN Г.Инжир

МАН-аас өнөөдөр 12.00 цагт сэтгүүлчдэд мэдээлэл хийхээр цаг товлосон байсан ч тодорхойгүй хугацаагаар хойшлууллаа. Эл хэвлэлийн бага хурлын хүрээнд УИХ-ын гишүүн У.Хүрэлсүхийн асуудал хөндөгдөнө гэж байсан юм. Хэвлэлийн хурал Төрийн ордны Г танхимд зарлагдсан байв. Г.Дарь

УИХ-аас томилдог байгууллагуудын удирдлагад хандан З.Энхболд дарга цаасан мэндчилгээг цахим болгох, бага зардлаар баяр тэмдэглэхийг уриалсан билээ. Учир нь төрийн байгууллагуудын үрэлгэн зардал их. Яам, агентлаг, УИХ-ын харьяа байгууллагын удирдлагуудад шинэ жилээр мэндчилгээ илгээнэ гэхэд л ил захидлын зардал 100 сая төгрөг болдог байна. Учир нь нэг ил захидал 1500 төгрөгийн үнэтэй гээд тооцоход ийм зардал гарч буй аж. Дээрээс нь зөвхөн ил захидал биш, оргилуун дарс, чихрийн цуглуулга хамт бэлэглэдэг. Энэ бүхний зардал, дээрээс нь тээвэрлэх мөнгийг тооцвол их тоо гардаг байна. Гэтэл тэр их зардал шинэ жилийн маргааш нь тэдгээр ил захидлыг хогийн саванд хийгддэг шүү дээ. Түүнээс гадна ингэснээр гадагшаа зардал их гардаг байна. Учир нь ил захидлыг голдуу БНСУ, БНХАУ-д хэвлүүлдэг. Оргилуун дарс, чихрийн цуглуулгыг нь гаднаас авдаг. Тиймээс ийм их мөнгийг гадагшаа урсдаг байна. Тиймээс гаднын компаниудыг дэмжихийг оронд мэндчилгээгээ цахим хэлбэрээр илгээвэл тэр мөнгө эх орондоо үлдэнэ, зардал хэмнэнэ гэж үзжээ.