Монгол Улсын Ерөнхий сайд У.Хүрэлсүхийн ивээл дор олон улсын Ардын урлагийн их наадам Улаанбаатар хотноо энэ сарын 12-16-ны өдрүүдэд болж байна. Ардын дуу, ардын бүжиг, ардын хөгжим, зан үйлийн чуулгын шалгаруулалт явагдаж байна. Мөн гадаад орнуудын оролцогчдын шалгаруулалт Соёлын төв өргөөний концертийн танхимд болох юм. Түүнчлэн Их наадмын хүрээнд Соёл урлаг-Үндэсний дархлаа хүндэтгэлийн тоглолт, Ардын урлагийн фестиваль, Шилдэг оролцогчдын нэгдсэн тоглолтууд хөтөлбөрийн дагуу зохиогдох бөгөөд Зан үйл, өв соёлын хотхон ажиллана. Дээрх наадам гадаад дотоодын жуулчдад өв соёлоо сурталчлах, иргэд залуучуудад ардын урлагийг таниулах зэрэг олон талын ач холбогдолтой юм. Наадмын хүрээнд болж буй бүх арга хэмжээ үнэ төлбөргүй, хэн бүхэнд нээлттэй зохион байгуулагдах юмгэж Засгийн газрын Хэвлэл мэдээлэл олон нийттэй харилцах хэлтсээс мэдээллээ.

Улаанбаатар хотын бүжгийн спортын аварга шалгаруулах тэмцээн энэ сарын 8-нд Алдар спорт хорооны байранд амжилттай зохион байгуулагдлаа. Тэмцээнд Улаанбаатар хотод сургалт явуулж буй бүжгийн спортын клубууд, ЕБС, СӨББ-ын нийт 456 тамирчин 8 насны ангиллын 40 төрөлд ур чадвараа сорин өрсөлдлөө. Монголын бүжгийн спортын шүүгчдийн нийт бүрэлдэхүүн болон ОХУ-ын Буриад улсын Бүжгийн спортын холбооны дэд ерөнхийлөгч, Олон улсын шүүгчийн болзол хангаад буй Александр Зубенко урилгаар ирж ажилласан юм. Тэмцээний үеэр ОХУ-ын дэд аварга, ОХУ-ын бүжгийн спортын мастер, Эрхүүгийн болон Сибирийн олон удаагийн аварга Илья Белобородов, Виктория Кочкина нар бүжгийн спортын шоу данс төрлийн Хүн бүр дурлаж болно, Анна Каренина, Хувь хүний өөрчлөлт үзүүлбэрүүдээ үзэгч, хөгжөөн дэмжигчдэд сонирхууллаагэж Нийслэлийн Спортын хорооноос мэдээллээ.

Монголдоо анхдагч гэгддэг тансаг зэрэглэлийн дотуур хувцасны брендАлтжинфейшнэнэ жил ээлжит шуугиант загварыншоугаахийхээр бэлтгэл ажилдаа хэдийн ороод байна. Өнгөрсөн долоо хоногт тэдний зураг авалт дээр Германаас гэрэл зурагчин ирж ажилласан байна. Мөн энэ жилийн онцлог нь Стартв, Fitbox - 976, GOSHA, MMA FITNESS, J-Salon зэрэг байгууллагуудтай хамтран ажиллаж байгаа бөгөөдшоуныхаабэлтгэлажлыгVlog, нэвтрүүлэгзэргээрконтентболгоннийтэлжбайгаа юм байна. Шоуныбэлтгэлажлындугаарнэвтрүүлгүүдбямба гараг бүрийн 22.50цагаас STAR TV телевизээр гарах аж. ALTJIN FASHION сошиал медиа хаягууд: Facebook:https://www.facebook.com/altjinfashion/ Instagram:https://www.instagram.com/altjin_bikini/ Youtube:https://www.youtube.com/channel/UCy7yzsGmaZub0YEYe8yK1Gg Website:https://altjinfashion.com/ G-Mail:[email protected]

Соёл, урлагийн байгууллагуудын Нээлттэй хаалганы өдөрлөг энэ сарын 13-нд буюу маргааш 10:00-19:00 цагт Сүхбаатарын талбайд зохион байгуулагдана. Тус нээлттэй хаалганы өдөрлөгөөр соёл, урлагийн үйлчилгээний чанар, хүртээмжийг нэмэгдүүлэх зорилгоор төр засгаас соёлын талаар авч хэрэгжүүлж буй бодлого, чиглэлийг таниулах мөн олон нийтэд чиглэсэн олон талт арга хэмжээг зохион байгуулахаар төлөвлөжээ. Засгийн газрын хэрэгжүүлэгч агентлаг Соёл, урлагийн газрын дарга Г.Эрдэнэбат нээлттэй хаалганы өдөрлөгийн зохион байгуулалт, үйл ажиллагааны талаар төр, орон нутгийн өмчит болон хувийн хэвшлийн соёл, урлагийн байгууллагын захирал, удирдлагуудтай уулзалт зохион байгуулж үүрэг, чиглэл өгсөн бөгөөд уулзалтад Нийслэлийн соёл, урлагийн газар, Улсын драмын эрдмийн театр, Үндэсний урлагийн их театр, Улсын дуурь бүжгийн эрдмийн театр, Улсын хүүхэлдэйн театр, Улсын филармони, Хүүхдийн төв номын сан, Улаанбаатар хотын нийтийн төв номын сан, Монголын үндэсний музей, Богд хааны ордон музей, Байгалийн түүхийн музей, Үлэг гүрвэлийн төв музей, Дүрслэх урлагийн музей, Чойжин ламын сүм музей, Театрын музей, Монгол цэргийн музей, Соёл урлагийн их сургууль, Монгол Улсын Консерватори, Уран зургийн галерей, Улаанбаатар чуулга, Түмэн эх чуулга, Цэргийн дуу бүжгийн эрдмийн чуулга, Хилийн цэргийн дуу бүжгийн чуулга зэрэг 24 байгууллагын дарга, удирдлагууд оролцжээ. Ийнхүү Улаанбаатар хотод үйл ажиллагаа явуулдаг соёл, урлагийн байгууллагуудын Нээлттэй хаалганы өдөрлөг маргааш зохион байгуулагдана.