Challenge cup 2013 тэмцээнээс хүрэл медаль хүртсэн монголын хоккейчид өнөөдөр 16.15 цагт эх орондоо ирнэ. Хоккейн шигшээ багийн хамтаар Монголын хоккейн холбооны тэргүүн С.Ганжаргал хамт яваа ажээ. WORD.MN Б.Бүжүүлэй

Монголын хоккейн шигшээ баг Тайландын Бангкок хотноо болсон Challenge cup 2013 тэмцээнээс хүрэл медаль хүртлээ. Өчигдөр болсон хүрэл медалийн төлөөх тоглолтод Монголын хоккейчид Кувейтийн шигшээ багийг 11:0-ийн харьцаатай буулгаж авлаа. Ингэснээр манай тамирчид хоккейн спортын түүхийн хуудаснаа нэгэн шинэ мөрийг бичлээ. 2008 оноос хойш жил бүр зохиогдож буй тус тэмцээнд 10 улсын баг оролцсон юм. Эдгээр багууд тав, таваараа хоёр хэсэгт хуваагдсан ба Монголын хоккейчид Энэтхэг, Макао, Хонгконг, Сингапур улсын багтай В хэсэгт сугалаа таарсан. Харин А хэсэгт АНЭУ, Тайланд, Малайз, Тайвань, Кувейт улсын шигшээ баг багтжээ. Тэмцээний хэсгийн тоглолтууд энэ сарын 16-21-ний хооронд Тайландын нийслэл Бангкок хотын Бангкок Арена-д болсон байгаа. Хэсгийн эхний дөрвөн баг шөвгийн наймд шалгарах зарчмаар тэмцээн үргэлжилсэн юм. Манай хоккейчид хэсэгтээ Энэтхэгийг 20:0, Макаог 6:1, Сингапурыг 3:2-ын харьцаатай хожсон бол Хонгконгийн багт 7:3-ийн харьцаагаар хожигдсоноор хэсгээсээ хоёрдугаар байраар шалгарсан юм. Улмаар хагас шигшээд үлдэх эрхийн төлөө Challenge cup тэмцээний хоёр удаагийн дэд аварга, талбайн эзэн Тайландын багтай тоглож 5:4-ийн харьцаагаар ялж, харин мөнгөн медалийн төлөөх Хонгконгийн багтай хийсэн тоглолтод 4:3-ийн харьцаагаар ялагдал хүлээсэн. Ингээд өнөөдрийн тоглолтод Кувейтийн багийг илт давуу ялснаар хүрэл медалийн эзэн боллоо. Challenge cup-ын аваргын төлөөх тоглолт өнөөдөр орой болно. Аваргын төлөө Хонгконг, Тайванийн шигшээ багууд өрсөлдөнө.

Ази тивд шайбтай хоккейгоор зэрэглэл доогуур орнууд өрсөлддөг Challenge Cup-2013 тэмцээн Тайландын нийслэл Бангкок хотноо үргэлжиж байна. 2008 оноос жил бүр зохиогдож эхэлсэн тус тэмцээнд манай хоккейчид энэ жил амжилт дүүрэн оролцож байна. Тэмцээнд 10 улсын баг оролцож байгаагаас манай хоккейчид В хэсэгт Энэтхэг, Макао, Хонгконг, Сингапур улсын багуудтай нэг хэсэгт орсон. А хэсэгт АНЭУ, Тайланд, Малайз, Тайвань, Кувейт улсын баг багтжээ. Манай хоккейн шигшээ баг хэсэгтээ дөрвөн тоглолт хийснээс гурван хожил, нэг хожигдолтой хэсгээсээ хоёрдугаар байраар шалгарсан. Улмаар медалийн төлөөх тоглох эрхийн төлөө эзэн орны багтай тоглож 5:4-ийн харьцаагаар ялалт байгууллаа. Манай шигшээ багт наймын шигшээд ялагдсан Тайландын багийн хувьд хэсгийн тоглолтод Кувейт (10:0), Малайз (16:3), АНЭУ(3:2)-ыг хожиж Тайваньд 3:2-оор ялагдаж хэсгээсээ хоёроор шалгарсан байна. Гуравдугаар сарын 16 Монгол-Энэтхэг 20-0 Гуравдугаар сарын 18 Монгол-Макао 6-1 Гуравдугаар сарын 20 Монгол-Сингапур 3-2 Гуравдугаар сарын 21 Монгол-Хонгког 3-7 Хэсгээсээ гурван хожил, нэг хожигдолтой Монголын шигшээ баг хагас шигшээд өрсөлдөх эрхийн төлөө талбайн эзэн орны багтай өнөөдөр тоглож ялалт байгууллаа. Гуравдугаар сарын 22 Монгол-Тайланд 5-4 Манай шигшээ баг мөнгөн медалийн төлөө Хонгконгийн багтай маргааш тоглоно. Тус багийг хожвол мөнгөн медалийн болзол хангаж Сhallenge Cup-2013 тэмцээний цомын төлөө өрсөлдөнө. Хонгконгийн багийн хувьд хэсгийн тоглолтод манай багийг 7:3-ийн харьцаагаар хожиж улмаар АНЭУ-ын багийг 6:3-аар ялснаар хагас шигшээд шалгараад буй. Монгол-Хонгконгийн багийн тоглолт маргааш манай цагаар 17.00 цагт эхлэх юм. Хонгконгийн шигшээ багийн хувьд Сhallenge Cup тэмцээнээс 2008 онд хүрэл, 2011 онд алтан медаль авч байсан байна.

