Намрын улиралын нээлтийн задгай шоу энэ сарын 19-нд буюу энэ бямба гарагт Гачуурт дахь Монгол Шилтгээн-д болох гэж байна. Zoom night festival-д амьд хөгжим, бүжгийн үзүүлбэрээс гадна олон арван сюрприз бэлдсэн байгаа гэнэ. Урилгаар дуучин Наагий, Б.Баярцэцэг, Big gee, Gemten, Desant, Minjin, Colors Rec On X-Vit хамтлаг, DJ Biliguudei majesty, TMK iso, AAGII kabb, MARA mmp, ANU DOL majesty, GEZEG real нар оролцох аж.

Сараагийн тоглолтыг фэнүүд нь жил болгон хүлээгээд сурчихсан. Поп хатагтай ч өдийг хүртэл урмыг хугалсан удаагүй. Харин энэ жил цар тахлын хөл хорио таарч, 50-н насны төрсөн өдрөө үзэгч фэнүүдтэйгээ нижгэр тэмдэглэж чадалгүй өнгөрөөсөн. Гэхдээ тэгш тоотой ойн баяраа тэмдэглэхгүй бол тиймхэн биз дээ. Тиймээс 9-н сарын 18-н буюу хүүгийнхээ төрсөн өдөртэй давхцуулан бүх цаг үеийг байлдан дагуулсан алтан хитүүдээс бүрдсэн Best of Saraa тоглолтоороо фэнүүдтэйгээ уулзах нь. Нэгэн цагт хүүдээ зориулж ая зохиогч Б.Ангирмаатай хамтран Энэ насны минь хийморь болсон эрхэм билэг бидэнд заяажээ... хэмээх дууг эгшиглүүлсэн түүх бий. Сониноос 9-р сарын 18-нд альтернатив Отгоо, Солонгон аашт Т.Ананда гэх мэт олны танил бүсгүйчүүдийн төрсөн өдөр тохиож байгааг хэлэх үү поп хатагтайн тоглолт давхар баяруудын давхцлаардүүрэн байх нь. Улс даяар хөл хорио тавигдаж, хамгийн анхны нижгэр тоглолтыг Sky Resort зохион байгуулах санал тавьснаар ийнхүү Сараатай хамт нэгэн үдшийг доргио өнгөрөөх боломж нээгдээд буй. Нэмж дуулгахад үзэгчдийн тоо хязгаартай гэсэн шүү!!!

​ Оросын нэрт зохиолч Лев Толстойн АННА КАРЕНИНА романаас сэдэвлэн бичсэн 2 бүлэгт, 23 үзэгдэлт жүжиг 2020 оны сарын 01-ээс Улсын драмын эрдмийн театрын тайзнаа тоглох гэж байна. Жүжгийн найруулагчаар Н.Наранбаатар ажилласан бол гол дүр Анна Каренинад жүжигчин Н.Баярмаа, Вронскийд Т.Сэргэлэн, О.Гэрэлсүх, Каренинд Б.Жаргалсайхан, Д.Баттөмөр нар тоглоно. Ерөнхий найруулагч Н.НАРАНБААТАР Ерөнхий продюсер Д.ЦЭРЭНСАМБУУ Ерөнхий зураач Т.ГАНХУЯГ Хөгжмийн зохиолч Ш.ӨЛЗИЙБАЯР Жүжгийн зохиол болгосон Н.ПҮРЭВДАГВА Хөдөлгөөний найруулагч, бүжиг дэглээч Д.ЭНХБААТАР Ассистент найруулагч А.ЧИНГҮН ДҮРҮҮДЭД: Анна Каренина - Н.БАЯРМАА Анна (Хувь заяа) - Н. СУВД Алексей Вронский - Т.СЭРГЭЛЭН, О.ГЭРЭЛСҮХ Алексей Каренин - Б.ЖАРГАЛСАЙХАН, Д.БАТТӨМӨР Долли Облонская - Г.УРНАА, Б.ОДОНЧИМЭГ Кити Щербацкая - Д.ХУЛАН, О.ХОНГОРЗУЛ Степан Облонский -Л.ДЭМИДБААТАР, М.ТҮВШИНХҮҮ Варя Вронская -С.САРАНТУЯА, Ж.ОЮУНДАРЬ Бетси Тверская - М.ТОГТОХЖАРГАЛ Константин Дмитрич Левин - С.БОЛД-ЭРДЭНЭ, Г.АМГАЛАНБААТАР Щербацкий ван - П.ЦЭРЭНДАГВА, Б.ОТГОНБАТ Щербацкая хатагтай -Ж.ОЮУНДАРЬ, Ц. БАЯСГАЛАН Нээлтийн мэдээлэл:https://www.facebook.com/events/510467272877924/Дэлгэрэнгүй мэдээлэл:http://www.drama.mn/newsdetail?id=77Тоглолтын тасалбар тун удахгүй цахим хэлбэрээр худалдаанд гарна.

