Нийслэлийн төрийн өмчит Олон Улсын Худалдаа Логистикийн ТөвХК-ийн болон Нийслэлийн Хөрөнгө Оруулалтын Газрын захиалгаарСХД-ийн 32 дугаар хорооны нутаг дэвсгэрт Авто Худалдааны Цогцолбор-ын дулаан, цэвэр, бохир усны шугамыг төвийн системд холбох ажил гүйцэтгэж байна. Тус ажлын хүрээнд ШинэАУ-ныИх Сургууль буюуМоносынуулзвараас баруун тийш 2 км-т Хан БогдКашмирынүйлдвэрийнхаралдаа төв замсэтэлгээнийажлыг2019 оны 10 дугаар сарын 9-нөөс10-ндшилжих шөнийн 01 цагаас өглөөний 06 цаг хүртэл, 10-наас11-нд шилжих шөнийн 01 цагаас өглөөний 06цагийнхооронд гүйцэтгэх тул тус хэсгийн замыг хэсэгчлэн хаахаар боллоо. Замын нийт урт 32 метр,өндөржилтньдунджаар2 метр байнагэж Нийслэлийн хөрөнгө оруулалтын газраас мэдээллээ.

Нийслэлийн Засаг дарга бөгөөд Улаанбаатар хотын Захирагч С.Амарсайхан үүрэгт ажлаа хүлээн авснаас хойш 200 хоног өнгөрч байна. Өнгөрсөн хугацаанд нийслэл хотын хэмжээнд хийгдсэн томоохон ажлуудаас тоймлон хүргэе. Хүн төвтэй хот 1.Арьс ширний 40 айлд шинэ байрны түлхүүрийг нь гардууллаа Иргэдийн амьдрах орчин нөхцөлийг сайжруулах, гэр хорооллыг дахин төлөвлөх ажлын хүрээнд Хан-Уул дүүргийн V хорооны нутаг дэвсгэр, Арьс ширний 10, 12 дугаар байранд амьдарч байсан 40 айлыг шинэ орон сууцанд орууллаа. Арьс ширний хэмээх 80 айлын дөрвөн блок байрыг 2015 онд нийслэлийн Онцгой байдлын газар, 2017 онд нийслэлийн Мэргэжлийн хяналтын газрын дүгнэлтээр ашиглалтын шаардлага хангахгүй, газар хөдлөлтөд тэсвэргүй, галын аюулгүй байдлын стандарт, норм, дүрмийн шаардлагад нийцэхгүй болох нь тогтоогдсон байр юм. Нийслэлийн Засаг даргын 2017 оны зургаадугаар сарын 20-ны өдрийн Ашиглалтын шаардлага хангахгүй орон сууцны барилгыг буулгаж, дахин төлөвлөн, барилгажуулах тухай А/465 дугаар захирамжийн дагуу эхний ээлжинд 20 айлын байрыг буулган, газар дээр нь 40 айлын орон сууц барьсан юм. Тус 40 айлын шинэ орон сууцанд 10, 12 дугаар байрны 40 айлыг үнэ төлбөргүйгээр оруулж байгаа юм. 2. Хүүхдийн тоглоомын талбайг стандартад нийцүүлэх ажил хийгдэж байна Хүүхдүүдийг осол, гэмтэлд өртөхөөс сэргийлэх зорилгоор нийслэлийн хэмжээнд хуучирч эвдэрсэн, засаж тохижуулах шаардлагатай 258 тоглоомын талбайн судалгааг гаргаж, нэгдсэн стандарттай болгохоор ажиллаж байна. 