2013 оны 03 дугаар сарын 7-ны өдрийн шөнө баруун аймгуудын нутгаар, 8-ны өдөр ихэнх нутгаар, 9-ний өдөр говийн болон зүүн аймгуудын нутгаар салхи 18-20м/с, зарим газраар түр зуур 28-30 м/с хүрч хүчтэй болон шороон шуурга шуурч, агаарын температур 8-ны өдөр нутгийн баруун хагаст, 9-ний өдөр нутгийн зүүн хагаст өмнөх хоногоосоо 5-15 градусаар хүйтэрнэ. Хүчтэй салхи шуурганы үед зам, даваа хаагдах, үзэгдэх орчин хязгаарлагдах тул авто болон агаарын тээвэр, төмөр зам зэрэг байгаль цаг агаараас хамаарал бүхий аж ахуйн нэгж, байгууллагууд, иргэд, малчид, тээвэрчдийг цаг агаарын аюулт болон гамшигт үзэгдлээс урьдчилан сэргийлж, ажил төрлөө эртнээс зохицуулах арга хэмжээ авахыг онцгойлон анхааруулж байна. ОНЦГОЙ БАЙДЛЫН ЕРӨНХИЙ ГАЗАР, НИЙСЛЭЛИЙН ОНЦГОЙ БАЙДЛЫН ГАЗАР, ЧИНГЭЛТЭЙ ДҮҮРГИЙН ОНЦГОЙ БАЙДЛЫН ХЭЛТЭС

Маргааш буюу 02 дугаар сарын 28-ны өдөр 14:00-15:00 цагийн хооронд Тамхины эсрэг хамтдаа уриатай 1000 оюутны жагсаал Сүхбаатарын талбайд болно. Тус жагсаалыг тамхинаас татгалзаж, тамхины эсрэг хуулиа хэрэгжүүлье гэсэн зорилгын дор явуулахаар болжээ. Жагсаалыг УИХ дахь эмэгтэй гишүүдийн бүлэг Монголын үндэсний их сургуультай хамтран явуулж байгаа юм байна.

Өнөөдөр нутгийн зүүн хэсгээр бага зэргийн цас орж, зөөлөн цасан шуурга шуурна. 2013 оны 02 дугаар сарын 25-ны 08 цагаас 20 цаг хүртэлх цаг агаарын урьдчилсан мэдээ: Зүүн зүгийн нутгаар үүлэрхэг. Бусад нутгаар солигдмол үүлтэй. Төвийн нутгийн зүүн хэсэг, зүүн зүгийн нутгаар бага зэргийн цас орж, явган шуурга шуурна. Салхи баруун зүгийн нутгаар баруунаас, бусад нутгаар хойноос секундэд 5-10 метр. Алтайн салбар уулсаар секундэд түр зуур 16-18 метр хүрч ширүүснэ. Увс нуурын хотгороор 20-25 градус, Дархадын хотгор болон Хүрэн-бэлчир, Идэр, Тэс, Буянт голын сав газраар 15-20 градус, Эгь-Үүр, Хараа, Ерөө Туул, Тэрэлж, Хэрлэн, Онон, Улз, Халх голын сав газраар 8-13 градус хүйтэн, говийн бүсийн өмнөд хэсгээр 0-5 градус дулаан, бусад нутгаар 3-8 градус хүйтэн байна. УЛААНБААТАР ХОТ: Үүлэрхэг. Бага зэргийн цас орно. Салхи хойноос секундэд 5-10 метр. 4-6 градус хүйтэн байна. Өглөө 05 цагт Улаанбаатарт: 6 градус хүйтэн, харьцангуй чийг 56 хувь, агаарын даралт 864 гектопаскаль байлаа. Даралт өдөртөө тогтвортой байна

