Хөдөлмөр, нийгмийн хамгааллын сайд А.Ариунзаяа Холбооны Бүгд Найрамдах Герман Улсаас Монгол Улсад суугаа Онц бөгөөд Бүрэн Эрхт Элчин сайд ноён Ёорн Розенбэргийг хүлээн авч уулзсан байна. Уулзалтаар хоёр орны харилцаа хамтын ажиллагаа, тэр дундаа хөдөлмөр, нийгмийн хамгаалал, мэргэжлийн боловсрол, сургалтын салбарт хийгдсэн томоохон ажлууд, төсөл хөтөлбөрүүдийн явц, үр дүнгийн талаар харилцан мэдээлэл солилцов. Элчин сайд Ёорн Розенбэргодоо байгаа харилцаагаа улам бэхжүүлэх, мэргэжлийн боловсрол, сургалтын салбарт илүү анхаарал хандуулах хүсэлтэй байгаагаа илэрхийлсэн юм. ХБНГУ-ын Засгийн газрын дэмжлэгтэйгээр Мэргэжлийн боловсрол, сургалтыг дэмжих хүрээнд Түншлэлд суурилсан техникийн болон мэргэжлийн боловсрол, сургалт хамтарсан төслийг 2013-2016, 2016-2019, 2019-2021 гэсэн үе шаттайгаар амжилттай хэрэгжүүлж байгаа. Тус салбарын багш нарыг бэлтгэх, мэргэшүүлэх, давтан сургах тогтолцоог бэхжүүлэх, Улаанбаатар, төв, баруун, зүүн, говийн бүсүүдэд нийт долоон чадамжийн төвийг бий болгон бусад МБС-ын байгууллагын багш нарыг сургах, Үнэлгээний төвийн суурь бааз болгож өмнөх мэдлэг ур чадварын үнэлгээг хийхэд техникийн болон арга зүйн дэмжлэг үзүүлж хамтран ажиллаж байна. Хөдөлмөр, нийгмийн хамгааллын сайд А.Ариунзаяахамтран ажиллаж байгаад талархал илэрхийлээд салбарын өнөөгийн байдал, тулгамдаж буй асуудлууд болон Засгийн газрын зүгээс баримтлах бодлого, чиглэлүүдийг танилцууллаа. Цаашид хоёр талын тогтвортой хамтын ажиллагааг ханган улмаар боломжит чиглэлүүдээр харилцаагаа улам өргөжүүлэхэд нээлттэй байгаагаа илэрхийлэв. Эх сурвалж: ХНХЯ

Гадаад харилцааны сайд Н.Энхтайван энэ оны долдугаар сарын 23-ны өдөр БНХАУ-аас Монгол Улсад суугаа Элчин сайд Чай Вэньруйг хүлээн авч уулзав. Элчин сайд Чай Вэньруй Гадаад харилцааны сайд Н.Энхтайванд үүрэгт ажилдаа орсонд нь баяр хүргэж, цаашдын ажилд нь амжилт хүслээ. Гадаад харилцааны сайд Н.Энхтайван саяхан БНХАУ-ын Төрийн зөвлөлийн гишүүн, Гадаад хэргийн сайд Ван И-тэй утсаар ярьж, Монгол, Хятадын Иж бүрэн стратегийн түншлэлийн харилцааг улам бүр гүнзгийрүүлэх чиглэлээр санал солилцож, олон чухал тохиролцоонд хүрснээ тэмдэглэсэн юм. Ялангуяа цар тахалтай тэмцэх, урьдчилан сэргийлэх чиглэлээр хэрэгжүүлж буй ойр дотно хамтын ажиллагааг цаашид ч үргэлжлүүлэх сонирхлоо илэрхийлж, БНХАУ коронавируст цар тахлын эсрэг вакцин гаргасан тохиолдолд аль болох богино