Монголын The Hu хамтлаг ирэх тавдугаар сарын 21-нд Английн Лондон хотноо болохHeavy Music Awards2020-д нэр дэвшиж байгаа билээ. Тэдний нэр дэвшиж буй олон улсын хөгжмийн наадмын хугацааг шинэ коронавирусийн халдвартай холбоотойгоор есдүгээр сард зохион байгуулахаар болжээ. Тодруулбал, нэр дэвшиж буй уран бүтээлчдэдсанал ѳгѳххугацааг зургадугаар сарын 3-нд болгон сунгаж, албан ёсны арга хэмжээгээ есдүгээр сарын 3-нд товлоод байна. The Hu хамтлагийнхан уг наадамд Best_International_BreakthroughBand номинацид нэр дэвшиж байгаа бөгөөд одоо Австрали улсад байгаа юм. Шагналд нэр дэвшсэн хамтлагуудыг олон нийтийн санал асуулгаар тодруулна. Сонсогч фенүүд санал асуулгад оролцохдоо: Эхнээс нь дуустал бүх номинаци бүрт саналаа ѳгнѳ. #TheHU хамтлаг нь Best International Bteakthrough Band хэсэгт байгаа, саналаа ѳгч дараарай. Нэр, и-мэйл хэсэгт бѳглѳѳд#SubmitVotesтовчийг дарж илгээгээрэй. А.СҮРЭН

The Voice of Mongolia шоуны оролцогчдоос анх удаа охидын хамтлаг төрөн гарлаа. Шоу нэвтрүүлгийн шүүгч, Төрийн соёрхолт дуучин Д.Болдын багийн шилдэг 16 оролцогчийн халз тулаан өчигдөр /2020.04.12/ өрнөсөн юм. Ширүүн өрсөлдөөн дундаас эрч хүчээр дүүрэн үзэсгэлэнт охид болох Г.Саруултуяа, Н.Энэрэлсайхан нар Kill This Love дууг дуулснаар The Voice Of Mongolia шоуны шүүгчдийг гайхашруулж чадсан. Тэднийг шүүгчид Тайзнаа яг нэг хүн шиг байлаа хэмээн магтаж, шилдэг нэг оролцогчийг сонгох мөчид Д.Болд шүүгч хамтлаг болгон дараагийн шатанд оролцуулах саналыг тавьсан нь олны анхаарлыг татаж байв.

Монголдоо хайртай аяныг санаачлагчид Монгол эх орныхоо баялаг бүтээгч ТОП-100 ААН, компаниудын төлөөллийг энэхүү аяныг дэмжин оролцож, Монголчууддаа халуун гараа сунгаж, аяныг дэмжин оролцохыг уриалж байгаа юм байна. Дэлхий даяар айдаст автуулж буй цар тахал болох коронавирусийн халдвараар мянга мянган хүн өвдөж, олон зуун хүн амь насаа алдаж байгаа харамсалтай цаг үе тохиож байна. Энэ тоо цаашид ч өсч, корона вирусын хоёр дахь давалгаа эхэлж байна гэж Дэлхийн эрүүл мэндийн байгууллага, эрдэмтэн судлаачид анхааруулсаар байгаа юм. Бүх дэлхийг хамарсан энэ аймшигт өвчин улс орнуудыг улам бүр бие биенээсээ хамааралтай болсоныг, баян ядуу, арсны өнгө, шашин шүтлэг, улс үндэстэн үл харгалзан бид нэг дэлхийн хүмүүс гэдгийг харуулаад байна. Энэ цаг үед бүх нийтээрээ эв нэгдэлтэй, хариуцлагатай байж халдварын эрсдлийг даван гарах шаардлагатай байна. Дэлхий нийтийг цочроосон цар тахалын