3. Хотын Захирагч сургууль, цэцэрлэг барих газрын асуудлаар захирамж гаргалаа Орон сууцны хороолол, хотхоны дунд сургууль, цэцэрлэг барихаар төлөвлөгдсөн боловч өнөөг хүртэл барилга бариагүй байгаа байршлуудын газар эзэмших эрхийг нийслэлийн Боловсролын газарт шилжүүлэх захирамжийг хотын Захирагч гаргалаа. Захирамжид Орон сууцны хороолол, хотхоны хэсэгчилсэн ерөнхий төлөвлөгөө, суурьшлын бүс, гэр хорооллыг дахин төлөвлөж хөгжүүлэх төсөл хөтөлбөрийн дагуу шинээр барихаар төлөвлөгдөх сургууль, цэцэрлэгийн газрыг хороолол, хотхоны барилга угсралтын ажил эхлэхээс өмнө нийслэлийн Боловсролын газрын нэр дээр шилжүүлэх ажлыг 2019 оны долдугаар сарын 07-ны өдрөөс эхлэн зохион байгуулахыг нийслэлийн Газар зохион байгуулалтын алба /А.Энхманлай/-нд үүрэг болгосугай гэжээ. 4. Нийслэлийн 169 хороонд Соёлын элч ажиллана Хотын соёлыг төлөвшүүлэх, иргэдийг соён гэгээрүүлэх, нийгэмд эерэг хандлага, зөв дадал хэвшүүлэх зорилгоор нийслэлийн 169 хороонд Соёлын элч ажиллуулах журмыг баталж, дүүргүүдийн Засаг даргын Тамгын газраар дамжуулан иргэдийг бүртгэж эхэллээ. 5. Түрээслээд өмчлөх орон сууцанд хамрагдахаар 35 мянган иргэн бүртгүүлэв Агаар, орчны бохирдлыг бууруулах, зорилтот бүлгийн иргэдийг орон сууцанд хамруулах бодлогын хүрээнд түрээслээд өмчлөх хэлбэрийг анх удаа нэвтрүүлж, Буянт-Ухаа 2 972 айлын түрээсийн орон сууцанд орох хүсэлтэй иргэдийг цахимаар бүртгэж, эхний шатанд тэнцсэн 582 иргэнтэй гэрээ байгуулж байна. 6. Газартай холбоотой бүхий л мэдээллийг гар утаснаасаа авах боломж бүрдэв Газрын биржийн цахим төвийг нээснээр иргэд гар утас, таблет, компьютер ашиглан өөрийн оролцохыг хүссэн дуудлага худалдаа, төсөл сонгон шалгаруулалтад байршил харгалзахгүй, хүссэн үедээ хамрагдахын зэрэгцээ газартай холбоотой бүхий л мэдээллийг нэг дороос авах боломж бүрдлээ. Мөн иргэд газрын үнэ, Кадастрын зураг, гэрчилгээний хуулбар, тѳлбѳрийн баримт авах гэх мэт бүхий л үйлчилгээг цахимаар авдаг болохоос гадна түрээсийн бүртгэл хийх, газрын барьцааны талаар болон зах зээлийн үнийн бодит мэдээллийг нэг дороос авах зэргээр газрын харилцаатай холбоотой далд зах зээлийг нээлттэй болгож байгаа юм. 7. Найрамдал зусланд газар олгосон хууль бус захирамжуудыг хүчингүй болголоо Олон улсын хүүхдийн Найрамдал зуслангийн орчимд бусдын эзэмшил, ашиглалтад байгаа газартай давхцуулан хууль зөрчиж газар олгосон 24 иргэн, аж ахуйн нэгжийн газар эзэмших эрхийг цуцаллаа. Газрын тухай хуулийн хэрэгжилт хангагдаж, хууль бус үйлдлийг таслан зогсоолоо. 