хугацаанд монголын талд нийлүүлэх хүсэлтийг тавив. Гадаад харилцааны сайд, Элчин сайд нар хоёр талын харилцааг тогтвортой хөгжүүлэхэд дээд, өндөр түвшний айлчлал, уулзалт чухал болохыг тэмдэглэж, нөхцөл бүрдсэн үед дээд, өндөр түвшний харилцан айлчлал хэрэгжүүлэхээр ажиллах, Засгийн газар хоорондын комисс зэрэг механизмын уулзалтуудыг зохих хэлбэрээр зохион байгуулахаар тохиролцлоо. Гадаад харилцааны сайд, Элчин сайд нар улс орнууд цар тахалтай хамтран тэмцэж буй амаргүй нөхцөл байдалд худалдаа, эдийн засгийн хамтын ажиллагааг сэргээх нь чухал болохыг онцлон тэмдэглэж, хоёр талын худалдааны харилцаа, томоохон төслүүдийг хэрэгжүүлэх үйл ажиллагааг идэвхжүүлэх чиглэлээр шат дараалсан арга хэмжээг хамтран хэрэгжүүлэхээ илэрхийлэв. Эх сурвалж:Гадаад Харилцааны Яам

Засгийн газрын өнөөдрийн /2020.07.22/ хуралдаанаар зарим томилгоог хийжээ. Тодруулбал,Хууль зүй, дотоод хэргийн яамны Төрийн нарийн бичгийн даргаар Б.Баасандоржийг томилсон байна. Тэрбээр МУИС-ийн Хууль зүйн сургууль, АНУ-ын Калифорнийн олон улсын их сургууль төгссөн, эрх зүйч мэргэжилтэй. 2001 оноос УИХ-ын Тамгын газрын Ерөнхий нарийн бичгийн даргын туслах, Хуулийн хэлтсийн шинжээч, Хууль зүйн байнгын хороонд референт, зөвлөх, ахлах зөвлөх, Хууль зүйн яаманд газрын дарга, 2015 оноос УИХ-ын Хууль зүйн байнгын хорооны ахлах зөвлөх, 2018 оноос өнөөдрийг хүртэл Улсын бүртгэлийн ерөнхий газрын даргаар ажиллаж байв. Мөн хуралдаанаар Цагдаагийн ерөнхий газрын дарга, Мэргэжлийн хяналтын ерөнхий газрын дарга, Шүүхийн шийдвэр гүйцэтгэлийн ерөнхий газрын дарга нарыг томиллоо. Цагдаагийн ерөнхий газрын даргаар тус газрын дэд дарга, хурандаа Ж.Болдыг томилжээ. Хуульч, эрх зүйч, төрийн удирдлагын менежер мэргэжилтэй. 1993-1997 онд Цагдаагийн дээд сургууль 2007-2008 онд Удирдлагын академи 1996-2001 онд Хэнтий аймгийн цагдаагийн газарт мөрдөн байцаагч; 2001-2006 онд Баянзүрх дүүргийн цагдаагийн хэлтэст мөрдөн байцаагч, ахлах мөрдөн байцаагч; 2006-2010 онд Мөрдөн байцаах газрын Эдийн засгийн засгийн гэмт хэрэг мөрдөх хэлтэст ахлах мөрдөн байцаагч; 2010-2011 онд Мөрдөн байцаах газарт Онц хүнд гэмт хэрэг мөрдөх хэлтэст ахлах мөрдөн байцаагч; 2011-2012 онд Мөрдөн байцаах албаны Зохион байгуулалттай гэмт хэрэг мөрдөх хэлтсийн чиглэлийн ахлах мөрдөн байцаагч; 2012-2013 онд Мөрдөн байцаах албаны Зохион байгуулалттай гэмт хэрэг мөрдөх хэлтсийн Мөрдөн байцаах