31 настай балетчин бразиль бүсгүй Мелинай Райс 2003 онд автомашины осолд орж өрөөсөн хөлөө маш хүнд гэмтээжээ. Тэрээр дуртай мэргэжлээсээ хагацахгүйн тулд хөлөө аврах гэж 30 удаа хагалгаанд орсон гэнэ. Гэсэн ч эцсийн эцэст өнгөрсөн жил хөлийг нь тайрахаас өөр аргагүй болжээ. Бүсгүй энэ аймшигт цохиолтонд бас л бууж өгсөнгүй. Тэрээр цуцалтгүй хөөцөлдөж байж зөвхөн өөрт нь зориулан бүтээсэн ер бусын хиймэл хөл хийлгүүлж авчээ. Одоо балетчин бүсгүй ахин тайзнаа гаран бүжиглэж байгаа гэнэ.

Vice сэтгүүлд мэдүүлснээр Амекрикийн нацистууд алдарт дуучин Тейлор Свифтийг өөрийн эх дагинаараа тодруулжээ. Цэнхэр нүд, шаргал үстэй, өндөр туранхай дуучин бүсгүй нь царай зүс, бие гальбир гээд бүх талаараар жинхэнэ ари үндэстний гоо сайхан төгс төгөлдөрийн билэг тэмдэг гэнэ. Мөн нацистуудын блогд бичсэнээр Тейлор нууцхан нацист үзэлтэй аж. Тейлор нь ари үндэснтий жинхэнэ эх дагина, эртний германчуудын шүтээн Одины охидоос өнөө цагт мэндэлсэн охин тэнгэр юм. Манай эх дагина бидний үзлийг далдуур дэмждэг хуваалцдаг. Ердөө л өөрийн үзэл бодлоо ил тунхаглах тааламжтай цагийг л хүлээж байгаа. Хэрвээ Дональд Трамп ерөнхийлөгч болбол Тейлор нацист үзэлтэй гэдгээ шууд зарлаж Трампын хүүтэй суун ирээдүйд Америкийг удирдах ари овгийн хаан удмын эхлэлийг тавина гэж бичсэнийг сэтгүүл хүргэжээ. Өмнө нь Эмили Паатинсон гэдэг блоггер Хитлерийг үгийг иш татсан Тейлорын зургийг цахимаар цацаж байсан. Фашист удирдагчийн жүүдүүдэд хандан хэлж байсан We should put them in ovens буюу тэднийг зууханд шатаавал таарна гэсэн үгтэй зураг нь том шуугиан тарьсан.

Америкийн Үндэсний сагсан бөмбөгийн холбооны тоглогч Дешон Стивенсон өөрийн гэртээ АТМ машин байрлуулжээ. Энэ төхөөрөмж Бруклин Нэтс багийн тоглогчийн гэрт гал тогооны өрөөнд тостерын хажууд байршив. АТМ байрлуулахад 31 настай тамирчин эр 3.5 мянган долларын хөлс төлсөн аж. Энэ цагаас хойш түүний найз нөхөд хот руу явахаасаа өмнө энэ машинаас бэлэн мөнгө гаргаж авах боломжтой болсныг Стивенсон өгүүлэв. Гэхдээ тамирчин эр буяны үйл хийх бодолгүй байна. Төлбөр, тооцоо хийх болгонд түүний мөнгөний машин 4.5 долларын хураамж авах аж. Мөн гэртээ бэлэн мөнгөний машин байрлуулах санааг телевизийн од Роб Дердекээс авсан болохоо Стивенсон ярьжээ.

Олон Улсын Хүүхдийн VI Их наадам энэ сарын 25-30-ны өдрүүдэд ОХУ-ын Бүгд Найрамдах Буриад улсад болно. Тус наадамд Монгол Улсаас 126 хүний бүрэлдэхүүнтэй баг, тамирчид спортын есөн төрөлд хүч сорих юм. Тэднийг үдэх ёслолын арга хэмжээ энэ сарын 24-нд буюу ирэх даваа гаригт Спортын Төв Ордны өмнөх талбайд 10.00 цагаас болох юм. Үйл ажиллагаанд ЭМС-ийн сайд, бусад албаныхан байлцаж Их наадамд оролцох баг тамирчдад Төрийн далбааг гардуулж өгнө. Сонирхуулахад, манай баг тамирчид Олон Улсын Хүүхдийн V Их Наадмаас нийтдээ 30 медальтай эх орондоо ирж байсан юм.

Монголын хүүхдийн спортын V их наадам ирэх есдүгээр сарын 12-18-ны өдрүүдэд спортын 17 төрлөөр Улаанбаатар хотноо зохион байгуулагдана. Энэхүү наадамд 21 аймаг, 9 дүүргийн 2500 гаруй тамирчин, 1000 гаруй багш, дасгалжуулагч, албаны зочид, төлөөлөгчид оролцоно. Энэ удаагийн тэмцээн нь олимпийн наадмын жишгээр зохион байгуулагдаж буй анхны спортын Mega event болж байгаа төдийгүй цаашид Монгол Улсад тив, дэлхийн хэмжээний наадам зохион байгуулах суурь бэлтгэл ажлыг эхлүүлж, спортын маркетинг, менежментийг шинэ шатанд хөгжүүлэх томоохон алхам болох юм байна. Хүүхдийн спортын V их наадмын танилцуулга, элч тамирчин сонгох, цахим хуудас нээх арга хэмжээ маргааш энэ сарын 14-ний өдрийн 14:00 цагаас Эрүүл мэнд, спортын яамны хурлын зааланд болох аж. Наадмын үйл ажиллагааг ивээн тэтгэх сонирхолтой хэвлэл мэдээллийн байгууллага, шууд дамжуулах телевизүүд, аж ахуйн нэгж, бизнесийн байгууллагуудыг тухайн арга хэмжээнд хүрэлцэн ирэхийг урьж байна.