Улсын Онцгой Комисс Энэтхэг улсруутусгай захиалгат нислэг үйлдэх шийдвэр гаргасны дагуу үндэсний агаарын тээвэрлэгч МИАТ компани уг нислэгийг энэ сарын 12-ндBoeing 767-300 хөлгөөр хийхээр болжээ. Тус нислэг замдаа Лаос улсын нийслэлВьентьяндсаатан 13 иргэнийг, мөн ЭнэтхэгийнГоа-аас235-240 иргэнийгавчрахюм байна.Гоа-д мөн өдрийн 15.25 цагт бууж 17.25 цагт хөөрөх, Улаанбаатарт 13-ны07.10 цагт очихоор төлөвлөж байгаа аж. Тусгай захиалгат нислэгээр Карнатака мужид хийдэд суралцдаг, эх орондоо буцах хүсэлт илэрхийлсэн лам нар, бусад хүмүүсийг авчирна. Эх сурвалж: Энэтхэг дэхь Монгол Улсын Элчин сайдын яам

Монгол Улсын Засгийн газар, Улсын онцгой комиссын шийдвэрийн дагуу Австрали, Филиппин Улсаас 262 иргэнээ татан авах ажиллагааг зохион байгууллаа. Эдгээр иргэдийн 79 нь бага насны хүүхэдтэй гэр бүл, 15 нь жирэмсэн болон асран хамгаалагчтай, 47 нь өндөр настан болон асран хамгаалагчтай, 2 нь хөгжлийн бэрхшээлтэй, 26 нь эрүүл мэндийн шалтгаантай, 64 нь визний хугацаа, санхүүгийн хүндрэлтэй зэрэг хүндэтгэн үзэх шалтгаантай. Харин Филиппин Улсын Сэбү арлаас мөн 29 иргэн ирээд юм. Иргэдийг ХӨСҮТ, Цэргийн төв эмнэлэг, Амар зочид буудал, Баянбайгаль, Баянхангай сувилалд тусгаарлах юм. Улаанбаатар-Сидней-Улаанбаатар чиглэлийн анхны тусгай үүргийн нислэгийг МИАТ компанийн Ж.Доржнамжил ахлагчтай баг үйлдэж нэг талдаа 10 мянга гаруй км зам туулсан байна. Гадаад харилцааны яам, МИАТ компани нь Австрали, БНХАУ, Хонконг, Индонези, Филиппин улстай хөөрөлт, буулт үйлдэх, дамжин өнгөрөх зөвшөөрлийг дээрх орнуудад суугаа болон хавсран суугаа Элчин сайдын яамдаараа дамжуулан дипломат шугамаар хэлэлцэж авсан гэжУлсын онцгой комиссын Шуурхай штабаас мэдээллээ.

Нийслэлийн Засаг дарга бөгөөд Улаанбаатар хотын Захирагч С.Амарсайхан иргэдээс удаа дараа ирүүлсэн гомдол саналын дагуу есдүгээр сарын 07-ны өдөр Хан-уул дүүргийн 11-р хороо Зайсангийн Peace Village, General town хотхонуудад иргэдийн эрүүл, аюулгүй орчинд амьдрах сөрөг нөлөө үзүүлэхүйц аюултай нөхцөл байдал үүссэнтэй холбогдуулантухайн орчны газар дээр нь албаны хүмүүсийн хамтаар очиж ажиллан, иргэд, оршин суугчдын санал гомдлыг сонсож, тулгамдсан асуудлыг газар дээр нь шийдвэрлэж ажилласан. Энэ үеэрээ Хотын Захирагч холбогдох албаны хүмүүсээс бүрдсэн ажлын хэсэг байгуулах үүрэг өгч, ажлын хэсэг хотхоны орчимд үүссэн нөхцөл байдлыг шат дараатай шийдвэрлэн ажиллаж байна. Тэгвэл өнөөдөр Хотын Захирагч С.