тасгийн дарга; 2013-2014 онд Мөрдөн байцаах албаны Зохион байгуулалттай гэмт хэрэг мөрдөх хэлтсийн тасгийн дарга; 2014 онд Зохион байгуулалттай гэмт хэрэгтэй тэмцэх газарт тасгийн дарга, Хар тамхи мансууруулах бодистой холбоотой хэрэгтэй тэмцэх хэлтэст Мөрдөн байцаах тасгийн дарга; 2015-2017 Эрүүгийн цагдаагийн газрын Хар тамхитай тэмцэх хэлтсийн хоёрдугаар тасагт Мөрдөн байцаах тасгийн дарга; 2017 оны гуравдугаар сараас Эрүүгийн Цагдаагийн албаны Зохион байгуулалттай гэмт хэрэгтэй тэмцэх хэлтсийн мөрдөн байцаах тасгийн дарга; 2017-2019 онд Хэнтий аймаг дахь Цагдаагийн газрын дарга 2019 оноос Цагдаагийн ерөнхий газрын дэд дарга Төрийн өмчийн бодлого, зохицуулалтын газрын даргаар Б.Цэнгэлийг томилжээ. Тэрбээр Ерөнхий сайд У.Хүрэлсүхийн зөвлөх байв. Эрх зүйч мэргэжилтэй. 1985 онд Дархан хотын 3 дугаар 10 жилийн дунд сургууль 1990 онд хуучнаар ЗХУ-д Иванаво хотын Улсын Их сургууль 2001 онд Удирдлагын академийг Удирдахуйн ухааны магистрт суралцсан. 1990-1992 онд Дархан хотын Ардын шүүхэд нарийн бичгийн дарга 1992-1996 онд Нийслэлийн Иргэдийн Төлөөлөгчдийн хуралд Зохион байгуулагч, 1997-1998 онд Нийслэлийн Иргэдийн Төлөөлөгчдийн хурлын ажлын албанд Хуулийн зөвлөх 2000 оны 01-06 дугаар сард Шүүхийн ерөнхий зөвлөлд менежер, 2001 онд Нефть, онцгой албан татварын гаалийн газарт албаны дарга 2001-2002 онд Гаалийн ерөнхий газрын Хяналтын шуурхай албаны дарга, 2002-2003 онд Гаалийн ерөнхий газрын Хууль тогтоомжийн зөрчилтэй тэмцэх хэлтэст Гаалийн улсын ахлах байцаагч 2003-2006 онд Улаанбаатар дахь Гаалийн газарт Орлогч дарга 2006-2008 онд Замын-Үүд дэх Гаалийн газрын дарга 2008-2009 онд Зам, тээвэр аялал жуулчлалын яамны харьяа Тээврийн үйлчилгээний төвийн захирал 2009-2011 онд Засгийн газрын хэрэгжүүлэгч агентлаг, Авто тээврийн газрын дарга 2012 оны 01 дүгээр сараас 2012 оны 09 дүгээр сард Зам, тээвэр барилга хот байгуулалтын дэд сайд 2013-2015 онд МАН-ын Удирдах зөвлөл, Ерөнхий нарийн бичгийн даргын ахлах зөвлөх 2015 онд Гаалийн ерөнхий газрын дарга 2017-2019 онд Монголын төмөр зам ТӨХК-ийн захирал 2019-2020 онд Ерөнхий сайдын зөвлөх Мэргэжлийн хяналтын ерөнхий газрын даргаар Эрчим хүчний дэд сайд асан Т.Гантулгыг томилсон байна. Улс төр судлаач, эрх зүйч мэргэжилтэй. 