арын 15 Монгол Улсын гарамгай баатар Лодонгийн Дандарын баатарлаг гавьяаг өгүүлсэн Бууны сумыг буцааж болдоггүй уран сайхны киноны нээлт өнөөдөр баатарын төрсөн нутаг Булган аймагт боллоо. Нээлтийн үйл ажиллагаанд УИХ-ын гишүүн Ж.Бат-Эрдэнэ, Төрийн шагналт, Ардын уран зохиолч Б.Догмид, МУГЖ Н.Батцэцэг нар оролцлоо. Алаг морьт баатар гэж алдаршсан Лодонгийн Дандар нь 1914 онд Булган аймгийн Бүрэгхангай сумын Рашаант гэдэг газар төржээ. Тэрээр 19-хөн насандаа эх орон, газар нутгаа хамгаалахаар Ардын цэрэгт татагдсан байна. Л.Дандар Тамсагийн 6 дугаар дивизийн 17 дугаар морьт хороог удирдаж байсан бөгөөд 1939 оны Халхын голын байлдаанд хошууч Ч.Шаарийбуугийн командалсан 6 дугаар морьт дивизид гал мэсийг сөрөн хамгийн түрүүнд тулалдаанд орж гарамгай гавьяа байгуулж байсан түүхтэй. Бууны сумыг буцааж болдоггүй кино зохиолыг Төрийн шагналт, Ардын уран зохиолч Б.Догмид бичиж, МУУГЗ Т.Солонго продюсерээр ажиллан МУСТА П.Дэлгэрбаяр найруулжээ. Баатар Л.Дандарын дүрийг залуу жүжигчин Ж.Алтаншагай бүтээсэн бөгөөд нээлтийн үйл ажиллагааны үеэр Бууны сумыг буцааж болдоггүй киноны зохиолч, найруулагч, продюсер, гол дүрийн жүжигчин нарт УИХ-ын гишүүн Ж.Бат-Эрдэнэ Булган аймгийнхаа баатарын алдар гавьяаг мөнхөлсөн уран бүтээл хийж аймаг орон нутгийнхаа хөгжил дэвшилд үнэтэй хувь нэмэр оруулсныг нь үнэлж Аймгийн Тэргүүний ажилтан цол тэмдгийг гардууллаа.

Дуучин Д.БолдVandebo хамтлагтай шинэ оны босгон дээр Чамд сонсогдож байна уу дууны клипээ цацаж, залуусыг байлдан дагуулав. Чамд таалагдаж байна уудууны үгийгVandebo бичиж, хөгжмийг Д.Болд зохиожээ. Харин хоолойн бичлэгийг440Hz records бичүүлсэн бөгөөдхөгжмийн бичлэгийг The Library Records хийсэн байна. Мөн The Lemons хамтлагийн бөмбөрчин Өөжгий, Гитарчин Мөнх-Оргил,Swing Rotund хамтлагийн Оюунболд аргил гитарыг тоглосон байна. Дууны тохируулгыг Upside Down Dog Studio, Alex Reverberi (USA) дууны эцсийн мастер тохируулгыгUnited Mastering - Warren Sokol (USA)-д хийж,клипийгTJ Entertainment -д бүтээжээ. Түүнчлэн Урангоо, Хүслэн, Биндарьяа, Мөнх-Эрдэнэ нар бүжиглэсэн бөгөөд нүүр make-up Artist Цолмон ажиллажээ. Сонирхуулахад, Дуучин Д.Болд 440Hz records-ын албан ёсны нээлтээ хийж, хөгжимд дурлагч залуустаа өөрийн уран бүтээлээ хүргэхээс гаднаVoice of Mongolia шоунд түүний багт байсан залуу уран бүтээлчдийн гайхалтай гэрэл асаасан дуунуудыг олны хүртээл болгосон билээ.

