Дэлхийн шатрын холбооноос шатрын спортод амьдралаа зориулсан шатрын ахмад зүтгэлтнүүдэд зориулсан тэтгэлгийг дөрвөн тивийн 16 орны 17 ахмад шатарчин, дасгалжуулагч, шүүгч, шатрыг хөгжүүлэгчдэд хүртээхээр шийдвэрлэсэн. Монгол Улсаас Дэлхийн шатрын холбооны Алтан ном-д нэрээ мөнхөлсөн, 1960 оноос хойш Дэлхийн шатрын олимпиадад 10 удаа оролцож, дэлхийн шилдгүүдтэй хүч үзэж явсан, шатрын спортын анхны Гавьяат тамирчин, олон улсын мастер Лхамсүрэнгийн Мягмарсүрэн шилдэг тамирчнаар шалгарч 2000 еврогийн тэтгэлгийг авсан билээ. МШХ-ны ерөнхийлөгч, УИХ-ын дэд дарга Я.Санжмятав өчигдөр ахмад мастераа хүлээж авч уулзан Дэлхийн шатрын холбооноос илгээсэн захидлыг дамжуулж хүндэтгэл үзүүллээ. Тэрбээр хэлэхдээ ахмад шатарчин, шатрын спортын анхны Гавьяат тамирчин, олон улсын мастер Л.Мягмарсүрэнгийн шатарт зориулсан итгэл, сэтгэл, зүтгэлээр олж авсан энэ хүндтэй амжилт Монголыг дэлхийд гоёлоo хэмээн дурдав.

Энэзун Японы нийслэлд зохион байгуулагдах байсан Токио 2020 зуны олимп, паралимпийн наадам шинэ коронавирусийн тахлын улмаас нэг жилээр хойшлох албан ёсны шийдвэр гарлаа. Энэ оны долдугаар сарын 24-нд эхлэх байсан олимпийн наадмыг 2021 оны зунаас хэтрүүлэхгүй зохион байгуулахаар болсон байна. Наадмыгнэг жилээр хойшлуулах миний саналыг Олон Улсын Олимпийн Хорооны ерөнхийлөгч Томас Бах 100 хувь дэмжлээ гэж Япон улсын ерөнхий сайд Абэ Шинзо мэдэгджээ. Хэдийгээр хугацаа нь нэг жилээр хойшилж байгаа ч наадмын нэр Токио 2020 хэвээр байх гэнэ. Урьд өмнөтохиолдожбайгаагүй, цаашид ямар үр дүнд хүргэхийг таашгүй тахлын нөлөөгөөр дэлхий дахины нөхцөл байдал муудаж байна. Дэлхийн бараг бүх улс оронд үхлийн аюултай вирус тархаж, нийтхалдварын тоо нь 375,000 хүрч, энэ тоо цагаас цагт нэмэгдэж байна. Одоогийн нөхцөл байдал болон ДЭМБ-ын өгсөн мэдээлэл дээр үндэслэн ОУОХ-ны ерөнхийлөгч, Япон улсын ерөнхий сайд нар Токио хотод 2020 онд зохион байгуулагдах зуны XXXII олимпийн наадмын хуваарийг 2021 оны зунаас хэтрүүлэлгүй дахин төлөвлөх шийдвэрт хүрлээ. Энэ бол тамирчид, олимпийн наадамд оролцогчид, олон улсын хамтын нийгэмлэгийнэрүүл мэнд, аюулгүй байдлыг бодолцсон шийдвэр юм гэж хамтарсан мэдэгдэлд өгүүлжээ. Олимпийн 124 жилийн түүхэнд наадам хойшилж байсан ганц ч тохиолдолбайдаггүй. 1916, 1940, 1944 онуудын олимпийн наадмууд дэлхийн нэг, хоёрдугаар дайны улмаас бүрэн цуцлагдаж байжээ. Хүйтэндайны үед 1980, 1984 оны Москва, Лос Анжелесийн олимпийн наадмуудыг капиталист, социалист системийн орнууд харилцан бойкотлож байсан юм. Эдгээрээс бусад бүх тохиолдолд хүн төрөлхтнийспортын их баяр наадам цаг хугацаандаа хэвийн зохион байгуулагдаж байжээ. Эх сурвалж:BBC

Чөлөөт бөхийн эх орон АНУ-ын их сургууль, коллежийн NAIA дивизионы аваргаар монгол залуу тодров. Небраска мужийн Грит хотын Доан коллежийн хоёрдугаар дамжааны оюутан Болдмаагийн Бат-Эрдэнэ 141lbs буюу 63.96 кг-ын жинд таван барилдаан хийж аваргалжээ. Тэрбээр жиндээ түрүүлээд зогсохгүй тус тэмцээний шилдэг тамирчнаар тодорчээ. Тус сургуулийн туслах дасгалжуулагчаар спортын мастер Цэрэндагвын Цогтбаяр ажилладаг. Б.Бат-Эрдэнийн хувьд Монголд байхдаа Арслан клубт ОУХМ Ц.Гантөгс, спортын мастер И.Моломжамц нарын удирдлага дор чөлөөт бөхөөр хичээллэж залуучуудын УАШТ-д алт, мөнгө, хүрэл, өсвөр үеийн УАШТ-д хошой хүрэл медаль хүртэж байв.

Шатрынспортын олон улсын мастер Сумъяагийн Билгүүн Их мастер цолтон болжээ. 2018онынаймдугаарсард зохион байгуулагдсан Biel Master Tournament олон улсын өндөр зэрэглэлийннээлттэйтэмцээний дараах байдлаар С.Билгүүний гадаад чансаа 2503 хүрсэн байв. Энэхүү амжилт нь 2020 оны хоёрдугаар сарын 27-29-ний өдрүүдэд Арабын Нэгдсэн Эмират улсын Абу Дабихотноозохион байгуулагдсан Дэлхийн Шатрын холбооны 90 дэхь Конгресс дээр Их мастер цолны дөрвөн нормын болзол биелүүлэх үндэслэл болсон тул Дэлхийн шатрын холбооноос түүнийг ийнхүү Их мастер болсныг албан ёсоор зарлажээ. 16 жил уг спортоор хичээллэж байгаа тэрбээр 2016 ондОлон улсын мастер цол хүртсэн бол ийнхүү 2020 онд Их мастер цолтон болсноор Монгол Улсын шатрын спортын тав дахь эрэгтэй Их мастер болж байгааг Монголын шатрын холбоомэдээлэв.