Ялагчдын цуваа-Улаанбаатар олон улсын нэг хүний жүжгийн фестиваль энэ сарын 19-23-ны хооронд болох гэж байна. Энэ жилийн уралдааны шүүгчээр Хятад улсын Бээжингийн их сургуулийн багш кино театр, урлаг судлалын доктор, зохиолч Тиан Хуй Чүн, Испани улсын урлаг, утга зохиол судлаач Andres Bigorra Mir, Монгол Улсаас найруулагч Мягмарнарангийн Батболд нар ажиллах юм. Уг наадамд өнгөрсөн хугацаанд ЮНЕСКО-гийн дэргэдэх Олон Улсын Театр Урлагийн Институтээс томилогдсон ОУ-ын нэр хүндтэй шүүгчид, Монгол, Герман, АНУ, БНСУ, ОХУ, Литви, Киргиз Польш, Израль, ОХУ-ын Хакасс, Тува, Саха-Якут, Буриад зэрэг улсын шилдэг жүжигчид оролцсон юм. Энэ жил ч мөн олон улсын алдартай уран бүтээлчид хүрэлцэн ирэх аж. Тус наадам нь 2017 оноос ЮНЕСКО-гийн дэргэдэх Олон Улсын Театр Урлагийн Институтэд албан ёсоор бүртгэгдсэнээр уралдаант наадам болон өргөжин тэлжээ. Ингэснээр 2017 онд Польшийн жүжигчин Камила Каминска Кармазовын бүсгүйчүүджүжгээр, 2018 онд АНУ-ын жүжигчин Бремнер Дути Cabaret 33жүжгээрээ тус тус Гранпри шагналыг хүртжээ. Найруулагч, УГЗ Б.Баатар агсны үр хүүхэд, гэр бүл, шавь нарын санаачлагаар байгуулагдсан Баатар сан нь шилдэг найруулагчийг дэмжих эхний шагналаа энэхүү наадмаар эхлүүлэх юм байна. Тус сангаас таван өдрийн турш хөндлөнгийн шүүгчээр оролцож шилдэг найруулга бүхий бүтээлд шагналыг гардуулах юм байна. Сонирхуулахад Монголын Моно жүжгийн төв нь Ялагчдын цуваа-Улаанбаатар ОУ-ын нэг хүний жүжгийн фестивалийг 2015 оноос амжилттай зохион байгуулж ирсэн юм. Дэлхий нийтэд хүчээ авч байгаа энэхүү нэг хүний жүжгийн урсгал нь уран бүтээлчдэд маш бага зардлаар дэлхийн тавцанаа өрсөлдөж ур чадвараа ахиулах боломжийг олгодог гэдгээрээ онцлог юм. Ялагчдын цуваа-Улаанбаатар нэг хүний жүжгийн олон улсын фестивальд оролцох уран бүтээлчдийн нэрс: 1. Жүжигчин: Силвиа Рэйлыну Жүжгийн нэр: Бүү дайсагна зохиолч Ионит Алекс Поклид, найруулагч Рогожинши Майрус Пэтру Румын улсын Василэч Театр 2. Жүжигчин: Ирина Боды-Раду Жүжгийн нэр: Aglaja and her God from the Polenta Зохиолч, найруулагч Мурыл Маны Жакаб I.D. Sirbu Драмын театр, Румын улс 3. Жүжигчин: Слободин Марунович Жүжгийн нэр: Неогошийн сүүлчийн мөч, найруулагч Благота Эрикович Монтенегрийн Үндэсний Подгорика Театр 4. Жүжигчин: ХуйТы Лий Жүжгийн нэр: Аав зохиолч Хан Сёнг Вон, Найруулагч: Дог Хэ Чун Еүзин Театр, Өмнөд Солонгос 5. Жүжигчин: Чимэдцээеэгийн Дунгаамаа Жүжгийн нэр: Хайрт минь энэ бол ердөө л эхлэл нь Зохиолч Лилия Сафиканова, Найруулагч Мижиддорж Цогт, Зураач Хашхүү Амартүвшин Залуучууд театр, Дархан хот, Монгол Улс 6. Жүжигчин: Айзана Чылбак-оол Жүжгийн нэр: Хавар, зун, намар дахиад хавар, Сей Сейнагоны зохиолоос сэдэвлэв, Юрий Альшицын санаа, Хөдөлгөөний найруулагч Жанна Начын-оол Үндэсний хөгжим драмын театр, Оросын холбооны Tyва улс