Казак түмний Наурызын баярт зориулсан аймаг цэргийн цолтой болон залуу 256 бөхийн барилдаан өчигдөр /03.20/ Монгол бөхийн өргөөнд болж өндөрлөлөө. Барилдааныг МҮБХ, Баян-Өлгий аймгийн ЗДТГ, нутгийн зөвлөл, Бес Богда бүргэд дэвжээ хамтран зургаа дахь жилдээ зохион байгуулсан юм. Өчигдрийн барилдаанд аймгийн хурц арслан Ч.Батчулуун, Ш.Мөнгөнбаатар, А.Алтанхуяг, Ш.Шинэбаяр, Б.Одгэрэл, аймгийн арслан А.Сүмбээ, Б.Батхуяг, Б.Дэлгэрсайхан, Б.Суманчулуун, О.Мөнхтөр, Ц.Нямдорж, Б.Баатарцол, Л.Лха-Очир, М.Еркебулан нарын тэргүүтэй аймаг цэргийн цолтой болон залуу 256 бөх зодоглосноос Төв аймгийн Баяндэлгэр сумын харьяат ШШГЕГ-ын Сүлд спорт хороо, Дүнжингарав дэвжээ, Нью хаппи группийн бөх, зүүний магнай аймгийн хурц арслан Ч.Батчулуун найм даван түрүүлж, Говь-Алтай аймгийн Жаргалан сумын харьяат ШШГЕГ-ын Сүлд спорт хороо, Хантайшир дэвжээ, Засгийн газрын авто баазын бөх аймгийн хурц арслан Ш.Шинэбаяр долоо даван үзүүрлэлээ. Ч.Батчулуун арслан нэгд Баян-Өлгийн А.Серикболыг, хоёрт Өвөрхангайн С.Галданцогтыг, гуравт Говь-Алтайн с.з Х.Алтангэрэлийг, дөрөвт Баян-Өлгийн с.з Б.Төмөрбаатарыг, тавд а.н Э.Элбэгбаярыг, зургаад а.а Б.Ганбаатарыг, долоод а.з Л.Цээсүрэнг, наймд а.х.а Ш.Шинэбаярыг тус тус орхин түрүүлсэн юм. Шөвгийн дөрөвт Баян-Өлгий аймгийн Булган сумын харъяат Хилчин спорт хороо, Бесбогда бүргэд дэвжээ, Рысжан ХХК-ний бөх аймгийн арслан Б.Баатарцол, Увс аймгийн Тэс сумын харьяат Увснуур дэвжээний бөх аймгийн заан Л.Цээсүрэн нар шалгаран үлдэв. Б.Баатарцол арслан өнгөрсөн жилийн барилдаанд мөн их шөвөгт шалгарч байсан билээ. Зургаагийн даваа 1. Ч.Батчулуун а.х.а - Б.Ганбаатар а.а 2. Ш.Мөнгөнбаатар а.х.а - Ш.Шинэбаяр а.х.а 3. Б.Баатарцол а.а - Н.Батсайхан а.а 4. Л.Цээсүрэн а.з - Б.Тайван а.н Долоогийн даваа 1. Ч.Батчулуун а.х.а - Л.Цээсүрэн а.з 2. Ш.Шинэбаяр а.х.а - Б.Баатарцол а.а Наймын даваа 1. Ч.Батчулуун а.х.а - Ш.Шинэбаяр а.х.а /түрүүлсэн/ /үзүүрлэв/

Монгол Улсын Ерөнхийлөгчийн ивээл дор зохион байгуулагдаж буй долоо дахь удаагийн Дуулиан-2020 тэмцээний хэсгийн хоёр дахь тоглолтууд өнгөрсөн амралтын өдрүүдэд явагдлаа. Энэ жилийн тэмцээнд нийт 53 сургуулийн 202 баг 8 насны ангилалд өрсөлдөж байна. Өнгөрсөн долоо хоногт хэсгийн 75 тоглолт явагдаж сүүлийн тоглолтууд ирэх амралтын өдрүүдэд болж шигшээ 32-д өрсөлдөх багууд тодорно. Энэ жилийн тэмцээний нэгэн онцлог бол хэсгийн тоглолтууд хариу тоглолтгүй явагдах журам юм. Тиймээс ч хэсгийн тоглолт бүр хариуцлагатай, чухал гэдгээрээ онцлогтой юм. Ихэнхи багууд энэ долоо хоногт хэсгийнхээ хоёр дахь тоглолтуудаа хийлээ. Үүнээс хэд хэдэн баг дараагийн шатанд буюу шөвгийн тоглолтод шалгарах болзлоо хангаад байна. Үүнд: 1.