1985 1990 онд ОХУ-ын Москва хотын Хүмүүнлэгийн их сургууль, Түүх нийгмийн багш 1997 2000 онд МУИС-ийн докторантур, Улс төр судлаач 2002- 2004 онд Үндэсний Тагнуулын академи, Эрх зүйч Улс төрийн шинжлэх ухааны доктор, профессор, PhD 1983 1985 онд Говь-Алтай аймгийн МХЗЭ-ийн хороонд зохион байгуулагч 1990 1994 онд Говь-Алтай аймгийн МАН-ын хороонд улс төрийн ажилтан 1994 2000 онд Алтайн Кашмир ХХК-ийн Ерөнхий захирал 2000 2007 онд МАН-ын даргын зөвлөх 2007 2009 онд Байгаль орчин, Аялал жуулчлалын яамны Төрийн нарийн бичгийн дарга 2009 2012 онд ХХААХҮЯ-ны Төрийн нарийн бичгийн дарга 2013 2016 онд МАН-ын Нарийн бичгийн дарга 2016-2020 онд Эрчим хүчний дэд сайд Шүүхийн шийдвэр гүйцэтгэлийн ерөнхий газрын даргаар Уул уурхайн дэд сайд асан Д.Загджавыг томилжээ. Эрх зүйч мэргэжилтэй. 1980 онд Ховд хотын 10 жилийн 1-р дунд сургууль 1985 онд Нийгмийг аюулаас хамгаалах яамны Цэргийн дээд сургууль 1999 онд Төрийн захиргааны удирдлагын хөгжлийн институт 2000 онд Төрийн удирдлагын академи 2003 онд ОХУ-ынНовосибирскхотын Эдийн засгийн удирдлагын академид суралцсан. Удирдахуйн ухааны магистр, улс төрийн ухааны доктор, ОХУ-ын Батлан хамгаалах, аюулгүй байдал, эрх зүйн академийн профессор. 1985-1987 ондДорноговьаймгийн Цагдан сэргийлэх хэлтэс 1987-1993 ондХовдаймгийн АДХГЗ-ын дэргэдэх Хууль зүй, арбитрын хэлтэст ахлах мэргэжилтэн, хэлтсийн дарга 1990-1993 онд Ховд аймгийн шүүхэд аймгийн шүүхийн гишүүн 1993 онд Алтай интернэйшнл ХХК-г байгуулан ерөнхий захирал 1998-2000 онд Ардчилсан Социалист Оюутны холбооны Ерөнхийлөгч 2000-2008 онд нийслэлийнХан-Уулдүүргийн засаг дарга 2008-2012 онд УИХ-ын гишүүн 2016-2020 онд Уул уурхай, хүнд үйлдвэрийн дэд сайд

Б.Хурц нарт холбогдох эрүүгийн хэргийн шүүх хуралдаан Төв аймаг дахь сум дундын эрүүгийн хэргийн анхан шатны шүүхэд тав дахь өдрөө үргэлжилж дууслаа. Шүүхэд хянагдаж буй эрүүгийн 1802005930070 дугаартай шүүгдэгч Б.Хурц нарт холбогдох хэрэг нь Б.Содномдаржаа, Т.Чимгээ нарыг С.Зориг агсны амь насыг онц хэрцгийгээр хөнөөсөн гэмт хэрэгт мөрдөн шалгах ажиллагаа явуулахдаа эрүүдэн шүүсэн эсэхийг хянан хэлэлцүүлэхээр яллах дүгнэлт үйлдэж шүүхэд шилжүүлсэн хэргийн хүрээнд хянан шийдвэрлэх байсан юм. Мөн түүнээс гадна Ж.Мөнхгал,Г.Эрдэнэбат,С.Баярт 3 жил, О.Бямбажав, Ү.Отгонбаярт 2 жил,Э.Өлзийбаярт 1 жилийн хорих ял оноожО.Бархасбадь, С.Эрдэнэбат нарыг цагаатгахаар шийдсэн байна. ШҮҮХИЙН ШИЙДВЭР Нийслэлийн прокурорын газраас шүүгдэгч С.