Амарсайхан дахин газар дээр нь дахин очиж ажиллан үүрэг даалгаврын биелэлтийг шалган, зарим ажлуудыг шуурхай хийж гүйцэтгэх үүрэг чиглэлийг холбогдох албаны хүмүүст дахин өгөв. Мөн Улаанбаатар хотын Захирагчийн ажлын албанд хотхонуудын дунд хүүхдийн тоглоомын талбай байгуулах үүргийг өгсөн юм. Нийслэлийн Засаг дарга бөгөөд Улаанбаатар хотын Захирагч С.Амарсайхан Хот бодлогын асуудлаас гадна жижиг гэж хаясан хамгийн том хүндрэлээ цэгцэлж байна. Сууц өмчлөгчдийн холбооны дарга та ч бас хариуцлагатай байж иргэдээ идэвхижүүл. Бид иргэддээ ч хатуу шаардлага тавьж байгаа. Амьдрах орчны аюулгүй байдлыг хангахад иргэдийн оролцоо их чухал. Мөн энд үйл ажиллагаа явуулж аж ахуйн нэгжүүд нийгмийн хариуцлагаа ухамсарлан тохижилт, ногоон байгууламж, тоглоомын талбайгаа хийх хэрэгтэй гээд хотхоны гадна талбайд байгаа стандартын шаардлага хангахгүй иргэдийн амь нас, амьдрах орчинд эрсдэл учруулах хашаа, хайсыг буулгаж, ухсан нүхийг тэгшлэх, авто замыг засварлах үүргийг холбогдох албаныханд өгч, энэ ажилд хотхоны иргэд, оршин суугчдыг оролцоогоо нэмэгдүүлэх, мөн үйл ажиллагаа явуулж байгаа аж ахуйн нэгжүүдийг хамтарч ажиллах шаардлагатай гэдгийг онцолж хэллээ. Нийслэлийн ЗДТГ-ын Хэвлэл мэдээлэлтэй харилцах хэлтэс

Нийслэлийн Засаг дарга бөгөөд Улаанбаатар хотын Захирагч С.Амарсайхан долоо хоног бүрийн Даваа гараг бүр мэдээллийн цагаараа иргэд, олон нийтэд хандсан мэдээлэл өгч буй. Энэ удаагийн мэдээллээр нийслэлийн Онцгой байдлын албанд нисдэг тэрэг, машин, тоног төхөөрөмж нийлүүлэх тухай, нийслэлийн Эх хүүхдийн эмнэлгийг энэ сарын 15-нд ашиглалтанд оруулах талаар болон Алсын хараа 2050 МУ-ын урт хугацааны бодлогын баримт бичгийн агуулгыг мэдээлсэн юм. Дэлхийн олон улсад тархаад буй Ковид-19 цар тахал 213 улс орныг хамарч, 405,074 хүн нас барч 3,453,648 иргэн эдгэрээд байна. Өнөөдрийн байдлаар Монгол улсад 194 хүн халдвартай гэж бүртггэгдсэн ч бүгд гаднаас зөөвөрлөгдөн орж ирсэн юм. Нийслэлийн хэмжээнд цар тахлаас урьдчилан сэргийлэх арга хэмжээг эрчимжүүлж, хотоос гарч орж буй иргэдэд эрүүл мэндийн тандалт судалгаа явуулах үүргийг хотын Захирагч өгсөн. Энэ хүрээнд нийслэлийн хэмжээнд ариутгал халдваргүйжүүлэлтийг өнгөрсөн дөрөвдүгээр сараас эхлэн шат дараатай хийж байгаа бөгөөд өнөөдрийн байдлаар 13220 аж ахуйн нэгжид ариутгал, халдваргүйтгэлийн ажил хийжээ. Түүнчлэн 9 дүүргийн 173 хорооны машин хүрэх боломжгүй нарийн зам, гудамж талбай, тоглоомын талбай, сүүдрэвч, ногоон байгууламж бүхий амралтын талбай, бохирдол ихтэй булан тохой, үерийн далан сувагт 2 удаагийн давтамжтайгаар нийт 1,511,671.6мкв талбайд явганаар халдваргүйтгэл хийж явган халдваргүйтгэлийн ажил дууссан байна. Гэр хорооллын айл өрхүүдийн модон