Зэвсэгт хүчний 98 жилийн ой, Монгол цэргийн өдрийг тохиолдуулан дүүргийн Засаг даргын Тамгын газрын Цэргийн штабаас цэрэг, спортын Дөл тоглолтыг амжилттай зохион байгууллаа. Тэмцээний нээлтийн арга хэмжээнд дүүргийн ЗДТГ-ын дарга Б.Амартүвшин, Цэргийн штабын дарга Т.Амартогтох, Зэвсэгт хүчний 032 дугаар ангийн захирагч Ж.Мөнхбаяр, 084 дүгээр ангийн удирдлагууд болон албаны бусад хүмүүс оролцсон юм. Дүүргийн Засаг даргын ивээл дор жил бүр уламжлал болгон зохион байгуулагддаг энэхүү тэмцээнд дүүргийн 13 ерөнхий боловсролын сургуулийн 100 гаруй ахлах ангийн сурагчид оролцож авхаалж самбаа, хурд хүчээ сорьсон байна. Дашрамд, ахлах ангийн сурагчид гранат, жагсаал, 16-н тоот дасгал, буухиа гүйлт, хууль, ханийн сонин зэрэг нийт 9 төрөлт тэмцээнээр өрсөлдөж шилдгүүдээ шалгаруулсан юм. Тэмцээний тэргүүн байрыг 79 дүгээр сургуулийн баг тамирчид эзэлсэн бол 133 дугаар сургуулийг сурагчид удаалжээ. Харин гутгаар байранд 102 дугаар сургуулийн баг тамирчид орсон байнахэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.

УИХ-ын гишүүн Д.ЦогтбаатарСүхбаатар дүүргийн 45, 11, 6 дугаар дунд сургуулиудын хичээлийн шинэ жилийн нээлтэд оролцлоо. Нийслэлийн 11 дүгээр дунд сургуулийн хувьд физик, математикийн гүнзгийрүүлсэн сургалттай Монголын цөөн сургуулиудын нэг юм. Тус сургууль нь элсэгчддээ өндөр шалгуур тавьдаг, жил бүрийн олимпиад болон улсын тэмцээнд амжилттай оролцдог онцлогтой аж. Тус сургуулийн хичээлийн шинэ жилийн нээлтийн үйл ажиллагаанд УИХ-ын гишүүн Д.Цогтбаатар оролцож сурагчдад хэрэглээний 10 компьютер бэлэглэсэн юм. Тэрбээр, Эрдмийн их өргөө гэдэг хүүхэд насанд хамгийн сайхан нь байдаг. Энэ өргөөнөөс хүүхэд бүр хүн болон төлөвшдөг. Ялангуяа дунд сургуулийн сурагч байхдаа сайн сурах юм бол насан туршдаа амжилттай ажиллаж хөдөлмөрлөнө гэсэн үг. Энд зориуд нэг зүйлийг дурсч ярья гэж бодлоо. Миний нэг найз гадаад оронд явж байхдаа ууланд төөрчихөж. Хоёр хоног ууланд төөрч будилж явахдаа өөрийн сурсан зүйлээрээ амьд мэнд гарсан гэдэг. Яаж амьд гарсан бэ гэхээр дунд сургуульд байхдаа хичээлдээ шамдан суралцсаны хүчинд хортой, хоргүй мөөгийг ялган идэж, замаа олохын тулд бултлаг бут ургамлыг даган явсаар хүрсэн газраа очсон байна. Энэ жишээ эрдэм номын оройгүй их ач тустай гэдгийг харуулж байгаа юм. Тиймээс хүүхэд багачууд та бүхэн эрдэм номдоо шамдан суралцаарай гэв. УИХ-ын гишүүн Д.