Тулгар төрийн 2228 жил, Их Монгол Улс байгуулагдсаны 813 жил, Үндэсний эрх чөлөө, тусгаар тогтнолоо сэргээн Тулгар мандуулсны 108 жил, Ардын хувьсгалын 98 жил, Ардчилсан хувьсгалын 30 жилийн ойг тохиолдуулан Монгол Улсын Ерөнхийлөгч Х.Баттулга өнөөдөр Төрийн шагнал хүртээх тухай зарлиг гаргалаа. МОНГОЛ УЛСЫН ЕРӨНХИЙЛӨГЧИЙН ТӨРИЙН ШАГНАЛ ХҮРТЭЭХ ТУХАЙ ЗАРЛИГТ: Монгол Улсад орчин үеийн хөгжмийн рок урсгалын үндсийг тавин, түгээн дэлгэрүүлж, ард түмний сэтгэл зүрхэнд хоногшсон: Ц.Чулуунбатын ая, Г.Батхүүгийн үг Толин хул, Ц.Энхманлайн үг, ая Амьдрал, Ц.Чулуунбатын ая, Б.Явуухулангийн шүлэг Зөвхөн Монголдоо, Ц.Чулуунбатын ая, С.Оюуны үг Үгүйлэн санана , Я.Одсүрэнгийн ая, Ц.Энхманлайн үг Энэ бол дурлал биш дуу зохиож Монгол Улсын орчин үеийн хөгжмийн урлагт онцгой хувь нэмэр оруулсан Харанга хамтлагийн гишүүн Цэндсүрэнгийн Энхманлай, Цэрэндоржийн Чулуунбат, Хатанбаатарын Лхагвасүрэн, Яринпилийн Одсүрэн, Нэмэхийн Пүрэвдаш, зохиолч, яруу найрагч Санжаажавын Оюун нарт Монгол Улсын Төрийн шагнал хүртээсүгэй гэжээ. МОНГОЛ УЛСЫН ЕРӨНХИЙЛӨГЧИЙН ЗАРЛИГИЙГ УНШИЖ СОНОРДУУЛСНЫ ДАРАА МОНГОЛ УЛСЫН ЕРӨНХИЙЛӨГЧ Х.БАТТУЛГА ХАРАНГА ХАМТЛАГИЙН УРАН БҮТЭЭЛЧДЭД ТӨРИЙН СОЁРХОЛ ХҮРТЭЭЖ, БАЯР ХҮРГЭН: Монголчууд аа, эрхэм уран бүтээлчид ээ Үндэсний эрх чөлөө, тусгаар тогтнолоо сэргээн мандуулсны 108 жилийн өлзий бэлгэтэй энэ өдөр 2019 оны Монгол Улсын Төрийн шагналыг Харанга хамтлагийн уран бүтээлүүдэд хүртээж байна. 1989 онд Амьдрал хэмээх анхны тоглолтоо хийсэн Харанга хамтлаг замналынхаа туршид монголчуудын таашаалд хүрсэн олон арван бүтээл туурвисан. Тэдгээрээс 10 бүтээлийг онцлон Төрийн шагналд нэр дэвшүүлж Ц.Энхманлайгийн үг, ая Амьдрал, Ц.Чулуунбатын ая, Б.Явуухулангийн шүлэг Зөвхөн Монголдоо, Ц.Чулуунбатын ая, С.Оюуны үг Үгүйлэн санана, Я.Одсүрэнгийн ая, Ц.Энхманлайн үг Энэ бол дурлал биш Ц.Чулуунбатын ая, Г.Батхүүгийн үг Толин хул зэрэг олны сэтгэлд тод буусан таван бүтээлийг нэр цохон шагнаж байгаа юм. Монголын ард түмний оюун санаа, сэтгэл зүрхэнд хоногшсон онцгой бүтээлүүдийг туурвин Монгол Улсын орчин үеийн хөгжмийн урлагт үнэтэй хувь нэмэр оруулсан Харанга хамтлагийн уран бүтээлүүдэд Монгол Улсын Төрийн шагналыг олголоо. Хамтлагийн гишүүд Цэндсүрэнгийн Энхманлай, Цэрэндоржийн Чулуунбат, Хатанбаатарын Лхагвасүрэн, Яринпилийн Одсүрэн, Нэмэхийн Пүрэвдаш болон зохиолч, яруу найрагч Санжаажавын Оюун нар хамтдаа Монгол Улсын Төрийн шагнал хүртлээ. Та бүхэнд уран бүтээлийн шинэ амжилт хүсэж, сайн сайхан бүхнийг ерөөе. Мөнх тэнгэрийн хүчин дор Монголын дуу хөгжим өнөд дуурьсан, монгол түмнээ ашид баясгаж байх болтугай гэлээ. Эх сурвалж: president.mn