8. Автотээврийн хэрэгслийг улсын бүртгэлээс хасуулах үйлчилгээг цахимаар авах боломж бүрдэв Жолооч нар тээврийн хэрэгслээ улсын бүртгэлээс хасуулахдаа Автотээврийн үндэсний төвд бичгээр хүсэлт гаргаж биечлэн очдог байсан бол одоо Smartcar системээр дамжуулан цахимаар авдаг болов. Монгол улсын хэмжээнд 2019 оны эхний хагас жилийн байдлаар нийт 990,856 автотээврийн болон өөрөө явагч хэрэгсэл байгаагаас хөдөлгөөнд оролцдоггүй 95,006 тээврийн хэрэгсэл бүртгэлтэй байна. 9. Улаанбаатар Түншлэл-2019 олон улсын үзэсгэлэн яармаг зохион байгууллаа Нийслэлийн 380 жилийн ойн хүрээнд үндэсний үйлдвэрлэл, үйлчилгээ, брэнд бүтээгдэхүүнийг олон нийтэд сурталчлах зорилгоор Улаанбаатар Түншлэл-2019 олон улсын үзэсгэлэн яармагийг зохион байгуулж, гадаад, дотоодын 100 гаруй аж ахуйн нэгж, бизнес эрхлэгчид оролцлоо. 10. Зарим чиглэлд үйлчлэх нийтийн тээврийн хэрэгслийн тоог нэмлээ Хичээлийн шинэ жил эхэлж иргэд, зорчигчдын эрэлт хэрэгцээ нэмэгдэж байгаатай холбогдуулан нийтийн тээврийн ачаалал ихтэй зарим чиглэлүүдэд үйлчлэх автобусны тоог 10 хувиар нэмэгдүүлэх зохицуулалтыг хийлээ. Орчин төвтэй шийдэл 1. 100 айлын авто замын зорчих хэсгийн хөдөлгөөнийг нээв Сүхбаатар дүүргийн 11, 12 дугаар хороо буюу 100 айлын уулзвараас 32-ын тойрог хүртэлх 1.6 км урттай, дөрвөн эгнээ авто замын засвар шинэчлэлийн ажил дуусаж, зорчих хэсгийн хөдөлгөөнийг нээлээ. Улаанбаатар зам, засвар арчлалтын газар ОНӨААТҮГ нь өнгөрсөн долоодугаар сарын 1-ний өдрөөс зам засвар, шинэчлэлтийн ажлыг эхлүүлж, дөрвөн эгнээ, 12 метр өргөнтэй, замын хоёр талаараа 2.5 метр өргөн явган хүний зам, гэрэлтүүлэг, дугуйн замтай цогц зам тавихаар төлөвлөн ажиллажээ. 2. Лаг усгүйжүүлэх байгууламж ашиглалтад орлоо Төв цэвэрлэх байгууламжийн дэргэд хоногт 2500 м3 лаг хүлээн авч усгүйжүүлэх хүчин чадалтай, лагийн хэмжээг 50 дахин, үнэрийг 5-8 дахин бууруулах боломжтой Лаг усгүйжүүлэх байгууламжийг анх удаагаа барьж, ашиглалтад орууллаа. Лаг усгүйжүүлэх байгууламж нь хоногт 2500 м3 лаг хүлээн авч усгүйжүүлэх хүчин чадалтай. Лаг усгүйжүүлэгч центрфугийн ажиллах зарчим нь төвөөс зугатах хүчний үйлчлэлийг ашиглан лагийг усгүйжүүлдэг. Нэг минутад 1000-4000 удаа эргэлдэж ус лагийг тус тусад ялган гаргах зарчмаар ажилладаг. Лагийг хооронд барьцалдуулах зорилгоор ПАМ (полиакриламид), лагийг уснаас сайн ялгахын тулд ПАК (полиалюминумхлорид) төрлийн химийн бодис ашиглаж байна. Байгууламжид ирэх илүүдэл лагийн чийглэгийн хэмжээ 99 хувь, түүхий лагийн чийглэгийн хэмжээ 94-96 хувь бөгөөд дээрх хоёр төрлийн лагийг усгүйжүүлсний дараа 70 хувь хүртэл чийглэгтэй болох юм. 3. Гэрлэн чимэглэл бүхий гудамжийн тоо нэмэгдлээ Яармагийн гүүрнээс Нисэхийн