Америкийн телевизийн од Ким Кардашьян-Уэст болон түүний нөхөр рэпер Канье Уэст нар Улаан хивс-ийн ёслолын хошигнолын хохирогчид болжээ. Энэ ямар хошигнол байсан бол?... Хүн чанаргүй хосууд Ёслол Нью-Йоркийн Линкольнд болсон бөгөөд ёслолд Ким Кардашьян Sophie Theallet-ын 2015 оны хаврын шинэ загварын даашинзыг өмсөн очжээ. Ким болон Канье нар шоу ертөнцийн хамгийн нэр бүхий хүмүүсийн тоонд багтсан бөгөөд гэрэл зураг даруулж байх үед нь хошин шогийн жүжигчин Эми Шумер хосуудын өмнө шургаж унасан байна. Тэрээр хосуудыг ямар нэгэн хариу үйлдэл үзүүлэх болов уу хэмээн найджээ. Гэтэл Ким үл ялиг инээж, харин Канье огтхон ч хувиралгүй Эмигийн хажуугаар гарсан байна. Тэдний оронд Кимын үнэнч хамгаалагч болох Паскаль Дювье болон бусад оролцогчид нэлээд инээж авсан байна. Үнэхээр ийм юм болсон бол, тэд харсан ч хараагүй юм шиг өнгөрөх нь дээ -хэмээн интернэт хэрэгчид Ким, Канье Уэст хоёрыг шүүмжилсэн байна.

Холливуд тайчигчдыг халуун дулаанаар хүлээн авдаг бололтой. Учир нь одоо алдрын оргилд хүрсэн маш олон одууд анхны гараагаа тайчигчаар эхэлжээ. Ингээд бид та бүхэндээ тайчих урлагийн ачаар кино ертөнцийн том салбарт хөл тавьсан алдарт жүжигчдийг танилцуулж байна. Нэрд гарахаасаа өмнө тайчигч байсан алдартнууд Брэд Питт Брэд Питт, Миссури мужийн коллежид сурч байхдаа Нүцгэн бүжигчид нэртэй сонирхогчдын тайчих урлагийн эрэгтэй хамтлагийн гишүүн байжээ. Тэд ихэвчлэн охидын үдэшлэг болон тусгай арга хэмжээн дээр тайчдаг байв. Түүнчлэн Брэд Питт тайчих үйлчилгээ үзүүлдэг компанид тайчигч охидыг үзүүлбэрт нь хүргэж өгөн, хувцас, хэрэглэлийг нь харах ажил хийдэг байв. Тухайн үед, охидын нэг жүжигчний мэргэжил олгох дамжаанд явдаг байсан нь Брэдийн сонирхлыг татжээ. Ийнхүү тэрээр тайчих урлагаар дамжин өнөөдрийн бидний мэдэх алдартай жүжигчин, холливудын хамгийн үзэсгэлэнт бүсгүй Анжелина Жолигийн нөхөр, долоон хүүхдийн эцэг болсон билээ. Кэтрин Зета-Жонс Яаралтай мөнгө хэрэгтэй болоход хүмүүс ихэвчлэн юу хийдэг гэж та бодож байна? Мэдээж хамгийн хурдан хугацаанд мөнгө олж болох ямар ч ажлыг гололгүй хийнэ. Гэхдээ хамрынхаа хэлбэр засуулах мөнгө хэрэгтэй болсон тохиолдолд их хэмжээний мөнгө олох тийм ч хялбар биш. Харин гоо сайхандаа санаа тавихаар зориглосон нэгэн бүсгүй тайчих бүжиг бүжиглэхээр шийджээ. Тэр бол Британийн жүжигчин Кэтрин Зета Жонс байсан юм. Түүний жүжигчний авъяас, туршлага хожим Чикаго мюзиклд тоглоход