Монголын зохиолчдын эвлэлээс жил бүр уламжлал болгон зохион байгуулж, оны шилдэг яруу найрагчийг тодруулдаг Болор цом наадмын шилдэг 27 найрагчийн нэрс тодорлоо. 37 дахь удаагаа зохион байгуулагдах гэж буй энэхүү наадамд оролцох найрагчид цаасан дээр бичсэн хоёр шүлгээрээ эхний даваанд өрсөлдсөн юм. Болор цом-36 наадам Говьсүмбэр аймагт болж, яруу найрагч Б.Баттулга Янжинлхам бурхны ивээлд багтсан бол энэ удаа Багануур дүүрэгт ирэх оны нэгдүгээр сарын 4-нд болно.

Монголын зохиолчдын байгууллага үүсэн байгуулагдсаны 91 жилийн ойн баярыг тохиолдуулан оны шилдэг бүтээл шалгаруулах Алтан-Өд-2019 наадам өнөөдөр 14:00 цагт хүүхдийн урлан бүтээх төвд болно. 2001 оноос эхлэн уламжлал болгон зохион байгуулагдаж буй уг наадам өнөөдөр ийнхүү эрийн цээнд хүрч буй юм. Уг наадмаар яруу найраг, хүүрнэл зохиолын томоохон болон богино хэмжээний бүтээл, хүүхдийн зохиол, орчуулга, шүүмж судлал, жүжиг, кино зохиол, шог хошин болон баримтат зохиол гэсэн төрөлд шилдгүүдийг шалгаруулах ажээ.

Цагдаагийн ерөнхий газрын Төв байрны алба хаагчдын дунд зохион явуулах Сургалт, соён гэгээрүүлэх ажлын төлөвлөгөө-ний дагуу алба хаагчдын авъяас чадварыг нээн илрүүлэх, хөгжүүлэх, стрессыг бууруулах, хамт олны дунд эерэг хандлагыг бүрдүүлэх зорилгоорАвъяаслаг Монголчуудтэмцээнийг энэ оны 12 дугаар сарын 25-ны өдөр Сүлд чуулгын урлагийн танхимд зохионбайгуулагдлаа. Уг тэмцээнийг Цагдаагийн ерөнхий газрын Урьдчилан сэргийлэх хэлтсээс зохион байгуулсан бөгөөд төв байрны 11 хэлтсийн 12 алба хаагч оролцож дуулах ур чадвар, бүжиглэх ур чадвар, жүжиглэх ур чадвар, уран унших ур чадвар, бусад гэсэн төрлөөр өрсөлдсөн юм. Тэмцээнийг Цэргийн дуу бүжгийн эрдмийн чуулгын гоцлол бүжигчин, Монгол Улсын гавъяат жүжигчин А.Бямбатөгс, Хүүхдийн ордны драмын багш Соёлын тэргүүний ажилтан Ө.Нямсүрэн, ЦЕГ-ын Соён гэгээрүүлэх, албаны сургалтын хэлтсийн дарга, цагдаагийн хурандаа Д.Долгорсүрэн, ЦЕГ-ын Сүлд чуулгын хөгжмийн багш удирдаач, цагдаагийн дэд ахлагч С.Төрбат нар шүүн явуулж шилдгүүдийг тодрууллаа. Тус тэмцээнийТэргүүн байранд:Гадаад харилцаа хамтын ажиллагааны хэлтсийн ахлах мэргэжилтэн, цагдаагийн хошууч О.