жорлон, бохирын цооногын халдваргүйжүүлэлт үргэлжилж өнөөдрийн байдлаар 9 дүүргийн нийт 152205 жорлон, бохирын цооногоос 142900 жорлон, бохирын цооногийг халдваргүйжүүлж байгаа аж. Хотын Захирагч мэдээллийнхээ үеэр бусад хотууд цар тахлын үеэр хэрхэн бэлэн байдалд шилжиж ажиллаж байгаа талаар мэдээллийг мөн өгсөн. Өнгөрсөн долоо хоногт Ковид-19 цар тахлаас урьдчилан сэргийлэх хүрээнд дэлхийн хотуудын дарга нар харилцан туршлага солилцож хүрээнд Улаанбаатар хотын Захирагчаас авч хэрэгжүүлж буй арга хэмжээний талаар мэдээлэл өгөхийг хүссэн юм. Улаанбаатар хотын Захирагч өнгөрсөн хоёрдугаар сараас эхлэн өндөржүүлсэн бэлэн байдал зарлаж урьдчилан сэргийлэх арга хэмжээг авч ажиллаж байгаа талаар дэлгэрэнгүй мэдээлэл өгсөн талаараа мөн дуулгалаа. Үер, усны ослын аюулаас урьдчилан сэргийлж завьт болон хөдөлгөөнт эргүүл ажиллана Хэрлэн, Тэрэлж, Туул гол, голын тогтоол усанд иргэд осолдохоос урьдчилан сэргийлэх зорилгоор Багануур дүүргийн нутаг дэвсгэр Хэрлэн голын дагуу Дивизийн гармаас Хадан хошуу, Налайх дүүргийн нутаг дэвсгэр Тэрэлжийн /гарам/ голоос Майхан Уул, Баянзүрх дүүрэг Хар усан тохойгоос Хан-Уул дүүргийн нутаг дэвсгэр Хадан хясаа хүртэл Туул гол дагуу энэ сарын 10-ны өдрөөс есдүгээр сарын 15-ны өдрийг хүртэл хугацаанд завьт болон хөдөлгөөнт эргүүл ажилуулахаар болжээ. Нийслэлийн Онцгой байдлын газар, Нийслэлийн Цагдаагийн удирдах газар, Нийслэлийн Гэр бүл, хүүхэд, залуучуудын хөгжлийн газар, дүүргийн холбогдох мэргэжлийн байгууллагуудын ажилтан албан хаагчид хөдөлгөөнт эргүүлээр хяналт тавьж ажиллах юм байна. Нийслэлийн Засаг даргын 2020 оны 04 дүгээр сарын 08-ний өдрийн Өнжмөл шар өвсний түймэр гарахаас урьдчилан сэргийлэх тухай А/487 дугаар захирамжийн хүрээнд нийслэлийн ногоон бүсэд хөдөлгөөнт эргүүл ажиллаж буй. Ногоон бүсэд хөдөлгөөнт эргүүл ажилласнаар ой хээрийн болон өнжмөл шар өвсний түймэр өнгөрсөн оны мөн энэ үетэй харьцуулахад 57 хувиар буурчээ. Нийслэлийн онцгой байдлын газарт нисдэг тэрэг, автомашин өгнө Монгол Улс, Бүгд Найрамдах Беларусь Улсын Засгийн газар хоорондын хөнгөлөлттэй зээлийн хүрээнд Онцгой байдлын албаны гамшигтай тэмцэх техник, тоног төхөөрөмжийн хүчин чадлыг сайжруулах төсөл хэрэгжиж Гал унтраах, цацраг, химийн ослын үед ашиглах тусгай зориулалттай 71 автомашин нийлүүлэгдэхээс тодорхой тооны машинуудыг Нийслэлийн Онцгой байдлын газарт хуваарилуулж нийслэлийнхээ ард иргэдийн аюулгүй байдал, эд хөрөнгийг авран хамгаалахад ашиглуулахаар болжээ. Мөн Монгол Улс, Бүгд Найрамдах Франц Улс Онцгой байдлын албаны гамшигтай тэмцэх техник, тоног төхөөрөмжийн хүчин чадлыг сайжруулах төсөл-ийн хүрээнд нисгэгч, техникийн ажилтнуудыг бэлтгэж, 3 нисдэг тэрэг нийлүүлэгдэнэ хэмээн хотын Захирагч С.