Манай монголын кино урлаг хурдацтай хөгжиж байна. Энэ хэрээр дэлгэцийн маш олон бүтээлүүд ар араасаа цувран үзэгчдийн хүртээл болж, өөрсдийн чанар чансааг таниулсаар байгаа юм.Тэгвэл тун удахгүй нэгэн сонирхолтой дэлгэцийн бүтээл олны хүртээл болох нээ. Тодруулбал, 1970-иад оны үед монголын Зэвсэгт хүчний түүхэнд барилгын цэргийн ангийн цэргүүдийн бослого гаргаж байжээ. Гэвч уг үйл явдлын талаар хуучин улсын төв архивт ч баримт үлдээлгүй, хав дарсан байдаг аж.Уг үйл явдлыг ирэх есдүгээр сард СТА жүжигчин, найруулагч О.Бат-Өлзий, Fantastic production хамтран дэлгэцийн бүтээл болгож, үзэгч түмний улсын нууц асуудлыг ард түмнийхээ дунд задлах гэнэ. Кино зохиолыг Т.Төмөр-Очир бичсэн байна. Харин найруулагчаар нь та бидний сайн мэдэх Зүрхэнд шивнэсэн үг, Чиний эзгүйд, Уулын Төмөр, Хайрыг хайрла Ноён солиот зэрэг сор бүтээлүүдийг найруулсан О.Бат-Өлзий ажилласан юм байна.Маш нууц киноны продюсер Ардын жүжигчин С.Сарантуяа, туслах найруулагч жүжигчин, найруулагч СТА Б.Тамир нар ажиллажээ. Киноны гол дүрдүүдэд Э.Одбаяр, СТА.Б.Тамир, СТА.Б.Баярбат, СТА.Б.Батсайхан, СТА.Э.Алдар, Б.Ганчулуун, Б.Барслхагва, Ц.Амартүвшин, СТА.Ж.Алтаншагай,Г.Лхагвацэрэн, О.Дөлгөөн, СТА.Г.Золбоот, СТА Г.Чулуунцэцэг, Э.Баярмагнай, СТА.Ц.Төмөрхуяг, Төрийн соёрхолт, МУГЖ Ц.Төмөрбаатар, МУГЖ.Н.Нэргүйбаатар, СТА Д.Бямбацогт, МУГЖ Г.Равдан, СТА У.Батбаатар, СТА н.Энхбаатар нар тогложээ. Урлагийн гэр бүлийн гурван уран бүтээлч гар нийлэн ажиллаад улсын нууцыг хэрхэн задлахыг үзэгч та бүхэн ирэх сард сонирхоорой.

Дэлхийн таван том театрын нэг Москвагийн Их театрт дуулсан хоёр монгол дуучин байдгийн нэг нь Төрийн соёрхолт, Ардын жүжигчин Х.Уртнасан. Сопрано хоолойтой эмэгтэй дуучдын чадал чансааг шалгадаг Чио Чио Сан дуурийн Эрвээхэй хатагтайн дүр Х.Уртнасангийн нэрийн хуудас гэдэг. Тэрбээр залуу халуун явахдаа Аида дуурьт тоглохыг мөрөөддөг байсан гэдэг. Харамсалтай нь Айда манай ДБЭТ-ын тайзнаа 2011 онд дөнгөж тавигдсан юм. Энэ удаа Эпиопын гүнж, олзны бусгүйн дүрд МУГЖ С.Мөнгөнцэцэг тоглох юм байна. Мөн Радамесийн дүрд тенор Б.Гомбо-Очир, Амнерис буюу хааны гүнжийн дүрд меццосопрано СТА М.Дариймаа тоглох аж. WORD.MN Б.Бүжүүлэй

МУГЖ, Зууны манлай дуучин Б.Сарантуяа фото зургийн үзэсгэлэнгээ өнөөдрөөс эхлэн Blue moon уран зургийн галерейд нээх ажээ. Үзэсгэлэнд түүний олон жилийн туршид цуглуулсан өөрийн гэрэл зургууд байхаас гадна дуучин бүсгүйн өөр өөр араншинг илтгэх өвөрмөц зургууд ч бас багтсан гэнэ. Түүнээс гадна зууны манлай дуучин маань клипэнд тоглохдоо өмсч байсан хувцас, эд хэрэглэлээ тус үзэсгэлэнд дэлгэн үзүүлэх юм байна. Дашрамд хэлэхэд тэрбээр энэ жил уламжлал ёсоор төрсөн өдрийн тоглолтоо фэнүүддээ барихаар бэлдэж байгаа гэсэн. WORD.MN Б.Бүжүүлэй

