Камертон хамтлаг энэ сарын 15-нд Zaisan event hall-д The Night with Camerton (Mini concert) тоглолтоо хийнэ. Тус хамтлаг үүсгэн байгуулагдаад 26 жил болж байгаа бөгөөд цар тахалтай холбоотойгоор хойшлогдоод байсан мини концертоо ийнхүү үнэнч фэйнүүддээ бэлэг барих гэж байна. Тоглолтын энгийн тасалбар 25 ам.доллар буюу 71 мянга, VIP тасалбар 100 ам.доллар буюу 285 мянган төгрөг аж.

Италийн Венец хотын Сан-Марко талбайдDolce Gabbana 2021 загварын шоу өнгөрөгч ням гарагт болж өндөрлөлөө. Загварын шоундЖеннифер Лопез, Крис Женнер, Сиара, Китти Спенсер, Нормани зэрэг алдартнууд зочноор оролцсон бөгөөд 100 гаруй шинэ өнгө төрхийг загварын тайзнаа амилуулжээ. Мөн загвар өмсөгч Ж. ЭнэрэлDolce Gabbana 2021 загварын тайзнаа алхаж шоунд нэгэн шинэ өнгө төрхийг нэмжээ. Тэрээр гялалзсан бор даашинзтай тайзнаа алхсан бөгөөд өөрийн Инстаграмдаа Долче Габбана. Мөрөөдөл минь байлаа хэмээн бичжээ. Ж.Энэрэл Нью-Йорк, Парис, Миланы загварын долоо хоногуудад оролцсон туршлагатай ба MIRRRS MODELS, Special Management, New York Models, Oui Management зэрэг загварын агентлагийн моделиор ажилладаг аж. Гараар урласан тансаг хээнцэр бүтээлүүд толилуулсан Долче Габбана-гийн энэхүү кутюр шоуг Женнифер Лопес, Шон Комбс, Дожа Кэт, Крис Женнер, Кортни Кардашиан, Сиара, Моника Беллуччи, Кристиан Бэйл, Дама Хелен Миррен, Китти Спенсер зэрэг 400 гаруй зочин үзсэн байна.

Олон улсын хүүхдийн Найрамдал цогцолбороос санаачлан зохион байгуулдаг авьяаслаг хүүхдүүдийн мөрөөдлийн гүүр болсон Мөнгөн хараацай олон улсын цахим наадмын гала тоглолт эхэлж байна. Сүүлийн 2 жилийн турш дэлхий дахинд нүүрлээд буй цар тахлын улмаас хүүхэд багачуудаа хүлээж авч чадахгүй байгаа хэдий ч бид үйлчилгээгээ цахим хэлбэрт шилжүүлж Мөнгөн хараацай олон улсын урлагийн цахим фестивалийг Швейцарын хөгжлийн агентлагтай хамтран 2 үе шаттайгаар амжилттай зохион байгууллаа. Өнөөдөр шилдгийн шилдэг авъяастнуудаа тодруулж байна. Энэхүү наадамд 170 гаруй авъяастнууд уран бүтээлээ цахимаар ирүүлсэн бөгөөд ОХУ, Камбож, Белорусь, Индонез, Афганистан зэрэг орны 40 гаруй хүүхдүүд оролцлоо. Ерөнхий шүүгчээр МУ-ын Хөдөлмөрийн баатар, төрийн соёрхолт бүжиг дэглээч С.Сүхбаатар, шүүгчдийн багт МУ-ын гавъяат багш С.Ганчимэг, Балжинням нар ажиллаж гоцлол дуу, гоцлол бүжиг, гоцлол хөгжмийн төрлүүдийн шилдгүүдийг тодруулж байна . Ардын урлагийн Мөнгөн хараацай олон улсын хүүхдийн урлагийн цахим наадмын гала тоглолтонд оролцож буй нийт авъяаслаг хүүхдүүддээ амжилт хүсье. Хамтран ажилласан Швейцарын хөгжлийн агенлаг болон дэмжин ажилласан Гэр бүл, хүүхэд залуучуудын хөгжлийн агентлаг, НҮБ-ийн Хүүхдийн төлөө сан, JCI Mongolia, Хилийн чанад дахь Монголчуудын зөвлөл, Монголын үндэсний зуслангуудын холбоо , Олон улсын Соёлын аялал жуулчлалын холбоо, Messenger of Peace ,REC MEDIA ХХК зэрэг байгууллагууддаа Найрамдал цогцолборын хамт олон талархаснаа илэрхийлье. Хүүхэд бүрийг урлагийн тэнгэр Янжинлхам бурхан ивээх болтугай. ​ ​ ​​ ​ ​