илрэн гарсан байна. Крис Прэтт Гараг эрхсийн хамгаалагчид, Бай №1 киноны од жингээ хасч, Instagram-д нүцгэн зургаа оруулсан нь түүний булчинлаг биеийг цахим ертөнцөөр алдаршуулж орхижээ. Хэдийн алдар нэрд гарсан жүжигчин эр олны өмнө тайчих дуртай гэдгээ хүлээн зөвшөөрсөн байна. Тэрээр ийм сонголт хийх болсноо дараах байдлаар тайлбарлажээ: Би тайчих дуртай, тэгээд үүнийхээ төлөө яагаад мөнгө авч болохгүй гэж? гэсэн байна. Тэрээр 18 настайдаа охидын төрсөн өдрийн үдэшлэг дээр очиж тайчих үзүүлбэр үзүүлдэг байсан ажээ. Тэр бүү хэл мэргэжлийн тайчигч болохоор ярилцлагад орсон ч харамсалтай нь түүнтэй эргэж холбоо бариагүй гэдэг. Ингэж л тайчих урлаг нэг одоор дутаж, кино урлаг түүнийг тосон авчээ. НеНе Ликс Real Housewife of Atlanta-ийн од, НеНе Ликс алдар нэр, баян тансаг амьдралд хүрэхээсээ өмнө тайчих клубт бүжиглэж байсан гэвэл гайхах хүн гарахгүй биз ээ. Өөрийнх нь ярьснаар тэрээр өөртөө итгэх итгэл олж авах, хүүтэйгээ хамт амьжиргаагаа залгуулах мөнгө олохын тулд үүнийг хийдэг байжээ. НеНе тухайн үед Шелк хэмээх тайзны нууц нэр ашиглаж байсан байна. Гэхдээ өдгөө алдар нэртэй болсон тэрбээр тайчигч байсан үеэ дурсах дуртай гэнэ. Леди Гага Гаж хатагтай буюу Леди Гага нэрээрээ алдаршсан Стефани Жоанн Анжелина Жерманотта 18 настайдаа тайчих клубт ажилладаг байжээ. Хөлөөсөө толгой хүртэл хар савхин өмсгөлтэй тэрээр Black Sabbath болон Guns N Roses хамтлагуудын дуун дээр бүжиглэдэг байв. Дуучин бүсгүй тэр үед хар тамхийг маш их хэмжээгээр хэрэглэдэг байсан хэмээн хожим өөрөө дурссан байна. Хавьер Бардем Халуухан испани эр Хавьер Бардем 20 настайдаа өдөр хоногоо арай чүү залгуулдаг байв. Нэг удаа тэрбээр тэмцээнд орж бага зэргийн мөнгө олчих санаатай сонирхогчдын тайчих клубт очсон байна. Ингэхдээ хүмүүжил сайтай, даруухан хүү байсан тэрбээр ээжийгээ дагуулан явжээ. Тэр үдэш сайн дурын эрэгтэй тайчигч хайж байсан шөнийн клубынхан Хавьерийг дуртайяа авсан байна. Ээж нь үүнд яаж хандсан бэ гэж үү? Ээж нь өөрөөр нь бахархсан хэмээн Хавьер ярьжээ. Кендра Уилкинсон Та өөрийгөө Хью Хефнер хэмээн төсөөлж, өөрт чинь Плейбой-ийн bunny болгоход тохирох авъяаслаг бүсгүйчүүдийг олох шаардлагатай боллоо гэж бодоё. Та хаанаас эрлээ эхлэх байсан бэ? Мэдээж худалдааны төв явахгүй нь ойлгомжтой. Шууд л тайчих клубыг зүглэсэн байж таарна. Хью Хефнер ч тэгсэн байна. Тэнд тэрээр Кендра Уилкинсон хэмээх бүсгүйг олжээ. Харин НеНегээс