Арав дахь жилдээ зохиогдож буй Гэгээн Муза наадам шилдгүүдээ тодрууллаа. Олон улсын наадам болж, хүрээгээ тэлсэн ньГэгээн муза-гийн энэ жилийн онцлог байв. Энэ жил драмын, хүүхдийн, инээдмийн, ганц хүний жүжиг гэсэн дөрвөн төрлөөр шилдгүүдийг шалгаруулсан юм. Гэгээн муза Х наадмын Гран-при шагналыг, Японы алдарт Генжийн туульс-аас сэдэвлэн зохиолч Б.Галааридын бичсэн, Г.Найдандоржийн найруулга, УДЭТ-ын бүтээл Эсрэг дурлал жүжиг хүртэж, таван сая төгрөгөөр шагнууллаа. Мөн тус жүжиг шилдэг найруулагч, шилдэг тайзны зураач, шилдэг эмэгтэй туслах дүрийн шагналыг тус тус хүртсэн байна. Зохиолч Б.Галаарид өмнө нь Шар тэнгисийн тарчлаан жүжгээрээ Гэгээн Муза гардаж байсан бол энэ удаа түүний зохиолыг нь бичсэн Эсрэг дурлал жүжиг дахин шагналын хур буулгалаа. Наадмын шилдгүүдийг танилцуулъя Драмын жүжгийн төрөлд: Шилдэг найруулагч Ч.Найдандорж, УДЭТ-ын бүтээл Эсрэг дурлал жүжгээр Шилдэг тайзны зураач Т.Ганхуяг, УДЭТ-ын бүтээл Эсрэг дурлал жүжгээр Шилдэг хөгжмийн зохиолч С.Сансаргэрэлтэх, УДЭТ-ын бүтээл Гамлет жүжгээр Шилдэг эрэгтэй гол дүр С.Болд-Эрдэнэ, УДЭТ-ын бүтээл Гамлет жүжгийн Гамлетийн дүрээр Шилдэг эмэгтэй гол дүр Цэнд-Аюуш, TV Cocktail продакшны Хоёр ертөнцийн буудал жүжгийн бүсгүйн дүрээр Шилдэг эрэгтэй туслах дүр Энхбаяр, TV Cocktail продакшны Хоёр ертөнцийн буудал жүжгийн Ерөнхийлөгчийн дүрээр Шилдэг эмэгтэй туслах дүр Ж.Оюундарь, УДЭТ-ын бүтээл Эсрэг дурлал жүжгийн шивэгчний дүрээр Инээдмийн жүжгийн төрөл: Шилдэг найруулагч Н.Пүрэвдорж, Дорноговь аймгийн Саран хөхөө театрын Скапений дамшиглал жүжгээр Шилдэг тайзны зураач Ч.Эрдэнбаатар, Дорноговь аймгийн Саран хөхөө театрын Скапений дамшиглал жүжгээр Шилдэг эрэгтэй гол дүр А.Баярсайхан, Дорноговь аймгийн Саран хөхөө театрын Скапений дамшиглал жүжгийн Скапений дүрээр Хүүхдийн жүжгийн төрөл: Шилдэг зохиолч Ц.Хулан, УХТ-ын бүтээл Лусын хааны охид жүжгээр Шилдэг найруулагч Ч.Түвшин, Архангай аймгийн ХДТ-ын бүтээл Чипполинод тохиолдсон явдал жүжгээр Шилдэг тайзны зураач Б.Бямбацэрэн, УХТ-ын бүтээл Лусын хааны охид жүжгээр Шилдэг хөгжмийн зохиолч Б.Мөнхболд, УХТ-ын бүтээл Лусын хааны охид жүжгээр Шилдэг эрэгтэй гол дүр Ч.Түвшинжаргал, Архангай аймгийн ХДТ-ын бүтээл Чипполинод тохиолдсон явдал жүжгийн Чипполиногийн дүрээр Шилдэг эмэгтэй гол дүр Б.Жаргалсайхан, Архангай аймгийн ХДТ-ын бүтээл Чипполинод тохиолдсон явдал жүжгийн улаан луувангийн дүрээр Шилдэг эрэгтэй туслах дүр Ц.Цэрэндорж, УХТ-ын бүтээл Лусын хааны охид жүжгийн алиа тийрэнгийн дүрээр Нэг хүний жүжгийн төрөл: Шилдэг зохиолч Д.Урианхай Цонхоор харсан хүн Шилдэг найруулагч Б.Баатар, Би Эдит Пиаф байна, Цонхоор харсан хүн жүжгүүдээр Шилдэг тайзны зураач Ч.Эрдэнэбаатар Хоосон зүүд жүжгээр Шилдэг эрэгтэй гол дүр Ментор Зумбираж, Хайрцган доторх жүжигчин жүжигчний дүрээр Шилдэг эмэгтэй гол дүр Д.Ганцэцэг Бурханд илгээсэн захидал жүжгийн Оскарын дүрээр Алтан муза гардлаа.

Татварын Ерөнхий Газраас Татвар төлөгчдийн өдөр-ийг тохиолдуулан Татвар амжилтын илэрхийлэл сэдэвт гэрэл зургийн уралдаан зарлажээ. Тус газраас энэ оныг Татварын суурийг өргөжүүлж, татварт хамрагдалтын түвшинг нэмэгдүүлэх жил болгон зарласантай холбогдуулан гэрэл зургийн сэдэв нь төрийн татварын бодлого, түүний хэрэгжилт, татвар төлөхийн ач холбогдол, татвараас зугтаахын хор уршиг, аж ахуйн нэгж, байгууллага, хувь хүн, өрх гэрийн нийгэмд оруулж буй хувь нэмэр, нийгмийн хариуцлагаа эрхэмлэн татвараа төлж буй нь амжилттай яваа бизнесийн нэр хүндийг өргөдөг тухай болон татварын албаны тулгамдсан асуудлын талаарх ойлголтыг нийгэмд үнэн зөвөөр сурталчилсан агуулгатай байх аж. Уралдаанд оролцохыг хүссэн гэрэл зурагчид дээд тал нь хоёр зураг ирүүлж болох бөгөөд түрүүлсэн гэрэл зурагчин 300,000 төгрөгийн шагналтай гэнэ. WORD.MN Б.Бүжүүлэй