БЗД-ийн МИГ Даатгалын ивээн тэтгэсэн 92-р сургуулийн 17 насны ангилалын баг 2 тоглолтондоо өрсөлдөгчөө хожсоноор хэсгээсээ 1-р байраар шалгарах болзлоо хангалаа. 2.БГД-ийн ХасБанкны ивээн тэтгэсэн Оюуны Ундраа цогцолбор сургуулийн 13 болон 17 насны ангилалын багууд хэсгээсээ мөн л 1-р байраар шалгарлаа. Харин Онч Аудит ХХК-ийн 28-р сургуулийн 13 болон 15 насны багууд 100% амжилттайгаар хэсгийн нэгдүгээр байраар шалгарлаа. 3.Чингэлтэй дүүргээс 11 насны ангилалын хэсгээс Сэлэнгэ Пресс ХХК-ийн 5-р сургууль болон Саммит ХХК-ийн 24-р сургуулиуд нэг ч хожигдолгүйгээр дараагийн шатанд шалгарлаа. 5-р сургууль энэ жил 4 насны ангилалд оролцож байгаа ба бүх багууд нь шөвгийн 32-т үлдэх болзлоо хангалаа. 4.Харин СБД-ээс ХасБанкны ивээн тэтгэсэн 71-р сургуулийн 11 болон 13 насны ангилалын багууд мөн л шөвгийн тоглолтонд тоглох эрхээ авлаа. 5.Хан-Уул дүүргээс ТЭЦ IV-ийн ивээн тэтгэсэн 34-р сургууль нь 15 болон 17 насны ангилалдаа хожил байгуулснаар тухайн дүүргээс дараагийн шатанд шалгарах эрхээ авсан анхны баг боллоо. Бусад багуудын хувьд гуравдугаар сарын 16-17-ны өдөр хэсгийн сүүлийн тоглолтуудаа хийж дараагийн шатанд шалгарах эсэх нь тодрох юм. Зарим өрсөлдөөнтэй хэсгийн тоглолтуудын тухайд. Үүнд: БЗД-ийн 17 насны ангилалын B хэсэг тун өрсөлдөөнтэй байна. Учир нь Шинэ Монгол сургууль болон Ти Си Ай ХХК-ийн 14-р сургуулиуд гурван оноотой хэсгийн 2, 3-р байранд байгаа бол The English School of Mongolia 6 оноотойгоор хэсгээ тэргүүлж байна. Ирэх амралтын өдрүүдэд Шинэ Монгол болон The English School of Mongolia хоорондоо тоглох бол 14-р сургууль Хас Лизинг ХХК-ийн Баянзүрх ЦС-тай тоглоно. Энэ гурван багийн оноо тэнцэх магадлал тун өндөр байгаа. Харин ЧД-ийн Саммит ХХК-ийн 24-р сургуулийн 15 насны ангилалын баг тамирчид энэ долоо хоногт СХД-ийн 9-р сургуультай тоглох юм. Энэ 2 баг хоорондоо хэсгийнхээ тэргүүн байрны төлөө 24-р сургуулийн талбай дээр өрсөлдөх юм. Тэд хэсгийнхээ нөгөө 2 багаа илт давуугаар хожсон байна. Баянгол дүүргийн 11 насны ангилалын хэсгийн тоглолтууд мөн л өрсөлдөөнтэй явагдаж байна. Энэ хэсэгт 20-р сургууль дараагийн