The Voice of Mongolia шоуны шилдэг оролцогчдын нэг Э.Дашнямын үзүүлбэрийг Best of The Voice Youtube суваг тухайн долоо хоногийн шилдэг үзүүлбэрүүдийн нэгээр нэрлэжээ. Шүүгч Укагийн багийн оролцогч Э.Дашням The Voice of Mongolia шоуны The Knock Out шатанд Нэр үгүй салхи болон Гавалмаа дууг өөрийн хэв маягт оруулж, хоршуулан дуулсан юм. Best of The Voice-ын өнгөрсөн долоо хоногийн шилдэг үзүүлбэрүүдэд Монголын оролцогч Э.Дашнямтай хамт Болгар, Африк, АНУ-ын оролцогчдын үзүүлбэр багтжээ. Best of The Voice-ын шилдгүүдийн үзүүлбэр (2020.05.08) 1. Омар vs Жулия, Shallow Брэдли Купер Леди Гага (Battles, Болгар) 2. Э.Дашням, Нэр үгүй салхи, Гавалмаа (Knockouts, Монгол) 3. Miss Audy, La Roue Tourne Zaho (Knockouts, Aфрик) 4. Аллегра Майлс, New York State of Mind Билли Жоэл (Remote-Live Show, USA)

Монголын Залуучуудын Холбоо нь 2020 оны 02 сарын 02-оос 2021 оны 02 сарын 02-ыг Андын ёс барилдах жил болгон зарлаж Андуудаа хүчээ нэгтгэе уриан дор бүхий л үйл ажиллагаа, төсөл хөтөлбөрөө төлөвлөн ажиллаж байна. 1992 оноос хойш 21 дэх удаагаа зохион байгуулж буй ЦАГААН УУЛ хайрын шүлгийн наадам нь оюутан залуучууд, залуу яруу найрагчдын хүсэн хүлээдэг, наадам болж Монгол хэлний үгийн уран яруу сайхныг түгээн дэлгэрүүлдэг үйл ажиллагаа болдгоороо залууст танигдсан билээ. Энэ жил Монгол Улсын Ерөнхийлөгчийн зарлигаар үндэсний аюулгүй байдлыг хамгаалах зорилгоор, Монгол Улс гамшгаас хамгаалах өндөржүүлсэн бэлэн байдалд шилжсэнтэй холбоотойгоор тус наадмыг цахим сүлжээгээр 2020 он 05 сарын 04-өөс МЗХ-ны онлайн хуудсаар дамжуулан цахим хэлбэрээр зохион байгуулах гэж байна. Залуу уран бүтээлчид, яруу найрагчдыг дэмжих тэдний уран бүтээлийг үнэлэх, нийтийн хүртээл болгох, олон нийтэд сурталчлах, Монгол хэлний үгийн яруу сайхан, өв уламжлалаа түгээн дэлгэрүүлэх олон нийтэд сурталчлах, хүүхэд залуучуудад таниулах зорилготой тус наадам нь яруу найраг сонирхогч залуучуудад нээлттэй юм байна. Зохион байгуулагчдын зүгээс ерөнхий сэдвийг гаргадаг бөгөөд энэ жилийн сэдэв нь: 1. Эх дэлхийгээ хайрлах хайр 2. Эх орны хайр 3. Эцэг эхээ өргөх хайр 4. Анхны хайр 5. Амраг сэтгэлийн хайр 6. Анд нөхдийн хайр 7. Хайр ба мэдрэмж гэсэн долоон ерөнхий сэдвийн хүрээнд явагдах бөгөөд оролцогчид 2020 оны 05-р сары 04-өөс 05-р сарын 20-ныг дуустал өөрийн товч CV болон холбоо барих мэдээллийн хамт /[email protected]/хаягаар шүлгээ ирүүлэх аж. Оролцогц эхний шалгаруулалтанд оролцохдоо:  Хайрын сэдэвт 2 шүлэг илгээх. Тавигдах шаардлага: Хэмжээ А4 Фонд - Times New Roman Үсгийн хэмжээ 12  2 шүлгээ өөрийн биеэр уншсан видео бичлэгийг илгээх. Тавигдах шаардлага: Гар утас, таблет, сонирхогчийн болон мэргэжлийн камер ашиглаж болно Видео бичлэг үргэлжлэх хугацаа 90 секундэнд багтаах Шалгаруулалтыг олон нийтийн санал /like, comment, share/ болон шүүгчдийн зөвлөлийн хурлаар явуулан 2-р шатанд тэнцсэн 13 оролцогчдын нэрсийг 2020 оны 05 сарын 22-ны өдөр зарлана. /Хүн бүрийн шүлэг видео бичлэгийн хамт МЗХ-ны сошиал хаягуудаар олон нийтэд түгээгдэнэ./ 2 шат: 2020 оны 05 сарын 25-нд Шилдэг 13 оролцогч шүүгчдийн шалгаруулалтын оноогоор тэргүүн байруудад шалгарна. /Шалгаруулалт МЗХ-ны цахим хаягаас олон нийтэд түгээгдэнэ./ Жич: Оноо тэнцсэн тохиолдолд нэмэлтээр шүлэг уншина. /МЗХ-ны цахим хуудсанд байршуулна/ Материал бүрдүүлэх, хүлээн авах: Хайрын шүлгийн Цагаан Уул 2020 наадамд оролцогчдын шүлгийг файлаар /видео болон текст / хүлээн авна. Шагнал урамшуулал:  I байр Цагаан Уул 2020 цом, Өргөмжлөл, ивээн тэтгэгчийн гарын бэлэг, мөнгөн шагнал  II байр Өргөмжлөл, Мөнгөн шагнал, ивээн тэтгэгчийн гарын бэлэг  III байр - Өргөмжлөл, Мөнгөн шагнал, ивээн тэтгэгчийн гарын бэлэг  IV байр - Өргөмжлөл, ивээн тэтгэгчийн гарын бэлэг  Оролцогч бүрийн шүлэг МЗХ-ны цахим хуудсанд байрлана.  Оролцогч бүр МЗХ-ны гишүүний Андын Гэрэгэ гардан авна.  Дэмжигч ФМ, радиогоор бүх оролцогчдын шүлэг цацагдана. Холбоо барих: Монголын Залуучуудын Холбоо утас: 7777-1313 Дэлгэрэнгүй мэдээллийг: 88059787 лавлана уу.  Цахим хуудас:www.myf.mn,www.and.mn И- мэйл - [email protected]  Хаяг: Улаанбаатар хот, Сүхбаатар дүүрэг, Бага тойруу-42, МЗХ-ны төв байр, Ухаан танхим