Эрдэнэбатад 2002 оны Эрүүгийн хуулийн тусгай ангийн 133 дугаар зүйлийн 133.1 дэх хэсэгт зааснаар яллах дүгнэлт үйлдэж ирүүлсэн гэмт хэргийг, шүүгдэгч О.Бархасбадид 2002 оны Эрүүгийн хуулийн тусгай ангийн 133 дугаар зүйл /Гүйцэтгэх ажлын тухай хууль тогтоомж зөрчих/-ийн 133.1, 251 дүгээр зүйл /Эрүү шүүлт тулгах/-ийн 251.1 дэх хэсэгт зааснаар яллах дүгнэлт үйлдэж ирүүлсэн гэмт хэргүүдийг тус тус хэрэгсэхгүй болгож, шүүгдэгч С.Эрдэнэбат, О.Бархасбадь нарыг цагаатгаж, шүүгдэгч О.Бямбажавт 2002 оны Эрүүгийн хуулийн тусгай ангийн 133 дугаар зүйлийн 133.1 дэх хэсэгт зааснаар яллах дүгнэлт үйлдэж ирүүлсэн гэмт хэргүүдийг хэрэгсэхгүй болгож Шүүгдэгч Г.Эрдэнэбат, Б.Хурц, Ж.Мөнхгал, С.Баяр, Ү.Отгонбаяр нарыг тус бүр 2002 оны Эрүүгийн хуулийн тусгай ангийн 133 дугаар зүйлийн 133.1, 251 дүгээр зүйлийн 251.1 дэх хэсэгт заасан гэмт хэрэгт, шүүгдэгч Э.Өлзийбаярыг 2002 оны Эрүүгийн хуулийн тусгай ангийн 133 дугаар зүйлийн 133.1 дэх хэсэгт заасан гэмт хэрэгт, шүүгдэгч О.Бямбажавыг 2002 оны Эрүүгийн хуулийн тусгай ангийн 251 дүгээр зүйлийн 251.1 дэх хэсэгт заасан гэмт хэрэгт гэм буруутайд тус тус тооцож, Шүүгдэгч Г.Эрдэнэбат, Б.Хурц, Ж.Мөнхгал, С.Баяр нарт 2002 оны Эрүүгийн хуулийн тусгай ангийн 133 дугаар зүйлийн 133.1, 251 дүгээр зүйлийн 251.1 дэх хэсэгт зааснаар тус бүр оногдуулсан хорих ялуудыг нэмж нэгтгэн тэдний нийт эдлэх ялыг 3 /гурав/ жилийн хугацаагаар, Шүүгдэгч Ү.Отгонбаярт 2002 оны Эрүүгийн хуулийн тусгай ангийн 133 дугаар зүйлийн 133.1, 251 дүгээр зүйлийн 251.1 дэх хэсэгт зааснаар тус бүр оногдуулсан хорих ялуудыг нэмж нэгтгэн түүний нийт эдлэх ялыг 2 /хоёр/ жилийн хугацаагаар, Шүүгдэгч Э.Өлзийбаярт 2002 оны Эрүүгийн хуулийн тусгай ангийн 133 дугаар зүйлийн 133.1 дэх хэсэгт зааснаар 1 /нэг/ жилийн хугацаагаар хорих ялаар, Шүүгдэгч О.Бямбажавт 2002 оны Эрүүгийн хуулийн тусгай ангийн 251 дүгээр зүйлийн 251.1 дэх хэсэгт зааснаар 2 /хоёр/ жилийн хугацаагаар хорих ялаар тус тус тогтоож, Шүүгдэгч Г.Эрдэнэбат, Б.Хурц, Ж.Мөнхгал, С.Баяр нарт тус бүр оногдуулсан 3 /гурав/ жилийн хорих ялуудыг, Шүүгдэгч Ү.Отгонбаярт оногдуулсан 2 /хоёр/ жилийн хорих ялыг, Шүүгдэгч Э.Өлзийбаярт оногдуулсан 1 /нэг/ жилийн хорих ялыг, Шүүгдэгч О.Бямбажавт оногдуулсан 2 /хоёр/ жилийн хорих ялыг тус тус нээлттэй хорих байгууллагад эдлүүлэхээр тус тус хянан шийдвэрлэжээ. 2002 ОНЫ ЭРҮҮГИЙН ХУУУЛЬ 133 дугаар зүйл.Гүйцэтгэх ажлын тухай хууль тогтоомж зөрчих 133.1.