Хувийн нэмэлт тэтгэврийн тухай хуулийн төсөл боловсруулах ажлын хэсгийн ээлжит уулзалт, хэлэлцүүлэгесдүгээр сарын 21-ний өдөр Хөдөлмөр, нийгмийн хамгааллын яаманд болжхуулийн төслийг хэлэлцлээ. Уг ажлын хэсэгт Монголын хөрөнгийн бирж, Монголбанк, Санхүүгийн зохицуулах хороо, Ард лайф ХХК, Тэтгэврийн реформ хөдөлгөөн, Үндэсний амьдралын даатгал ХХК, Тэтгэврийн ууган сан, Монголын ажил олгогч эздийн нэгдсэн холбоо, Монголын үйлдвэрчний эвлэлийн холбооны төлөөлөл, мөн актуарч, холбогдох судлаач нарын төлөөлөл оролцов. Хурлыг ажлын хэсгийн ахлагч Хөдөлмөр, нийгмийн хамгааллын яамны Төрийн нарийн бичгийн дарга Г.Өнөрбаяр удирдан явууллаа. Хэлэлцүүлэгт оролцсон ажлын хэсгийн гишүүд уг хуулийн төслийг дэмжиж байгаагаа илэрхийлж, холбогдох саналаа илэрхийллээ. Хэлэлцүүлэгээс гарсан санал, зөвлөмжийг хэлэлцэн, хуулийн төсөлд тусгахаар ажиллаж байна. Эх сурвалж:Хөдөлмөр нийгмийн хамгааллын яам

Уул уурхайн салбарын ханган нийлүүлэгчдийн бүтээгдэхүүн, үйлчилгээгээ танилцуулах, маркетинг, худалдааны таатай орчныг бүрдүүлэх зорилгоор зохион байгуулдаг Mонголиа Майнинг олон улсын уул уурхайн үзэсгэлэн Буянт-Ухаа спорт цогцолборт үргэлжилж байна. Энэ удаагийн үзэсгэлэнд уул уурхайн тоног, төхөөрөмж нийлүүлдэг гадаад, дотоодын 130 гаруй компани оролцож бүтээгдэхүүнээ танилцуулж байгаа юм. Үзэсгэлэнгийн үеэр уул уурхайн салбарын дэлхийд тэргүүлэх технологийг дэлгэн танилцуулахаас гадна эрдэс баялгийн салбарт төрөөс баримтлах бодлого, холбогдох хуулиуд, Монгол Улсад хэрэгжих уул уурхай дэд бүтцийн төслүүдийн тухай илтгэл, хэлэлцүүлгүүд явагдаж байна. Энэ хүрээнд Эрдэнэс Тавантолгой ХК-ийн Худалдан авах ажиллагааны газар оролцож, Худалдан авалтын хэлтсийн дарга Б.Отгонжаргал Эрдэнэс Тавантолгой ХК-ийн Худалдан авах ажиллагааны бодлого, ил тод байдал сэдвийн хүрээнд илтгэл тавьлаа. Илтгэлээр компанийн худалдан авах ажиллагааны төлөвлөгөө, тендер шалгаруулалт, худалдан авах ажиллагааны зарчим болон дотоодын үйлдвэрлэгчдийг хэрхэн дэмжин ажилладаг тухай танилцуулав. Тухайлбал, 2021 оны 3 дугаар улирлын байдлаар Эрдэнэс Тавантолгой ХК нийт 44.9 тэрбум төгрөгийн төсөвт өртөг бүхий 221 бараа, ажил үйлчилгээг 38.7 тэрбум төгрөгөөр худалдан авч 6.2 тэрбум төгрөгийн хэмнэлтийг гаргасан байна. Мөн дотоодын үйлдвэрлэгчдээс нийт 1,336,948.34 мянган төгрөгийн бараа бүтээгдэхүүн худалдан авчээ.

Сонгинохайрхан дүүрэгт хийсэн томоохон ажлын нэг бол Цагдаа толгой цэцэрлэгт хүрээлэн юм. Тахилт буюу ЗЗ дугаар хорооны 122 дугаар сургуулийн дэргэд уг цэцэрлэгт хүрээлэн ашиглалтад орлоо. Энэхүү дөрвөн га талбай бүхий бүтээн байгуулалтын ажил 2019 онд эхэлсэн бөгөөд гүйцэтгэгч байгууллагаар Неон гэгээ ХХК ажилласан. Тохижилтын ажлын хүрээнд 750 метр дугуйн болон гүйлтийн зам, 8000 ам метр явган хүний зам, 54 машины авто зогсоол, хүүхдийн тоглоом, хөл бөмбөг, сагсан бөмбөгийн талбай, худаг болон ногоон байгууламжийн усалгааны систем, гэрэлтүүлгийг цогцоор нь шийдлээ. Ногоон байгууламжийн ажилд 1500 орчим улиас, хайлаас тарьж, 22.000 ам метр талбайн зүлэгжүүлэлт хийсэн юм. Тус цэцэрлэгт хүрээлэн ашиглалтад орсноор Толгойт, Тахилт бүсийн иргэд чөлөөт цагаа зөв боловсон өнгөрүүлэх иж бүрэн цогцолбортой болж байна. Эх сурвалж: Нийслэлийн хөрөнгө оруулалтын газар

Цаг уур, орчны шинжилгээний газраас ирүүлсэн мэдээгээр өнөөдөр баруун аймгуудын нутгийн зарим газраар хүчтэй салхи шуургатай байх төлөвтэй байна. Оройн 20:00 цаг хүртэлх цаг агаарын урьдчилсан мэдээ: Ихэнх нутгаар үүлшинэ. Баруун аймгуудын нутгийн баруун, төв, говийн аймгуудын нутгийн зүүн хэсгээр, зүүн аймгуудын нутгийн зарим газраар бороо орно. Салхи баруун өмнөөс секундэд 6-11 метр, баруун аймгуудын нутгийн зарим газраар секундэд түр зуур 18-20 метр хүрч ширүүсэж шороон шуурга шуурна. Монгол-Алтайн уулархаг нутгаар 5-10 градус, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Тэрэлж голын хөндийгөөр 11-16 градус, говийн бүс нутгийн өмнөд хэсэг, Дарьгангын тал нутгаар 21-26 градус, бусад нутгаар 16-21 градус дулаан байх нь гэжОнцгой байдлын ерөнхий газраас мэдээллээ.