Цогтбаатарын хувьд Сүхбаатар дүүргийн 59 дүгээр тойргоос нэр дэвшин өрсөлдөж ялалт байгуулсан бөгөөд сонгогдсон дүүргийнхээ иргэдийн ирээдүйн баталгааны талаар гурван зүйлийг онцлон юм. Тэрбээр, Сүхбаатар дүүргийн сургуулиудын хувьд боловсролын тогтолцоо харьцангуй гайгүй. Нийслэлийн 6 дугаар сургууль гэхэд стандартын төвшинд ойртсон байдлаар ч,хүүхдүүдийн тоо багш нарын ачаалал харьцангуй гайгүй байна. Бусад сургууль дээр хүүхдийн тоо хэтэрсэн, багш нар ачаалал ихтэй ажиллаж байгаа асуудал бий. Гэхдээ бид эдийн засгийн хямрал гээд боловсролын салбарыг анхаарахгүй байж болохгүй. Миний хувьд ирэх дөрвөн жилд сонгогчдынхоо боловсрол, эрүүл мэнд, ажлын байранд анхаарал хандуулж ажиллана. Эдгээр гурван зүйл бол хүний эрхийн суурь чиглэлүүд юм. Мөн тэрээр анги дүүргэлт хэтэрхий их байгаагаас үүдэн багш нар ачаалал ихтэй, сургалтын хүртээмж үр өгөөж нь харьцангуй багасах эрсдэл байна. Хэдийгээр хямралтай хүнд байгаач гэсэн энэ дөрвөн жилд боловсрол эрүүл мэндийн сарлбарт зайлшгүй анхаарч ажиллах шаардлагатай гэдгийг онцолсон юм

Хойд хөрш болон манайд хичээлийн шинэ жил нэгэн зэрэг эхэлдэг. Оросын шинэ хичээлийн жилийн нээлт орос бус үндэстнүүдийн гомдлоор эхэллээ. Олон дунд сургуульд 1-р ангид элсэн суралцагч орос болон орос бус үндэстний хүүхдүүдийг тусад нь анги болгон хувиарлажээ. Москвагийн ойролцоохь Котельники хотод энэ явдал хамгийн хурцаар илэрсэн байна. Тус хотын 3-р сургуулийн 1а,банги нь дан орос хүүхдүүдээс бүрдсэн бол в бүлэгт нь дундад ази, кавказ гаралтай болон бусад үндэстний хүүхдүүдийг ялган оруулжээ. Харин сургуулийн захиргаа үүнийгээ орос хэлний мэдлэгийг нь харгалзан ийм хувиарлалт хийсэн гэж тайлбарласан боловч ялгаварлагдсан хүүхдүүдийн эцэг эх итгэсэнгүй. Тэд хэдийгээр орос бус ч Оросын иргэд тул албан ёсны хэлийг төгс эзэмшсэн гэр бүлийн хүүхдүүд гэнэ. Орос бус хүүхдүүдийн эцэг эх суралцах явцад цаашид ч мөн ялгаварлан гадуурхалт ирнэ хэмээн айн болгоомжилж байна. WORD.MN

Бүсгүй хүний амьдралд хайр, эрүүл мэнд, аз жаргал хамгийн сайн сайхан бүхнийг дууддаг фэнг шуйн хумс будалт, будагны өнгийг хэрхэн сонгох талаар сонирхолтой зөвлөгөөг хүргэж байна. Тайван амьдрал, хайр, аз жаргал баялгийг хэрхэн өөртөө татах, зөв энергийг бий болгох тухай фэнг шуйн зөвлөгөөг бид бүхэн мэднэ. Энэ нь ямар нэгэн шашин эсвэл мухар сүсэг биш, энэ бол хүн хүрээлэн байгаа орчин, байгаль дэлхийтэйгээ таарамжтай нийлэмжтэйгээр зохицон амьдрах эртний хар ухаан, арга техник юм. Харин та бүхэндээ одоо гэрийн тавилга байршлын тухай бус гоо сайхан тэр дундаа хумсаа хэрхэн зөв будах тухай фэнг шуйгийн зөвлөгөөг хүргэх гэж байна. Доорх зөвлөгөөг уншаад маникюраа өөрт