аюулгүйн тойрог хүртэлх замын хойд, урд талаар 1358 ширхэг нарс мод тарьж, лэд гэрлээр чимэглэх ажлыг хийж гүйцэтгэлээ. Эдгээрээс 4500 модыг өвөрмөц шийдэл бүхий ногоон лэд гэрлээр гэрэлтүүлж хотын өнгө төрх, ногоон шийдэл бүхий олны талархлыг хүлээсэн ажил болсон билээ. Энэ онд Яармагийн гүүрнээс Нисэхийн аюулгүй тойрог хүртэл замын хойд талаараа 1278ш, урд талаар 1080ш нарс модыг тарьсныг ногоон лэд гэрлээр гэрэлтүүллээ. 4. Зургаан эмнэлгийн гадна талбайг иж бүрэн тохижуулах ажил дуусаж байна Эмнэлгийн гаднах зам талбайг тохижуулах, ногоон байгууламж, борооны ус зайлуулах шугам, гэрэлтүүлэг болон авто зогсоол, орц гарцыг нэмэгдүүлэх ажил үргэлжилж, 6 эмнэлгийн гаднах орчныг иж бүрэн тохижуулаад байна. 2019 онд Багануур, Багахангай, Налайх дүүргийн эмнэлэг, Улсын I төв эмнэлэг, Шүүх эмнэлэг, Сэтгэцийн эрүүл мэндийн Үндэсний төвийн гадна зам, талбайн тохижилт, гэрэлтүүлэг, ногоон байгууламжийг иж бүрнээр тохижуулах ажил дуусах шатандаа байна. 5. Гудамж талбайн цэвэрлэгээний зориулалтын машинууд үйлчилгээнд гарлаа Нийслэлийн Хот тохижилтын газарт гудамж талбайн цэвэрлэгээний зориулалтын автомашинууд авч өгснөөр цэвэрлэгээ үйлчилгээний ажлын бүтээмж сайжирч, ТҮК-ийн ажилтнуудын ачааллыг хөнгөвчлөн, хотын соёлд шинэ өнгө төрх бий болголоо. Гудамж талбайг шүүрдэх, усаар чийгшүүлэх, хогийг нь соруулах үйлчилгээтэй зориулалтын эдгээр машинууд үйлчилгээнд гарснаар цэвэрлэгээ үйлчилгээний ажлын бүтээмж чанар сайжрах, ТҮК-ийн ажилтнуудын ажлын ачааллыг хөнгөвчлөх, Хотын соёлд шинэ өнгө төрх бий болох боломж бүрдэж байгаа юм. 6. Сайжруулсан шахмал түлшний Сайн смарт картыг үнэ төлбөргүй тарааж эхэллээ Агаарын бохирдлыг бууруулах хүрээнд гэр хорооллын иргэдэд сайжруулсан түлш авах хяналтын Сайн смарт картыг харьяа хороогоор нь дамжуулан үнэ төлбөргүй тарааж эхэлсэн бөгөөд тухайн картаар айл өрхүүдийн өвлийн турш хэрэглэх 3 тн түлшний хэрэглээг хянах юм. 7. Үндэсний төв цэнгэлдэх хүрээлэн-гийн концепц, загвар зураг төсөл боловсруулах уралдаан зохион байгуулав Мэргэжлийн байгууллага, олон нийтийн оролцоотойгоор үндэсний хэв шинжийг агуулсан, орчин үеийн технологийн шийдэл бүхий 50 мянган хүний суудалтай Үндэсний төв цэнгэлдэх хүрээлэн байгуулах төслийн концепц, загвар зураг төсөл боловсруулах уралдаан зарлаж, дүгнэлээ. 8. Хөрсний хүнд металлын бохирдлыг биологийн аргаар саармагжуулах туршилтыг амжилттай хийлээ Улаанбаатар хотод анх удаагаа хөрсний бохирдол саармагжуулах туршилтыг Хан-Уул дүүргийн 2 дугаар хороо буюу арьс ширний үйлдвэрийн хог хаягдал ихтэй нутаг дэвсгэрт амжилттай хэрэгжүүллээ. 