ялгаатай нь Кендра амьдралынхаа энэ үеэс ихэд ичдэг гэнэ. Өдгөө түүнийг тайчигч гэхээсээ илүү телевизийн хөтлөгч, ирээдүйтэй загвар өмсөгч гэдгээр нь хүмүүс танина. Рене Зеллвегер Олон хүн түүнийг гоо сайхны мэс засалд орж, төрхөө өөрчилсөнд сэтгэл гонсгор үлдсэн билээ. Тиймээ, энэ бол жүжигчин Рене Зеллвегер. Өдгөө Холливудын алдартай жүжигчдийн нэгд тооцогдох болсон бүсгүй залуудаа Техас мужийн Кети хотын тайчих клубт зөөгч хийдэг байжээ. Тэрээр тайчих урлагтай шууд холбоогүй ч ийм байгууллагын уур амьсгалыг мэддэг хүний хувьд Чикаго мюзиклд амжилттай тоглоход нь тус болсон байна. Ив (Eve) Зөвхөн тэнгэр мэднэ дуундаа Ив зочдын өмнө ширээн дээр бүжиглэж гараагаа эхэлсэн ч өөрийн гэсэн брэндийг үүсгэсэн хатагтай болж, мөнгийг хүүдийлж байгаа тухай дуулдаг. Энэ бол түүний намтар юм. Ив 18 настайдаа үнэхээр мөнгөний асуудлаа тайчих клубт бүжиглэж шийддэг байсан бөгөөд чухам энд л тэр нэрт рэпчин Mase-тай учирчээ. Mase түүнд амьдралынхаа чиг хандлагыг өөрчилж, тайчихын оронд мэргэжлийн түвшинд рэп дуулахыг санал болгосон байна. Марк Консуэлос Хэдий та залуухан, булчинлаг бие хаатай байсан ч стриптиз үзүүлэхээр тайзан дээр гарахын тулд багагүй тэвчээр гаргах хэрэгтэй болно. Альфа байшин, Бүгд миний хүүхдүүд телевизийн цуврал киногоороо нэрд гарсан жүжигчин Марк Консуэлос тайчигч бүжигчний туслахаар гараагаа эхэлж байжээ. Ингээд хэсэг хугацаа өнгөрсний дараа нэг удаа түүнд итгэж, илүү хариуцлагатай ажил даалгасан нь олны өмнө нүцгэлэх байв. Энэ үүрэг даалгаврыг тэрээр амжилттай гүйцэтгэснээр дараа дараагийн үзүүлбэрт орох болсон гэдэг. Бүр мэргэжлийн түвшинд, илүү өндөр хөлстэйгээр шүү. Эмбер Роуз Одоо жүжигчин Эмбер Роуз дэлхийд алдартай брэндүүдийн сурталчилгааны зураг авалтанд орж, өөрийн гэсэн нарны шил гаргаж, клипэнд хүртэл тоглосоор байна. Харин тэр энэ бүхэнд хүрэхийн тулд жирийн нэгэн тайчигчаас гараагаа эхэлжээ. Тухайн үед эцэг эх нь салж, санхүүгийн хүндрэлд орсноор мэдлэг мэргэжил гэхээр зүйлгүй хэцүүхэн амьдралыг туулж байсан залуухан Эмбер мөнгөний төлөө бүжиглэдэг байсан байна. Кортни Лав Дуучин, жүжигчин, ая зохиогч Кортни Лавын амьдрал хэзээд дуулиантай байсаар ирсэн. Түүнийг анх ЛСД мансууруулах бодист донтох шалтгаан төрсөн эцэг нь байжээ. 