Монгол бахархал буюу Чингис хааны төрсөн өдөр энэ сарын 16-нд тохиож байгаа бөгөөд нийслэлийн төв талбайд Улаанбаатар хот болон 21 аймаг, сумын гар урчуудын бүтээл, бүтээгдэхүүний үзэсгэлэн худалдааны нээлт болох гэж байна. Харин маргаашаас нь тус оролцсон бүтээгдэхүүнүүдийг төрөл тус бүрээр нь дотор талбайд иргэдэд нээлттэйгээр дэлгэх аж. Иймээс ямар төрлийн бүтээгдэхүүнийг хаанаас сонирхож болох талаарх мэдээллийг нээлтийн үеэр авч болох нь ээ. Уг үзэсгэлэн худалдааны ерөнхий зохион байгуулагчаар Монгол бахархал сан, хамтран зохион байгуулагчаар Үлэмж төгөлдөр урлан, Dream land tour ХХК, Yammy education center, Уран Цамба урлан, мэдээллийн ивээн тэтгэгчээр Монголын сайтын холбоо ажиллаж байна. Монгол бахархал сан нь үндэсний өв, соёлоо хамгаалах, хадгалах, бүтээгчдийг дэмжих чиглэлд үйл ажиллагаа явуулдаг тус байгууллага үе, удам дамжсан гар урчуудын ур ухаанд шингэсэн өв, соёл, уламжлал нь Монгол үндэстний оюуны дархлааны нэгээхэн хэсэг хэмээн үзэж буй тул өнөө цагийн залууст энэ тухай ойлголт өгч, улмаар уг санаанд тулгуурласан мэдээллийг олон улсад түгээх нь тусгаар Монголоо дангаар нь товойлгоход нэмэр болно гэж үздэг аж. Үндэсний шилмэл урчуудын хэмээн тодотгож буй уг цугларалтад оролцохоо мэдэгдсэн урчуудын тоо өдгөө 300-д хүрчэ

​ Нийтийн дуучид болон яруу найрагчдын хамтарсан Амраг намар нэртэй нэгдсэн тоглолт болно. Уг тоглолтоор Монголын зохиолчдын эвлэлийн шагналт, МУСТА , яруу найрагчБаянмөнхийн Болорцэрэнуран бүтээлийн сүүн хадгаа үзэгч олондоо барих аж. Тоглолт энэ сарын 31-ний бямба гарагт 19:00 цагаас UB palace-т болох юм. Тоглолтод: МУСТА Л.Банзрагч МУСТА Б.Наранцогт МУСТА Э.Чулуунчимэг МУСТА Э.Төрмандах Дуучин С.Бахат Дуучин Г.Энхнаран Дуучин Г.Машбат Дуучин Б.Солонго Ноён Бондгор хань Б.Золзаяагийн хамт Яруу найрагч Б.Ичинхорлоо Бяцхан авьяастан Б.Бат-Энэрэл нар оролцоно. Тоглолтын талаарх дэлгэрэнгүй мэдээллийгЭНДдарж авна уу.

​​

​ Л.Л.Линховоин нэрэмжит олон улсын дуурийн дуулаачдын уралдаан энэ сарын 21-23-ны өдрүүдэд болж, дуурийн дуучин Д.Дагвадорж гран при шагнал хүртлээ. Тэрбээр Сэлэнгэ аймгийн Мандал сумын уугуул бөгөөд Эрдэнэт үйлдвэр ТӨҮГ-ын дуу бүжгийн Эрдэнэт чуулгын гоцлол дуучин аж. Д.Дагвадорж өмнө нь ОХУ-ын Улан-Үдэ хотод зохиогддог Байкальский Международный конкурс-III вокалистов буюу Дуурийн дуучдын Байгаль нуурын олон улсын III уралдаан амжилттай оролцож тэргүүн байр эзэлж байжээ.

​ Дуучин Д.Отгонжаргал гэхээр Миний ээж тэмээчин, Хайрлахын жаргал, Хун галуу гээд хүн бүрт өөр өөрийн танил, дотно дуунууд санаанд бууна. Ийм сайхан бүтээлүүдийн эзэн, уянгат сайхан хоолойгоороо сонсогчдынхоо зүрх сэтгэлийг нэвт эзэмдэж чаддаг энэ уран бүтээлч маань төр, түмнээсээ Монгол Улсын Соёлын тэргүүний ажилтан хэмээх эрхэм алдрыг хүртсэн нь саяхан. Тэгвэл эрхэм дуучин маань сонсогч түмэндээ Хун галуу хэмээх уран бүтээлийн тоглолтоороо бэлэг барихаар бэлтгэл ажлаа хангасаар байна. Тэрбээр ирэх арваннэгдүгээр сарын 14-нд 19:00 цагаас Улаанбаатар паласын концертын их танхимд ганцхан удаа тоглохоор тов тогтоожээ. Түүний уран бүтээлийн цэнгүүнд Гавьяат жүжигчин, ятгачин Ч.Мөнх-Эрдэнэ, Соёлын тэргүүний ажилтан, Хар сарнай-н С.Амармандах, Соёлын тэргүүний ажилтан, дуучин Б.Алтанжаргал, жүжигчин И.Идэрмаа, UB DRUMS бөмбөрийн хамтлаг, Салхи хамтлаг, бүжгийн UB dance зэрэг хамтлаг, дуучид оролцоно. Тоглолт гайхалтай уран бүтээлүүдээс гадна олон сонирхолтой бэлгээр дүүрэн болно гэдгийг зохион байгуулагчид дуулгалаа.