Монгол Улсад хөнгөн аж үйлдвэрийн салбар үүсч хөгжсөний 85 жилийн ойн арга хэмжээний хүрээнд ХХААХҮЯам болон мэргэжлийн холбоодуудын дунд оюун ухаан, авхаалж самбаа, хурд хүч, тэсвэр тэвчээрийг сорих, байгууллагууд хоорондын хамтын ажиллагаа, хамт олонч нөхөрсөг харилцааг бий болгох, хөгжүүлэх зорилгоор зохион байгуулж буй спортын 4 төрөлт тэмцээн 2019 оны 10-р сарын 06-13-ны өдрүүдэд амжилттай явагдаж өндөрлөлөө. Тэмцээний нээлтийн ажиллагаа 2019 оны 10-р сарын 13-ны өдөр Хан-Уул дүүргийн Спорт хорооны спортын танхимд болж Монгол Улсын Их Хурлын гишүүн, Хүнс Хөдөө Аж Ахуй Хөнгөн Үйлдвэрийн Сайд Ч.Улаан тэргүүтэй тус яамны удирдах ажилтнууд болон мэргэжлийн холбоодын удирдлагууд хүрэлцэн ирж оролцлоо. Тэмцээний нээлтийн ажиллагаанд оролцож буй тамирчид зочдод зориулан Хан-Уул дүүргийн 15 удаагийн аварга, Нийслэлийн 6 удаагийн аварга, Улсын 6 удаагийн аварга, Ази тивийн цомын аварга, Азийн аварга, Хан-Уул дүүргийн 34-р сургуулийн аэробикийн баг болон Монголын Хүүхдийн Ордоны дуулаачийн дугуйлангийн дэргэдэх ЮНЕСКО-гийн Дэмжих Клуб Дэлхийн найзууд аа чуулгын сурагчид үзүүлэх тоглолтоо толилуулсан. Шатар, ширээний теннисийн тэмцээн 2019 оны 10-р сарын 06-ны өдөр Хүнс Хөдөө Аж Ахуй Хөнгөн Үйлдвэрийн Яамны спортын танхимд, сагсан бөмбөг гар бөмбөгийн тэмцээн 2019 оны 10-р сарын 12-13-ны өдрүүдэд Хан-Уул дүүргийн Спорт хорооны спортын танхимд боллоо. Хүнс Хөдөө Аж Ахуй Хөнгөн Үйлдвэрийн Яамны ажилтан албан хаагчид болон Монголын Ноосон Бүтээгдэхүүн Үйлдвэрлэгчдийн Холбоо, Монголын Арьс Ширний Үйлдвэрлэлийн Холбоо, Монголын Ноос Ноолуурын Холбоо, Оёдлын Салбарын Нэгдсэн Мэргэжлийн Холбоо, Монголын Хэвлэлийн Үйлдвэрүүдийн Холбоо, Монголын Сав Баглаа Боодол Үйлдвэрлэгчдийн Нэгдсэн Холбоо, Монголын Хог Хаягдлыг Дахин Боловсруулах Үндэсний Холбооны гишүүн байгууллагуудын ажилтнуудаас бүрдсэн баг тамирчид гар бөмбөг, сагсан бөмбөг, шатар, ширээний теннисийн төрлөөр өрсөлдөж тэмцээний ялагчид тодорлоо. Шатрын тэмцээнийг Монгол Улсын спортын мастер, Монгол Улсын аварга, олон улсын Шатрын холбооны дасгалжуулагч И.Ганбаатар, шатрын компьютерийн шүүгч Т.Гантөмөр нар, ширээний теннисийн тэмцээнийг Монгол Улсын спортын мастер, Монгол Улсын шүүгч Д.Мөнхсайхан, Монгол Улсын спортын мастер, Монгол Улсын шүүгч Ц.Мөнхцэцэг нар шүүн явуулж багийн спортын төрлүүд буюу сагсан бөмбөгийн тэмцээнийг шүүгч Б.Сумъяабазар О.Энхжаргал нар, гар бөмбөгийн тэмцээнийг волейболын спортын 1-р зэргийн тамирчин шүүгч Х.Энхбат, Б.