9 настайдаа аутизм өвчтэй хэмээн оношлогдсон Кортни 14 настайдаа жижиг зүйл хулгайлж, колонид хүртэл явсан байна. Удалгүй төрийн халамж ивээлээр суллагдсан Кортни бас л аутизмээр шаналагсдаас огт өөрөөр биеэ авч явах болжээ. Тэр DJ болон тайчигч хийж эхлэв. Дараа нь түүний амьдрал эмээгээсээ өв залгамжилсан, шашны коллеж, Сан-Францискогийн урлагийн сургууль, Тамд унасан нь киноны гол дүр, хөгжмийн карьер, алдарт Курт Кобейны эхнэр, хар тамхины хамаарлын албадан эмчилгээ гэх мэтээр хөвөрсөн юм. Өдгөө Кортни Лав эрүүл амьдралын хэв маягийг баримтлах болсон бөгөөд ижил хүйстнүүдийн эрх ашгийг хамгаалж, буддын шашин шүтэх болсон байна. Ченнинг Татум Жүжигчин Ченнинг Татумын стриптиз-карьер дэлхийд нэрийг нь гаргаж, өндөр орлоготой болоход нь нөлөөлсөн байна. Дээврийн засварчин, мал эмнэлгийн ажилтан, үл хөдлөх хөрөнгийн борлуулагч хийгээд ямар ч амжилтанд хүрээгүй Ченингийн эцсийн цэг нь Тамп дахь шөнийн клуб байсан гэдэг. Тэнд тэрээр Чен Кроуфорд хэмээх нууц нэрээр тайзан дээр гарч бүжиглэдэг байжээ. Гэтэл шинэ салбар нь түүнийг цаашдын амжилтанд хөтөлсөн байна. Тайчдаг байсан тэрбээр Armani, Abercrombie Fitch брэндүүдийн загварыг тайзан дээр гарах болж дараа нь Dolce Gabbana, Emporio Armani зэрэг дэлхийд нэртэй брэндүүдийн сурталчилгаанд тоглох болов. Мөн Tear Sheet сэтгүүл түүнийг Дэлхийн хамгийн дур булаам 50 эр-ийн нэгээр шалгаруулсан байна. Загвар өмсөгч, сурталчилгааны бизнесийн хажуугаар жүжигчний карьер нь ч амжилт олсон Ченинг Татум олон гол дүрийн санал хүлээн авдаг, өндөр үнэтэй жүжигчдийн тоонд багтах болсон билээ. Диабло Коди Диабло Коди анх зохиолчийнхоо хувьд биш харин Оскарын шагналыг өөрт нь авч ирсэн Жуно кинонд бүтээсэн дүрээрээ нэрд гарсан юм. Тэрээр Ранчо муужгай хэмээх нэртэй блог хөтөлдөг байсан бөгөөд дараа нь Candy Girl A Year in The Life of an Unlikely Stripper нэртэй өөрийн тайчигч байх үеийн дурсамжуудаа нийтлэх болжээ. Коди өөрөө тайчигч байсныгаа яг л сэтгэл хөдөлгөсөн адал явдал мэт дурсдаг байна. Майк Соррентино Майк Соррентиног Америкийн телевизийн салбарынхан андахгүй билээ. Тэрээр маш олон төсөлд оролцдог бөгөөд үүнийхээ ачаар Ким Кардашьянаас дутахааргүй мөнгө олдог байна. Тайчигчийн карьер нь түүнд маш их сэтгэл ханамжийг өгдөг төдийгүй одоо ч олны өмнө дан дотоожтойгоо гарч, үнэтэй сүрчиг сурталчлах боломжийг алдалгүй шүүрч авдаг ажээ. Түүнийг наран шарлагын газар гаргасан үймээнийх нь төлөө баривчилж, хар тамхины хамаарлаас гаргах эмчилгээ хийж, өнгөрсөн жил л гэхэд 8.9 сая долларын татвараас зайлсхийсэн хэрэгт буруутгагдсан байна.