үед Монгол Улсын маань нэрийг Монгол мал сүрэг өндөрт өргөлөө. Хүнд цаг үед хөрш улсдаа айлчлал хийсэн ганц улс Монгол Улс байж 30 мянган хонь бэлэглэхээр болсонд БНХАУ-ын ард түмэн тун их талархаж хүлээж авсан. Гэвч Монгол орны 10 гаруй аймагт цас их хэмжээгээр орсоноор зудын хэмжээнд хүрч, хаваржилт хүндэрч, олон малчид төлийн дуу цангинасан хавар цагт мал сүргээ алдсаар, цаашид ч алдах хүнд нөхцөл байдал үүсээд байгаа билээ. Иймд малчиддаа болон эмнэлэг, цагдаа, цэрэг, нисэх хүчин зэрэг эрсдлийн үед нойр хоолоо умартан ажиллаж байгаа ажилтан албан хаагчиддаа, тусгаарлалтанд байгаа иргэддээ, нийт Монголчууддаа, Монгол туургатанууддаа сэтгэл санааны дэмжлэг үзүүлж, нэг орой сэтгэлийн цэнгэл бэлэглэхээр урлаг, спорт, нийгмийн салбарын санаа нийлсэн залуучуудын төлөөлөл Монголдоо Хайртай аяныг санаачлан эхлүүлсэн юм. Санаачлагыг Монголын рок поп хөгжмийн шинэ цагийн нүүр царай болсон НИКИТОН хамтлаг дэмжин хамтран ажиллахаар болж, телевизийн шоу нэвтрүүлэг зохион байгуулахаар бэлтгэл ажилдаа ороод байна. Тоглолтонд МУГЖ, Зууны Манлай дуучин Б.Сарантуяа, МУГЖ, поп дива Ж.Алтанцэцэг нар оролцох юм байна. Тоглолтыг 2020 оны дөрөвдүгээр сарын 03-ны 20:00 цагаас OnOff продакшны студийн тайзнаас Боловсрол суваг телевизээр Монгол орон даяар шууд дамжуулан хүргэнэ. Мөн Ard News, Монголдоо хайртай фэйсбүүк хуудсуудаар дэлхийн өнцөг булан бүрт байгаа Монголчууддаа, ӨМӨЗО-ны Хийморь IPTV-ээр, тус телевизийн Wechat-аар Өвөрмонголчууддаа нэгэн зэрэг шууд дамжуулан хүргэх юм. Монголдоо хайртай аяныг санаачлагчид Монгол эх орныхоо баялаг бүтээгч ТОП-100 ААН, компаниудын төлөөллийг энэхүү аяныг дэмжин оролцож, Монголчууддаа халуун гараа сунгаж, аяныг дэмжин оролцохыг уриалж байгаа юм байна.

Фантастик продакшн-ий залуус 10 жилийнхээ ойг тохиолдуулан үзэгчдэдээ 37-р точка хэмээх олон ангит уран сайхны киногоор бэлэг барьсан билээ. Тус кино нийтдээ хоёр бүлгээс бүтсэн. Тун ч учир битүүлэг төгссөн тус кинонд үргэлжлэл байгаа эсэх тал дээр үзэгчид олон таамаг дэвшүүлж байв. Харин энэ асуултад продакшны хамт олон албан ёсоор хариулт өглөө. 37-р точка киноны төгсгөлийн анги тун удахгүй үзэгчдийн хүртээл болох гэнэ. Өмнө нь NTV болон Star телевиз, Skygo аппликейшны тусламжтайгаар тус киног хүлээн авч байсан үзэгчид энэ удаад төгсгөлийн ангийг зөвхөн онлайнаар худалдан авсан тасалбарын тусламжтайгаар Skyego аппликейшн болон IPTV-ээр хүлээн авч үзэх боломжтой болох ажээ.