Энэ жил цас их, өвөлжилт хүндэрч байгаатай холбогдуулан МАХН-аас Сэтгэлийн дэм аян өрнүүлж байгаа билээ. Энэхүү аяны хүрээнд Өвөрхангай аймгийн өвөлжилт хүндэрсэн сумдуудад өвс, мөнгөн тусламж, эмийн сан зэргээр тусалсан бол энэ удаад 3000 тонн нүүрсийг Говь-Алтай, Завхан, Баянхонгор аймгийн цасанд боогдсон сумдуудын малчдад хүргэлээ. 3000 тонн нүүрсийг Завхан, Говь-Алтай, Баянхонгор аймгуудын Засаг дарга болон Онцгой байдлын газрын дарга нар хүлээн авсан юм. Мал төллөх хүнд үеэр малчдад нүүрс түлээ, өвс тэжээлийн тусламж чухал шаардлагатай байдаг. Тиймээс Сэтгэлийн дэм аяны хүрээнд МАХН болон бусад дэмжигчид, хандивлагчид энэ удаад гурван аймагт 3000 тонн нүүрсийг хүргээд байна. Сэтгэлийн дэм аяны гурав дахь цуваа удахгүй дараагийн өвөлжилт хүндэрсэн аймгуудруу гарах бөгөөд цасанд боогдсон малчдад дараагийнхаа тусламжийг хүргэх юм.

Монгол улсын Хөдөлмөрйн яамнаас санаачлан ажил олгогч, аж ахуй нэгж байгууллагуудын захиалгаар мэргэжилтэй ажилтан бэлтгэх нөхцлийг бүрдүүлж, ажил олгогчдоос ирсэн захиалгын дагуу богино хугацааны эрчимжсэн сургалтыг зохион байгуулж эхэллээ. Энэ ажлын хүрээнд сургалтанд хамрагдаж, ажилд орох хүсэлтэй 8900 орчим иргэн 1-р сарын 7-ноос 1-р сарын 31-нийг дуусталХөдөлмөрийн төв биржид бүртгүүлж, ажил олгогчдоос Улаанбаатар хотод 3978, хөдөөд 5400 орчимажлынбайрнызахиалгаирсэн байна. Ажил олгогчид ярилцлагын үндсэн дээр сонгон шалгаруулж 1-р сарын 31-ний байдлаар Улаанбаатар хотод 1627, орон нутагт 3325ажил хайгчтай гэрээ байгуулан, 2 сарын 1-ээс Мэргэжлийн боловсрол сургалтын байгууллагуудадсургалтын үйл ажиллагааэхэлж байна. Хөтөлбөрт хамрагдагчид УБ хотод 16, хөдөөороннутагт 29мэргэжлийн боловсрол сургалтын байгууллагад47мэргэжлээрсуралцаж, эхний 2 сарыгтанхимд онолыг мэдлэг заалгаж, үлдсэн 3 сарыгажилолгогч ажлын байрандээр үйлдвэрлэлийн дадлагахийнэ. Онолын мэдлэг, үйлдвэрлэлийн дадлага хосолсон сургалтын хосмог хэлбэрээр явагдаж буй тус сургалт мэргэжлийн агуулга, хөтөлбөрөөс шалтгаалан 5 сар хүртэлх хугацаатай байна. Үндэсний мэргэжилтэй ажилтан бэлтгэх хөтөлбөр хоёр үе шаттай явагдаж, түүний үр дүнд 6600хөдөлмөрийн насны иргэн богино хугацааны сургалтанд хамрагдаж, ажлын байртай болох юм. Мөн суралцах хугацаандаа сар бүр тодорхой хэмжээний мөнгөн тэтгэлэг авч, нийгмийн даатгалд даатгуулна. Сургалтын бүхий л шатны үйл ажиллагаанд ажил олгогчийг татан оролцуулах бөгөөд ингэснээр ажил олгогч суралцагчдад ямар ур чадвар түлхүү эзэмшүүлэхээ сонгож, сургалтын байгууллагатай хамтран сургаж, үйлдвэрлэлийн дадлагыг өөрийн үйлдвэр, аж ахуйн нэгж дээр хийлгэх, төгсөлтийн шалгалтыг хамтран авч, төгсөгчийг ажлын байраар хангах зэрэгт хамтран ажиллаж байгаань Үндэсний мэргэжилтэй ажилтан бэлтгэх хөтөлбөр ийн онцлог юм. Суралцагч төгсөхдөө чадамжийн гэрчилгээ гардан авах бөгөөд дадлага хийсэн аж ахуй нэгж байгууллагадаа үргэлжлүүлэн ажиллах тогтвортой ажлын байртай болж байгаа юм.