Сүүлийн үед уран бүтээлээрээ залуусын анхаарлын төвд буйVandebo хамтлагтайТөрийн соёрхолт, Дуучин Д.Болд хамтарч дуулсанЧамд сонсогдож байна уу дууны клипөчигдөр цацлаа. Дуучин Д.Болд залуу уран бүтээлдчийг дэмжиж,хамтран ажилласаар байгаа билээ. Тухайлбал,440Hz records-ын албан ёсны нээлтээ хийж, хөгжимд дурлагч залуустаа гайхалтай уран бүтээлүүдийг хүргэж байгаа гэдгийг фэнүүд нь өдгөө сайн мэднэ. Тэрбээр өөрийн шинэ уран бүтээлээс гадна Voice of Mongolia шоунд түүний багт байсан залуу уран бүтээлчдийн гайхалтай гэрэл асаасан дуунуудыг олны хүртээл болгосоор буй.

Монгол Улсын гавьяат жүжигчин, опера дива Ө.Уянга дуучныг дуулахад харцнаас нь хор шар, уучлал, эрч хүч, хайр, бардамналыг мэдэрдэг. Улаанбаатар хот шинэ жилийн гоёл чимэглэлээ зүүгээд хүн бүр дотроо нууцхан догдлол тээн, будрах цасан ширхэг шиг намуухан өвлийн үдэш тэрбээр тоглолтоо хийх гэж байна. Сонгодог урлаг бол мөнхийн өрсөлдөөнд оршдог хатуу талбар. Тэр дундаа дэлхийн гранд дууриудын дүрийг тайзнаа амилуулж, хоолойнхоо гайхамшгаар үзэгчдээ цаг ямагт бишрүүлнэ гэдэг амаргүй. Опера дива Ө.Уянга ДБЭТ-ын тайзнаа тавигдсан Аида дуурийн Аида, Евгений Онегин дуурийн Татьяна, Риголетто дуурийн Жильда, Севилийн үсчин дуурийн Розина, Чингис хаан дурийн Сорхогтан хатан, Увидаст лимбэ дуурийн Шөнийн хатны дүрийг дахин давтагдшгүйгээр бүтээсэн. Түүнийг дуулалтыг тайзнаас сонсоход гайхалтайгаар өгсөж, уруудан уянгалах хоолойн цар хүрээг мэдэрнэ. Тиймээс тэрбээр энэ удаагийнхаа Зул сарын үдэш тоглолтдоо А.Моцарт, Ж.Вердийн хамгийн романтик дууриуд болох Ромео Жулетта, Риголетто, Богема, Увидаст лимбэ, Севилийн үсчин, Травиата гэх мэт сэтгэлд хоногшсон ариг багтаажээ. Тоглолтонд анх удаа залуу хөгжимчдөөс бүрдсэн симфони найрал хөгжимчид тоглож морин хуур чуулгын удирдаач Н.Жигжиддорж дохих юм байна. Түүнчлэн Монгол Улсын аөдөлмөрийн баатар, ардын жүжигчин, дуучин Б.Зангадын дуулсан Сүлд модны наадам бүтээлийг симфони оркестортой анх удаа дуулах аж. Энэхүү гайхалтай тоглолт энэ сарын 13-нд УДБЭТ-т болно. MNB.mn Нийтэлсэн: У.Баярсайхан

Чингис хаан одонт, The Hu хамтлагийн уран бүтээлчид энэ сарын 15-нд эх орондоо ирнэ. Тэд европын оронд хийсэн аялан тоглолтоо өнгөрсөн есдүгээр сарын 11-нд эхэлсэн бөгөөд энэ сарын 7-нд өндөрлүүлэх юм байна. Харин ирэх оны нэгдүгээр сард Европын орон дахь тоглолтоо үргэлжлүүлэх аж.