Америкийн чансаатай цөөн эмэгтэй репперүүдийн нэг, өдгөө 33 настай дуучин Ники Минаж (Niki Minaj) өмнөх үеэ бодвол хачин сонин үйлдэл гаргах нь багасаж, овоо томоожоод буй. Харин тэрээр саяхан өөрийн дотоожтой зургаа инстаграмдаа нийтэлж тайван байсан шүтэн бишрэгчдээ жинхэнэ галзууруулсан гэнэ. Ники Минажийн дотоож нь багаджээ Энэхүү зурган дээр түүний дотоож хэт барьснаас болж, эмзэг эрхтэн нь хэлбэрээрээ тодрон гарч иржээ. Зурагныхаа дээр нь харин Баярлалаа хонгор минь, гэхдээ надад арай том размер хэрэгтэй юм шиг байна хэмээн бичсэн байна. Уг дотоожийг түүний найз залуу Мик Милл (Meek Mill) бэлэглэсэн байх хэмээн түүний фэнүүд доор нь сэтгэгдлээ үлдээсэн байсан ч тэр өөрөө энэ тухай тодорхой зүйл бичээгүй байжээ. Хэдхэн хоногийн өмнө түүний найз залуу Роберт Уиллиамс буюу олонд Мик Милл хэмээх нэрээрээ алдаршсан Америкийн реппер Никид очир алмазан шигтгээтэй бөгж бэлэглэсэн байна. Олон хүн тэднийг сүй тавьсан хэмээн ойлгосон ч Ники энэ талаар Бид 2 сүй тавиагүй. Гэхдээ тэр надтай гэрлэхээсээ өмнө 3 бөгж өгнө хэмээн амласан. Харин энэ бол эхнийх нь гэжээ. Түүнчлэн Ники Минаж: Милл бид 2 түрүү долоо хоногт Бейонсе, Жей-Зи нартай оройн хоол идэнгээ сайхан яриа өрнүүлж суусан. Хайрлаж хүндэлж явдаг хүмүүстэйгээ халуун дотно яриа өрнүүлэх үнэхээр гайхалтай байлаа. Тэд бид хоёрт үерхлийн талаар маш үнэтэй зөвлөгөөнүүдийг өгсөн хэмээн хэлжээ. Харин Миллийн хувьд гэвэл тэрээр Никид бөгж бэлэглэснийхээ дараахан хар тамхи болон хүйтэн зэвсэг биедээ авч явсан хэргээр шүүхэд дуудагдсан бөгөөд ял сонсож ч магадгүй болоод байгаа юм. Ихэнх хүмүүс Миллийг Никид тохирох хүн биш хэмээн ам уралдан ярьж байгаа ч баттай эх сурвалжийн мэдээллэснээр Ники Милл нар ойрын хэдэн сар улам л дотносон, цагийг байнга цугтаа өнгөрүүлэх болсон гэжээ. Тэдний үерхэл цаашид юу болохыг хүлээх л үлдлээ.

Хүүхдэрхүү эгдүү хүргэм төрхтэй, дур булаам хоолойтой дуучин, жүжигчин Селена Гомез (Selena Gomez)-ийг өдгөө танихгүй хүн гэж бараг үгүй болжээ. Тэрээр 1992 оны 7-р сарын 22-нд АНУ-ын Техас мужид төрж өссөн бөгөөд багаасаа л авьяастай хүүхэд байсан бөгөөд түүнийг хувийн амьдралын тал дээр нилээд тогтвортой гэж хэлж болно. Ингээд та бүхэндээ Селена Гомезийн тухай хүмүүсийн тэр бүр мэддэггүй сонирхолтой баримтуудыг хүргэж байна. Селена Гомезийн тухай бидний мэдэхгүй баримтууд 1. Анхны дүр Тэрээр 2000 онд Америкийн телевизийн цуврал Барни ба түүний нөхөд (Barney Friends) кинонд тоглож уран бүтээлийн гараагаа эхэлсэн байна. Тухайн үед Селена 7 настай байсан бөгөөд ягаан өнгөтэй үлэг гүрвэлийн хувцас өмсөж гардаг нь одоо харахад үнэхээр эгдүүтэй санагдана. Яг энэ үеэс л Селенагийн ээж нь түүнийг урлагийн зам руу эргэлт буцалтгүй оруулсан ажээ. 2. Хамгийн сайн найзтайгаа танилцсан нь Энэ кинонд тэрээр дуучин Деми Ловатотай хамт тоглосон нь тэдний нандин үерхлийг эхлүүлсэн байна. Одоо харин тэд хоёул дэлхийн хэмжээний од болжээ. 