Фэйсбүүк компани3 тэрбум хуурамч хаяг устгасан гэдгээ мэдэгдлээ. Компани пүрэв гарагт мэдээлэл хийж, энэ оны эхний гурван сарын байдлаар Фэйсбүүк-ийн 3 тэрбум хуурамч хаяг устгасан байна. Энэ нь өнгөрөгч оны мөн үеийнхээс өндөр үзүүлэлт юм гэдгийг ч хэлжээ. 2018 оны эхний гурван сард нийгмийн сүлжээний энэ компани 1.2тэрбум хуурамч хаяг устгаж байжээ. Албаны хүмүүсийн хэлснээр хуурамч хаяг ингэж ихээр өссөн явдал нь Нэг дор олон хаяг нээж халдлага үйлдэх гэсэн болхи үйлдэлтэй холбоотой гэсэн байна. Гэхдээ халдлагын цаад санаа зорилгыг дурдаагүй байна. Тэд хуурамч хаягуудын дийлэнхийг тусгай программаар үүсгэснээс нь хойш хэдхэн минутын дотор устгасан гэжээ. Үүгээр ч зогсохгүй бусдыг доромжилсон, зүй бус пост буюу сэтгэгдлүүдийг Фэйсбүүк компани устгасан байна. Ийм төрлийн нийт 33 сая сэтгэгдлийн 19 сая нь насанд хүрэгчдэд зориулсан байсан бол зургаан сая нь алан хядах үйл ажиллагааг дэмжсэн,дөрвөн сая нь арьсны болон шашны үзэн ядсан үг хэллэгтэй сэтгэгдэл байжээ.

Дэлхийн соёл урлагийн гайхамшигт төвүүдийн нэг болох ОХУ-ынМосква хотод байрлахБольшойтеатрын тухай товчхон мэдээллийн та бүхэнд хүргэж байна. 1776 онд 2 дугаарЕкатеринахатан хаан тухайн үеийн Москва хотын амбан захирагчУрусовдтеатр барих эрх олгожээ. Их театрын анхны хувилбарууд 1780-аас 1808 оны хооронд гурван удаа түймэрт өртөж устсан тул, 1818 онд Петербургийн шинжлэх ухааны академи Москвагийн театрын барилга төслийн уралдаан зарлажээ. Тухайн уралдаанд АкадемийнректорАлексейМихайловынбүтээл түрүүлсэн байна.Хожим нь түүний төслийг Итали гаралтай уранбарилагчОсипБовесайжруулж 1821 онд барилгын ажлыг эхлүүлсэн байна.Большойтеатрын нээлтийн үйл ажиллагаа 1825 оны 1 сарын 18-ныөдөр болсон байна. ӨнөөдөрБольшойтеатр нь дэлхийн хамгийн нэр хүндтэй, томоохон дуурь бүжгийн театрын нэгт тооцогддог юм. Хэдийгээр тус театр2005 онд хаалгаа барьж, театрын барилгын 70 гаруй хувь нь сүйдэж, хагарал гэмтэл үүссэн хэдий ч дахин ажиллуулах шийдвэрийг гаргаж, сэргээн засварлахын тулд гурван жилийн хугацааг зарцуулжээ. Театрыг дахин нээх товыг 2008 он гэж байсан ч нэг бус удаахойшлуулсаар2011 онд хаалгаа нээж,галатоглолтоо хийж байв.