9. Замын хөдөлгөөний эрчмийг сайжруулах зорилгоор явган хүний зарим гарцуудыг цөөллөө Замын хөдөлгөөний аюулгүй байдлыг хангах, хөдөлгөөний эрчмийг сайжруулах зорилгоор хэт ойрхон байрлалтай явган хүний гарцуудыг цөөлөх ажил эхэлж, одоогоор 9 газрын явган хүний гарцыг нүүлгэн шилжүүлж, засах ажлыг хийгээд байна. Төлөвлөлт төвтэй шийдэл 1.Агаарын чанарыг сайжруулах бүс, түүнд мөрдөх журмыг шинэчлэн баталлаа Агаарын тухай хууль, Засгийн газрын 62 дугаар тогтоолын хэрэгжилтийг хангах зорилгоор Байгаль орчин, аялал жуулчлалын сайд, нийслэлийн Засаг даргын хамтарсан тушаал захирамжаар Нийслэлийн агаарын чанарыг сайжруулах бүс, түүнд мөрдөх журмыг шинэчлэн баталлаа. Энэхүү журмаар сайжруулсан хатуу түлшний үйлдвэрлэл, нийлүүлэлт, борлуулалтыг иргэдэд хүргэх зохицуулалт, тухайлбал агаарын чанарыг сайжруулах бүсийн иргэн, аж ахуйн нэгж байгууллагын хэрэгцээнд шаардлагатай сайжруулсан хатуу түлшний үйлдвэрлэлийн асуудлыг Эрчим хүчний яам, түүний нийлүүлэлт, борлуулалтын сүлжээг нийслэлийн ЗДТГ хариуцахаар томъёолж өгсөн. Мөн дулаан үйдвэрлэх тусгай зөвшөөрөлтэй хуулийн этгээд буюу халаалтын зуух эрхлэгчдийн үйлдвэрийн нормативын дагуу түлшний хэрэглээг нь тооцож түүхий нүүрс тээвэрлэх зөвшөөрлийг Улаанбаатар хотын ЗАА, түүхий нүүрс хэрэглэхийг зөвшөөрсөн хороодын хэрэглээг сар бүрээр тооцож, тухайн нутаг дэвсгэрт байгаа иргэн, хуулийн этгээдийн хэрэгцээт түлшний тээвэрлэлтийн зөвшөөрлийг тухайд хороодын засаг дарга нарын тодорхойлолтыг үндэслэн нийслэлийн АБТГ олгохоор тус тус зааж өгсөн юм. 2. Орчны аюулгүй байдлыг хангахаар зөрчилтэй газруудыг чөлөөлөх ажил үргэлжилж байна Иргэдийн эрүүл, аюулгүй орчинд амьдрах эрхийг хангах, явган хүний зам талбайн хүрэлцээ хангамжийг нэмэгдүүлэх, авто замын түгжрэлийг бууруулах зорилгоор нийт 263 байршилд 449 обьектын газрыг албадан чөлөөлөөд байна. 3. 10 мянган айлын орон сууцны төсөл хэрэгжинэ Уур амьсгалын ногоон сангийн 95 сая ам.долларын нэн хөнгөлөлттэй зээл, 50 сая ам.долларын буцалтгүй тусламжаар ОРЛОГОД НИЙЦСЭН НОГООН ОРОН СУУЦНЫ ТӨСӨЛ-ийг хэрэгжүүлэх зээлийн хэлэлцээрийг Улсын Их Хурлаас соёрхон баталснаар шинэ дэд төвүүдэд 10 мянган айлын орон сууцны төсөл хэрэгжүүлэхээр боллоо. 