тохирсон өнгөөр сонгоод энергиэ зөв бүрдүүлээрэй. Хоёр өнгийг зөв хослуулан, зөвхөн загварлаг харагдахаас гадна та бас өөртөө өөрчлөлтийг бий болгож илүү ихийг бүтээж чадах ч юм билүү. Хамгийн эхний алхам нь фэнг шуйгийн элемент, гол элементүүдийг өөрийн төрсөн оноор тодорхойлж сонгох хэрэгтэй. Энэ нь маш хялбар. Төрсөн жилийн сүүлийн тоо 0 болон 1 бол Усны элемент, 4 ба 5 бол Модны элемент, 6 ба 7 бол Металл элемент, 2 болон 3 байвал Галын элемент, 8 болон 9 - Дэлхийн элемент. Металл элемент - Алт, мөнгө, хүрэл, ган, мөн хүрэн өнгө, элсэн болон төрөл бүрийн сүүдэртэй өнгүүд- Фэнг Шуй дээр бол Manicure хийхэд бүх металл өнгийг санал болгодог. Сэтгэл догдлом гял цал буюу тугалган цаас мэт гялалзсан өнгө нь металл элементийн гол төлөөлөл юм. Усны элемент - Хөх, ягаан, хөх маргад, ногоон, сүүн цагаан, сувдан цагаан, Ombre эсвэл хүйтэн цэнхэр, хөх суурьтай өнгүү. Ерөнхийдөө сэрүү татуулсан өнгүүд ордог. Модны элемент - Мод навчны өнгөөр хумсаа будаарай. Энэ нь байгальд илүү ойрхон байх өнгүүд ба бор ногоон, цэнхэр, бал хар гэх мэт өнгөөр суурь хийж дээр нь цэцэгсийн хэлбэр , эрвээхэй хээ, аалзны шvлс зурж болно. Галын элемент -Төгс төгөлдөр харагдуулах улаан, улбар шар, шар өнгө нь энэ бүлэгт багтана. Manicure хийхэд хамгийн сайхан зохицох фэнг шуй өнгө нь гялалзсан алмазан, алтлаг өнгүүд байдаг. Газрын элемент - Шаргал, хүрэн, тоорын өнгөтэй дулаан ягаан, зөөлөн улбар шар төрлийн бүх өнгүүд багтана. Үүнд хагардаг будаг орж болдог. Та өөрийн өнгөө тодорхолхойлсон бол одоо таньд өөр нэгэн хумс будахтай холбоотой фэнг шуйгийн зөвлөгөөг хүргэе. Энэ нь гарын хумсны аль нэгийнх нь өнгө будгийг тохируулснаар мөн л өөртөө сайн сайхныг дуудах билэгдлийн шинж чанарыг хумсны будгаар дамжуулан идэвхжүүлэх боломжтой. Түүнийг ихэвчлэн баруун гарын хуруундаа хуваарилах нь зөв байдаг ба энэ нь эерэг энергийг татдаг бөгөөд аль нэг хурууг нь л өөр өнгөөр будахад л болно. Хэрэвээ та солгой бол зүүн гарын хумсандаа энэхүү дүрмийг баримтлан будалтаа хийгээрэй. Эрхий хуруу: эрүүл мэнд, сэтгэл санааны байдал Долоовор хуруу: олз омог, өөртөө итгэх итгэл Дунд хуруу: ажил мэргэжил, бизнесийн амжилт, мөн эд баялаг Ядам хуруу: эерэг сэтгэл хөдлөл, амжилттай хувийн амьдрал Чигчий хуруу: гэр бүлийн болон оюун санааны амар амгалан. Эв нэгдэл хариуцлагатай байдлыг мөн илэрхийлнэ. Эцэст нь бүсгүй та өөрийнхөө хумсны будгийг хэрхэн сонгох мөн аль хумсаа хэрхэн будах талаар мэдлэгтэй болж чадсан гэдэгт итгэж байна. Өөрчлөлтийг өөрөөсөө эхэлцгээе бүсгүйчүүдээ!