​ Соёл, урлагийн салбарыг хөгжүүлж, бүх нийтийг соён гэгээрүүлж, өв соёлоо хадгалан хамгаалах, түгээн дэлгэрүүлэх их үйлсэд өөрийн авьяас билэг, оюун ухаан, хүч хөдөлмөрөө зориулан Монгол орныхоо өнцөг булан бүрд ажиллаж амьдарч байгаа Эрхэм хүндэт соёлын ажилтан, уран бүтээлч, судлаач эрдэмтэд болон өвлөн уламжлагч Та бүхэндээ Соёл, урлагийн ажилтны 27 дахь өдрийн халуун мэндийг хүргэж, Засгийн газрын нэрийн өмнөөс болон хувиасаа чин сэтгэлийн халуун мэндчилгээг дэвшүүлье. Шинээр байгуулагдсан Улсын Их Хурал, Засгийн газраас соёл, урлагийн салбарт онцгой анхаарал хандуулж, тус салбарын эрх зүйн орчныг шинэчлэх, өрсөлдөх чадвар, нэмэгдүүлэх, санхүү, хөрөнгө оруулалтыг нэмэгдүүлэн хүний нөөцийг бэхжүүлэх цогц бодлогыг хэрэгжүүлж, засаглалыг сайжруулах зорилгоор соёлын асуудал хариуцсан төрийн захиргааны төв байгууллага болох Соёлын яамыг эмхлэн байгуулах шийдвэр гаргасан нь манай салбарын хувьд түүхэн онцлог үйл явдал болж байгааг тэмдэглэхэд таатай байна. Соёлын яамнаас Төрөөс соёлын талаар баримтлах бодлого-ын сүүлийн арван жилийн хэрэгжилтэд үнэлгээ, дүгнэлт хийж, ололт, амжилт, алдаа дутагдлаа тодруулан, цаашид авах арга хэмжээг тодорхойлсноор ирэх арван жилд баримтлан ажиллах салбарын бодлогоо шинэчлэн боловсруулж, батлуулан ажиллана. Чингэхдээ Алсын хараа 2050 хөгжлийн бодлогын баримт бичигт тусгасан үндсэн зорилттой уялдуулан ажиллаж, нийгмийн сайн сайхны төлөө бүх нийтийг соён гэгээрүүлэх замаар эх орны хөгжилд үнэтэй хувь нэмэр оруулах тэргүүлэх салбарын нэг болох зорилт тавин ажиллаж байна. Энэхүү зорилтыг хэрэгжүүлэхэд нийт соёлын ажилтан, уран бүтээлч, өвлөн уламжлагч, эрдэмтэн судлаач болон соёл, урлагийн үйл ажиллагаанд оролцогч ард иргэд бидний идэвх зүтгэл, бүтээлч санаачилга, найрсаг хамтын ажиллагаа бүхнээс чухал гэдгийн онцлон, Та бүхний цаашдын ажил үйлс, авьяас билэг тань улам өөдөө байхыг ерөөн, амжилт хүсэн мэндчилье. Урлагийн Янжинлхам бурхан ивээж, Соёлын үр ашид арвижих болтугай. Хүндэтгэсэн, СОЁЛЫН САЙД, АКАДЕМИЧ С.ЧУЛУУН