Нийслэлийн хөрсний бохирдлын өнөөгийн байдлыг төр засгийн анхааралд хүргэх, иргэд олон нийтийн ойлголт мэдлэгийг нэмэгдүүлэхээр Хөрс ба амьдрал гэрэл зургийн уралдаан, хөрсний бохирдлыг бууруулах төсөл бүтээлийн уралдааныг нийслэлийн Засаг даргын Тамгын газар, нийслэлийн Иргэдийн Төлөөлөгчдийн хурал, Монгол Гэрэл зурагчдын нэгдсэн холбоотой хамтран зохион байгууллаа. Өнөөдөр Монголын Уран зургийн галлерейд тус уралдааны шилдгүүдийг тодруулж гэрэл зургийн үзэсгэлэнг нээлээ. Үзэсгэлэнд Хөрс ба амьдрал уралдаанд бүтээлээ ирүүлсэн 30 гаруй гэрэл зурагчны 80-аад гэрэл зураг дэлгэгджээ. Нийслэлийн хөрсний бохирдлын өнөөгийн бодит байдал, хөрсний бохирдлын хор нөлөөг иргэд, олон нийтэд гэрэл зургаар дамжуулан хүргэж, тэдэнд орчин тойрныхоо хөрс хамгаалах хандлагыг төлөвшүүлэх зорилгоор Хөрс ба амьдрал гэрэл зургийн уралдааныг зохион байгуулсан хэмээн Монголын Гэрэл зурагчдын нэгдсэн холбооны дарга Ц.Батбаатар онцоллоо. Хөрс ба амьдрал гэрэл зургийн уралдаанд Ш.Ганзоригийн бүтээл Хогон дундах бидний ирээдүй бүтээл шалгарсан бол, хөрсний бохирдлыг бууруулах төсөл бүтээлийн уралдаанд Шинжлэх ухааны академийн хими, химийн технологийн хүрээлэнгийн академич Ж.Тэмүүжингийн судалгааны бүтээл шалгарлаа. Тэрээр гэр хорооллын нүүрсний хаягдал үнсийг ашиглан шингээх материал үйлдвэрлэж хөрсний бохирдлыг бууруулах боломжтой талаараа судалгааны ажил хийжээ. Нийслэлийн хэвлэл мэдээлэлтэй харилцах хэлтэс

Монгол Улсын Биеийн тамир, спортын тухай хуулийн 17.1 дүгээр заалт, Бага дунд боловсролын тухай хуулийн 18.3 дугаар заалт, Улсын хэмжээнд спортын наадам зохион байгуулах журам батлах тухай Засгийн газрын 2018 оны 183 дугаар тогтоол, Спортын наадам зохион байгуулах тухай Боловсрол, соёл, шинжлэх ухаан, спортын Сайдын 2018 оны А/777 дугаар тушаалыг тус тус хэрэгжүүлэх, Азийн хүүхдүүд 2020 олон улсын хүүхдийн спортын YII наадамд оролцох Монголын баг тамирчдыг бэлтгэх, өсвөр үеийнхнийг биеийн тамир, спортын арга хэмжээ, тэмцээн наадамд өргөнөөр хамруулах, хамт олонч хүмүүжлийг төлөвшүүлэх, ур чадвартай тамирчдыг нээн илрүүлэх, залгамж халааг бэлтгэх, Монголын хүүхдийн спортын их наадмын шигшээ тэмцээнд оролцох эрх олгох зорилгоор Монголын хүүхдийн спортын наадмын нийслэлийн шатны тэмцээнийг зохион байгууллаа. Тус тэмцээнд нийслэлийн есөн дүүргээс спортын гурван төрөлд шалгарсан 58 багийн 620 гаруй өсвөрийн тамирчид оролцож Монголын хүүхдийн спортын YI наадмын шигшээ тэмцээнд оролцох эрхийн төлөө өрсөлдөж шилдэгүүдээ тодрууллаа. Монголын хүүхдийн спортын VI наадам 2019 оны 09 дүгээр сарын 07-15-ны өдрүүдэд спортын 24 төрөл, паралимпийн 4 төрлөөр, дифлимпийн 3 төрлөөр, тусгай олимпийн 3 төрлөөр Улаанбаатар хотноо явагдах юм. Энэхүү наадмын нээлтийн ажиллагааг энэ сарын 10-ны өдөр Буянт-Ухаа спортын ордонд, хаалтын ажиллагааг энэ сарын 15-ны өдөр Спортын төв ордонд зохион байгуулах ажээ. Нийслэлийн дүүргүүдээс оролцох баг тамирчдаа Дүүргийн Засаг даргын тамгын газраас нь хүлээн авч уулзан ажилт хүссээр байна. Тухайлбал, Баянгол дүүргээс спортын 27 төрөлд оролцох 266 тамирчдаа Баянгол дүүргийн Засаг даргын Тамгын газрын дарга Д.Дэлгэрмаа, Нийгмийн хөгжлийн хэлтсийн дарга А.Одонтунгалагтуул, Эдийн засаг, төлөвлөлтийн хэлтсийн дарга Ө.Мөнхчулуун, Санхүү төрийн сангийн хэлтсийн дарга Д.Долгормаа, Нийгмийн хөгжлийн хэлтсийн мэргэжилтэн Д.Ариунболд нар хүлээн авч, нийт тамирчид, дасгалжуулагчдад хувцас, хэрэглэл гардуулан өгч, амжилт хүслээ. Мөн Хан-Уул дүүргийн ИХТөлөөлөгч, Засаг даргын орлогч А.Амартүвшин, ЗДТГ-ын дарга Б.Энхболд, Нийгмийн бодлогын хэлтсийн дарга Н.Мэндбаяр, БТСХороон дарга Д.Жаргалсайхан нар дүүргийнхээ өсвөрийн тамирчиддаа амжилт хүсч, хувцас хэрэглэл гардуулж өглөөгэж Нийслэлийн спортын хорооноос мэдээллээ.