Амарсайхан мэдээллээ. Мөн хотын төвд нисдэг тэрэг буулгах газар талбайн талаар холбогдох байгууллагын төлөөлөл оролцсон ажлын хэсэг гарч судалгааг хийж байгаа аж. Нийслэлийн Эх, хүүхдийн эрүүл мэндийн нэгдсэн төвийн барилгыг зургаадугаар сарын 15-нд хүлээж авна Яармагт баригдаж байгаа 300 ортой Нийслэлийн Эх, хүүхдийн эрүүл мэндийн нэгдсэн төвийн барилгын ажлын явц 98 хувьтай байна. 10 жил гацсан 300 ортой төрөх эмнэлгийн барилгыг хоёрхон жилийн хугацаанд барьж дуусгалаа. Гүйцэтгэгч компанийн хамт олонд талархаж байна. Сүүлийн 30 жилд анх удаа ийм том 34 мянган мк2/талбайтай 880 өрөө бүхий 1500 ор дэлгэх боломжтой эмнэлгийн барилга ашиглалтад орж байгаа нь энэ. Мөн эмнэлгийн гаднах зам талбайн тохижилт, орц, гарцны асуудлыг нийслэлээс хөрөнгө мөнгийн гаргаж шийдвэрлэнэ хэмээн хотын Захирагч С.Амарсайхан онцлон хэлсэн юм. Энэхүү эмнэлгийг ашиглалтад оруулснаар төрөх эмнэлгүүдийн ачаалал тодорхой хувиар буурах чухал ач холбогдолтой. Тус нэгдсэн эмнэлэг нь олон улсын стандартад нийцсэн бөгөөд хүүхдийн 140 ортой, төрөхийн 160 ортой байх аж. Эмнэлэг ашиглалтад орсноор нийслэлчүүд олон улсын стандартад нийцсэн улсдаа тооцогдох эмнэлэгтэй болох юм Улаанбаатар хотыг хөгжүүлэх зургаан дэд төвийг байгуулна Улаанбаатар хотыг 2040 он хүртэл хөгжүүлэх хөгжлийн ерөнхий үзэл баримтлал-ыг боловсруулж Засгийн газарт өргөн барьсан байна. 2050 оныг хүртэлх МУ-ыг хөгжүүлэх Алсын хараа бодлогын баримт бичигт Улаанбаатар ба дагуул хот-ыг тусгасан. Энэ хүрээнд хотуудаа эдийн засгийн хувьд төрөлжүүлэх юм байна. Нийслэлийн Засаг дарга бөгөөд Улаанбаатар хотын Захирагч С.Амарсайхан Улаанбаатар хотыг 2050 он хүртэл хөгжүүлэх бодлогын урт хугацааны төлөвлөлтөд дагуул хотуудыг байгуулах томоохон зорилтыг дэвшүүлсэн. Энэ хүрээнд хотуудыг эдийн засгийн хувьд төрөлжүүлж хүн төвтэй бодлогыг хэрэгжүүлэх орчин төвтэй шийдлийн хүрээнд хотын стандартыг хэрэгжүүлсэн дагуул хотуудыг хөгжүүлэх болно гэв. Улаанбаатар хотын хөгжүүлэх бодлогын баримт бичиг нь гурван үе шаттай хэрэгжих бөгөөд зургаан дэд төвийг байгуулах аж. Хотын Захирагч С.