3. Сэтгэл зовоосон өвчин 2012 онд тэрээр арьсны сүрьеэтэй хэмээн оношлогдож аялан тоглолтоо хойшлуулж байв. Энэхүү өвчин нь арьсан дээр хатуу товруунууд үүсгэж, гадаад төрхөнд маш ихээр нөлөөлдөг төдийгүй, эмчлүүлэлгүй удаан явбал амь насанд ч хүрч болох аюултай өвчин юм. Энэ тухай сонссон түүний шүтэн бишрэгчид сэтгэл зүрхээрээ хэзээд хамт гэдгээ илэрхийлж байжээ. 4. ПЕТА-ийн бас нэгэн бай PETA буюу Амьтны эрхийг хамгаалах нийгэмлэгнь олны танил хүмүүсийг байнга л шүүмжилж, заримдаа бүр тэднийг шийтгэх нь ч бий. Харин Селенаг Love You Like a Love Song дууны клипэн дээрээ түүнийг морьтой маш харгис харьцсан хэмээн шүүмжилсэн байна. Түүнийг ягаан будгаар морийг будаж, хордуулсан хэмээн буруутгасан ч Селена хариуд нь Мэдээж энэ бол амьтан болон хүнд хоргүй, байгалийн гаралтай бүтээгдэхүүн. Тэгээд ч дараа нь угаачихаж болно шүү дээ хэмээн хэлсэн ч тэрхүү зураг авалтыг клипнээс бүр мөсөн хассан ажээ. 5. Тэр дэлгүүр хэсэх донтой Селена ганцхан жижиг зүүлт авах гэж гараад л тор дүүрэн хувцас өөрөө ч мэдэлгүй авчихаад гэртээ орж ирэн, Уг нь нэг л зүйл авах гэж гарсан юмсан хэмээн цахим хуудсандаа бичдэг. Дэлгүүр хэсэх донтой хүмүүс ийм л байгаа юм даа... 6. Түүний дурлалт залуу хэн бэ? Transformers киноны Sam Witwicky-г санаж байна уу? Түүний дүрд тоглосон 29 настай Америкийн жүжигчин Шиа ЛаБеф (Shia LaBeouf)-ийг хайрлаж хүндэлж, битүүхэн харж явдаг гэнэ шүү. Гэхдээ Шиагийн шүтэн бишрэгч охид дундаас хамгийн алдартай нь магадгүй Селена байх. 7. Селенагийн хоолойгоо хамгаалах нууц Тэрээр дуулах дуртай болсноосоо хойш байнга оливын тос ууж хэвшсэн байна. Энэ нь түүний хоолойг чанга дуугарах болон амархан цуцахгүй байхад нь тусалдаг гэнэ. 8. Түүний бөгжийг хараагүй биз? Тэр бага байхдаа хүнтэй гэрлэх хүртлээ энэхүү ариун бөгж-ийг зүүнэ хэмээн өөртөө тангараг өгч байж л дээ. 2009 онд дуучин Жастин Бибертэй үерхэж эхлэн, хайрын романс үүсгэн нэг хэсэг өөрийн ухаангүй мэт л явсан билээ. Гэтэл гэнэтхэн нөгөө ариун бөгж нь алга болчихож. Хэн авсныг нь ч мэдээгүй бөгөөд үүнийг нь цахим ертөнцөөр буруугаар ойлгон Селенаг доромжилсон утгатай олон мэдээ гарч байсан ажээ. 9. Тэр бүтэн лемон идэж чадна Түүний хамгийн дуртай амттан бол чимх давс цацсан лимон гэнэ. Олон хүн лимоныг ингэж дангаар нь идэж чадахгүй гэдэгтэй мөрийцсөн ч бэлэн байна. 10. Майли Сайрус, Селена Гомез нар дайснууд уу? Селена өмнө нь Hannah Montana кинонд тоглож байсан. Энэхүү кинонд дуучин Майли Сайрус (Miley Cyrus) гол дүр бүтээснийг уншигч та санаж байгаа байх. Түүнчлэн Майли дуучин Ник Жонестой үерхэж байгаад 2008 онд салсан юм. Харин тэдний салсан шалтгаанд Майли одоо хүртэл Селенаг буруутгадаг ажээ. Учир нь тэднийг салахаас бүр жилийн өмнө Ник, Селена хоёр харилцаатай байсан гэгддэг. 