Мэдээлэл алдагдах, санамсаргүй устгах, компютераа форматлах үеэр хайран зурагнуудаа устгаж үнэхээр их харамсалтай хоцрох үе бий. Ихэнхдээ таны камер санах ойн карт, хамгийн энгийн мэдээлэл хадгалах төхөөрөмжүүд гээд бүгд мэдээллийг алдах боломжтой байдаг. Гэвч танд боломж байгаа. Азаар алдагдсан зургийг эргэн сэргээх боломжтой хэд хэдэн програм хангамж байна. Форматласан төхөөрөмж, камер болон дижитал мэдээлэл хадгалах хэрэгсэлээс устгасан ямар ч зураг үгүй болдог боловч, бодит мэдээлэл хадгалагдан үлддэг. Та зураг, текст гэх мэт чухал шаардлагатай мэдээллүүдийг дахин шинээр хийхгүйгээр сэргээх боломжтой. Зураг сэргээх програм нь ихэнхдээ биет мэдээллийг сэргээх боломжтой байдаг. Бид зураг сэргээх үнэ төлбөргүй програм болон тэдний үзүүлэлтийг судалж үзлээ. Компьютер, SD карт болон флаш диск (USB оролттой)-ээс зураг сэргээдэг топ 5 програмыг танд танилцуулж байна. 1. Stellar Phoenix Photo Recovery Stellar Phoenix Photo Recovery#8221; програм нь өндөр найдвартай зураг сэргээгч програм. Энэ програм нь гэмтсэн, форматласан hard drive, memory card болон нэмэлт хадгалалтын төхөөрөмжнөөс устсан, алдагдсан зураг, дуу, видеог сэргээгч юм. Хэрэглэхэд хялбар хэрэгсэл нь устсан мультмедиа файлуудыг үр дүнтэй бөгөөд ухаалгаар сэргээж тус тусад нь анхны файл нэрээр нь сэргээдэг. Уг програм нь 2TB хүртэлх багтаамж бүхий төхөөрөмжийг скан хийж чадна. Мөн энэ хүчирхэг програм нь рековер буюу файл сэргээх далайцыг нэмэгдүүлэхийн тулд шинэ файл header нэмэх сонголтоор хангана. Энэ програм нь бүх төрлийн төхөөрөмжөөс бүх төрлийн файлыг бүрэн сэргээдгээрээ эдгээр 5 програмаас хамгийн найдвартай нь гэж хэлж болно. 2. Undelete 360 Undelete 360 нь мөн л компютерын hard drive, USB drive, floppy, digital camera гэх мэт эх үүсвэрээс устгасан зураг сэргээдэг төлбөргүй програм юм. Энэхүү үр дүнтэй хэрэгсэл нь recycle bin /хогийн сав/-ээс устгасан файлаас гадна вирус, програм болон техник хангамжийн гэмтэл, hard drive муудсан, системийн санаанд оромгүй унтрал зэргээс шалтгаалан алдагдсан файлыг сэргээнэ. Төхөөрөмж нь танд бүрэн баталгаа өгөхгүй боловч, санаандгүй буюу устгаад удаагүй мэдээллийг сэргээх чадвартай. Нэмж хэлэхэд Undelete 360-д файлыг ор мөргүй бүрэн устгах боломжтой Wipe File-ууд багтдаг. 3. Pandora Recovery Pandora Recovery нь таны хуулж амжаагүй бүх устгасан файл болон фолдеруудыг олж, компютерийн дискийг бүрэн scan хийдэг төлбөргүй програм юм. Энэ төхөөрөмжөөр зураг, дуу, кино, документууд гэх мэт бүх устгасан файлыг сэргээх боломжтой. Бараг бүх тохиолдолд, Pandora Recovery нь таны hard drive-аас устгагдсан мэдээллийг хүчирхэг скан модулиараа, тухайн файлын анх байсан газар сэргээж өгнө. Гэвч Pandora Recovery санамсаргүй устгасан бүх файлыг чинь сэргээнэ гэсэн баталгаа байхгүй. Хэрэв алдагдсан мэдээллийн мөр байхгүй