Амарсайхан хэлэхдээ Олон төрөлт ухаалаг болон газар доорх багтаамж ихтэй нийтийн тээврийн сүлжээг бий болгон, Улаанбаатар хотыг дагуул хотуудтай холбосон зорчигч тээвэр, бүс нутагтай холбосон тусгай замын өндөр хурдны тээврийг нэвтрүүлж түгжрэлгүй, эдийн засгийн хэмнэлттэй хот болгон хөгжүүлнэ. Автобусны парк шинэчлэл хийгдэж байна. Ирэх есдүгээр сарын нэгнээс хотын төвийн бүст сургуулийн стандартын 200 автобусыг хөдөлгөөнд нэмж оруулна. Нэгдсэн стандарттай, таних тэмдэг, тоолуур бүхий 800 таксийг мөн хөдөлгөөнд оролцуулна. Агаарын такси төсөл үргэлжилж байна. Цахилгаан соронзон галт тэрэгний төслийн тооцоо, судалгаа хийгдэж байна. Хүний хөгжлийг дэмжин, ажиллаж амьдрах тав тухтай орчинг бүрдүүлэх замаар Хүний хөгжлийн индекс-ээр дэлхийд тэргүүлэх 20 улсын нэг болно хэмээн онцолж хэллээ. Нийслэлийн ЗДТГ-ын Хэвлэл мэдээлэлтэй харилцах хэлтэс

Эрүүл мэндийн сайд Д.Сарангэрэл, Нийслэлийн Засаг дарга бөгөөд Улаанбаатар хотын Захирагч С.Амарсайхан тэргүүтэй холбогдох албаны хүмүүс өнөөдөр Яармагт баригдаж байгаа 300 ортой Нийслэлийн Эх, хүүхдийн эрүүл мэндийн нэгдсэн төвийн барилгын ажлын явцыг шалгаж, газар дээр нь ажиллалаа. Хотын Захирагч С.Амарсайхан эмнэлгийн барилгын ажлыг түргэвчлэх үүднээс удаа дараа ирж ажиллан шаардлагатай хөрөнгө санхүүгийн асуудлыг шийдвэрлэхэд онцгой анхаарч ажиллаж байгаа билээ. Барилгын ажлыг гүйцэтгэгч Томо Бюлдинг ХХК-ийн гүйцэтгэх захирал М.Отгонбаяр Нийт долоон блокоос бүрдсэн 34.200 метр.кв, 2.4 га талбай бүхий эмнэлгийн барилгын ажлын явц 98 хувьтай байна гэдгийг албаны хүмүүст хэлэв. Тус компанийн хувьд эхний ээлжинд хоёр блокийг ашиглалтад оруулахаар ажиллаж байгаа аж. Энэ үеэр Эрүүл мэндийн сайд Д.Сарангэрэл 10 жил гацсан 300 ортой төрөх эмнэлгийн барилгыг хоёрхон жилийн хугацаанд барьж дуусгалаа. Гүйцэтгэгч компанийн хамт олонд талархаж байна. Сүүлийн 30 жилд анх удаа ийм том 34 мянган мк2/талбайтай 880 өрөө бүхий 1500 ор дэлгэх боломжтой эмнэлгийн барилга ашиглалтад орж байгаа нь энэ юм гэлээ. Нийслэлийн Засаг дарга бөгөөд Улаанбаатар хотын Захирагч С.Амарсайхан Нийслэлийн Эх, хүүхдийн эрүүл мэндийн нэгдсэн төвийн барилгыг төлөвлөсны дагуу энэ сарын 15-нд ашиглалтад хүлээж авахад бэлэн болж байна. Хамгийн сүүлийн үеийн эрүүл мэндийн байгууллагын орчин нөхцөлийг бүрдүүлсэн 300 ортой, шаардлагатай бүх тоног төхөөрөмжөөр бүрэн хангагдсан эмнэлэг ашиглалтад орно. Мөн эмнэлгийн гаднах зам талбайн тохижилт, орц, гарцны асуудлыг нийслэлээс хөрөнгө мөнгийн гаргаж шийдвэрлэнэ гэлээ. Энэхүү эмнэлгийг ашиглалтад оруулснаар төрөх эмнэлгүүдийн ачаалал тодорхой хувиар буурах чухал ач холбогдолтой. Тус нэгдсэн эмнэлэг нь олон улсын стандартад нийцсэн бөгөөд хүүхдийн 140 ортой, төрөхийн 160 ортой байх аж. Эмнэлэг ашиглалтад орсноор нийслэлчүүд олон улсын стандартад нийцсэн улсдаа тооцогдох эмнэлэгтэй болох юм. Нийслэлийн ЗДТГ-ын Хэвлэл мэдээлэлтэй харилцах хэлтэс