Өдгөө хүмүүсийг түрийвчээр нь бус толгойгоор нь дүгнэдэг цаг ирээд байгаа билээ. Хүн бүр л хамгийн дээд боловсролыг олж аван, ирээдүйдээ бодит хөрөнгө оруулалт хийхийг зорьж байна. Гэхдээ манай улсын боловсролын түвшин гадны орнуудтай харьцуулахад тэртээ хол хаягдах тул эх орондоо боловсрол эзэмшихээс илүүтэй гадны орнуудыг зорин, тархиа цэнэглэх нь элбэг болжээ. Ялангуяа дэлхийд үнэлэгдсэн АНУ-ын сургалтын чанар өндөр гэж үздэг. Тэгвэл та бүхэндээ яагаад Америкт суралцах хэрэгтэй болох шалтгаануудыг хүргэе. Яагаад Америкт суралцах ёстой вэ? Давуу тал 1. Сургалтын чанар Дэлхийн хамгийн өндөр, чанартай боловсролыг АНУ танд санал болгодог. Орчин цагийн бүхий л шинэ техник технологийг ашиглаж, голчлон практикт суурилан, боловсрол олгодог байна. Тиймдээ ч АНУ-д боловсрол эзэмшсэн, гэхдээ бүр хичээж, суралцсан бол таны өмнө амжилтын үүд хаалга нээлттэй байна гэсэн үг. 2. Гэрэлт ирээдүй Та АНУ-д дээд боловсрол эзэмшиж, дипломоо гардаж авсан байхад таны ирээдүй гэрэлтэж эхэлнэ. Хаана ч очсон гэсэн дээгүүр албан тушаалд томилогдон, цаашдаа улан өсөн дэвших боломжтой. Гэхдээ Америкт боловсрол эзэмшсэн хүн бүр амжилтад хүрнэ гэсэн үг биш бөгөөд хамгийн гол нь таны хичээл зүтгэл, сийрэг толгой чухал үүрэг гүйцэтгэнэ. 3. Уян хатан байдал Америкийн боловсролын систем өөрөө их уян хатан чанартай. Та өөрийн сонирхсон ямар ч мэргэжлээр суралцах боломжтой бөгөөд бүхий л боломж таны өмнө нээлттэй байдаг. Тэр ч бүү хэл хоёр мэргэжлээр ч давхар суралцах боломжтой байдаг аж. Зааварлагч нар танд тусалж, бүгдийг тайлбарлаж, зааж өгөх тул санаа зовох зүйлгүй юм. 4. Дэлхий нийтийн соёл, иргэншил АНУ-д гадны оюутнууд маш ихээр суралцдаг. Тиймдээ ч та зөвхөн Америк биш дэлхийн нийтийн тухай өргөн мэдлэг, мэдээлэлтэй болох боломжтой. Тэр хэрээрээ гадна, дотны олон найз нөхөдтэй болж, дэлхий нийтийн соёл урлаг, уламжлал, үүх түүхийн талаар ч багагүй мэдлэгтэй болдог юм. Мэдээж үүнийгээ дагаад таны хэлний түвшин ч гайхалтайгаар сайжирна. 5. Насан туршийн баталгаа Ийнхүү Америкт боловсрол эзэмшин, нутагтаа ирснээр энэ нь таны насан туршийн баталгаа болж өгнө. Сургууль болон улсын нэр хүнд таныг хаа ч газардуулахгүй гэдэгт итгэлтэй байж болно. Мөн сургуультайгаа байнга холбоотой байж, харилцан ашигтай хамтран ажилладаг хүмүүс ч цөөнгүй бий. 6. Юм үзэж нүд тайлна Мэдээж хилийн дээс алхаж, юм үзэж нүд тайлна гэдэг амьдралдаа заавал хийх ёстой алхмуудын нэг билээ. Ялангуяа дэлхийн техник технологи, шинэ бүхний эх сурвалж болсон АНУ-д очсоноор таны ертөнцийг харах үзэл баримтлал өөрчлөгдөж ч мэднэ. Үзэж харах зүйлс дуусашгүй их төдийгүй тэнд очсон тохиолдолд уйдна гэж бодохын ч хэрэггүй. 