Нийслэл Улаанбаатар хот үүсэн байгуулагдсаны түүхт 380 жилийн ойн хүрээнд НИТХ, Нийслэлийн Засаг даргын Тамгын газраас санаачлан Ulaanbaatar International Day 2019 олон улсын өдөрлөгийг энэ сарын 21, 22-ны өдрүүдэд зохион байгуулж байна. Улаанбаатар олон улсын өдөрлөг 2019 арга хэмжээнд зургаан орны 16 хотын зочид, төлөөлөгчид оролцож, хотуудын түүхэн хөгжил, тулгамдаж буй асуудал, гарц, шийдэл, цаашдын хамтын ажиллагааны талаар илтгэл хэлэлцүүлэн, санал солилцож, хуралдлаа. Түүнчлэн Найрамдалт хотуудын аялгуу хамтарсан урлагийн тоглолтыг Соёлын төв өргөөнд зохион байгууллаа. Урлагийн тоглолтод Улаанбаатар, Улаан-Үд, Бусан, Намянжү, Бангкок, Элстэй, Эрхүү, Чөндү, Мияконожо зэрэг хотууд үндэсний хэв шинжийг агуулсан урлагийн үзүүлбэрүүдээ толилуулсан юм. Нийслэлийн ЗДТГ-ын Хэвлэл мэдээлэлтэй харилцах хэлтэс

Монгол Улс, Бүгд Найрамдах Хятад Ард Улс хооронд дипломат харилцаа тогтоосны 70 жилийн ой сэдэвт шуудангийн маркийн анхны өдрийг Төрийн ордны Ёслол хүндэтгэлийн танхимд нээлээ. Уг ёслолд Монгол Улсын Шадар сайд Ө.Энхтүвшин, БНХАУ-аас манай оронд суугаа Онц бөгөөд Бүрэн эрхт Элчин сайд Шин Хаймин болон албаны хүмүүс оролцов Хоёр орны дипломат харилцааны түүхийн бэлэг тэмдэг болсон ойн шуудангийн маркийг ойг тэмдэглэн өнгөрүүлэх арга хэмжээний төлөвлөгөөний хүрээнд Шадар сайдын санаачилгаар Монгол шуудан компаниас эрхлэн гаргаж буй. Тус марк нь Монгол Улс 1924 онд анхны марк гаргаж байснаас хойшхи 1052 дахь дугаарын сэдвийн марк болжээ. Монгол, Хятадын ирээдүй, хойч үе болсон Үндэсний хувцастай бяцхан хүүхдүүд, хоёр орны төрийн далбаа, улсын нэрийн бичвэр, улс үндэстний онцлогийг шингээсэн хээ хуарыг марканд дүрсэлж, 12.000 сер, 6.000 анхны өдрийн дугтуйны хамтаар хэвлэж, худалдаанд гаргажээ. Энэхүү шуудангийн марк нь Иж бүрэн стратегийн түншлэлийн түвшинд хүрсэн манай хоёр орны харилцааны бэлэгдлийн эд өлгийн зүйл болж, марк сонирхогчдын үнэт цуглуулга, дэлхийн улс орнуудад түүхийн сурталчилгаа, хойч үед өвлөгдөн үлдэх бүтээл болох нь гарцаагүй гэж Шадар сайд Ө.Энхтүвшин тодотгов. Элчин сайд Шин Хаймин энэхүү үйл явдлыг Монголын ард түмнээс манай ард иргэдэд хандан ирүүлж буй том хүндэтгэл хэмээн тодорхойлсон юм. Сайд нар Монгол Улс, Бүгд Найрамдах Хятад Ард Улсын дипломат харилцаа тогтоосны 70 жилийн ой шуудангийн маркийн анхны дугтуйд гарын үсэг зурж Монгол маркийн музейд хадгалуулахаар болов гэжШадар сайдын Ажлын албанаас мэдээллээ.

