Их эзэн хааны театр-ын уран бүтээлчид алдарт С.Прокофьевын хөгжим, У.Шекспирийн цомнол Ромео, Жульетта балетыг энэ сарын 17, 18-нд УДБЭТ-ын тайзнаа тоглох гэж байна. Иймд Жульеттагийн дүрд тоглох гэж буй Монгол Улсын гавьяат жүжигчин, балетчин О.Анужин Жульеттагийндүрд тоглох болсондооо маш их баяртай байна. Энэ бол эмэгтэй жүжигчин бүрийн мөрөөдөл. Энэ боломжийг олгосон Их эзэн хааны театр-таа талархлаа илэрхийлье. Мөн БСШУС-ын сайд Ё.Баатарбилэгт сонгодог урлагийн сайхан уран бүтээл төрөн гарахад туслалцаа үзүүлсэнд баярлаж сууна гэсэн юм. Ромео Жульетта балетын уран бүтээлчид: Хөгжим С.Прокофьев Цомнол У.Шекспир Продюсер Э.Бэхтулга Найруулагч Д.Дашлхагва Удирдаач Т.Гэрэлцэцэг МУСТА Туслах найруулагч Х.Гэрэлчимэг МУГЖ Тулааны найруулагч У.Эрдэнэбаяр Тайзны конструктор Л.Мягмархүү Хувцасны оёдолчин Я Цэцэгдорж Зөвлөх: Хөдөлмөрийн баатар, Төрийн шагналт, Ардын жүжигчин Б.Жамъяндагва Зөвлөх: Азийн утга зохиолын шагналт зохиолч Д.Урианхай Зөвлөх: Ардын жүжигчин, Урлагийн гавъяат зүтгэлтэн П.Хаянхярваа Зөвлөх: Монгол улсын гавъяат жүжигчин Т.Туул

МЗХ-оос санаачлан 1984 оноос эхлэн жил бүрийн хавар хүүхэд, өсвөр үе, оюутан, залуучууд, насанд хүрэгчид болон ахмадын чөлөөт цагийг зөв соёлтой өнгөрүүлэх, бие бялдар, эрүүл мэнд, хөдөлгөөн, хөгжмийн боловсрол олгож, ёс суртахууны өв тэгш хүмүүжилтэй болгох зорилгоорХаврын баяр бүжгийн наадмыг зохион байгуулж ирсэн түүхтэй. Сүүлийн8 жил зохиогдоогүй тасарсан байсан энэхүү наадмыг энэ онд цэнгээнт бүжиг, үндэсний бүжиг, нийтийн бүжиг, хосын зохиомжит бүжиг гэсэнтөрлүүдээр05-р сарын 22-ны өдөр Монгол бөхийн өргөө-нд зохион байгуулахаар боллоо. 28 дахь удаагийн наадамд зориулсан нөхөрсөг уулзалт, үзэсгэлэн, 05-р сарын 21-ний 16.00 цагт Монголын Залуучуудын Холбоон дээр болно. Энэ үеэр Улсын хошой алтан медальт хамтлагууд болон энэхүү наадамд оролцож байсан үе үеийн хамтлагуудад зориулсан алдаршуулах үйл ажиллагаа, уулзалт тус тус зохион байгуулагдах юм. Хаврын баяр-2019 наадмынерөнхий зохион байгуулагчМонголын Залуучуудын Холбоо , хамтрагч байгууллага Монголын Бүжгийн Зөвлөл, Натурданс продакшн,Дэмжигч байгууллага ЗГХА Соёл Урлагийн газар, ЗГХА Гэр бүл, Хүүхэд залуучуудын хөгжлийн газар, Нийслэлийн Соёл Урлагийн газар, Монгол бөхийн өргөө , Монголын сурагчдын холбоо хамтран ажиллаж байна. Тус наадам нь Цэнгээнт бүжиг, Нийтийн цэнгээнт бүжиг, Үндэсний бүжиг, Хосын тэмцээн гэсэн төрлүүдээр явагдана. Оролцогчдод зориулсан техникийн зөвлөгөөнийг 05-р сарын 21ний 14.00 цагт МЗХ-ны байранд зохион байгуулах бөгөөд тэмцээнд оролцох мэдүүлгийг 05-р сарын 17 ны дотор 1.М[email protected] хаягаар хүлээн авна. Дэлгэрэнгүй мэдээллийг:myf.mnсайтаас болон9912-3300,9915-4255,9918-5381,88090551 дугааруудаас лавлана уу.

Монгол Улсын Цэргийн дуу бүжгийн чуулгын гоцлол дуучин, МУСТА Чулуунбаатарын Бадрал ОХУ-ын Якутск хотод болсон Айтилина Адамовагийн нэрэмжит олон улсын дуурийн дуу дуулаачдын уралдаанд тэргүүн байр эзэлсэн байна. Ч.Бадрал Гран При шагналааХойд нутгийн Кармен хэмээн алдаршсан Айтилина Адамовагаас гардан авчээ.Ч.Бадрал энэ жил дууны ургац нэн арвин байна. Дэлхийн дуурийн дуучдын Кардифф-2019 уралдааны урьдчилсан шалгаруулалтын сүүлийн шатанд шалгарч, дэлхийн шилдэг 19 дуучинтай тунан үлдэж, ирэх зургадугаар сарын 17-22-нд Уэлсийн Кардифф хотноо өрсөлдөх болсон. Мөн өнгөрсөн жил Италийн алдарт CHIGIANA академиас зохион байгуулдаг CHIGIANA international competition-2018 дуурийн дуулаачдын тэмцээний тэргүүн байрыг авч, Golden Star-2018 шагналын эзэн болсон билээ.

Монгол Улсаас БНЧУ-д суугаа ЭСЯ, кино сонирхогч монгол, чех иргэдтэй хамтран Прага хотын Пилот кино театрийн дэлгэцнээ 4 дүгээр сарын 24-27-ны өдрүүдэд Монголын кино фестиваль арга хэмжээг зохион байгуулж байна. Чех Улсад анх удаа зохион байгуулагдаж байгаа тус арга хэмжээний үеэр монголын орчин үеийн кино урлагийн эхэн үеийн шилдэг бүтээлүүд болох Аман хуур, Гарын таван хуруу, Мартагдашгүй намар зэрэг уран сайхны кинонуудаас гадна Бусаны олон улсын кино наадмын шилдэг бүтээл болох найруулагч С.Бямбын Алсын удирдлага, Хүсэл шунал зэрэг 1963-2015 оны хооронд хийгдсэн найман төрлийн уран сайхны болон баримтат киног чех хадмал орчуулгатайгаар нийтийн хүртээл болгож байна. Монголын кино урлагийн олон янзын төрөл, жанрын бүтээлүүдээс чехийн үзэгчид манай улсын түүх, соёл, нийгэм, ахуй амьдралын талаар таньж мэдэхийн зэрэгцээ 1990 оноос өмнөх болон дараа үеийн монголын кино бүтээлүүдийг харьцуулан үзэх, судлах боломж олгож байгаа нь энэхүү арга хэмжээний гол онцлог бөгөөд кино фестивалийг зохион байгуулахад Юнивишн, Гуру медиа зэрэг байгууллагууд дэмжлэг үзүүлэн хамтран ажиллаж байна.