Гүйцэтгэх ажлын тухай хууль тогтоомжоор хориглосон үйл ажиллагаа явуулсан бол хөдөлмөрийн хөлсний доод хэмжээг тавин нэгээс нэг зуу дахин нэмэгдүүлсэнтэй тэнцэх хэмжээний төгрөгөөр торгох, гурваас дээш зургаан сар хүртэл хугацаагаар баривчлах, эсхүл гурван жил хүртэл хугацаагаар хорих ял шийтгэнэ. 251 дүгээр зүйл. Эрүү шүүлт тулгах 251.1.Хэрэг бүртгэгч, мөрдөн байцаагч хүч хэрэглэж буюу хүч хэрэглэхээр заналхийлэх, тарчилган зовоох, тохуурхан даажигнах, хуурч мэхлэх зэрэг хууль бус арга хэрэглэж мэдүүлэг өгөхийг албадан эрүү шүүлт тулгасан бол тодорхой албан тушаал эрхлэх, үйл ажиллагаа явуулах эрхийг гурван жил хүртэл хугацаагаар хасч таван жил хүртэл хугацаагаар хорих ял шийтгэнэ. Эх сурвалж: Төв аймаг дахь Сум дундын Эрүүгийн хэргийн анхан шатны шүүх

Гадаад харилцааны сайд Н.Энхтайван Европын Холбооноос Монгол Улсад суугаа Элчин сайд Траян Христеаг хүлээн авч уулзав. Уулзалтын үеэр Элчин сайд Траян Христеа Монгол Улсыг Европын Холбооны санхүүгийн тогтолцоонд аюул занал учруулах, мөнгө угаах, терроризмыг санхүүжүүлэхтэй тэмцэх стратегийн дутагдалтай өндөр эрсдэл бүхий гуравдагч улсын жагсаалтад оруулсан явдал нь хоёр талын харилцаанд, тэр дундаа хөгжлийн хамтын ажиллагаанд нөлөөлөхгүй гэдгийг хэлжээ. Түүнчлэн Европын Холбооноос Монгол Улсад цар тахалтай тэмцэхэд зориулан 37.5 сая еврог богино, дунд, урт хугацааны төслүүдээр дамжуулан олгохоор болжээ. Гадаад харилцааны сайд Европын Холбооны тарифын хөнгөлөлттэй системийг бүрэн ашиглах хүрээнд Монгол Улсаас Европын Холбооны стандарт, шаардлагад нийцсэн бараа, хүнсний бүтээгдэхүүний үйлдвэр байгуулах санал тавьсныг Элчин сайд судалж үзэхээ илэрхийлсэн байна. Холбооны Бүгд Найрамдах Герман Улсаас Монгол Улсад суугаа Элчин сайд Ёорн Розенберг Түүнчлэн Гадаад харилцааны сайд Н.Энхтайван Холбооны Бүгд Найрамдах Герман Улсаас Монгол Улсад суугаа Элчин сайд Ёорн Розенбергийг хүлээн авч уулзжээ. Уулзалтын үеэр Элчин сайд Ёорн Розенберг ХБНГУ-аас Монгол Улсад шинэ коронавируст цар тахалтай тэмцэхэд зориулан 1 сая евро олгож буйг хэлсэн байна. Талууд хоёр талын эдийн засаг, худалдаа, хөрөнгө оруулалтыг нэмэгдүүлэх, Европын Холбооны тарифын хөнгөлөлттэй систем зэрэг Монгол Улсын экспортыг нэмэгдүүлэх боломжийг бүрэн ашиглах хүрээнд Германы дэвшилтэт технологи бүхий хүнсний бүтээгдэхүүний үйлдвэр байгуулах чиглэлээр хамтран ажиллахаар санал солилцсон хэмээн Гадаад харилцааны яамнаас мэдээллээ.