11. Шинэ бүхний эхлэл Селена Гомез Бүтэн лимон иддэг хэмээх шуугиан намдаагүй байтал тэр ахиад л даршилсан ногоо дангаар нь идэх дуртай болж таарав. Тэр ч бүү хэл даршилсан ногооны амттай бохь байнга цүнхэлж явдаг гэж байгаа... Даршилсан ногоо идэж нэг сарын дотор 10 кг хассан хэмээн мэдэгдсэн нь фэнүүдийнх нь дунд хуурай өвсөнд гарсан түймэр мэт л тарсан юм. 12. Хэт эмзэг Селена Хэвлэл мэдээлэл, цахим ертөнцөөр түүний шүтэн бишрэгчид олноос гадна үзэн ядагчид нь ч гэсэн цөөнгүй бий. Түүнрүү чичилсэн муухай үг бүхэн зүрхэнд нь хүрч, тэдгээрт эмзэглэсэн сэтгэгдлээ уран бүтээлдээ хүртэл тусгадаг нь түүний гэм биш зан. Та нарын хэлсэн үг бүхэнтэй миний ололт амжилт хамт явж байдаг. Интернэтээр миний хийгээгүй үйлдлийг хийсэн болгож бичдэгт би одоо гомдоллохоо больсон ч сэтгэл унасаар л байдаг хэмээн хэлсэн удаатай.

Царайлаг, авьяаслаг дуучин гэхээсээ илүүтэйгээр Жастин Биберийн хуучин найз охин байснаар нь хүмүүс түүнийг андахгүй билээ. Гэхдээ сүүлийн үед дуучин бүсгүй маань өөрийгөө бусдад дуучин гэдэг утгаараа таниулахуйц олон гайхалтай бүтээл туурвин, сая сая шүтэн бишрэгчтэй болсоор байгаа юм. Үүний нэгээхэн илрэл нь тэрээр Инстаграм хуудаснаа хамгийн олон дагагчтай болсон явдал юм. Селена Гомез инстаграмын хатан хаан болжээ Инстаграмдаа хэр их дагагчтай байна төдийн чинээ нэр хүндтэй, шүтэн бишрэгчтэй байна гэсэн үг юм. 23 настай дуучин бүсгүй маань 69.4 сая дагагчтай болсноор инстаграмын хатан хаанаар тодорчээ. Урьд нь түүний сайн найз, дуучин Тайлор Свифт хамгийн их дагагчтай хэмээн нэрлэгддэг байсан бол одоо 69.2 сая дагагчтайгаар 2-р байранд явж байгаа аж. Харин 3-р байрыг 69.2 сая дагагчтай реалити шоуны од Ким Кардашьян эзэлж байна. Селена Гомез одоогоор Европ улсаар аялан тоглолт хийж байгаа аж. Тиймээс ч түүнийг дагах хүмүүсийн тоо ихэссэн хэмээн эх сурвалжууд мэдээлж байна. Тэрээр хамгийн их дагагчтайгаас гадна хамгийн их хувцастай дуучин бололтой. Дуучин бүсгүй маань саяхан Лондон хотоор зочилсон бөгөөд нэг өдөрт 5 өөр хувцас солин өмссөн байна. Селена Лондон хотод орой ирэхдээ цагаан ноосон цамц, бариу жийнс, цагаан пүүз болон үстэй хүрэмтэй байсан аж. Харин дараа нь BBC Radio руу явахдаа цайвар өнгийн хүрэм, улаан цамц, өндөр суудалтай сул өмд болон цагаан углаашаар гангарсан байв. Дараа нь улаан цэнхэр өнгө хосолсон гоёмсог даашинз өмссөн байна. Зочид буудлаас хар бариу даашинзтай гарч явахыг папарациуд дурандсан аж. Эцэст нь гэр рүүгээ буцахаар Heathrow нисэх онгоцны буудал дээр бариу жийнс, өсгийтэй гутал болон захтай цамцанд нь төгс тохирохуйц хар нөмрөгөн цамцаар гоёжээ.