Төгөлдөр нар шүүн явуулж Монгол Улсын спортын мастер, Монгол Улсын шүүгч Б.Ариунболд ерөнхий шүүгчээр ажиллалаа. Монгол Улсад хөнгөн аж үйлдвэрийн салбар үүсч хөгжсөний 85 жилийн ойн арга хэмжээний хүрээнд явагдаж буй спортын 4 төрөлт тэмцээнийг Монголын Ноосон Бүтээгдэхүүн Үйлдвэрлэгчдийн Холбооноос Хүнс Хөдөө Аж Ахуй Хөнгөн Үйлдвэрийн Яамтай хамтран хариуцан зохион байгуулж салбарын мэргэжлийн холбоодууд - Монголын Арьс Ширний Үйлдвэрлэлийн Холбоо, Монголын Ноос Ноолуурын Холбоо, Оёдлын Салбарын Нэгдсэн Мэргэжлийн Холбоо, Монголын Хэвлэлийн Үйлдвэрүүдийн Холбоо, Монголын Сав Баглаа Боодол Үйлдвэрлэгчдийн Нэгдсэн Холбоо, Монголын Хог Хаягдлыг Дахин Боловсруулах Үндэсний Холбоо дэмжин оролцлоо. Тэмцээний ялагчид: Шатар эрэгтэй 1-р байр: О.Сайнжаргал Хөдөө Аж Ахуйн Бирж ХХК 2-р байр: Ц.Цасчихэр МННХолбоо 3-р байр: Г.Пүрэвбат МХҮХолбоо Шатар эмэгтэй 1-р байр: С.Нямдаваа ОСНМХолбоо 2-р байр: Б.Түмэнбаяр МННХолбоо 3-р байр: Б.Отгонбулаг МАШҮХолбоо Ширээний теннис эрэгтэй 1-р байр: Л.Энхтайван МХХДБҮХолбоо 2-р байр: И.Бямбасүрэн МАШҮХолбоо 3-р байр: Т.Намбаяр МХҮХолбоо Ширээний теннис эмэгтэй 1-р байр: Н.Март МХҮХолбоо 2-р байр: Ё.Насанжаргал МННХолбоо 3-р байр: Ц.Нямсүрэн МННХолбоо Сагсан бөмбөг эрэгтэй баг 1-р байр: МХҮХолбоо 2-р байр: МАШҮХолбоо 3-р байр: МННХолбоо Сагсан бөмбөг эмэгтэй баг 1-р байр: МННХолбоо 2-р байр: МНБҮХолбоо 3-р байр: МХҮХолбоо Гар бөмбөг эрэгтэй баг 1-р байр: МХҮХолбоо 2-р байр: МННХолбоо 3-р байр: МАШҮХолбоо Гар бөмбөг эмэгтэй баг 1-р байр: МННХолбоо 2-р байр: МХҮХолбоо 3-р байр: МНБҮХолбоо Монгол Улсад хөнгөн аж үйлдвэрийн салбар үүсч хөгжсөний 85 жилийн ойн арга хэмжээний хүрээнд явагдаж буй спортын 4 төрөлт тэмцээнийг Хамгийн бага оноо цуглуулах систем-ээр шүүн явуулж аварга багийг шалгарууллаа. Тэмцээний аварга багаар Монголын Ноос Ноолуурын Холбоо-ны баг шалгарч, багийн спортын төрөл тус бүр дээр шилдэг тамирчдыг шалгаруулав. Үүнд: Сагсан бөмбөгийн төрөл: Шилдэг эрэгтэй тамирчин: МХҮХ-ны тамирчин Б.Дөлгөөн Шилдэг эмэгтэй тамирчин: МНБҮХ-ны тамирчин Ө.Болор-Эрдэнэ Гар бөмбөгийн төрөл: Шилдэг эрэгтэй тамирчин: МАШҮХ-ны тамирчин Б.Өсөхжаргал Шилдэг эмэгтэй тамирчин: МННХ-ны тамирчин Н.Хангал Тэмцээний хаалтын ажиллагаанд Хүнс Хөдөө Аж Ахуй Хөнгөн Үйлдвэрийн Яамны Хөнгөн Үйлдвэрийн Хөгжлийн Бодлого Зохицуулалтын Газрын дарга Б.Батхүү, ахлах мэргэжилтэн Д.Оюун-Эрдэнэ, мэргэжилтэн Р.Эрдэнэсайхан нар хүрэлцэн ирж баг тамирчдад шагнал гардуулан амжилт хүслээ.