7. Санхүүгийн туслалцаа авах боломжтой Та аль улсын хэн гэгч байх нь хамаагүй тухайн сургуулийн сурагч мөн л бол санхүүгийн тусламж хүртэн, зээлээр суралцах боломжтой. Гэхдээ голчлон санхүүгийн гачигдалтай болон хөгжлийн бэрхшээлтэй хүмүүст олгодог тул бага зэрэг ярвигтай байж мэдэх юм. Ингэхийн тулд мэдээж та өргөдөл болон бусад шаардлагатай бичиг баримтыг бүрдүүлж өгөх ёстой. Сөрөг тал Гэхдээ сайны хажуугаар саар гэгчээр давуу тал байхад сул тал ч гэж байна. Ингээд та бүхэндээ Америкт суралцахад ажиглагддаг сул талуудыг дурдая. 1. Төлбөр болон амжиргааны түвшин өндөр Тус улсын их сургуулийн сургалтын төлбөр болон амжиргааны түвшин нь бусад орнуудыг бодвол харьцангуй өндөр байдаг. Энэ нь оюутнуудын толгойны өвчин болж, суралцах эрч хүчийг нь бууруулах тохиолдол ч бий. Гэхдээ нэгэнт л сурна гээд зориод ирсэн бол хамгийн сайнаараа суралцаж, хэнээс ч дутахааргүй боловсрол эзэмших хэрэгтэй. 2. Тэтгэлэг өгдөггүй АНУ-ын их сургуулиуд гадаадын оюутнуудад барагтаа л бол тэтгэлэг олгодоггүй юм. Иймд та мянга сайн сурч, хичээлээ гэсэн хэн ч үүнийг үнэлэхгүй бөгөөд гарал угсаагаар тань ялгаварлах нь гачлантай. Гэхдээ 100% биш, тал хувийн, дээрээс нь хэлний бэлтгэлийн төлбөрөө төлөөд, олон улсад зөвшөөрөгдсөн хэлний шалгалтандаа чамлахааргүй өндөр оноо авч чадвал ядаж сургалтын төлбөрийн хөнгөлөлт эдэлж болох юм. 3. Цагийн ажил Дээр дурдсанчлан амжиргааны түвшин өндөр тул ихэнхи оюутнууд цагийн ажил хийж, өдөр хоногоо залгуулдаг. Хичээлийнхээ хажуугаар ажиллаж, мөнгө олдог бөгөөд хоёр идэхгүй, хоосон хонохгүй явах оюутан, залуус зөндөө. Ямартай ч зорьсон зорилгодоо хүрэхээр хичээж яваа тэднээр бахархахгүй байхын аргагүй. 4. Гэрээ санана Хүний нутаг л болсон хойно ганцаардах, гэрээ санах тохиолдол бишгүй л гарна. Ялангуяа хүнд хэцүү зүйл тохиолдох, ирээд удаагүй бол шөнө болгон дэрээ норгох бол энүүхэнд. Харин тухайн үед та энд яах гэж ирлээ, юуны тулд эцэг эх, найз нөхдөө орхин байж хүний нутгийг зорьсон гэдгээ дахин нэг бодож, бүү шантраарай. 5. Цоо шинэ хүн болно Таныг хувь хүний зан чанарын болон дасан зохицохын хувьд ч өөрчлөгдөхийг тухайн улс орон, тойрон хүрээлэх хүмүүс шаардана. Америкчууд их нээлттэй хүмүүс байдаг тул хамт байсаар байгаад та ч бас тэдэн шиг болж хувирдаг. Гэхдээ аливаа зүйлд авах гээхийн ухаанаар хандаарай. 6. Гэмт хэргийн золиос болж мэднэ Америк нь гэмт хэргийн гаралт ихтэй гэдгээрээ дэлхий нийтэд алдартай. Тиймдээ ч таны аюулгүй байдал хутганы ирэн дээр л байна гэсэн үг. Үргэлж сонор сэрэмжийг дээд цэгт гаргаж явахгүй бол ямар ч асуудалд орооцолдож мэднэ.