Sweetymotion хамтлагийн продюсер, Никитон хамтлагийн даралтат хөгжимчин Б.Чинбат, түүний эхнэр Sweetymotion хамтлагийн дуучин Ц.Сарнай нар БНСУ-ын Сөүл хотноо мэс засалд орж, үргэлжлүүлэн эмчилгээ хийлгэж байгаа билээ.Санхүүгийн нөхцөл байдлаас шалтгаалан эмчилгээ хийлгэхэд бэрхшээл гарч байгаа тул Монголын урлагийн салбарын олон уран бүтээлчид нэгдэн, уран бүтээлч гэр бүлд туслах Хос зүрхээ хамгаалъя хандивын аян өрнүүлж байна. 2020 оны хоёрдугаар сарын 1-нд Niciton Friends тоглолт, хоёрдугаар сарын 2-нд мэргэжлийн урлагийн байгууллагуудын нэгдсэн Аравт тоглолтуудыг зохион байгуулахаар болсон юм. Ингээд бид хоёрдугаар сарын 2-нд зохион байгуулагдахаар товлогдоод байгааАравт тоглолтын Ерөнхий найруулагч Н.Болдтой ярилцсанаа хүргэе. -Цувралаар хүргэх тоглолтын талаар дэлгэрэнгүй мэдээлэл хүргээч? -Хос зүрхээ хамгаалъя аяны хүрээнд Монголын урлагийн уран бүтээлчид цуврал тоглолтыг зохион байгуулах гэж байна. Хоёрдугаар сарын 1-нд Nikiton friends рок попын тоглолт, хоёрдугаар сарын 2-нд мэргэжлийн урлагийн байгууллагуудын Аравт тоглолт болно. Миний бие Аравт тоглолтын Ерөнхий найруулагчаар ажиллаж байна. Чинбаа, Сарнай хоёрын элэг шилжүүлэн суулгах хагалгаа амжилттай болсон ч хагалгааны дараах эмчилгээ маш чухал байдаг. Хоёр уран бүтээлчид сэтгэлийн дэм маш их хэрэгтэй байгаа учраас Монголын урлагийн байгууллагууд нэгдэн нийлж, томоохон тоглолтыг зохион байгуулахаар бэлтгэл ажлаа эхэлж байна. -Аравт тоглолтод ямар уран бүтээлчид оролцох вэ? -Хоёрдугаар сарын 2-нд болох мэргэжлийн урлагийн байгууллагуудын тоглолтын нэрийг Б.Чинбатынхаа бүтээлийн нэрээр нэрлэсэн. Тоглолт мэдээжМонгол гэр бүл бүр аз жаргалтай байгаасай, элэг бүтэн байгаасай гэсэн агуулгатай. Тоглолтод олон уран бүтээлчид оролцохоор саналаа өгч байна. Төрийн мэргэжлийн урлагийн байгууллагууд буюу Улсын драмын эрдмийн театр, Үндэсний урлагийн их театр, Дуурь бүжгийн эрдмийн театр, Улсын филармони, Морин хуурын чуулга, Цэргийн дуу бүжгийн эрдмийн чуулга гээд бүрэн бүрэлдэхүүнээрээ оролцохоор саналаа өгсөн. Хөтөлбөрөө гаргасны дараа тоглолтод оролцох уран бүтээлчдийн нэрс тодорно. Бидний баримталж буй өөр нэг санаа бол гэр бүлийн уран бүтээлчдийг оролцуулах төлөвлөгөөтэй байна. Гэр бүлээрээ уран бүтээл хийдэг дуучидтай холбогдож байна. -Тоглолтын үргэлжлэх цаг, тасалбарын үнийг үзэгчид сонирхож байгаа байх? -Үргэлжлэх цагийн тухайд хоёр цаг 30 минутаас багагүй хугацаатай байхаар төлөвлөж байна. Учир нь Монголын бүх уран бүтээлчид Би ямар уран бүтээлээ хүргэж тус болох вэ, тоглолтод оролцмоор байна гэх саналуудыгирүүлж байгаа. Бид ярилцаад, бүтээлээ сонгож, тодорхой цагтаа багтаах хэрэгтэй. Билетийн тухайд 25мянган төгрөгийн үнэтэй байхаар ярилцаж тохиролцсон байгаа. -Үндэсний урлагийн байгууллагууд бүрэн бүрэлдэхүүнээрээ оролцох байх. Яг ямар байдлаар нэгдэх вэ? -Иргэд ярихдаа Ямар азтай юм бэ. Гэр бүлийн хоёр нэг нь нэгэндээ донор болчихлоо гэж яриад байгаа болохоос эхнэр, нөхөр хоёулаа маш хүнд хагалгаанд орсон гэдгийг сайн мэдрээгүй байх. Энэ нь зүгээр нэг хувцсаа тайлаад нэгэндээ өмсүүлсэн зүйл биш, хоёулаа яг адилхан мэс засалд орсон гэсэн үг. Эрхтнээ огтлуулна гэдэг тийм амархан зүйл биш. Тийм учраас бид энэ тоглолтод Чинбаагийн уран бүтээлээс гадна Сарнайгийнхаа гайхалтай хатан ухаан, зориг, тэвчээрийг магтан дуулна. Чинбаагийн уран бүтээлийг Морин хуурын чуулга, Монгол төрийн үндэсний хөгжмийн их найрал тоглоно. Мөн Чинбаатай хамтарч тоглодог уран бүтээлчид ая, дуугаа өргөнө. Улсын драмын эрдмийн театрын хувьд хамтарсан тоглолтод оролцоно. Мөн алдарт Ромео, Жульета жүжгийг тусад нь тоглож, орлогоо хандивлахаар төлөвлөж байгаа.