бол, түүнийг олно гэдэг боломжгүй зүйл юм. 4. Free Any Photo Recovery FAPR бол комьпютерийн hard drive, USB төхөөрөмжүүдээс устгасан файл зураг, видео, аудио сэргээгч үнэгүй програм юм. Энэ төхөөрөмж нь Sony memory sticks, Zip Disks, MMC Cards, memory sticks, flash cards, Secure Digital Card, IBM Micro Drive, SD Cards, XD Cards, Hard Disks , Mini Disks гэх мэт бараг бүр төрлийн мэдээлэл хадгалах хэрэгслээс зураг сэргээх боломжтой. Мөн дэвшилтэт файл scanning mode оор сайжруулалт хийсэн бөгөөд таны устгагдсан, алдагдсан файлыг хялбар сэргээж, засахад тусална. Нэмж хэлэхэд энэ програм нь сэргээх боломжтой зураг болон видеог бүрэн сэргээж дуусахаас нь өмнө урьдчилан шалгаж үзэх боломжийг олгодгоороо давуу талтай. 5. PhotoRec PhotoRec бол зураг сэргээх үнэ төлбөргүй хэрэгсэл. Энэ төхөөрөмж нь боломжит 2 хувилбартай: нэг нь command prompt-д, нөгөө нь зөвхөн 64 bit Windows дээр ажилладаг. PhotoRec нь JPG, MSOffice, OpenOffice документуудыг багтаасан 440 гаруй форматыг дэмждэг signature-based файл сэргээгч юм. Энэ аппликэшн нь бусад төхөөрөмжид ямар ч аюулгүйгээр устсан, алдагдсан файлыг сэргээж чаддагаараа хэрэглэгчдэд илүү үр дүнтэй юм. Энэ програм нь файлын систем нөлөөлөхгүйгээр аюулгүй горимд бүх хэсгүүдийг шалгаж, алдагдсан файлуудыг хайдаг. PhotoRec нь хайх явцдаа, файлын форматуудад анхаарна: энэ нь зөвхөн зурган файл сэргээхгүй гэсэн үг. Ерөнхийдөө, PhotoRec бол таны мэдээллийг аюулгүй бөгөөд хурдан сэргээж чадах хүчирхэг төхөөрөмж байж чадна.

Их Британий барилгын компани болох PDP London нь байгальд ээлтэй байшин барилга бүтээдгээрээ алдартай. Тэгвэл тус компани нарны эрчим хүч ашиглан бүхий л энергийн хэрэгцээгээ хангаж чадахаар байшингуудыг барьсан байна. Дулаан алдалт 0 хувьтай эдгээр байшингуудад нилээд том цонхнууд суурилуулж өгсөн байна. Ингэснээр айл өрхүүд оройн 6 цаг хүртэл гэрлээ асаалгүй байх боломжтой болж байгаа юм. Өөрөөр хэлбэл эко байшинг эзэмшиснээр цахилгаанд бараг мөнгө төлөхгүй байх бололцоотой. Дээвэртээ нарны зай хураагуур байршуулсан учир нартай үед шаардлагатай эрчим хүчээ цуглуулан авч дараа нь ашиглахаар төлөвлөсөн байна.

2000-2017 оны хүрээнд технологи хэрхэн өөрчлөгдсөн болохыг хараад би ч хүртэл гайхаж орхилоо. Олон зүйл нуршаад байлгүй гол технологийн шинэ нээлтүүдийг хүргэж байна. Apple компаний алдарт iPHONE Стийв Жобсийг шидтэн мэт харагдуулах Apple компаний нэрийн хуудас болсон төхөөрөмж бол яах аргагүй iPhone. Apple цаг үед үргэлж технологийн шинэ нээлт ололтуудаар олон нийтийг гайхшруулж ирсэн. Харин сүүлийн арав гаруй жилд Apple компани олон гайхалтай бүтээлүүд гаргасан. Анхны гэж хэлж болох энэхүү ухаалаг утас нь анх 2007 оны Зургаадугаар сарын 29-нд нээлтээ хийсэн бөгөөд гарснаас хойш 30 гаран сая хувь борлогдсон. Үнэхээр л гар утасны зах зээлийг орвонгоор нь өөрчилж чадсан