Улаанбаатар смарт компаниас Монгол Улсын хэмжээнд суралцаж байгаа нийт оюутнуудын дунд U CAN CHANGE ВИДЕО КОНТЕНТ бүтээх уралдаан зарлаад байна. Өөрийн бүтээлч сэтгэлгээгээ харуулах шинийг эрэлхийлэгч залуус оролцох боломжтой бөгөөд тус тэмцээнд оролцохыг хүсвэл ердөө бичлэг хийх камер, гар утас зэрэг өөрт ойр байгаа хэрэгслээр ажиллаж бүтээлээ бэлтгэн илгээгээрэй. УРАЛДААНЫ БҮРТГЭЛ: 2019 оны 10 дүгээр сарын 14-ний өдрөөс эхлэн 2019 оны 10 дугаар сарын 25-ны өдрийг дуустал албан ёсоор нээлттэйгээр зарлан, Улаанбаатар Смарт Карт ХХК-ын байранд бүртгэнэ. УРАЛДААН ЗОХИОН БАЙГУУЛАХ ЖУРАМ: УРАЛДААНЫ 1 ДҮГЭЭР ҮЕ ШАТ: Бүтээлийг [email protected] хаягаар 2019.11.04 -ийг хүртэл хүлээн авч чанарын шаардлага хангасан бүтээлүүдийг өөрийн Facebook хуудсанд байршуулж, хамгийн их Like Share цуглуулсан шилдэг 5 бүтээлийн эзэд дараагийн шатанд өрсөлдөх болно. УРАЛДААНЫ 2 ДУГААР ҮЕ ШАТ: Шилдэг 5 багийн 2 дахь сэдвийн дагуу бэлтгэсэн бүтээлийг өөрийн цахим хуудсанд байршуулан Like Share-ийн тоогоор эхний 3 байрыг шалгаруулна. ТАВИГДАХ ШААРДЛАГА: Баг нь нэртэй, ахлагчтай, 10 хүртэлх тооны гишүүдтэй байна Өгөгдсөн сэдвийн дагуу, агуулгад нийцсэн байх Гар утас болон камераар бичсэн байх 1-3 минутын урттай байх Бичлэг дуу дүрсний өндөр чанартай байх, Ёс бус үг хэллэг агуулаагүй, садар самуун архидан согтууруулахыг сурталчилаагүй байх, Зохиогчийн эрхийг хүндэтгэсэн байх ШАГНАЛЫН САН: 1 дүгээр байр: Өргөмжлөл, 3,000,000 төгрөг 2 дүгээр байр: Өргөмжлөл, 1,000,000 төгрөг 3 дугаар байр: Өргөмжлөл, 500,000 төгрөг Уралдааны тухай дэлгэрэнгүй мэдээллийг www.uscc.mn болон www.facebook.com/uscc хуудаснаас авна уу. Утас: 7015-1289, 9969-3440 -нд хандана уу

Хөдөлмөрч хичээнгүйлэн урлагт хүчин зүтгэж яваа авьяаслаг, дуучин бол Төрийн соёрхолт Д.Болд. Тэрбээр үргэлж шинэ санааг эрэлхийж сонсогчиддоо бэлэг барьдаг. Өөрийн уран бүтээлээс гадна урлагтай дурласан залуу уран бүтээлчтэй хамтран уран бүтээлээ туурвидаг үлгэр жишээ ч залуу. Тэгвэл тэрбээр сүүлийн үед олны анхаарлыг татаад байгаа Vandebo хамтлагтайхамтран уран бүтээл туурвихаар болсон байна. 440Hz records-ын албан ёсны нээлтээ хийж, хөгжимд дурлагч залуустаа гайхалтай уран бүтээлүүдийг хүргэх гэж буйгаа саяхан дуулгаж байсан дуучин ийнхүү хамтрагчийнхаа тоог нэмж байгаа бололтой. Мөн дуучин Д.Болдын шинэ уран бүтээл хүрэхээс гадна Voice of Mongolia шоунд түүний багт байсан дуучдын хэн ч, хаана ч сонсож байгаагүй гайхалтай дуунууд олны хүртээл болно. Ийнхүү тэдний шинэхэн бүтээлүүд хүлээлт үүсгээд байна. Дашрамд дуулгахад, илүү их мэдээллийг цаг алдалгүй авч байхыг хүсвэл:B production-ы цахим хуудсыг дагаарай. Фэйсбүүк:https://www.facebook.com/bproduction.mn/ Инстрагмм:https://www.instagram.com/bproduction.mn/

Австралийн Нийслэлийн бүс нутгийн Засгийн газар Канберра дахь диппомат корпустай хамтран зохион байгуулсан Windows to the World нээлттэй хаалганы өдөрлөгт Монгол Улсаас Австрали Улсад суугаа Элчин сайдын яам 2019 оны 10 дугаар сарын 13-нд оролцож, өөрийн орны түүх, ёс заншил, өв уламжлалыг сурталчлав. ЭСЯ-нд зохион байгуулсан уг арга хэмжээнд 600 гаруй хүн хүрэлцэн ирж, монгол гэр, Монголын тухай богино хэмжээний баримтат кино, фото болон уран зургийн бэсрэг үзэсгэлэн, шагайн харваа, морин хуур, хөөмийн тоглолт сонирхов. Ирсэн зочдод мөн үндэсний хувцас, хоол, идээ ундааг сурталчлан танилцуулсан нь олны талархлыг хүлээв.