Шинэ жил .... Гайхамшигт сайхан шинэ жилийн үдэш цагийн зүү 12:00-ийг цохих энэ мөчид Клара охины сүлд мод урган ургасаар аврага том болж гэнэт хаанаасч юм хулганууд гүйлдэн ирж айн сандарсан хүүхэлдэйнүүдийг хөөж гарлаа. Хулганы хаан цэргүүддээ Клара охиныг барьж ирэхийг тушааж охин айн зугатаах энэ мөчид авга ахын өгсөн модон цэрэг амь орж сайхан залуу болж хувиран модон цэргүүдээ удирдан тулалдаж эхэллээ... Ийнхүү үлгэр эхэлж хүүхэд бүхэнд үлгэрийн ертөнцөд өөрөөгол баатар нь болж, муу санаатныг хөөж үзэсгэлэнт охиныг аврах хүсэл мөрөөдлийн ертөнцөд хүргэдэг П. И.Чайковскийн Щелкунчик балетийг МУГЖ балетчин Д.Алтанхуяг Цөмөөхэй нэрээр амилуулан хүргэсээр өнөөдөр 6 дахь жилтэйгээ золгож байна. Цөмөөхэй балетийн нэг тоглолтонд л гэхэд 200 гаруй хүүхэд тоглодог бөгөөд жил жилийн тоглолт өөр өөрийн гэсэн өвөрмөц онцлог, сонин, содон гайхамшгуудаар дүүрэн байдаг. Бас хүүхдүүд нь ч шинэчлэгдэн, шинэ дүр төрхтэйгээр хүрдэгээрээ онцлог. Энэ жилийн тоглолтын нууцуудаас цухас задлахад 12 сарын 20, 21, 27, 28-ний өдрүүдэд УДБЭТ-т тоглогдох Цөмөөхэй-д Гавьяат жүжигчин Д.Алтанхуяг эхний өдрийн тоглолтод ОХУ-ын Пермь хотын театрын гоцлол балетчин Р.Булганы хамт гол дүрд тоглох бөгөөд энэхүү тоглолтын үзэгчдийн суудал хэдийнээ дүүрч байгаа гэнэ. Мөн энэ жилийн тоглолтод Хөвсгөл аймгийн Цагааннуур сумаас цаатан хүү ирж оролцох бөгөөд анх удаа Улаанбаатарт ирж үзэхээр барахгүй балет бүжгэн жүжиг гэдгийг үзэж, өөрийн биеээр оролцон тоглох хүү маань аймагруугаа, аймгаас нийслэлрүү гарах өдрөө тэсэн ядан хүлээж буй гэнэ. Нэг удаа биш, нэг насаараа үзээд ч уйддаггүй Англи, АНУ, Европыг тэр чигт нь байлдан дагуулдаг Цөмөөхэй-гийн баатрууд энэ жил ч бас Монголынхоо мянга, мянган үзэгчдэд гайхамшгийг бэлэглэхээр бэлтгэл сургуулилалтаа хийгээд завгүй байна. Үзэсгэлэнт Клара, эрэлхэг зоригт ханхүү Цөмөөхэй, модон цэргүүд,болон бяцхан хүүхэлдэйнүүд хэрхэн аз жаргалтайгаар бодит ертөнцдөө ирсэн тухай, тэдний ертөнцөд хамтдаа ид шидийг бүтээх хэн бүхэнд Цөмөөхэй-гийн хаалга нээлттэй байна. Ид шидийн орны хаалгыг, шинэ жилийг хамтдаа нээх өдөр 12 сарын 20, 21, 27, 28. Мэдээж тасалбарыгwww.ticket.mn,www.shoppy.mn-ээс...

Нийслэл Улаанбаатар хотыг Зүүн Азийн бизнес, аялал жуулчлал, соёл, санхүүгийн төв болох зорилтын хүрээнд олон улсын чанартай соёл, урлагийн томоохон наадам, үйл ажиллагаануудыг зохион байгуулж байгаагийн нэг нь UB DANCE орчин үеийн бүжгийн наадам юм. Энэхүү наадмыг дөрөв дэх жилдээ Нийслэлийн Соёл, урлагийн газар болон Экстрим крейв студио хамтран зохион байгуулагдах гэж байна. Орчин үеийн чөлөөт бүжгийн бүх төрлүүдийг хамарсан наадам болохоос гадна хамтлаг бүжгийн төрлөөс гадна Hiphop, Electro, Breakdance гэсэн соло төрлүүдээр орох аж. Тус наадмын анхан шатны шалгаруулалт арваннэгдүгээр сарын 24-нд болсон бөгөөд нийт 400 гаруй хүүхэд залуус өрсөлджээ. Тус наадмаар дамжуулан их хотын соёлыг танин мэдүүлж, гадны нэр хүндтэй зочидтой туршлага солилцож, суралцан чөлөөт цагаа зөв боловсон өнгөрүүлэх боломжийг олгодгоороо онцлогтой юм. Наадмын шилдгүүдийг тодруулах тэмцээн арваннэгдүгээр сарын 30-ны өдөр Хас банкны бүжгийн /хуучнаар Ард театр/ зааланд болох юм байна. НИЙСЛЭЛИЙН СОЁЛ, УРЛАГИЙН ГАЗАР