Нийслэлийн 380 жилийн ойг тохиолдуулан цэргийн дүйцүүлэх алба хаагчдын дунд Цэрэг спортын цогцолбор тэмцээнийг энэ сарын 11-ний өдөр зохион байгуулж нийслэлийн 9 дүүргийн 80 гаруй алба хаагчид оролцож авхаалж самбаа, хурд хүчээ сорилоо. Нийслэлийн Засаг даргын Тамгын газрын Цэргийн штабаас зохион байгуулсан Цэрэг спортын цогцолбор тэмцээний гол зорилго нь цэргийн албыг биеэр дүйцүүлэн хаагчдын албаны үүрэг гүйцэтгэх чадварыг нэмэгдүүлэх, бие бялдарын хөгжил, чийрэгжүүлэлтийн түвшинг дээшлүүлж, сэтгэл зүйн бэлтгэлийг хангах юм. Тэмцээн Үндэсний батлан хамгаалах их сургуулийн Шархад дахь хээрийн сургалтын төвд болж байран дээрх ажиллагаа, 5000 метрийн марш гэсэн хоёр үе шаттай зохион байгууллагдсан юм. Тэмцээний тэргүүн байрыг Багануур дүүргийн Соёмбо баг, дэд байрыг Сонгинохайрхан дүүргийн Дуулга, гуравдугаар байрыг Баянгол дүүргийн Дайчин баг тус тус эзэлсэн байна.

АНУ-д энэ сарын 4-6-нд болсон хүндийг өргөлтийн дэлхийн цомын аварга шалгаруулах тэмцээнд олон улсын хэмжээний мастер М.Анхцэцэг оролцож, Дэлхийн цом-ын эзэн боллоо. Уг тэмцээнээс М.Анхцэцэг алт, Г.Ануужин мөнгө, Э.Билэгсайхан хүрэл медаль хүртсэн байна. М.Анхцэцэг нь өнгөрсөн сард Тайландад болсон дэлхийн аваргын тэмцээний 81 кг-ийн жинд оролцож хүрэл медаль хүртсэнээр дэлхийн аваргын ихэр хүрэл медальтан болоод байсан юм. Ингэхдээ Монгол Улсын хүндийг өргөлтийн гурван дээд амжилтыг шинэчилсэн билээ. Мөн тэрбээр ээж болоод есөн сар болж байгаа юм.

Нийслэлийн 380 жилийн ойн хүрээнд нийслэлийн Засаг даргын ивээл дор зохион байгуулагдах нийслэлийн Оюутны спортын наадмыг спортын 5 төрөл /сагсан бөмбөг (2019.09.30-10.02), волейбол (2019.09.30-10.02), шатар (2019.10.19-20), бүх нийтийн гүйлт (2019.10.12), дугуй (2019.10.12)/-өөр, Нийслэлийн Иргэдийн спортын VIII наадам 2019.10.21-23-ны өдрүүдэд зохион байгуулах тул оюутан залуучууд болон нийслэлийн иргэд Та бүхнийг өргөнөөр ирж оролцохыг урьж байна. Нийслэлийн Спортын хороо, утас: 312785, 96635753, 89477713 Одоогоор энэ нийтлэлд сэтгэгдэл байхгүй байна. Гэхдээ та хамгийн түрүүнд сэтгэгдэл үлдээж болно!

Энэ өдрүүдэд Монголын Таеквондогийн Холбоо ГҮТББ-ын Тэргүүн дэд Ерөнхийлөгч Б.Онон, Дэд Ерөнхийлөгч Э.Эрдэнэ, Гүйцэтгэх захирал Н.Эрдэнэбаатар нар Япон улсад ажлын айлчлал хийж байна. Өнөөдөр холбооны төлөөлөгчид Ойта муж болон Ойта мужын Таеквондогийн холбоотой хамтын ажиллагааны санамж бичигт гарын үсэг зурлаа. Энэхүү хамтын ажиллагааны хүрээнд Токио-2020 олимпийн их наадмыг угтан хоёр талын тамирчид харилцан туршлага солилцож хамтарсан бэлтгэл, хоёр талын зохион байгуулах тэмцээнд тамирчдаа харилцан оролцуулах зэрэг хэд хэдэн чухал ажлууд хийгдэхээр төлөвлөгдсөн байна. Хамтын ажиллагааны гэрээ байгуулахад Монголын талаас Монголын Таеквондогийн Холбоо ГҮТББ-ын удирдлагуудаас гадна Монгол улсаас Япон улсад суугаа Онц бөгөөд Бүрэн Эрхт Элчин Сайд Д.Батжаргал, Японы талаас Ойта мужын дарга Кацусада Хиросэ, Уса хотын дарга Шүжи Корэнага, Ойта мужын Таеквондогийн холбооны ерөнхийлөгч Нагано Осаму нар оролцлоо. Дашрамд сонирхуулахад 2017 онд Монголын таеквондогийн Үндэсний шигшээ багийн тамирчид Ойта мужын Таеквондогийн холбооны урилгаар 14 хоног хамтарсан бэлтгэл хийж байсан түүхтэй.