Халх голын байлдааны ялалтын 80 жилийн ойн хүрээнд МОНЦАМЭ агентлаг, ОХУ-ын олон улсын мэдээллийн Россия сегодня агентлагийн Спутник радиотой хамтран нийслэлийн Засаг даргын Тамгын газрын дэмжлэгтэйгээр Монголын уран зургийн галлерейд ХОЁР АРД ТҮМЭН-НЭГ ЯЛАЛТ гэрэл зургийн үзэсгэлэнг өнөөдөр олон нийтэд дэлгэж байна. Үзэсгэлэнгийн нээлтэд Гадаад харилцааны сайд Д.Цогтбаатар нийслэлийн Засаг дарга бөгөөд Улаанбаатар хотын захирагч С.Амарсайхан, МОНЦАМЭ агентлагийн дарга Б.Ганчимэг, үе үеийн гэрэл зурагчид болон албаны хүмүүс оролцов. Нийслэлийн Засаг дарга бөгөөд Улаанбаатар хотын захирагч С.Амарсайхан Халх голын байлдааны бодит үнэнийг өнөөдөр гэрэл зургаар харуулж байгаа нь түүх үнэнээрээ байх нь ямар үнэ цэнэтэй байдаг гэдгийг өнөө үеийнхэнд таниулсан арга хэмжээ болж байна. Монгол Улсын тусгаар тогтноол, газар нутгийн бүрэн бүтэн байдал, ард түмний амар амгалан амьдралын үнэ цэнийг бий болгохын тулд тулалдаж явсан цэрэг дайчдын эрэлхэг үйл хэргийг хэзээ ч, хэн ч мартаж бологүй гэдгийг сануулсан чихал ач холбогдолтой арга хэмжээ гэж бодож байна. Ялангуяа бидний хойч үе болсон хүүхэд багачууд, залуучуудад тусгаар тогтнолоо хайрлан хамгаалж, илүү их нандигнаж байх ёстой гэдгийг таниулахад ихээхэн хувь нэмэр оруулж буй учраас өнөөдрийн үзэсгэлэн зохион байгуулж буй та бүхэнд талархал дэвшүүлье. Монгол, Оросын ах дүүгийн найрамдалт түүхэн харилцаа улам өргөжин хөгжиж, үүрд батжин бэхжихийн ерөөлийг өргөе хэмээв. МОНЦАМЭ агентлагийн архивт хадгалж буй Дайсны байлдааны нисэх онгоц сөнөсөн газар дээр, Зөвлөлт-Монголын цэрэг тулалдааны өмнө, БНМАУ-ын Маршал Х.Чойбалсан Зөвлөлт-Монголын дайчидтай уулзаж байна, Халх голын байлдаанд олзлогдсон япон цэргүүдийн хувийн эд зүйлс, Монгол Улс, ОХУ-ын зэсвэгт хүчний терроризмын эсрэг Сэлэнгэ-2015 хамтарсан хээрийн сургууль зэрэг 20 гаруй гэрэл зураг, Оросын талаас Монгол Улсын нутаг дэвсгэрт байрласан Зөвлөлтийн Армийн нэгдүгээр бүлэглэлийн командлагч Георгий Жуков, Халх голын тулалдааны үеэр Зөвлөлт, Монголын дайчдын олзолсон зэр зэвсгийн үзэсгэлэн, Халх голын орчимд Улаан армийн цэргүүдэд олзлогдсон япон цэргүүд, Зөвлөлтийн офицерууд олзлогдсон япончуудыг Халх голын байлдааны үеэр байцааж байгаа нь зэрэг 36 гэрэл зургийг дэлгэн үзүүлж байна. Нийслэлийн ЗДТГ-ын Хэвлэл мэдээлэлтэй харилцах хэлтэс

Халх голын байлдааны ялалтын 80 жилийн ойд зориулсан Үдшийн цэнгүүн, урлагийн тоглолт-ыг маргааш буюуу 2019 оны 9 дүгээр сарын 03-ны өдрийн 21.00 цагт жанжин Д.Сүхбаатарын талбайд зохион байгуулах аж. Уг үйл ажиллагаанд Цэргийн дуу бүжгийн Эрдмийн чуулга, Хилийн цэргийн дуу бүжгийн чуулга, Зэвсэгт хүчний Жанжин штабын Үлгэр жишээ үлээвэр найрал хөгжмийн уран бүтээлчид оролцож, төгсгөлд нь ёслолын буудлага хийх юм байна. Нийслэлийн ЗДТГ-ын Хэвлэл мэдээлэлтэй харилцах хэлтэс