Монголын Залуучуудын холбоонь ирэх онд түүхт 100 жилийнхээ ойг тэмдэглэх цөөн тооны байгууллагуудын нэг юм. Ази тивд ууганд тооцогддог Монголын Залуучуудын холбоо нь 100 жилийнхээ ойд зориулан бүтээж байгаа олон арга хэмжээнүүдийн нэг болох Монголын Залуучуудын Музей-н ажлыг өргөн цар хүрээтэйгээр бүтээж, олон нийтэд таниулан дэлгэх зорилгоор түүхэн эд зүйлийг хүлээн авч эхлээд байна. Иймд Бошгийг халах залуучуудын эвлэл, Монголын Хувьсгалт залуучуудын эвлэл, Монголын залуучуудын холбоонд мөрөө үлдээж, түүхийг бичилцэж байсан үе үеийн ахмадууд, залуучууд та бүхэндээ уриалга гаргаж байна. Уриалга нь Залуучуудын байгууллагын түүхэн он жилүүдэд хийгдэж байсан үйл ажиллагаанууд, тэдгээртэй холбоотой бичиг хэрэг, тэмдэг, зураг гэх мэт эд өлгийн түүх агуулсан зүйлсээ өөрийн танилцуулгын хамтаар илгээмжээр болон, өөрийн биеэр МЗХ-ны төв байранд хариуцсан ажлын хэсэгт хүргүүлж түүхэн музейд мөнхжүүлэх, үзэсгэлэнд таниулах, сурталчилах боломжид хамтдаа нэгдэж, залуучуудын байгууллагын 100 жилийн ойн арга хэмжээнд гар бие оролцохыг урьж байна. Дэлгэрэнгүй мэдээллийг: 99720490, 99975182,8006989,80008101 Емэйл хаяг:[email protected]

The Voice of Mongolia шоу энэ долоо хоногоос эхлэн амралтын хоёр өдөр буюу бямба, ням гарагийн 20:00 цагаас үзэгчдийн хүртээл болж байхаар болжээ. Өмнө нь зөвхөн ням гарагт цацагддаг байсан бол одоо ийнхүү амралтын хоёр өдөр үзэх боломжтой болж байна. The Voice of Mongolia шоуны Knockout шатны шалгаруулалт үргэлжилж буй юм.Бямба гарагтТөрийн соёрхолт дуучин,шүүгчД.Болдын багийнбаг бут авахаар зэхэж байна. Харин ням гарагт On and off-ийн гэдгээрээ олонд танигдсан шүүгч С.Ононбатын баг үзүүлбэрээ толилуулна. Тус шатанд эхний ээлжинд таван оролцогч үзүүлбэрээ үзүүлэх ба цааш явах нэг оролцогчийг тухайн багийн дасгалжуулагч сонгож, нөгөөг үзэгчдийн саналаар шалгаруулна.

Монголын ард түмний төдийгүй Монгол туургатан улсуудын түмэн олны сэтгэлд хоногшсон олон гайхалтай дуунуудыг хит болгон эгшиглүүлсэн Монгол поп опера Увертюра хамтлаг ирэх зургадугаар сарын 06-нд онлайн тоглолтоо хийх болсноо өнөөдөр хамтлагийнхаа албан ёсны цахим хуудсаараа дамжуулан зарлалаа. Увертюра хамтлагийн онлайн тоглолт хийх болсон учир нь Монголын Соёлын аялал жуулчлалын холбоо ТББ-аас санаачлан 2020 оноос эхлэн 5 жилийн хугацаанд хэрэгжүүлэх гэж буй Монгол өв соёлын цогцолбор байгуулах төслийн элч хамтлагаар ажиллахаар албан ёсны гэрээ байгуулсан бөгөөд тус төслийн хандивын аяны нээлт болгож Монгол соёл хэмээн нэрийдсэн онлайн тоглолтоо хийхээр болжээ. Ийнхүү түмэн олны сэтгэлд мөнхөд эгшиглэдэг Өнө мөнх орон, Цагийн аяс, Жамаас, Тэнгэр ээж минь өршөө, Халуун элгэн нутаг зэрэг гайхалтай уран бүтээлүүдээрээ дамжуулан Монгол поп опера хэмээх урсгалыг хөгжүүлж, өөрсдийн гэсэн өнгө аяс, стиль имиджийг бүрдүүлсэн тус хамтлагийн онлайн тоглолт 2020 оны зургадугаар сарын 06-ны 18:00 цагт ТВ8 телевизийн шууд эфирээр Монгол туургатан даяар цацагдах нь ээ.