Эрдэнэхишиг,Дэд байранд:Хүний нөөцийн хэлтсийн ахлах мэргэжилтэн, цагдаагийн хошууч Э.Доржпалам,Гутгаар байранд:Захиргааны удирдлагын газрын нярав, цагдаагийн ахлах ахлагч Г.Чимэдцэцэнтогоо нар тус тус шалгарч Өргөмжлөл, цом, мөнгөн шагналаар шагнагдлаа. Энэхүү Авъяаслаг Монголчууд тэмцээн нь Цагдаа ерөнхий газрын төв байрны энэ оны сүүлчийн тэмцээн болсноороо онцлогтой бөгөөд тэмцээнийг хааж Цагдаагийн ерөнхий газрын Захиргааны удирдлагын газрын дарга, цагдаагийн хурандаа Б.Бат-Өлзий үг хэлж, алба хаагчдад ажлын амжилт болоод ирж буй шинэ оны мэндийг дэвшүүлсэн юм. Нийтэлсэн:Цагдаагийн Ерөнхий Газрын Хэвлэл, Мэдээллийн Төв

Шинэ жилийн баяр ойртож энд тэнд янз бүрийн тоглолт, жүжиг, хүлээн авалтууд болдог. Ажлаа түр хойш тавиад хайртай хүмүүстэйгээ, бяцхан үртэйгээ баярын уур амьсгал мэдрүүлсэн урлаг соёлын үзүүлбэр, тоглолт үзэх сайхан байдаг билээ. Хаана, хэзээ, ямар тоглолт, наадам, жүжиг болох талаар түүвэрлэн мэдээлэл өгье. (Тоглолтын нэр дээр дарж тасалбар худалдаалах үнэ гэх мэт дэлгэрэнгүй мэдээлэл авах боломжтой) Цөмөөхэй Балет 2019 П.И.Чайковскийн хөгжим , МУГЖ Д.Алтанхуягийн найруулгаар 6 дахь жилдээ Улсын Дуурь Бvжгийн Эрдмийн Театрын тайзнаа арванхоёрдугаар сарын 20, 21, 27, 28-ны өдрүүдэд тоглоно. Хэзээ:2019.12.20-21, 27-28 Хаана:Улсын Дуурь Бvжгийн Эрдмийн Театр Утас:77070808, 80810808, 80180808 Найрамдал циркийн шоу Монгол, Орос, Хятад гурван орны циркчдийн хамтарсан тоглолт. Өвлийн өвгөн, цасан охид оролцсон шоу тоглолт, циркийн үзүүлбэр болно. Хэзээ:2019.12.19-20, 12.28-29-ний 14:30, 18:00 цагуудад Хаана:Монголын үндэсний АСА цирк Шидэт ертөнц Харшийн сүлд модны наадам Хүүхэд багачуудад зориулсан уг сүлд модны наадамд Монголын хүүхэлдэйн театр Дэлхийн сонгодог зохиол Том хамарт одой жүжиг, циркийн үзүүлбэрүүд, Perfect Dance Show-ны ялагч Шинэ үе хамтлаг, Авьяаслаг шоуны шилдэг оролцогч дуучин А.Энжи, Диснейн үлгэрийн баатрууд, өвлийн өвөө цасан охидын хамт оролцоно. Хэзээ:2019.12.21-22 өдрүүдэд 10:30, 12:30, 15:00 цагуудад Хаана:МҮЭСТО Утас:86005800, 99075959 Том толгойтын шинэ жил Хүүхэд багачуудад зориулсан кино болох Том 4 толгой, Том 6 толгой, Том амжилт цувралын гол дүрийн Баатараа, Золбоо хоёр шинэ жилийн баяраа тэмдэглэх гэнэ. Хэзээ:2019.12.21-ний 11:00 цагт Хаана:UB Palace Утас:88092577, 80082577 Кремлийн сүлд модны наадам Улаанбаатар дахь Оросын шинжлэх ухаан, соёлын төвд (РЦНК) зохион явуулдаг Кремлийн сүлд модны наадам