4. Дөрвөн эгнээтэй, 477 метр урттай шинэ гүүрэн гарцын хөдөлгөөнийг нээлээ Дөрвөн эгнээ, 477 метр урттай, Замын цагдаагийн гүүрэн гарцыг барьж ашиглалтад оруулснаар Энхтайваны гүүрний замын хөдөлгөөний ачааллыг бууруулж, Замын цагдаагийн газрын уулзварын түгжрэлийг 30 хувиар бууруулах боломж бүрдлээ. Дөрвөн эгнээ, 477 метрийн урттай, төмөр бетонон гүүрний ажлын гүйцэтгэгчээр Хятадын төмөр замын 20-р товчоо корпораци, зөвлөхөөр Ростов ХХК ажилласан байна. Төслийн нийт төсөвт өртөг 42.38 сая ам.доллар бөгөөд Хятад, Монголын 500 гаруй инженер, техникийн ажилчид ажилласан байна. Ерөнхий гүйцэтгэгчийн зүгээс гүүрэн гарцад 100 жилийн баталгаа өгчээ. 5. Сонсголонгийн төмөрбетон хос гүүрийг ашиглалтад оруулж, замын хөдөлгөөнийг нээлээ Сонсголонгийн шинэ гүүрэн байгууламжийн ажлыг наадмаас өмнө дуусгаж, хөдөлгөөнийг нээсэн бол хуучин гүүрийн засварыг есдүгээр сарын 20-нд дуусгаж хүлээлгэн өгснөөр замын хөдөлгөөнийг нээлээ. 6. Сэлбэ дэд төвийн 1000 м3 хүчин чадал бүхий усан сан ашиглалтад орлоо Улаанбаатар хотын төвлөрлийг сааруулах бодлогын хүрээнд байгуулж буй Сэлбэ дэд төвд 1000м3 хүчин чадал бүхий Усан сан, насос станцыг барьж ашиглалтад оруулснаар Сэлбэ болон Дамбадаржаа орчмын иргэд, оршин суугчид ундны усны эх үүсвэрээр хангагдаж байна. 7.Баянхошуу, Сэлбэ дэд төвийн бүтээн байгуулалт 70 гаруй хувьтай хэрэгжиж байна Хотын хөгжлийг тэнцвэртэй болгох үүднээс Улаанбаатар хотын Ерөнхий төлөвлөгөөнд 6 дэд төвтэй байхаар тусгасны дагуу төслийн 1-р үе шат буюу Баянхошуу, Сэлбэ дэд төвүүд байгуулах ажил 70 гаруй хувьтай хэрэгжиж байна. 8.Яармагийн зам дээр үүссэн нөхцөл байдалтай холбогдуулан өгсөн үүрэг даалгавар хэрэгжлээ Үерийн далан сувгийг өөрчилж, зөвшөөрөлгүй барилга барьснаас болж Наадамчдын гудамжны авто зам үерт автсан тул улсын төсвийн хөрөнгөөр барьсан зам талбай, нийтийн эдэлбэр газарт учирсан хохирлыг буруутай компаниар бүрэн төлүүлж барагдууллаа. 9.Богд хааны ордон музейн цэцэрлэгт хүрээлэн байгуулах ажил хэрэгжиж байна Нийслэлийн 380 жилийн ойн хүрээнд Богд хааны ордон музейн 1.6 га газрыг цэцэрлэгт хүрээлэн болгож тохижуулах ажил хийгдэж байгаа бөгөөд цэцэрлэгт хүрээлэнд Богд хааны хүрэл хөшөө тэргүүт түүхэн дурсгалын 13 хөшөөнүүд сүндэрлэх юм. Нийслэлийн ЗДТГ-ын Хэвлэл мэдээлэлтэй харилцах хэлтэс