Монголдоо Хайртай хандивын аян орон даяар эхэлсэн тухай бид өмнө нь мэдээлсэн. Аян эхэлснээс хойш тав дахь өдрийн байдлаар 20 гаруй урлаг, соёл, спорт, хэвлэл мэдээллийн байгууллагын төлөөлөл, 10 орчим хамтлаг, продакшн, компаниуд дэмжиж байгаагаа илэрхийлэн орой бүрийн фэйсбүүкийн шууд дамжуулалтад оролцож дуу хоолойгоо хүргэсээр байна. Онцгой байдлын ерөнхий газар, Боловсрол суваг телевиз, OnOff продакшн, Max music entertainment, Увертюра хамтлаг Ard news агентлаг, Монголын сайтын холбоо зэрэг байгууллагууд дэмжиж байгаагаа илэрхийлэн нэгдээд байсан бол Мөрөөдлийн театр, Дижитал хамтлаг, Take off хамтлаг, Ice Top зэрэг хамтлагууд Монголдоо Хайртай аяныг дэмжихээ илэрхийлээд байна. Монголдоо Хайртай аяны санаачлагчдын зүгээс орой бүрийн 19:00 цагаас хандивын аяны талаарх мэдээллийг ARD News фэйсбүүк хуудас болон, Монголдоо Хайртай фэйсбүүк хуудаснуудаар LIVE дамжуулалт хийж цацаж байгаа бөгөөд аяныг дэмжигчид мөн оролцож өөрсдийн дуу хоолойгооилэрхийлсээр байна. Аварга дээд сургуулийн багш, Улсын начин, Спортын гавьяат дасгалжуулагч Б.Адъяахүү Спортынхон, урлагийнхан хэн нь ч бай бидэнд нийгмийн хариуцлага байх ёстой. Цастай, зудтай жил ямар байдгийг би биеэрээ мэднэ. Тийм болохоор бид энэ аяныг дэмжиж байгаа. Спортынхон маань бүгд халуун гараа сунгаасай. хэмээн сэтгэлээ илэрхийлж байсан бол Мөрөөдлийн театр-ын жүжигчин СТА Г. Эрхэмбаяр Залуучууддаа нэг зүйлийг уриалмаар байна. Бид багадаа хэвлэл, сонин, зурагтаар мэдээлэл авдаг байсан. Одоо бол залуучууд дэлхийтэй мөр зэрэгцэн мэдээлэл авч байна. Дэлхийн хаанаас ч мэдээллийг авч байна. Буруу мэдээлэл рүү давлагаалахаас илүүтэй, зүрх сэтгэлээ үнэн зөв, сайн сайхан руу чиглүүлээд аяныг дэмжээсэй гэж хүсч байна. Уриалж байна. Монголчууд бид ямар сайхан сэтгэлтэй, сайхан ард түмэн билээ. Бид бүгд эх орондоо хайртай. Түүнийгээ харуулмаар байна хэдүүлээ. гэж залуучуудаа уриаллаа. Дижитал хамтлагийн дуучин Г.ЭркаХавар бүр лмалчиддаатуслах, анхаарлаа хандуулах хэрэгтэй байдаг. Гэтэл энэ жил коронавирусээс болоод дарагдаад байна. Коронавирус бол түр зуурынх. Бид ард нь гарч чадна, даваад гарна. Үүний дараа амьдралхөвөрнө. Бид хамгийн гол үндэс болох мал аж ахуйгаа мартаж болохгүй. гэж байсан бол Чөлөөт уран бүтээлч, дуучин С.БахатМонгол хүн бүр эрүүл энх, элбэг баян байгаасай. Бүгдэд ньнаурызынбаярын мэнд хүргэе. Нэг нэгэндээ хайр бэлэглэхийг хүсье. Энэ аяныг дэмжээсэй гэжхүсчбайна. хэмээн маш олон уран бүтээлчид, дуучид, жүжигчид, бөхчүүд мөн сэтгүүлчид халуун сэтгэлийн үгээ илэрхийлж байлаа. Сангийн яамны зөвшөөрөлтэй, Онцгой байдлын ерөнхий газрын нэр дээрх дансанд хандивын мөнгийг төвлөрүүлэхээр төлөвлөж байгаа бөгөөд дансны дугаар, шилжүүлгийн мэдээлэл онлайн тоглолтын үеэр дэлгэцэд нээлттэй, ил тод харагдах учир хандивлагч бүр мөнгөн дүнг хянах боломжтой юм. Хандивын аяндhttps://www.facebook.com/MongoldooKhairtai/холбоосоор орж Like дарж нэгдээрэй. Мөн 77114147, 86004147, 89004147 дугаарын утсанд холбогдож тодорхой мэдээлэл авч, санал бодлоо илэрхийлж болно.