Гадаад харилцааны дэд сайд Б.Мөнхжин Монгол Улсын Соёлын элчээр томилогдсон Нийслэлийн Улаанбаатар чуулгын уран бүтээлч, СТА Бямбаагийн Нарандэлгэрт Монгол Улсын Соёлын элчийн гэрчилгээг өнөөдөр гардуулж өгөв. Соёлын элчээр шинээр томилогдсон Б.Нарандэлгэр нь монголын үндэсний биет бус өв болох хөөмий, цуур, хэл хуурыг олон улсад сурталчлан таниулахад үнэтэй хувь нэмэр оруулж байгаа бөгөөд монгол уламжлалт хөөмийг битбокстой хослуулсан Хөөмийбит этник шинэ төрөл жанрыг санаачлан хөгжүүлж байгаа бөгөөд үндэсний бүжиг, язгуур хөгжмийг битбокстой хослуулсан туурвисан уран бүтээл нь Улаанбаатар чуулгын урын санд бүртгэгдэж, дотооддоо болон олон улсад толилуулагдаж байна. Б.Нарандэлгэр нь Нийслэлийн ерөнхий боловсролын 60 сургуулийн 18,000 гаруй ахлах сурагчдад Үндэсний өв соёлын үнэ цэнийг таниулах нь төслийг амжилттай хэрэгжүүлж байгаагаас гадна Дэлхийн дээд амжилт болох Гиннесийн номонд нийт мянга гаруй хөөмийчдийн хамт нэгэн зэрэг хөөмийлсөн амжилтаараа бүртгэгдсэн монголын соёлын өвийг түгээн дэлгэрүүлэх үйлсэд хувь нэмрээ оруулсан уран бүтээлч юм. Б.Нарандэлгэр нь Монгол Улсын Соёлын элчээр томилогдон ажиллах хугацаандаа Монгол Улсыг, монголын соёл, урлагийг дэлхий дахинд идэвхтэй сурталчлан таниулах, хоёр орны иргэд хоорондын харилцааг хөгжүүлэх чиглэлээр ажиллах болно. Эх сурвалж: ГХЯ

Ододтой бүжиглэе шоуны ялагч Б.Баттөр шагналын 50 сая төгрөгөө өчигдөр НҮБ-ын Хүүхдийн санд хандивлажээ. Шагналын 50 сая төгрөг дээр НҮБ-ын Хүүхдийн сангаас 50 сая төгрөг нэмж, Өнөр бүл асрамжийн газарт бүрэн тохижуулсан Жюүжицү бие хамгалаалах спортын төв байгуулах юм байна. Шоуны ялагч Б.Баттөр энэ талаар, Асрамжийн төвийн хүүхдүүдийг спортын бэлтгэл хийх газартай болгож, бүрэн тохижуулж, хүүхдүүд өдөр бүр бэлтгэл хийх боломжоор хангах болсондоо баяртай байна. Энэ санаачилга цаашид өргөжиж, өнчин болон хотын захын хорооллын хүүхдүүд бие хамгаалах урлагаар хичээллэх спортын заалтай болоосой гэж хүсэж байна гэв.