Хүнс, хөдөө аж ахуй, хөнгөн үйлдвэрийн Дэд сайд Ж.Сауле, МААХБЗГ-ынмэргэжилтэн Г.Наранчулуун,МЭЕГ-ынмэргэжилтэн С.Ганзориг нар Өвөрхангай аймагт ажиллаа.Энэ удаа өвөлжилтийн болон мах бэлтгэлийн явцтай газар дээр нь танилцаж үүрэг чиглэл өгөв. Монгол Улсын Засгийн газрын Хөдөө аж ахуйн салбарын 2019-2020 оны өвөлжилтийн бэлтгэл хангах зарим арга хэмжээний тухай 285 дугаар тогтоолын хүрээнд ажлын хэсэг байгуулж өвөлжилт, хаваржилтын бэлтгэл ажлыг хангах төлөвлөгөөг гаргаж,ХХААХҮ-ийн Дэд сайд Ж.Саулеажлын хэсгийг ахлан ажиллаж байна. Хүнс, хөдөө аж ахуй, хөнгөн үйлдвэрийн Дэд сайд Ж.СаулеӨвөрхангай аймгийн дулааны болон үйлдвэрийн аргаар мах бэлтгэх Дэлхийн хүнс ХХК,Өвэкомийт ХХК, Дээжийн өргөө ХХК-нымах бэлтгэлийн явцтай танилцсан юм. Өвөрхангай аймгийн хэмжээнд Адуу-3351, Үхэр-3720, Тэмээ-142, Хонь-21044, Ямаа-9131 толгой малаас, Бод-7213,бог-30175 нийт 37388 толгой мал зах зээлд борлуулаад байна. Одоогоор тус аймгийн Өв-ЭкоМийтХХК2500 гаруй үхэр нядалгаанд оруулж, 150 тонн орчим мах бэлтгэснээс 100 тонн мах Дэлхийн хүнс боловсруулах үйлдвэрт нийлүүлээд байна. Сарлагийн махны гарц 120кг-аасдоош жинтэйг 1кг-г нь 6000, харин махны гарц 120кг-аасдээш жинтэйг 1кг-г6500 төгрөгөөр, Монгол үхэр махны гарц 120кг аас доош байвал 1кг-г нь 5000 төгрөг,махны гарц -120кг-аасдээш байвал 1кг-г нь 5500 төгрөгөөр худалдан авч байна. Махны үйлдвэрт төлөг 75,0-80,0 мянган төгрөг, адууны махыг 1кг-г нь 5800 төгрөг, ямааг амьдаар нь 80,0-120,0 төгрөгөөр худалдан авч байна. Дэлхийн мах ХХК-ныгүйцэтгэх захирал Н.Гансүх 2019 оны эхнээс үйл ажиллагааг явуулж бодын 300 тонн, богийн 50 тонн махыг бэлтгэн нийлүүлсэн байна. Цаашид махны экспортыг хийх асуудлыг Монгол Улсын Засгийн газраас шийдвэрлэвэл хуулийн дагуугаднызах зээлд бүтээгдэхүүнээ гаргах боломж байна гэдгийг онцолсон юм

Улаанбаатар хотын 380 жилийн ойг угтан Нийслэлийн Засаг даргын Тамгын газар, Нийслэлийн Шинжлэх ухаан, үйлдвэрлэл, инновацын газар хамтран CREATIVE DESIGN уралдааныг зарлалаа. Уг уралдааны зорилго нь олон улсын стандарт, шаардлагад нийцсэн, байгальд ээлтэй, дэвшилтэт техник, технологийг ашиглан өрсөлдөх чадвар бүхий чанартай, шинэлэг дизайнтай бүтээгдэхүүнийг зах зээлд нэвтрүүлсэн иргэн, аж ахуйн нэгжийг шалгаруулахад орших юм. Уралдаанд оролцох хүсэлтэй иргэн, аж ахуй нэгжүүдийн бүтээлийг энэ сарын 8-ныг хүртэл хүлээж авах аж. CREATIVE DESIGN УРАЛДААНЫ УДИРДАМЖ НЭГ. НИЙТЛЭГ ҮНДЭСЛЭЛ: Улаанбаатар хотын 380 жилийн ойн Бүтээлч ажлын төлөвлөгөө-нд тусгагдсан БҮТЭЭЛЧ ХОТ хөтөлбөрийн хүрээнд ХОЁР. ЗОРИЛГО: Олон улсын стандарт, шаардлагад нийцсэн, байгальд ээлтэй, дэвшилтэт техник, технологийг ашиглан өрсөлдөх чадвар бүхий чанартай, шинэлэг дизайнтай бүтээгдэхүүнийг зах зээлд нэвтрүүлсэн иргэн, аж ахуйн нэгжийг