болно. Энэхүү Кремлийн сүлд модны наадам 30 жилийн дараа дахин зохион байгуулагдаж байгаагаараа онцлог аж. Тоглолтын найруулагчаар 2001 оноос 2013 он хүртэл хугацаанд Москва дахь Кремлийн сүлд модны наадмыг найруулсан Валерий Шевченко ажиллах ба сүлд модны наадамд 150 гаруй уран бүтээлч оролцоно. Хэзээ:2019.12.22-25-ний 15:00 цагт Хаана:РЦНК Утас:80148400 Мөрөөдлийн мөнгөн аялгуу Хэзээ:2019.12.23-ны 12:00 цагт Хаана:Монголын Үндэсний АСА цирк Мөрөөдлийн мөнгөн аялгуу урлагийн их наадмын шилдэг оролцогчдын гала тоглолт, багт наадам шинэ жилийн тоглолт болно. Үзэсгэлэнт Гүнж ба Жонон Эх зохиолыг Францын алдарт зохиолч Шарль Перро бичсэн гэдэг. Гэвч энэ зохиол нь одоогийн бидний мэдэх Үзэсгэлэнт гүнж ба Жонон зохиолоос тэс өөр ажээ. 1740 онд үлгэрийн зохиолчид эмхэтгэн ном болгон хэвлүүлсэн Walt Disney хүүхэлдэйн кино хийж үзэгчдэд хүргэжээ. Хэзээ:2019.12.26-28-ны 13:00, 16:00 цагуудад Хаана:The Corporate Hotel and Convention Centre -ийн Концертын их танхимд Гацуурхан шинэ жилийн цэнгүүн ГАЦУУРХАН шинэ жилийн цэнгүүн III дахь жилдээ (Christmas Night) сэдэв доор зохион байгуулна. Хэзээ:2019.12.25-ны 19 цагт Хаана:Шангри-Ла Зочид Буудлын хүлээн авалтын их танхимд Утас:97016767 , 99126767 Snow Melody 2020 Монгол Улсын Филармониос зохион байгуулдаг Snow Melody 2020 шинэ жилийн баярын концерт болно. Тоглолтод улсын Филармоний Симфони найрал хөгжим, Баян Монгол чуулга, Морин хуурын чуулга, Удирдаачид, Гоцлол дуучид хөгжимчид болон зочин уран бүтээлчид оролцох юм.Дэлхийн болон Монголын сор болсон шилмэл сонгодог жааз бүтээлүүдээс гадна, уг баярын гайхалтай уур амьсгалыг бүрдүүлсэн шилдэг Дуурь, мюзикл, киноны дуу хөгжмүүдээс эгшиглэх аж. Хэзээ:2019.12.27-ны 19:00 цагт Хаана:Соёлын Төв Өргөө Сарьсан багваахай оперетта Австрийн хөгжлийн зохиолч Иохан Штраусын Сарьсан багваахай оперетта нь анх Авсри улсын Вена хотноо 1874 онд тайзнаа тавигдаж байжээ. Энэхүү оператта нь өнөөг хүртэл Венийн хошин дуурийн оргил хэмээн тооцогдож байна. Монголын сонгодог урлагийн тайзнаа анх 2009 онд анх тавигдсан бөгөөд сонирхолтой зохиол, үзэгчдэд хялбар хүрч ойлгогддог учраас бусад дууриас онцлог юм. Хэзээ:2019.12.22-ны 17:00 цагт Хаана:УДБЭТ Iderees XMas Eve-English Comedy Night at Brussels Тайзны хошин шогийн уран бүтээлч Б.Идэр-Одын English Comedy Night at Brussels цугларалт болно. Хэзээ:2019.12.24 болон 12.30-ны 22:00 цагт Хаана:Шангрилла Молл