бөгөөд хүмүүсийн гар утасны талаарх бодлыг ч мөн адил өөрчилсөн бүтээгдэхүүн. GOOGLE Ямар нэгэн зүйлийн талаар ярьж байтал гэнэт нэг мэдэхгүй зүйл гарч ирлээ. Энэ тохиолдолд өмнө нь хэдэн ном ухах ёстой байсан бол Google гэх гайхалтай хайлтын систем гарч ирснээр ердөө хайх зүйлээ хайлтын хэсэгт оруулснаар бид хариултаа авдаг болсон. Тэдэнд баяр хүргэх нь зүйтэй. Одоогийн олон ч залуусын дипломыг аварсан гэдэгт итгэлтэй байна. Миний хувьд ч мөн адил олон бие даалт олон шөнө сууж Гүүглтэй найзалж нөхөрлөж байж дуусгаж байснаа нуугаад яах вэ. The Mountain View, CA нэртэй үйл ажиллагаагаа эхэлж байсан бөгөөд тухайн үед ёстой хэн ч тоож хараагүй гэхэд болно. Харин одоо тэдний зогсож буй оргилыг харахад гайхалтай л гэж хэлмээр байна. Email, photo-sharing, ухаалаг утасны хөгжүүлэлт, комьпютержүүлэлт болон утасны үйлдлийн систем хөгжүүлэлт гээд томоохон салбар нэгжүүдтэй болсон. Түүнчлэн өнөө цаг үеийг хамгийн шилдэг газрын зургийн программыг /Google Map/ тэд эзэмшдэг. Windows XP Яагаад Windows 7 биш гэж үү? Яагаад вэ гэвэл, одоог хүртэл Windows XP-г хэрэглэдэг олон мянган хэрэглэгч бий гэвэл та итгэх үү. Түүнчлэн сүүлийн магадгүй хоёр жилийг эс тооцвол Windows XP нь хэрэглэгчдээс хамгийн сайн хандалт авсан үйлдлийн систем юм. Харин Windows Vista-ийн хувьд хэрэглэгчдийн хүлээлтэнд огтхон ч хүрч чадалгүй, Windows XP-ийн нэрийг баастсан гээд хэлэхэд буруудахгүй. Одоог хүртэл ямар ч шинэ үйлдлийн систем гарсан бай, Windows XP-г загвар үйлдлийн систем болгон ашиглаж санаа авдаг. Энэ системийн хувьд Microsoft компанид онц үнэлгээ өгөх нь зүйтэй. Олон нийтийн сүлжээний цахим хуудас Нөгөө нэг алдартай Facebook болон Twitter. Энэхүү хоёр хуудаснаас гадна олон энэ төрлийн цахим хуудас бий. Хэдий тийм ч өрсөлдөгчдөө бут цохисон хоёр компани бол яах аргагүй Фэйсбүүк болон Твиттер. Анх Фэйсбүүк 2004 онд 350 сая идэвхтэй хэрэглэгчидтэй үйл ажиллагаагаа эхлүүлж байсан. Твиттерийн хувьд өөрийн хүрээндээ бас л хувьсал хийсэн бүтээгдэхүүн болж чадсан. Түүний тусламжтай та юу бодож байгаа болон юу хийж буйгаа 25/7 мэдээллэх боломжтой. Зарим нэгнийг нь бүтэн нойртой явахад нь лав тусалдаг байх. Одоо үед Фэйсбүүкгүй олон зүйлийг амжуулахад бэрх болсон. Ерөнхийдөө маш олон зүйлийг хөнгөвчилж хялбарчилж өгсөн бүтээгдэхүүн. Та хэнтэй ч хаанаас ч холбогдож болно. Дээрээс нь хамгийн хямдаар зар сурталчилгаа хийх боломжтой. Хүүхэд залуусдаа нөхөрсөг зөвөлгөө өгөхөд, хэрвээ ажлын хэрэгцээгүй л бол аль болох бага хэрэглэхийг хичээж, цонхоороо амьдрал хэрхэн өрнөж буйг харж байгаарай. Оюун санааг тань амраах болно. Хэдий олон давуу талтай ч, сүүлийн үед хүүхэд залуусын хувьд ядаргаанд орох эсвэл сэтгэл санааны тавгүй байдалтай байгаа нь эдгээр цахим хуудастай холбоотой болох нь судалгаагаар тогтоогдсон болохыг анхаараарай. Бэлтгэсэн: С.Дөлгөөнсүрэн