шалгаруулахад оршино. ГУРАВ. ХАМРАХ ХҮРЭЭ: Аж үйлдвэрийн салбар ДӨРӨВ. ТАВИГДАХ ШААРДЛАГА: Бүтээгдэхүүний дизайны шинэлэг байдал, Өвөрмөц, оновчтой шийдлийг шингээсэн байх Ижил төрлийн бүтээгдэхүүнээс ялгарах давуу тал Байгальд ээлтэй байх Хэрэглэгчдийн эрэлт хэрэгцээг хангасан байдал Хүний эрүүл мэндэд сөрөг нөлөөгүй бүтээгдэхүүн ТАВ. ЗОХИОН БАЙГУУЛАГЧ: Нийслэлийн Засаг даргын Тамгын газар Нийслэлийн Шинжлэх ухаан, үйлдвэрлэл, инновацын газар ЗУРГАА. БҮРДҮҮЛЭХ МАТЕРИАЛ: Бүтээгдэхүүний танилцуулга Бүтээгдэхүүний дизайны ач холбогдол Онцлог, шинэлэг байдал Фото зураг, тайлбар бүхий танилцуулга /нягтрал сайтай, тод харагдахуйц/ ДОЛОО. МАТЕРИАЛ ХҮЛЭЭН АВАХ: 2019 оны 09 дүгээр сарын 09-өөс 10 дугаар сарын 08-ний өдрийн 17:00 цаг хүртэл Нийслэлийн Засаг захиргааны V байр, Нийслэлийн Шинжлэх ухаан, үйлдвэрлэл, инновацын газрын 203 тоотод хүлээж авна. Мөн[email protected]цахим хаягаар материал хүлээн авна. Холбоо барих: 70111299 , 88092698, 90669993 НАЙМ. ШАЛГАРУУЛАХ ЗАРЧИМ Нийслэлийн холбогдох газруудын төлөөллөөс бүрдсэн ажлын хэсгийн бүрэлдэхүүн дүгнэж шалгаруулна. Creative industry сэдвийн хүрээнд хэлэлцүүлэг зохион байгуулж, аж үйлдвэрийн салбарын шилдэг 100 байгууллагын төлөөлөл оролцоно. ЕС. ШАГНАЛЫН САН I байр 5 000 000 төгрөг II байр 3 000 000 төгрөг

СЭТГҮҮЛЧ М.УЯНГЫН ЭМЧИЛГЭЭ ЗОГСОЖ ХҮНД БАЙДАЛД ОРООД БАЙНА Монголынхоо ард түмний сэтгэлийн хандив, үзэгт нэгт нөхдийнхөө тус дэмээр цусны бүлэг ижилсүүлж, бөөр шилжүүлэн суулгах хагалгаа хийлгэхээр Солонгос улсыг зориод байсан сэтгүүлч М.Уянга эмчилгээний хүндрэлээс шалтгаалж, эмнэлгийн төлбөр дутсаны улмаас эмчилгээ нь зогсож, хүнд байдалд ороод байна. Эхний шатны эмчилгээ болох цусны бүлэгижилсүүлэх эмчилгээ амжилттай болсон боловч 15сая вон буюу Монгол мөнгөнд хөрвүүлбэл 30 гаруй сая төгрөг дутсаны улмаас хамгийн гол эмчилгээ болох бөөр шилжүүлэн суулгах хагалгаа нь хойшлогдоод байна. Хагалгааг яаралтай хийлгэхгүй бол өндөр зардлаар хийгдсэн цусны бүлэг ижилсүүлэх эмчилгээ ямар ч үр дүнгүй болох учир яах учраа олохгүй байгаа тухайгаа нөхөр Ц.Ариунболд нь учирлаж байлаа. Харь орны эмнэлгийн дүрэм журам чанга хатуу, мөнгөгүй л бол хэн ч биш болно. Уянгын амь нас одоо та бидний гарт байна. Монголчууд бид нэгдэж Монголын сэтгүүл зүйн салбарт үнэний дуу хоолой болж явсан сэтгүүлч М.Уянгын эмчилгээг эхлүүлж чадсан бол одоо өчүүхэн хичээхэд нэгэн сайхан гэр бүлийн амьдралыг аварч бяцхан үрийг ижийтээ нь үлдээх боломжтой юм.