шатанд шалгарах боломжгүй болсон бол Онч Аудит ХХК-ийн 28-р сургууль гурван оноотой, ХасБанкны Оюуны Ундраа цогцолбор сургууль болон 40-р сургуулиуд дөрвөн оноотой эхний гурван байранд явна. Сүүлийн толголтууд 28-р сургууль дээр Оюуны Ундраа цогцолбор сургууль зочлон очих бол 20-р сургууль 40-р сургууль дээр очих юм. СБД-т Худалдаа Хөгжлийн Банкны ивээн тэтгэсэн 1-р сургууль дөрвөн насны ангилалд оролцож байгаа ба сүүлийн тоглолтондоо тэд 4-үүлээ дараагийн шатанд шалгарахын тулд өрсөлдөх юм. Тэд эзэн багаар тоглох ба 3-р сургуулийн баг тамирчид ирж тоглох юм байна. Хан-Уул дүүргийн 13 насны ангилалын A болон B хэсгүүд маш их өрсөлдөөнтэй явагдаж байна. Аль аль нь 5 багтай хэсэг болохоор аль ч баг гарах магадлалтай. Keisy Fine-ийн 75-р сургууль 9 оноотой гарах нь ойлгомжтой бол тэр хэсгээс ТЭЦ IV 34-р сургууль, ХасБанкны Буянт Ухаа цогцолбор сургууль болон 32-р сургуулиуд 2-р байраар шалгарахын төлөө өрсөлдөх юм. Нөгөө хэсэгт 41-р сургууль 9 оноотой ноёрхож байгаа бол 114-р сургууль, ХасБанкны 118-р сургууль болон 26-р сургуулиуд мөн л 2-р байрны төлөө тоглох юм. Харин охидын насны ангилалд мөн л өрсөлдөөнтэй хэсгүүд хэд хэд байгаа. Охидын 17 насны ангилалын үхлийн хэсэг гэж нэрлэгдэх B хэсэгт ТэнГэр Санхүүгийн Нэгдлийн Амгалан цогцолбор сургууль нь одоогоор 6 оноотой 1-р байранд бичигдэж байгаа бол Хасу Мегаватт-ийн 10-р сургууль 4 оноотойгоор, ХасБанкны 58-р сургууль 1 оноотойгоор удаах байруудад бичигдэж байна. Охидын 15 насны ангилалд DDISCH TV-ийн ивээн тэтгэсэн 65-р сургууль болон 85-р сургуулиуд 2-р байрны төлөө өрсөлдөх юм. Дуулиан-2020 тэмцээний хэсгийн сүүлийн тоглолтууд ирэх амралтын өдрүүдэд (03.16-17) 33-р сургууль, 10-р сургууль, 1-р сургууль, Шинэ Монгол, 79-р сургууль, 24-р сургууль, 40-р сургууль, ОУЛСургууль, 41-р сургууль, 92-р сургууль, Амгалан ЦС, 2-р сургууль, 58-р сургууль болон 65-р сургуулиуд дээр тус тус хувиарийн дагуу явагдах юм. Шөвгийн тоглолтын сугалааны үйл ажиллагаа одоогоор гуравдугаар сарын 20-ны өдрийн 14,00 цагт болохоор төлөвлөгдөөд байна. Та бүхэн хүрэлцэн ирж Монгол Улсын хөлбөмбөгийн ирээдүйн авъяастнууд болох баг тамирчдаа, хүүхдүүдээ болон найз нөхдөө өргөнөөр дэмжээрэй. Илүү дэлгэрэнгүй мэдээллийг www.duulian2020.mn болон Facebook, Twitter хуудаснаас авч болохоос гадна 99851029, 95699778, 99500214 гэсэн дугааруудаас лавлах боломжтой. Их Талын Дуулиан ТББ